رواية احلى صدفة بحياتي

الجزء الثاني والعشرون

نزلوا البنات ورغد تأخرت شوي لانها تجمع اغراضها..
ركبوا البنات السياره عبير قدام والعنود وراها وريم في الوسط وخلو مكان رغد ورى وليد..

وليد: باقي احد ولا امشي..

العنود: باقي رغد..

وفي اللحظه هذي جات رغد شافت انها راح تكون ورى وليد قامت تطق الشباك على العنود..

العنود فتحت الشباك:خير..

رغد وهي مفتشله: افتحي الباب وريم زحفي يله..

العنود:روحي للجهه الثانيه لا يجيك كف يعدل راسك..

رغد وهي معصبه: هين يا عنيد..

وراحت للباب الثاني..
وليد كان مبتسم ومبسوط لان اخته ما خلت رغد تركب من الجهه الثانيه عشان يقدر يطالعها..

رغد ركبت:السلام عليكم..

الكل: وعليكم السلام..

ريم: وجع ليش تأخرتي..

رغد تهمس لها:كنت اجمع اغراضي
وتحركوا

وفي نص الطريق..

وليد: احم....تصدقون بنات اليوم شفت واحد لابس ابيض واسود كان طالع عليه شي مو طبيعي"ويطالع رغد في المرايه"

رغد انصدمت من الكلام اللي قاله وطالعته في المرايه عشان تتأكد اذا كان قاصدها ولا لأ وطاحت عينها في عينه وهو مبتسم ابتسامه تدوخ..

عبير: طيب كل العيال يلبسوا ابيض واسود..

وليد: لالا هذا شي ثاني..

العنود: طيب يعني قصدك ان لبسه غريب او التيشرت غريب ولا وش قصدك..

وليد وهو شاق الخشه: لالا مو غريب الا اغرب من الغريب..

العنود وعبير سكتوا لانهم ما فهموا وش السالفه فا سكتوا..

اما ريم ما فاتها هذا الشي وعرفت ان يقصد رغد..وليد كل شوي يطالع رغد"يا ناس هالعيون تذبح والله تذبح"
وقعد يقلب في الاغاني لما حصل اغنيه راشد الماجد"العيون"

وليد:هذي اهداء خاص لكم يا بنات..

العنود: وليد ممكن اسأل سؤال..

وليد:امري اانتي..

العنود: وش متعشي امس اخاف انك متسمم..ولا اكيد تعبان..

وليد:مو انا التعبان قلبي التعباااااان...

عبير:لالا اخوك يا العنود شارب شي..

وليد: اسمعوا الاغنيه وانتوا ساكتين

$$$$$$$$$$$$$$$$$$$$$$

سود العيون كبار والشامه حلوه..شايل جمال الكون وباليني بلوه..
هالعيون وشلونا ميلها..سحر ذوبني بغزلها..
بوسه من عندك حبيبي..تسوى عندي الدنيا كلها..
ياضوى عيوني وحياتي..قلب اقدم هديه..
اطلب اش ما ردت مني..قول وادلل علي.
انت مني وانا منك..مستحيل ابتعد عنك..
ابتسم يا بعد عمري..ضحتك ماكو مثلها..
ذاب قلبي بالمحبه..لا تظن عنك اتوب..
طيرت عقلي بغرامك..ياما ذوبت القلوب..
انت حبي نبض قلبي..بس تعال شويه قربي.
يا اعز انسان عندي...واغلى من هالناس كلها

$$$$$$$$$$$$$$$$$$$

رغد خلاص ذابت في مكانها"يقصدني انا ..يعني وليد صدق يحبني يا ويلي وش هالمصيبه اللي نزلت علي ..طيب انا ما احبك يا وليد .حرام اللي تسويه فيني ..مشكلتي اني ارحمك وماودي اصدمك واقولك اني ما احبك ولا حتى فكرت فيك"

ريم في نفسها:مسكين يا وليد باين حبك لرغد بس ما اظن ان رغد راح تكون لك او تكن لك أي مشاعر غير الاخوه والله كسرت خاطري على ثقالة دمك"

وصلوا بيت عمتهم كانت مكلة فجر ملكه عائليه عشان الزواج يكون كبير فا ماكان فيه احد غريب دخلوا البنات بيت عمتهم..وسلموا على الحريم وباركوا لام فواز ولام فيصل..وطلعوا لعند فجر ودخلوا عليها..

العنود:هلا والله بعروستنا..

فجر وهي خانتقتها العبره:هلا والله بأهلي وعزوتي وناسي..

رغد:مبروك فجوره وعقبال البقيه..

ريم:امييين ..مبروك فجوره بعد قلبي والله تكسرين الخاطر..

عبير:ليش شايفتها تشحذ..اقول وخري "وضمت فجر"مبروك يا فجر منه المال ومنك العيال.

فجر وهي خايفه: أي عيال واي خرابيط احس اني بكنسل الملكه الحين..

العنود: لا يا فجير لا تتهورين بعدين اخاف تعنسين..

فجر:بنات خايفه احس اني بموت..

رغد: هدي يا قلبي والخوف شي طبيعي بس سيطري عليه واذكري الله وما راح يصير الا الخير..

ريم:خلاص يافجر اليوم تاكدت ان خلاص راح تتركينا والله ماني مصدقه..

عبير:ريم لا تضيقين صدرها..بعدين هي بتهاجر تراها في بيت خالتك وبتحصلينها في بيت عمتك يعني ما راحت..

العنود:ولو بتصير حرمه وتجلس مع العجايز واحنا ما نخلي متزوجات معانا يخربونا بعدين.

دخلت نوف:الحين اكيد مجتمعين على اختي ومحجرين لها عشان تضيقون صدرها..

رغد: افااا وش قالوا لك يهود ما نحس..

ريم: صح احنا عرابجه بس مو لدرجة عديمين الاحساس..

عبير: كل واحد يتكلم عن نفسه انا من اليوم وطاالع ما راح اروح الا مع نوف وشجون..

رغد:صح ذكرتيني اتصل على الهنوف مابعد جات..واتصلت عليها..

رغد: الووو..

الهنوف: هلا والله..

رغد:وينك؟؟

الهنوف: انا قريبه تعالي عند الباب استقبليني انا والوالده..

رغد:لا تتدلعين وتتشرطين..

الهنوف: مو من حقي ولا...

رغد: الا من حقك واذا الهنوف ما تدلعت من يتدلع..

العنود قاطه:انااااا..

رغد: ووووع مالت عليك....اقول الهنوف الحين انا نازله يله باي..

الهنوف:باي..

ونزلت رغد عند الباب..

ودخلت الهنوف وامها سلمت رغد على ام تركي:هلا والله خالتي..

ام تركي: هلا بنيتي وش اخبارك عساك بخير..

رغد: بخير تفضلي خالتي الحريم قدامك..

الهنوف: اهلين..

رغد: هلا والله وغلا..

الهنوف: وحشتيني يا رغودة قلبي..

رغد: اليوم شافتني في المدرسه..بس تسلمين..

الهنوف: عاد جامليني شوي..

رغد: هههه طيب تفضلي..

الهنوف : زاد فضلك..

رغد: اخوك دخل عند الرجال..

الهنوف: اكيد..

وتوهم بيدخلون الا رن موبايل رغد..

رغد: الووو..

ام مشاري: رغد..

رغد: هلا..

ام مشاري: قولي للسايق يجيب الاغراض اللي وصيته عليه..سمعتيني قلبي..

رغد: ابشري يمه مع السلامه..

رغد: هنوفه قلبي تفضلي وانا الحين بجيك بعد شوي اوكي..

الهنوف: اوكي..
راحت رغد جابت لها طرحه عشات تكلم السايق عند بوابة الرجال..

رغد: راجو.....راجو..
انفتح باب الرجال..
رغد وهي تعدل الطرحه زين :راجوا اسمع....................

تركي: اصير لك راجو اذا بغيتي..

رغد منصدمه: تركي..
تركي دخل شوي: ا نشا الله كنتي بتكلمبن السايق كذا"وقعد يطالعها من فوق لتحت وفستانها القصير..
رغد استحت وماتت حيا بس تكابر: اولا مو عيب عليك تطالع ناس مو محارمك ثاني شي كيفي انا حره..
تركي عصب شوي: لا مو كيفك وش تبين منه..
رغد: يا ربيه وانت وش عليك..
تركي: حرمتي كيفي<<زلة لسان..
رغد صار وجهها احمر وموف من الحيا وراحت عنه..
تركي وهو يطالعها..وهي تمشي"يا حلوها..ولابسه قصير بعد شكلها تبيني احفر قبري في بيتهم.اااخ الاسود والابيض اعشقه يا ناس من بعد ماشفته عليها..بس صدق اني ما استحي شكلي صدقت انها حرمتي..ماعليه قريب انشالله وتصير حرم تركي.."
قطع عليه وليد...
وليد وهو ماله خلق:تركي تفضل..ليش واقف..
تركي"اووووف وش يبي هذا":زاد فضلك..
دخلوا مجلس الرجال اللي كان مليان سلم تركي على فيصل وابوه وابو فواز وفواز وطلال وبارك لهم..وجلس يدور سليمان..
تركي: شكله ما جا..
مشاري: تقصد سليمان..
تركي: ايه..
مشاري: توني متصل عليه يقول قريب..
تركي:زيين..
&&&&&&&&&&&&&&&&&&&&
عند الحريم..
دخلت رغد ووجها احمر وموف وازرق ..كل الالوان فيه شافتها الهنوف وراحت لها..
الهنوف: خير وش فيك..؟؟
رغد: هاه ابد سلامتك..
الهنوف: رغد وجهك مو طبيعي وش فيك؟؟
رغد تدور تصريفه: آآآآ اقول وش رايك نروح للبنات..
رغد توهقت ما تدري وش تقول..والهنوف حست ان رغد ما راح تتكلم..
الهنوف: يله..
وطلعوا البنات فوق وباركت للعروس لاختها نوف..
نوف: عقبالكم انشا االله..
الكل:آمين..
شجون: تقولين مشفح..
نوف: شويه عليهم..
ريم: رغد وش فيك ...فيك شي؟؟
رغد: لالا ما فيني شي..
ريم: انتي اليوم موطبيعيه..
رغد في نفسها" المشلكه كلها جات في يوم واحد الاقيها من وليد ولا من تركي ...والله فشله من بقى ما شافني"
ريم تهمس لها: ما دريتي سليمان اليوم بيجي..
رغد تتطنز: صدق!!!...طيب وش اسوي فيه..؟؟
ريم: اقسم انك بايخه..
رغد: وان صادقه عند ربي وش اسوي فيه..
ريم عصبت: اروح عند عنيد ابرك لي..
عبير: اقول بنات خلونا ننزل ونرقص ترى الدي جي تحت شي.
ريم: يله..
فجر: لالا لا تخلوني..
العنود: احسن انطقي لحالك ويجي فيصل ويذبحك ه ه ه هأي<<من جد نذله
فجر بخوف: لا لا صدق اقعدوا عندي..
نوف: فجر ما عليك منها احقريها هالنذله انا بقعد عندك..
فجر: والله هذي الاخت السنعه..
ريم: فاضين نقعد عندك حنا جايين ننبسط ونرقص ونتميلح عند الحريم عسى وحده فيهم تخطبنا لولدها...اقول عبير امشي نترزز..
عبير: وانتي صادقه اخاف اعنس عشان فجير ودلعها اللي مدري من وين طلع..
رغد: نشوف اذا تزوجتي وش بتسوين..
عبير: عادي وش بسوي يعني..بأنبسط وافلها وبرقص بعد..
العنود: ايه هين....بس خلونا ننزل..
ونزلوا تحت وقعدوا يرقصون ويستهبلون ولا تخلوا من الضحك على رقص البنات الثانين..
العنود: شوفي شوفي هذي هههههههه..
ريم: أي واالله شوفيها هههههههه..
عبير: وينها؟؟
ريم: صدق انك حولا ..شوفيها اللي لابسها مدري وش لونه بني ما ادري وش لونه بصراحه..
عبير: هاااااذي هههههههههههههههه "وضحكت بصوت عالي"
رغد لفت عليهم: وجع انشا االله فشلتونا عند الحريم.
الهنوف: لو تموتون ما خطبوكم..
عبير: لالا خلاص بعقل اخاف اعنس..
العنود: والله هالبنات تحف..
ريم: خلينا نقوم ونرقص ونحرهم..
العنود:يله..
وقاموا يرقصون ويمشون ويصقعون خلق الله...والبنات منقهرين منهم لان رقصهم احلى ..وعبير ميته ضحك عليهم وما رقصت معاهم يقال لك عشان يقولون عنها تستحي وعاقل ويخطبونها..
وصلت مها اخت سليمان ومعها اختها نجلاء اللي ماجات يوم الشاليه..
ريم وقفت رقص..
العنود:وش فيك..؟؟
ريم: جات مها....
العنود مستغربه:طيب؟؟
ريم: لا بروح استقبلهم..
وراحت ريم تسلم عليهم..
ريم: هلا والله خالتي..
ام سليمان: هلا والله ببنيتي مشا الله وش ذا الزين..
ريم: الله يسلمك خالتي...تفضلي..
ام سليمان: زاد فضلك..
ريم: هلا واالله بمها كيفك وش اخبارك..
مها: الحمد لله بخير كيفك انتي..
ريم: الحمدلله تفضلي..
مها: تسليمن..اعرفك على اختي نجلاء..
ريم: هلا والله..
نجلاء: اهلين مشا الله احلى من الوصف اللي وصفته لي مها..
ريم استحت: تسليمن والله تفضلوا.
نجلا ومها: زاد فضلك..
ريم قعدت تطالع نجلاء كانت نسخة سليمان تشبه مره وقطع عليها تفكيرها..
العنود: من هذي اللي مع مها..
ريم: هذي هذي اخت مها..
العنود: تصدقين تشبه اخوها..
ريم ونار الغيره في قلبها: وانتي وش عرفك باخوها.
العنود: انا العنود ما يفوتني شي..بس انتي ليش معصبه..
ريم بربكه: انا معصبه من قال..
العنود: تراني شاكه فيك..
ريم تبي تغير الموضوع:اقول وين عبير ما شفتها بروح اشوفها..
العنود: مصيري اعرف سالفتك يا رويم...
الحريم كانوا يطالعون الاربعه طايرين فيهم ويوم انزلوا نوف وشجون .... كملت..طالعين كأنهم الولو يهبلون كل وحده فيها ميزه معينه
[size=21]&&&&&&&&&&&&&&
عند الرجال ..

جا الشيخ وملك عليهم وفيصل طاير من الفرحه يحس انه عايش حلم ما وده يصحى منه..
طلال: احلى احلى يا المعرس اللي خشته شوي بتنشق من كثر ما انت شاقها..
فيصل: ههههه وانت وش عليك غاير..
طلال: وش حقه اغار اخلي ابوي يخطب لي بكره..
فيصل: طيب قم ود الدفتر عند اختك خلها توقع..
طلال: زين لالا تتأمر..
فيصل: معرس يحق لي..
طلال: يارب صبرني على هالنسيب..
فواز: يله قم ود الدفتر ترى اليشخ يبي يروح..
طلال: زين زين..
وراح طلال عند الحريم: احم احم يا ولد..
كل الحريم تغطوا وعبير والعنود ذابوا كان كاشخ مسوي السكسوكه وطالعه سودا معطيته جمال خيالي..والثوب كان مطرز من اطرافه ومن عند الرقبه ومحليه اكثر واكثر..
ام فواز: هلا بغيت شي..
طلال: يمه كل ذولي حريم..
ام فواز: استح عيب تطالع..
طلال: اسمعي يمه ودي الدفتر وخلي فجر توقع وتخلصنا..
ام فواز: زين بنادي وحده من البنات.....عبير...عبير..
عبير انتبهت ان احد يناديها وشافت عمتها وهي واقفه جنب طلال تحس ان رجولها انشلت من الحيا والخوف ورهبة جمال طلال:سمي عمتي..
ام فواز: تعالي خذي الدفتر وديه عند فجر وانا بروح اشوف الحريم..
عبير وبصعوبه قامت من مكانها ووصلت عند طلال..
طلال: احم احم هلا عبير وشلونك..
عبير كانت حاطه الطرحه على اكتوفها ومتلثمه والباقي طالع<<ما ادري ليش متعبه عمرها..
عبير: الحمد لله بخير وشلونك انت عساك بخير..
العنود شافتهم يتكلمون وتصير مثل البركان ليش دايم عبير وانا ليش ما اكون مع طلال..
طلال: الحمد لله آآآ<<يدور سالفه........اسمعي ودي الدفتر عند فجر وخليها توقع هنا سامعه..شوفي زين هنا..
عبير تطالعه كانت عارفه انه التوقيع هنا: طيب خلاص..
طلال عشان بس يطول ويقعد يطالع عيونها: لالا شوفي هنا..
عبير تناظر المكان اللي يأشر عليه: فهمت والله فهمت..
طلال: ترى اذا ما لقيته في المكان الصح يا ويلك..
عبير: طلال..
طلال بعفويه: لبيه.
عبير استحت: هات الدفتر..
وتوها بتاخذ الدفتر لمست ايدها ايديه حست كأن كهربا صقعتها ا وان الدم توه يمشي بعروقها من لمسته..
طلال ما وخر ايديه كان مبسوط وهو يشوف عيون عبير مستحيه وكان مبسوط وما يعرف ليش..
عبير خذت الدفترمنه بسرعه..
العنود شابه ناااار وتحس ودها تقوم تصفقهم كلهم بس ما ودها تخسر اختها عشان واحد ما يدري عنها..
طلال: طيب بعدين اذا وقعت خليها تنزل عشان يسألها الشيخ..
عبير: انشالله..
طلال: لو كل البنات مثلك كان الدنيا بخير..
عبير خلاص ذابت:تسلم..
وراحت عند فجر وطقت الباب ودخلت..
فجر مرتاعه: وش ذا اللي معك..
عبير: هذا الدفتر توقعين عليه..
فجر حست انها خلاص اذا وقعت بتصير عروس وزوجة فيصل..
خذت القلم ووقعت وبصمت وايدها تنتفض وبعدها قاموا البنات يزغرطون: كلللللللللوش..
فجر حست بمشاعر فرحه وحست باحساس العروس..
فجر: اوكي.
ونزلت من الباب اللي ورا عشان الحريم..
وراحت عند المجلس وسألها الشيخ..
الشيخ: هاه يا بنيتي موافقه..
سكتت فجر وفيصل خاف وحس الدم وقف في عروقه.بعدها عاد الشيخ سؤاله..
الشيخ: يا بنيتي فجر انتي موافقه..
فجر: ايه موافقه...
وبعدها رجع الدم يمشي بفيصل بعد ما وقف..
والحريم زغرطوا وام فواز تبكي عشان بنتها كبرت وصارت عروس..
ام فواز: مبروك يمه فجر..
فجر: الله يبارك فيك..
وباركوا لها اخوانها والبنات وطلعت فوق عشان تنزل على الحريم..
نزلت فجر عند الحريم وكانوا البنات حوالينها واختها جنبها وسلمت على الحريم وجلست جنب ام فيصل..
ام فيصل: مبروك يا بنيتي.
فجر بصوت مبحوح: الله يبارك فيك..
وبعدها قاموا البنات يرقصون ويستهبلون ولبسوا فجر الشبكه ا لا الخاتم عشان فيصل يلبسها طبعا هذي طلابات فجر وهي شارطه هالشرط والخاتم وياالله وافقت عليه..
وبعد دقايق دخل طلال وشاف العنود جالسه عند المدخل ومعاها ريم..
طلال: احم احم..
العنود اخذت طرحه كانت عندها وتلثموا هي وريم..
العنود: سم طلال بغيت شي.
طلال: العنود ولا عليك امر تنادين فجر عشان زوجها يبي يجلس معها..
العنود ابتسمت..بس تخيلت شكلها هي وطلال: انشا الله..
وراحت العنود..
وريم فاتحه فمها في طلال كان من قلب طالع شي:كيفك طلال..
طلال: الحمدلله ..انتي رغد ولا ريم..
ريم: لا انا ريم..
طلال: انتي النشبه..
ريم عصبت: نشبه انت يا ثقيل الدم..
طلال: وان صادق كل ما ارفع سماعة التليفون طالعه لي ..انتي ما تملين من كثر ما صرفك..
ريم قفلت معها ماعاد صارت تشوف من العصبيه: طلال اعقل عني لا احط حرتي فيك<<ما شافت سليمان..
طلال : يمه تخرعين شكلك انتي اللي معلمه فجر هالحركات..وانا اقول اختي تقلد مين اثرك انتي كل يوم تدقين عليها وتعطينها كورسات في حركات الصعايده..
ريم قفلت معها: الشرهه مو عليك على اللي معطيك وجه..
الا بجية العنود: خير وش فيك؟؟
ريم" هالنشبه طلالوه..
العنود: هههههه يا حليله..
ريم: قل الله حلاه قولي امين..
العنود: حرام عليك..
ريم طيرت عيونها في العنود: وش قلتي؟؟
العنود: قلت حرام عليك..
قامت ريم تطالع العنود بنظرات شك: اعترفي ..اعترفي بسرعه..
طلال كان بعيد شوي ويسمع بعض الكلام: العنود..
العنود: سم..
طلال: سم الله عدوك ..ناديتي فجر..
العنود: ايه وراحت تتعدل عقب الصياح وبعدين بتجي..
وطول الوقت ريم كانت تطالع العنود واسلوبها متغير ميه وتسعين درجه..
راح طلال..
العنود: آآآآآآآآآآآآآآآآآه...
ريم: العنود اعترفي مو علي هالحركات ..سم ..ويا حليله..وحرام عليك.والنهايه فيها اهاااات اعترفي يله بسرعه كاشفتك.
العنود: وش فيك يا ريم.كلتيني بقشوري ..بقولك كل شي بعدين..
ريم: انا اليوم بنام عندكم
العنود : وبيكون احسن....
..
[size=25]وشوي جات فجر وراحت مع طلال ودخلها المجلس ودخلت فجر ورجولها تتصاقع في بعض ومنزله عيونها..
فيصل شاف فجر وطير عيونه فيها كانت طالعه ولا اروع لابسه فستان ابيض فيه موجات وردي خفيفه..وكان مخصر على جسمها ووسيع من تحت..كان سيور وفتحة الصدر شوي كبيره.ومسويه تسريحه بسيطه كان مرفوع منه جزء ومسويته تكسير(مثل نانسي عجرم) والميك اب كان هادي وساحر في نفس الوقت..
فيصل: هلا والله وغلا ومرحبا تفضلي..
فجر ميته من الحيا: زاد فضلك ..
وتوها بتجلس مسك فيصل يدها وجلسها..فجر ثبتت في مكانها من الحركه حتى التنفس ما عاد صارت تتنفس ..تبي تاخذ نفس ما قدرت لما ترك فيصل يدها..
فيصل كان يطالعها وكأن وده يحفرها بعيونه ويشبع نظراته منها ..يحس ما وده يرمش عشان ما تفوته لحظه...
فجر منزله عيونها .ولما رفعت عينها عليه لقته يطالعها وبنظرات بتاكلها الا شوي...ونزلتها بسرعه..
فيصل: فجر قلبي ارفعي راسك..
فجر قال قلبي ولا ما قاله داخت وراحت عالم ثاني ورفعت راسها شوي..
فيصل: ايه كذا احلى ............وشلونك وش اخبارك.
فجر: الحمد لله...وانت؟؟
فيصل: انا...انا من يوم شفتك وانا بخير..
فجر ابتسمت ابتسامه صغيره بس تدوخ..
فيصل: آآآآه يا قلبي...والله قلبي يعورني.
فجر طالعته بخوف: وش فيك؟؟
فيصل: ابتسامتك تبي توقف قلبي..
فجر: اجل خلاص ما راح ابتسم فيصل قرب منها لما صار خلاص ما بينهم شي ..
وتقريبا وجه في وجهها وهمس في اذنها: ليش تخافين علي..
فجر من قرب منها وهي تحس اطرافها جمدوا والدم وقف في راسها وثبتت في مكانها وقالت بصوت يمكن هي ما تسمعه:اكيد...
فيصل بعد عنها شوي: اه يا قلبي اليوم يوم فرحك فجر تخاف عليك..
دق الباب..
فيصل : من ذا النشبه..
طلال: النشبه انا يا النسيب..
فيصل : وش تبي؟؟
طلال: ما ودك تلبسها الخاتم..
فيصل: ايوه صح"وناظر فجر شافها لابسه الشبكه ومابقى الا الخاتم" ليش ما خليتيني البسك..
فجر استحت ونزلت راسها..
فيصل : ما عليه الجايات اكثر..
فجر خلااااااص ما عاد قلبها يتحمل اكثر ودها تقوم وتركض الا مالا نهايه..
طلال: لا تحرج اختي تراها مو متعوده..
فجر طالعته بنظره بمعنى شغلك بعدين...
طلال: ادري ادري والله يا فجر بتذبحني بسبتك يا النسيب بس خذوا الخواتم ولبسوا بعض ترى عندي اشغال..
خذا فيصل الخاتم ومسك ايد فجر حس فيها تنتفض وبارده طالعها وهو مبتسم..
فجر من يوم مسك ايدها وهي تحس انها انشلت من كل شي من التفكير والحركه والدم كل شي فيها وقف الا قلبها..
ولبسها فيصل الخاتم وبعدها قعدت فجر تطالع يد فيصل نست وش تسوي فيها وفيصل كان يستنها..
طلال:ياهوووووووه خلصينا ترى ورانا شياب ازعجونا..
فجر صحت من اللي كانت فيه واخذت الخاتم وما مسكت يد فيصل ودخلت الخاتم وودها يدها ما تلمس ايده ودخل الخاتم في اصبعه..بس فيصل مسك ايدها وباسها..
فجر قعدت تطالع فيصل وبعدها طلال..
طلال ابتسم وطلع:ترى المصوره بتجي بعد شوي..
فجر ارتاعت:من قال؟؟؟
طلال: نوف قالت..
فجر في نفسها"هين اوريك يا نويف تسوينها فيني"
ودخلت المصوره وصارت تطلب منهم يسون حركات وفجر ما بقى فيها شي من صغرها من الحيا..
طلعت فجر واخير وراحت عند البنات وفيصل طلع عند الرجال وقبل كل هذا جا فواز وسحب فيصل سحب عشان يطلع..
&&&&&&&&&&&&&
البنات

ماسكين فجر تحقيق..وش قلتي وش قال وش سويتي ووش سوا..
فجر ذكرت نوف:نويف تعالي هنا..
نوف عرفت وش تبي منها بس سوت نفسها ما تدري:خير..
فجر:من قال لك تجبين مصوره..
نوف: انا!!! من قاله..
فجر: احلفي بس..طلال قال لي..
نوف: هذي والله فكرة العنود..
لفت فجر على العنود لقتها مبتسمه:عنيد وش هالحركات..
العنود: هذ جزاي اللي قلت عشان الذكرى...الا ما قلتي لي متى بتطلع الصور عشان اتفرج عليها..
فجر: هين تفرجين عيلها..
ريم: فجر لا عاد لاتقولين..كفايه ما قلتي لنا وش صار بعد ما راح تخلينا نشوف..
فجر: ايه احسن تستاهلون..
عبير: صح كلامك يا فجر بس بتوريني انا وياك لحالنا..
فجر: مسكينه حتى انتي..
نوف: والله يكسرون الخاطر ..حرام..
دق موبايل ريم..
ساره: هلا والله..
ريم: اهلين سويره وشلونك..
ساره: سوير في عينك..هاه وش اخبار العروس..
ريم: ساره اسمعي..شوي واتصل عليك..الحين بيشغلون الاغاني وماراح اسمعك..
ساره: اوكي...
وفي نفس الوقت..
سليمان: ابتصل على مها اشوف خلصوا ولا لأ..
تركي: ما ظنيت..
سليمان: بتأكد.........الوووو..
مها: اهلين..
سيمان: اطلعي باكلمك برى شوي..
مها: طيب بس راح اتاخر شوي..
سليمان: اوكي بس مو مره تراني انطرك..
راح سليمان ووقف بعيد شوي عند مدخل الحريم ..وريم طلعت عشات تكلم ساره لان داخل ازعاج...
طلعت وعيونها على موبايلها وتتصل عل ساره....سليمان شاف احد طالع توقع انها مها ..ويوم شاف ريم انهبل اليوم طالعه غير عن كل مره كانت عذااااب.
ريم كانت لابسه فستان حرير اخضر..لف على الرقبه وفتحة الصدر طويله ونص الظهر طالع وفي الخصر حزام ذهبي روعه ..وبعدين قصير لحد الركبه ولا بسه سندل ربط اخضر وفيه كرستالات ذهبي ..ومسويه ميك اب ذهبي خيالي وتسريحه بسيطه رافعه نص شعرها ومسويته تكسير وفي النهايه شريطه ذهبيه واخضر ..ومن قدام على جنب شريطه صغيره ذهبيه..
سليمان فاتح فمه ومطير عيونه وريم تتجه له وهي ما درت عن هوى داره..
ريم: اهلين سوير..
ساره: اهلين رويم كيفك..
ريم: والله وش اقول لك ماني مبسوطه..
ساره: افااا ليش؟؟؟
ريم: عشاني اليوم ما شفت س
سليمان بصوت هادي: افاا ليش رورو زعلانه من زعلها..
ريم تلفت يمين ويسار تبي تتأكد انه حقيقه: هاه..
سليمان: اقول ليش رورو زعلانه من زعلها..
ريم"يعني ما تدري":ما شفت...ماشفت ساميه..
سليمان استغرب: ساميه!!!
ريم : ايه ساميه صديقتي من ايام الابتدائي..
سليمان: اهااا..
ريم نست انها ما تغطت او بالاصح ما تسترت..
سليمان يطالعها ويحاول يشيل عينه عنها بس ما قدر ..
ريم حست ان نظراته غريبه وبعدها انتبهت لعمره: خلاص اوكي انا بروح..
سليمان: طيب ابي اقولك شي..
ريم: آمر..
سليمان بصوته العذب: اليوم طالعه ملكة جمال اقري على نفسك..
ريم حست انها بتتطير من الفرحه وابتسمت له: تسلم عيونك الحلوه..
ودخلت ريم وطلعت مها..
سليمان شاق الخشه ومفهي وما يدري وينه فيه..
مها: نعم سليمان بغيت شي..
سليمان: نعم انتي وش تبين..؟؟
مها: سليمان وش فيك انت متصل علي وش تبي؟؟
سليمان: انا متصل ما اذكر<<شكله فقد الذاكره..
مهاعصبت: اذا قصدك تستهبل ترى مو رايقه لك..
سليمان تذكر: ايه صح كنت بسألك خلصتوا؟؟
مها: عشان كذا مطلعني صدق انك سخيف..لا ما خلصنا..
سليمان: طيب اذا خلصتوا اتصلوا علي اوكي..
مها: زين..
ودخلت عند الحريم.....ريم من دخلت وهي في عالم ثاني ..
العنود: رويم وش فيك فاتحه فمك..على الاقل سكريه..
ريم: ما اقدر..
العنود: ليش؟
ريم: كذا ما اقدر..
العنود: تبيني اساعدك...
ريم: تصدقين اني اليوم مبسوطه بشكل مو طبيعي..
العنود: حتى انا بشكل خيالي واكيد اللي باسطك اللي شاكه فيه..
ريم قررت تعترف للعنود اذا اعترفت لها: طيب انا راح اقولك اذا قلتي لي وش عندك..
العنود: اوكي اذا رحنا بيتنا انشا الله راح يكون يوم الاعترافات..
وبعد كذا دخلوا الحريم للعشا وكان بوفيه كامل ..فيه كل اللي يحبه قلبك..
وبعد العشا راحوا الحريم وما بقى الا الاهل..
ام مشاري: ما اقول الا الله يسعدهم ويوفقهم..
ام فيصل: امين..
ام فواز: امين اهم شي التوفيق..
&&&&&&&&&&&&&&&&&&&&&&&&
عند البنات

شجون:واخيرا يا فجر صرتي مرت اخوي..
فجر مستحيه: هههههه..
نوف: فجر تصدقين لحد الان ما صدقت وما استوعبت انك تزوجتي..
فجر: طيب عادي مو لازم تصدقين..
العنود: الله يعينك يا فجر سمعت ان فيصل شري وعصبي وايده طويله ويطق على اتفه الاسباب..
فجرخافت: لالا ما اتوقع انه كذا.. لا تخوفيني..
شجون: ما عليك منها اصلا هي غايره منك وفيصل اخوي اطيب واحن قلب في الدنيا..
فجر: ادري زوجي واعرفه زين..
ريم: بدينا بدت حركات اني ادافع عن زوجي..
رغد: خلونا شوي من فجر بكره تجهزوا عشان دبي..
الهنوف: واااااي وناااسه..
العنود: انا شنطتي مجهزتها من امس..
ريم: الله..من امس وش دعوه..
العنود: يقال لكم متحمسه..
ريم: وعبير؟؟
العنود: يعني ما تعرفينها امي اللي ترتب شنطتها ..هي ما تشتهي تسوي شي..
عبير: العنود والله فيني النوم خلينا نرجع..
ريم: صح ذكرتيني بروح اقول لامي اني بنام عندكم..
رغد: بتنامين؟؟
ريم: ايوه..
رغد: انا معك...
ريم: ياربيه وانا وين ما اروح انتي وراي وراي ..ياربي وش هالعيشه..
رغد: اعصابك بعدين وش دخلك فيني انا حره انام في أي بيت يعجبني..
ريم: كيفك انا راح انزل اقول لامي ..العنود تعالي معي..
العنود: يله..
نزلوا عند ام مشاري..
ريم: ماما..ماما..
ام مشاري: هلا ..
ريم: ماما ..ممكن تخليني انام عند عمي اليوم..
ام مشاري: وش حقه تنامين عندهم..بعدين ارجعي البيت وجهزي شنطتك واغراضك..
ريم: اذا على الشنطه بكره برجع بيتنا من الظهر واجهزها..بس الله يخليك خليني انام عندهم..
ام مشاري: روحي خلاص عورتي راسي..
ريم: هيّّّّّّّّّّّّّّّّّّّّّّّا عاشت امي..
العنود: مشكوره خالتي يجي منك اكثر..
ام مشاري: ليش ذابحه ابوك انا..
العنود: مو هم يقولونها..
ام مشاري: روحي الله يهديك ترى راسي بينفجر منكم..
ريم: والله انك تحفه يا بنت عمي هذي يقولونها اذا سبك احد..
العنود: اهاااا وانا على بالي يجي منك اكثر يعني شي زين..
ريم: امشي امشي ادري ان مخك قوطي..
العنود تضربها: انا مخي قوطي...
ريم: لالا خلاص مخك درج ولا يهمك..
العنود: ريم ترى وصلت معي ترى بأرفسك لين توصلين بيتنا وفي السرير بالتحديد..

الهنوف: انا راح امشي..
رغد: صدق ليش تو الناس..
الهنوف: أي تو الناس طالعي الساعه حوالي ثنتين وزياده..
رغد: طيب بجي واوصلك..
ونزلت مع الهنوف..عند مدخل الحريم شافت رغد تركي وهو طالع بس ما شافها..
الهنوف: رغد...رغد...
رغد: هاه..هلا بغيتي شي..
الهنوف: اتذكر انك جايه تودعيني مو جايه تطالعين اخوي..
رغد: هههههه سوري .يلا روحي بيتكم مع السلامه..
الهنوف: هين اوريك ..المشكله ما اقدر على زعلك مع السلامه..
رغد: هنوفه امزح مع السلامه يا قلبي..
وراحت....
وبعدها نفس الحركه ودعت ريم مها وشافت سليمان طالع بس عي شافته ضاعت علومها لان اللي كانت بتوصلهم راحوا وخلصوا حتى الوداع ما ودعتهم وواقفه عند الباب لحد الان..
عبير جات من وراها تبير تخرعها: بووووووووه..
ريم: بسم الله الرحمن الرحيم خير وش هالحركات..
عبير: من تطالعين عند الباب..
ريم بربكه: انا ...مين اطالع...انا كنت....انا كنت اشم شوية هوا..
عبير: والهوا بس برى.
ريم: اقول وخري عن طريقي بروح اشوف البنات ازين لي..
عبير: ههههه اقص ايدي اذا ما كانت تطالع احد...
وبعد حوالي نص ساعه راح كل واحد على بيته وريم ورغد رجعوا مع بنات عمهم..
&&&&&&&&&&&&&&&&&&&&&&&&&
في بيت ابو ماجد..

وليد:العنود بنات عمي عندنا..
العنود: ايوه بنامون عندنا..
وليد والابتسامه شاقه الوجه: اوكيه خلاص مشكوره يا قلبي..
العنود:على ايش تشكرني؟؟!!!!!
وليد: عشانك اختي..
العنود: لا الولد انهبل وقام يقط خيط وخيط..روح نام شكلك يومين مو نايم..
وليد في نفسه"وين انام وانا ماشفت رغوده"
&&&&&&&&&&&&&&&&&&&&&&
في غرفة البنات...

بدلوا البنات ملابسهم ولبسوا بجايم من بجامات عبير لان العنود شوي مليانه..
رغد طلعت عليها البيجامه كبيره شوي لدرجه ان البيجامه تطيح من عند الكتف بس شكلها وهي فيها يهبل طالعه وكانه وحده صغيره.
ريم نفس الشي كبيره عليها بس احسن من رغد..
عبير: بنات من جد اسكتوا شوي خلوني انام..
ريم: قومي اجلسي معانا..
عبير: اقولك بنام ما تفهمين..اليوم مداومين وتعبانين..حشى ما تعبتوا..
رغد: بسم الله علينا من عينك قولي مشا الله..
عبير: مشا الله بس اسكتي انتي واختك..
دخلت العنود..
ريم: عنيد وين راح ننام فيه..
العنود: وش رايكم تنامون في الغرفه اللي جنبنا فاضيه وفيها سريرين..
رغد: اوكيه حلو..
ريم: نسهر هني واذا جانا النوم رحنا ننام..
العنود: اويه ريم تعالي جنبي..
ريم راحت عند العنود على سريرها وانسدحوا جنب بعض وقعدوا يسولفون..
رغد حطت يدها على خصرها: مشا الله وانا اجلس مع مين؟؟
ريم: روحي نامي ازين لك..
العنود: ويكون احسن..
رغد: والله من النذاله..ليتني ما جيت بس..
العنود تهمس لريم: اقول تراني رحمتها خليها تجلس معانا..
ريم: لالا خليها تنام ازين لها ولنا..
رغد: انا رايحه يا الخانيات<<من جد تكسر الخاطر..
رغد طلعت من الغرفه ومشت لقت غرفه مفتوحه..دخلتها وطفت الانوار وسكرت الباب وتغطت بالبطانيه..
شوي الا الباب انفتح ..رغد توقعته ريم..رغد ما حاولت تشوف مين الشخص..شغل الانوار قام وحط كريم على يديه ولبس البيجامه وهو يلبس السروال بدون القميص..وما انتبه ان في سريره احد..طفا الانوار وشغل الابجوره وفتح الحاف ورقد وغطا وجهه

@@@@@@@@@@@@@@@@@@@@@@@@@@@@@@@@@

" نهاية البارت ..[/size]
[/size]

عند البنات..
كملوا البنات سوالف..وقامت عليهم عبير وطردتهم برى الغرفه وسكرت الباب..وبعدها راحوا ريم ورغد لغرفتهم اللي جهزتها العنود..ورغد يا عمري عليها اول ما دخلت تاكدت ان الغرفه فاضيه وانها ماهي غرفة احد<<ما تنلام..
وكل وحده راحت لسريرها..ريم نامت على طول لانها من الصباح قايمه للمدرسه بعدين الملكه يعني بالعربي هلكت..
حتى رغد كان فيها النوم بس ما قدرت تنام كانت تفكر بوليد:" وليد يحبني وانا متاكده من هالشي وباين في عيونه انه صادق..بس يا وليد انا ما احبك ولا اتوقع اني في يوم بحبك..وانا ما اشوفك غير اخ لا اكثر..ياربي محتاره ايش اسوي معاه.. اخاف اقوله اني مستحيل احبك واجرحه واذا سكت اخاف يتعلق فيني اكثر...وبصراحه اصعب حب في الحياة الحب من طرف واحد..والله انا حاسه فيك يا وليد.بعد انا مشكلتي اني ارحمه وجه من الله ينرحم..احس اني ما اقدر اقسى عليه او ابعده عني قلبي ما يطاوعني.آآآآه يا وليد حيرتني معاك" ونامت وهي ما بعد اتخذت أي قرار في مصير وليد..
&&&&&&&&&&&&&&&&&&&&
يوم الخميس..

البنات ما صحوا الا على العصر..
تغدوا وبعدها قعدوا عند التلفزيون بالصاله ينتظرون سواق رغد وريم عشان يرحون لبيتهم ويجهزون اغراضهم لان الرحله لدبي راح تكون الفجر..
العنود: ريم حطي هالاغنيه احبها تكفين..
ريم: يالله يا العنود ذوقك بايخ وما ودي احطها..
العنود: اقول الشرهه مو عليك الشرهه على اللي عطاك الريموت..اقول عطيني اياه..
ريم: ما راح اعطيك اياه..بصراحه ذوقك بايخ وما تحطين الا طق وجلسات خليجيه يا ام الزار..
العنود:الله واكبر من زين الذوق عاد انتي وش تحطين ..هالفديو كليبات اللي تجيب المرض..ريم اقول جيبي الريموت بالطيب لا اخذه بالقوه..
ريم: ما راح اعطيك اياه.وش بتسوين..
رغد: تكفون عورني راسي اسكتوا شوي..
عبير: والله مليت..انتوا ما مليتوا كل شوي متهاوشين على شي..
رغد: والمشكله على اشيا تافهه..ريم عطيها الريموت وفكينا..
ريم: لو تموت ما راح اعطيها.
العنود: وانتو ما جا سواقكم عشان تنقلعون<<معصبه ماحد يشره عليها..
رغد: لالا عاد يا العنود وهذا واحنا ضيوفك تطردينا..
العنود: انتي على عيني وعلى راسي..بس اختك شغلي معها..
وقامت العنود وقعدت على رجلين ريم وتحاول تاخد الريموت منها وريم معانده<<راسها يابس
ريم: عنيد قومي عني يا الدبى كسرتي رجولي..
العنود: عطيني اياه واقوم.يله بسرعه..
شوي الا سمعوا صوت رجال نازل توقعوه ماجد..الا الصدمه وليد كان يطالعهم وعيونه تطلع منها شرار وهذا هو الوحيد اللي ممكن يفكهم بصرخه وحده او نظره منه تكفي..
وليد بعصبيه وبحزم: وانتوا وبعدين معاكم ما تملون..العنود قومي عن ريم..
طبعا بدون نقاش قامت العنود..
وليد يكمل: وانتي يا ريم عطي الريموت"وبصوت كله نعومه" رغد...
الكل انتبه ورغد نزلت راسها.
العنود صارتتطالع وليد ورغد اللي منزلها راسها..
العنود: وش معنى رغد بدون صراخ واحنا بطيرنا من مكانا من لسانك..
وليد يصرف: انتي صيري مثل رغد وبعدين يصير خير.
ونزل الدرج وراح وجلس على كنبه مقابله لرغد.
رغد ميته حيا ما تحب احد يطالعها وعدلت حجابها..وغير هذا كله متوتره لان اللي جنبها موناس عاديين اللي جنبها ريم والعنود وعبير..اكيد ما راح يخلونها من غير تعيلقات او احراجات..
وليد يدور سالفه يسولفها مع رغد: رغد راح ترحون بيتكم الحين..
وقبل ما تجاوب رغد جاوبت ريم عناد: ايه بنروح الحين..
وليد: انتي من كلمك...
ريم: والله انا حره..وبعدين انت سألت وانا جاوبت وخلاص..
وليد في نفسه" هين يا رويم اوريك"
العنود: وليد اخوي حبيت ا ذكرك بشي كانك نسيته.
وليد استغرب: ايش هو..؟
العنود: التلفزيون من هنا"وتاشر عليه" مو من هنا"وتاشر على رغد"
وليد لقاها فرصه وخربها: وفي احد يحصله يطالع القمر ويتركه..
العنود بصدمه: وليدوه..ترى كلامك انشالله راح يوصل لوزارة الداخليه"تقصد امها"
عبير مصدومه ما تقل عن صدمة العنود من جرأة اخوها: وليد انهبلت انت وش فيك.صاير لمخك او عقلك شي..خير انشاالله وينى فيه..
وليد ببرأه:ليش!! انا وش مسوي..
العنود: وكل هالكلام اللي قلته ولا سويت شي.
وليد وبكل براه: عادي..هذا الصدق تبيني اكذب..
عبير: لالا ..لاتكذب الكذب حرام ..بس انشالله راح تتعلم الصدق على اصوله لما يدري وزير الماليه"تقصد ابوها"
وليد خاف: وزير الماليه...اجل اقوم احسن لي قبل لا تدري وزراة الدفاع والطيران..
العنود: يكون احسن وكل ما اسرعت اكثر..كل ماكان احسن وما ينتشر الخبر اكثر..
ريم كانت ساكته لانها حاقده على وليد لانه مو اول مره يصرخ عليها.
اما رغد يا عمري على حالها ما تدري وش تسوي تقوم ولا تجلس وخصوصا كل ما شافت وليد تذكرت موقف امس الي ما قد صار لها مثله ولا تتوقع راح يصير لها موقف محرج مثله..
طلع وليد وبعده بخمس دقايق وصل سواقهم وراحوا معاه لبيتهم..
بعد ما طلعوا ريم ورغد..
عبير: اقول عنيد تتوقعين وليدوه يحب رغد..
العنود: يالله انتي مغبره..من زمان ميت فيها ..
عبير/ وانتي تعرفين؟؟
العنود: منذ مبطي ..بس انتي الله يخلف عليك ما تدرين وين ربي حاطك فيه..
عبير: بس وليدوه طالع جرئ بزياده..
العنود: عاد الصراحه ما ينلام رغد تهبل تاخذ العقل..
عبير: في هذي صادقه بس عاد يمون بزياده..
العنود: لا تخافين بوقفه عند حده.
عبير: اقول روحي زين تو بغى يطيرك بس بصوته..مره ثانيه لا تستقوين على الفاضي..
العنود: لا من شوي كنت انا الغلطانه..اما الحين هو الغلطان وامسكها عليه لحد ما يقول التوبه عمتي العنود..
عبير: يا جعلك ما تمسكين علي شي..
العنود: اصلا انا ادور الزله عليك..
عبير: بالحلم يا بابا بالحلم..
&&&&&&&&&&&&&&&&
في بيت ابو مشاري..

كان الوقت بين المغرب والعشا ..تذكرت اغنية بين العصر والمغرب مرت لمك خياله<<مغبره صح..
ام مشاري: هاه..انشا الله جهزتوا اغراضكم كلها..حق عشر ايام..
ريم بثقه: لالا انا جهزت حق 15 يوم لاننا راح نقعد هناك 15 يوم..
ام مشاري: من قاله؟؟
ريم وبكل ثقه: انا اقوله..
ام مشاري: مالت عليك..
ريم: يمه صدق راح نقعد هناك 15 يوم انا راح اكلم ابوي..
ام مشاري: وش حقه 15..عشره تكفي..
ريم: يمه هذي دبي دبي ..تعرفين يعني شنو دبي..
ام مشاري: واذا..؟
ريم: يعني كل يوم مجمع..كل يوم طلعه..كل يوم مكان ما راح نمل ابد..
ام مشاري: ابسأل ابوك اول..
ريم: عاد انتي يا عمري يا ماما مو تسألين بس حاولي فيه يعني يبيله شوي ويوافق.
ام مشاري: انا بسال وبس...
ريم: يمه ليش النذاله..
ام مشاري: ريم وجع انا امك يا اللي ما تستحين..
ريم: يمه يمه اسفه والله اسفه قلتها على بالي انك رغد..بس يمه تكفين يا قلبي انتي حاولي في ابوي زين..انا طالعه اشتري اغراض..
ام مشاري: مو تقولين بتشترين من دبي..
ريم: يمه عادي هنا وهناك زيادة الخير خيرين..
ام مشاري: يا ربي هالبنت.ماراح يجيب لنا الفلس الا هي..
ريم: يمه خليك فري.انا طالعه..
راحت عشان تاخذ عبايتها ومرت من عند رغد..
رغد: على وين انشا الله..
ريم: بروح السوق..
رغد: وان شا الله كنتي بتروحين لحالك وما كان عندك نيه تقولين لي.
ريم بعربجيه: طيب وهذا انتي عرفتي ما صار شي..يله بتجين ولا اروح..
رغد: يا ربي هالبنت بتذبحني.اعصابك شوي وتقلبين ولد من كثر ما نتي عربجيه..خلي شوي عندك انوثوه..دلع..غنج..اي شي..
ريم: وبعدين يعني راح نطول ولا شلون..
رغد: هدي هدي يا ام الشباب نمبر (2) ثواني اجيب عبايتي واجي معاك..
&&&&&&&&&&&&&&&&&&
عند سليمان وتركي..
كانوا جالسين في كوفي ويسولفون..
سليمان: تصدق يا تركي ماني مصدق اني راح اسافر مع ريم..
تركي/ تبيني اعطيك كف على وجهك عشان تصدق..تراك ذبحتنا كل شوي ماني مصدق ماني مصدق خلاص عورت راسي..
سليمان: عشانك ما تدري قد ايش انا مشتاق لها ولا كان عذرتني..
تركي يقلد سليمان: تصدق يا تركي اقصد يا سليمان ماني مصدق اني راح اروح مع رغد..
سليمان: حضرتك تتطنز..
تركي: لا اتغشمر هههههههاي حلوه صح..
سليمان: ما ابيخ منك الا تنطيلك البايخ..اقوم واروح بيتنا وارتاح احسن من مقابل وجهك اللي يجيب الهم والنكد والحزن..
تركي: اعصابك كل هذا عشاني ما صدقتك..يا اخي صدقتك خلاص بس اقعد..
سليمان: لالا بروح..
تركي: تكفى اجلس.
سليمان يتغلى: لالا..لا تترجاني ما راح اجلس..
تركي: اقول انقلع لبيتكم كأن احد ماسكه..
سليمان: هذا وانا اشوف غلاي عندك..واكتشفت اني ولا شي عندك..
تركي: توك تدري..عشانك خبل..
سليمان تنرفز من جد: الشرهه مو عليك الشرهه على اللي اتصل عليك وعزمك وانت مو كفو لا حشيمه ولا كرامه..
تركي وهو كاتم ضحكته: يا ابن الحلال وش فيك عصبت حتي عيونك صار يطلع منها نار......اخ حرقتني هههههه..
سليمان ساكت وعصب زياده لان تركي قاعد يضحك وابرد ماعنده وهو احر ما عنده..
تركي: وانت لا الحين واقف..اجلس يا ابن الحلال.نمزح ..والله نمزح..مشكلتك زعول بسرعه تزعل..
سليمان جلس وهو ساكت..
تركي: احلى اللي اليوم بيشوف حبيبة القلب ريم..
سليمان ابتسم بس تذكر ريم: ايه هذي السوالف السنعه..
تركي/ هونت خلاص انقلع لبيتكم..
سليمان: بأحقرك وبجلس عناد..
تركي: صدق متى الرحله اليوم..
سليمان: 3 الفجر..بس تعال قبل اوكي..
تركي: على فكره نسيت اقول لك ترى نواف وسعود راح يكنون معانا..
سليمان: احلف ..متى صار هالكلام..
تركي: والله من يومين سمعوا بس طاري الامارات على طول احجزوا على نفس الرحله.
سليمان: حلو..اجل بيطلع فله.
تركي: تقدر تقول فله ومو فله ..يعني ما راح نقدر ناخذ راحتنا مع حريمنا على الاخر..
سليمان: صح هذي ما جات على بالي..
تركي: واصلا انت قد فكرت في شي طول عمرك مفهي..
سليمان: بدينا...
تركي: لا انتهينا ههههههاي حلوه لا تقول لا..
سليمان: يا لليل ما اطولك..
وكملوا تنطيل على بعض بالكلام لحد ما راحوا لبيوتهم على الساعه 12 عشان يرتاحون وبعدها يستعدون للرحله..
&&&&&&&&&&&&&&&&&&&&&&&

في كل البيوت الدنيا حوسه راح ناخذ مقتطفات من كل بيت..
بيت ابو مشاري..
ريم تصارخ: يمه يمه..
ام مشاري: نعم خير وش هالصراخ..
ريم: يمه..شنطتي اللي جهزتها قبل ثلاث ايام وينها..
ام مشاري: وانتي مجهزه شنطه من ثلاث ايام ليش؟
ريم: يمه عشان الحماس وش عرفك...بس الشنطه اللي مجهزتها قبل يومين لقيتها بس الثانيه ما لقيتها..
رغد: شوفيها عند الخدامه..
ريم: وش وداها هناك..
رغد: وانا وش دراني..
وراحت ريم..
رغد: يمه ما شفتي عبايتي الجديده..اللي توني مفصلتها..
ام مشاري: انا حاطتها في دولابك..
رغد: يمه ما لقيتها..
ام مشاري: دوريها زين..
&&&&&&&&&&&&&&&&&&&&&&&
في بيت ابو ماجد..
وليد: يمه جهزتي شنطتي..؟
ام ماجد: ايه جهزتها..
وليد: وحقت ماجد..
ام ماجد:ايه كل شي جاهز...
شوي الا الاعصار جايهم..
العنود معصبه وطاير شعرها ومرفعه اكمامها وجهها يطلع منه حراراه..:يمه..ترى اذا ما خذتي بنتك عني لااخلي اليوم اخر يوم بحياتها..
ام ماجد وهي خايفه من العنود لانها اذا عصبت حتى ابوها ما تعرفه: و..وليش وش صاير..
العنود: ذبحتني..جابت لي الجلطه كل شي حاشره عمرها فيه واغراضي كلها في شنطتها..هذا غير العجز اللي هي عايشته.
ام ماجد: طيب خلاص روحي انتي.
العنود: لا ناديها..
وليد: ما سمعتي امي وش قالت..قالت روحي عن وجهي..
العنود: انت اصلا من كلمك..
وليد: وش قلتي ما سمعت عيديها..
العنود: قلت من كلمك انت..وماني خايفه منك وخله يصير لي شي تراك بتروح في خبر كان لان الخبر راح يوصل لوزارة الماليه"تقصد سالفة رغد"
وليد ما تكلم وطلع معصب من االصبح ما سكتها عليه وتحسف قد شعر راسه انه تكلم قدام العنود..
ام ماجد: عيب هذا اخوك الكبير..
العنود: خليه يولي..انا رايحه ..بس اذا عبير ما عقلت عني..ترى راح تشوفينها مرميه من الدور الثاني..
ام ماجد من جد خافت على بنتها وراحت لعندها..
&&&&&&&&&&&&&&&&&
في بيت ام فواز
نوف: فجوره قلبي وين الجينز اللي شريته امس.
فجر: مدري والله ما شفته<<طبعا هدت من بعد ما انخطبت ونست نصف لعربجيه بس اذا عصبت رجعت نفس اول واكثر..
نوف: طيب..
دخلت ام فواز: هاه حبايبي خلصتوا.
فجر: تقريبا ما بقى شي..
&&&&&&&&&&&&&&&
في بيت ام فيصل..
ام فيصل: شجون خلصتي..
شجون: بس باقي شنطة الملابس..
ام فيصل: اجل من ساعتين وش تسوين!!
شجون: اجهز شنطة الكريمات والميك اب..
ام فيصل: الله يخلف على امً جابتك..وشوله الكريمات هذي كلها..
شجون: اجل تبين بشرتي تخرب..مستحيل اتحرك من السعوديه خطوه بدونها..هي قبلي..
ام فيصل: والله كيفك..
دخل فيصل: اهلين يا احلى ثنتين في العالم..
ام فيصل: هلا بوليدي..تعال اقعد جنبي..
فيصل: هاه جاهزين ترى الساعه2 هناك عشان الاجرات ..
ام فيصل:ايه جاهزين..
&&&&&&&&&&&&&&&&&&&&&&&&
في بيت ام تركي..
تركي جالس عند التلفزيون ورافع رجليه على الطاوله: هنيف قومي جهزي شنطتي..
الهنوف: ما راح اجهز شي..حدي نفسي..
تركي: اقولك قومي سوي اللي قلت لك..
الهنوف: تركي ما ابي غصب يعني..
ام تركي: خير وش فيكم..
الهنوف: يمه شوفي ولدك..
ام تركي: تركي كم مره قايله لك لا تزعل اختك وش فيك ما تفهم..اذا جات حرمتك ا نشا الله اكرفها ليل ونهار ..بنتي ما عليك منها..
تركي: حرمتي اكرفها... الا اخلي بنتك تكرف لها وش وظيفتها في البيت اكل ونوم وبس خليها تشتغل عند حرمتي على الاقل نحللها قبل ما تنقلع بيت زوجها..
ام تركي: ليش هي خدامه تحللها..تعالي يمه الهنوف ولا عليك منه..
تركي: المهم جهزوا شنطتي..
ام تركي: جهزتها وخلصت..
تركي: اجل خلاص زين..سكتي البقره اللي جنبك..
الهنوف: يمه شوفيه..
ام تركي: عاد انتي بلا دلع خلاص اسكتي..
&&&&&&&&&&&&&&&&&&&&&&&&&&
في بيت ام سليمان

سليمان: محمد,,,محمد..
محمد كان لاهي يلعب بلاي ستيشن..
سليمان: محمد..ترى بقوم وافصله..
محمد وقف اللعبه ولف عليه: نعم خير وش تبي؟؟
سليمان: تعال ابيك بشي..
محمد قام وراح عنده وهو منسدح على الكنب.
محمد: وش تبي..
سليمان: تعال همز رجولي شوي تعبان..
محمد: شايفني فلبينيه عندك اهمزك..روح زين..
سليمان: محمد بلا نذاله..
محمد: صدق بايخ"وراح يكمل لعب"..
سليمان في نفسه"هين اوريك" وقام وراح عند التوصيله وسحب السلك لما انفصل..
محمد طفا في وجهه التلفزيون: سليمانووووووووووه..
وقام يلحقه وسليمان هج وهم يلحقون بعض طيروا مها وحتى امهم بغت تروح فيها بس ربي ستر..
&&&&&&&&&&&&&&&&&&&&&&
واخيرا جات الساعه ثنتين بالليل والكل اتجه للمطار وتجمعوا هناك..وانشالله البارت الجاي راح اقول لكم وش صار في المطار والسفره كمان...
@@@@@@@@@@@@@@@@@@@@@@@@@@@@

" نهاية البارت "

نور العيون انا بنوته زي التوته

ممكن تكملي بشوف وش صار

كملي يلا كملي عشااااااني

حاضر ياحبي رح اكملها

وهذه التكملة لعيونك ياحبي

الجـــــــــزء الرابـــــع والعشـــــــرون

تجمعت العائلات في المطار الساعه ثنتين بالضبط..اذكركم بالعائلات..
عائلة ابو مشاري..عائلة ابو ماجد..عائلة ابو فواز مع فواز وبدور وعياله شهد وعبد الرحمن.. عائلة ابو فيصل .. عائلة ام تركي..عائلة ام سليمان..مع سعود ونواف بدون اهاليهم..
جلسوا الحريم والبنات في صالة المسافرين وطبعا ملوها ملي ماخذين الاماكن.. والعيال والابوان راحوا كل واحد يضبط اجراتهم للسفر..
واكل وسوالف وصارخ لحد ما اعلن المطار عن رحلتهم..
ريم وهي تاكل:بنات يله يله نادى..
العنود: يله يله..
وراحوا البنات والكل متجهين للطياره<<جيش ما شا الله..
وبعدها دخلو للطياره وكانوا حاجزين درجه اولى..دخلو البنات هجوم وكل وحده جلست في مكانها..خليني اقولكم عن اماكنهم في الطياره..
من عند الشباك كانت رغد وجنبها الهنوف..وفي الوسط..العنود وريم بعدين فجر..من الشباك من الجهه الثانيه نوف ومها..وقدام العنود كانت عبير وجنبها شجون ولين..العيال كانوا وراهم ما يقدرون يشوفونهم ..الحريم قدام بالمره والرجال متشتتين..
عبير بأعتراض:خير ما ابي اجلس هنا..فجر بدليني..
فجر: على كيفك اجلسي بس..لاتجي المضيفه وتطردك..
عبير: ما ابي هنا ابي جنب اختي..
العنود: توني احلى بعينك وبالبيت مطلعه عيوني انطقي في مكانك احسن لك..
شجون: تحمليني شوي..
عبير جلست: والله شجون ما اقصد كذا بس ابي ارجع ورى..
شجون: كيفك..
عبير حست بشجون: ولا تزعلين بأجلس معك ومع هذا كله بوسه على خدك"وباستها"وش تبين بعد..
شجون ابتسمت: معاك اعرفك تحبين تجلسين معاهم..شي طبيعي كل انسان وميوله وارتياحه ما اقدر اغصبك على شي..
عبير: والله انتي تسوينهم كلهم..
شجون: تسلمين..
لين: اووووف طفش..
شجون: ليش يا قلبي..
لين: ليش ما حطوني مع مشعل..
عبير كاتمه الضحكه: انا قايله لهم..
لين: والله انك حقيره وتافهه..وسخيفه..
عبير: معك وش علي منك..بس احسن تستاهلين..
لين: اوووف تطفشون الواحد..
واعلن كابتن الطياره بربط احزمة امان لانه راح يقلع..
العنود وهي تربط الحزام: ريموه عيى ينربط..
ريم: تراه حزام بسرعه اربطيه..
ومشت الطياره..
العنود وهي خايفه: رويم اقولك ما رضى ينربط معاي..
ريم: طيب وخري خليني احاول..
العنود تصارخ: اقولك وقف ..وقف الطياره بموت..
عبير لفت عليها: اذا ما سكتي والله لا ارميك من الشباك فشلتينا الله يفشلك..
شجون: والمشكله درجه اولى..
العنود: والله ما علي منه خله يوقف لما اربط حزامي..
ريم: طيب انتي وخري عشان اربطه..
العنود: يله ورينا..مع اني اشك ان حزامهم خربان..
ريم وسكرت الحزام: والله مخك الخربان..
العنود: سكرتيه زين..اخاف اموت..
ريم: انتي راكبه قطار الموت ولا طياره..
العنود: يعني مسويه ما تخافين..
ريم بدلع: حبيبتي انا متعوده..
العنود: والله من الفقش كلها مره او مرتين..
وبعدها اقلعت الطياره..
والعنود متمسكه في ريم ومغمضه عيونها..
ريم: وبعدين ترى فشلتيني..
العنود: تحملي محد قالك تعالي جنبي..
فجر: على ايش كل هالخوف عادي.. اعتبيريها مغامره,,
وبعد قايق..
ريم: خلاص فكيني بنوصل وهي متمسكه..
العنود فتحت عيونها: خلاص اقلعت..
ريم: من سنة جدي..
العنود: ايه اشوا..
وفكوا احزمة الامان..
ريم: تصدقين احس اني جايعه..
فجر: توك بالعه..
ريم: ولو..احس اني جايعه..
العنود: حتى انا من الخوف جعت..
عبير: حتى انا..وين المضيفه..
ريم: ما يحتاج مضيفه..جايبه العده اللازمه..
عبير: اعرفك..كفوا والله بنت عمي..
ريم تصارخ: رغـــــد..رغـــــــــد..
رغد مفتشله وتلتفت يمين ويسار عشان تتاكد احد شافها ولا لأ: نعم نعم خير وش تبين..
ريم مازالت تصارخ: عطيني الشنطه الصغيره اللي عندك..
رغد: اللي يبغى شي يجي ياخذه..ماني متحركه من مكاني..
العنود:صدق ان اختك نذله..
ريم: من زمان وهي نذله والحين زياده لان الهنوف معها..لحظه بروح اجيب الشنطه واجي..
العنود: يله بسرعه.
وقفت ريم وعدلت حجابها وصارت تلتفت يمين ويسار تدور حبيب القلب سليمان ولما شافته ابتسمت له وهو ابتسم لها <<ما صدق خبر..
وبعدها راحت لعند رغد واخذت الشنطه وقبل ما تجلس ابتسمت لسليمان مره ثانيه وهو تشقق من الوناسه وبعدين جلست..
العنود: الحين انتي قاعده توزعين ابتسامات ليش؟؟
ريم: بعدين اقول لك..
فجر: وليش ما تقولين عندنا..
ريم فتحت الشنطه وطلعت الشيبس: خذي كلي وانتي ساكته...
العنود: هذا بأيش؟؟
ريم: هذا بالجبنه..
العنود: لالا هذا مو حلو عطيني الثاني..
ريم: طيب خذي..
ريم بصوت عالي:عبيــر..عبيـــر..
عبير كمان بصوت عالي: خير..
ريم: تبين بالجبنه ولا بالملح والخل ولا ايش؟؟
عبير: لا عطيني بالجبنه..
ريم: شجـــــون...شجـــــــــون..
شجون وهي مفتشله: خــــــــير..
ريم: بأي طعم تبين..
شجون تغطت من الفشيله لان الناس بدوا يطالعونهم: ما ابي شي..
ريم: كيفك..وانتي ليون؟
لين: انا ابي مشعل.
ريم: والله هذا مو موجود تعالي بعد ساعه..
لين خانقتها العبره:اوووووف..
ريم تأشر لنوف ومها بس ما عطوها وجه..وهي على نياتها تحسب انهم ما شافوها..قامت وتصرفت..اخذت الشيبس ورمته من بعيد لنوف واخذت الثاني ورمته على مها..
نوف ومها ميتييييين من الفشيله..
العنود: اممممم الله يجنن..
ريم وفمها مليان اكل: ايه ..ايه هذا حلو..
ريم: رغد ما تبين ..؟؟
رغد: ما ابي شي بس فكيني..
ريم: انتي الخسرانه..والهنوف؟؟
الهنوف: لا تحاكيني لما ننزل من الطياره..
ريم: والله كيفكم انا عرضت عليكم خدماتي وانتوا حرين..
شوي وجوا عيال فواز عندهم..
شهد: العنود شوفي عبد الرحمن.
عبد الرحمن: العنود شوفي شهد..
العنود: تصارخ:وانا وش علي منكم روحوا لعمتكم سامعين..
شهد وعبد الرحمن خافوا: طيب طيب.
ريم: بصراحه ما احب البزارين المدلعين..
فجر: حرام عليكم وش سويتوا بعيال اخوي..
العنود: خذيهم وفكينا..
فجر: تعالوا يا بعد قلبي انتوا..
وهم يبكون وفجر تسكتهم..لما العنود طفح الكيل عندها من صياحهم ..قامت وطالعتهم نظره تخوف الجن..
العنود: قسم بالله اذا ما سكتوا ترى بأرميكم من الطياره....
وهم زادوا صياح..
قامت العنود واخذت عبد الرحمن وودته عند امه.
العنود: امسكي ولدك لو سمحتي..
بدور وهي عارفه طبايع العنود:طيب طيب..
ورجعت واخذت شهد وودتها بعد عند امها..
العنود: وامسكي هذي بعد تراها هي اساس البلا..
طبعا كل الركاب عرفوا انهم عائله وحده ومنصدمين من تصرفاتهم..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
نرح عند العيال

مشعل ومحمد كل شوي منادين المضيفه..
مشعل: لو سمحتي..
المضيفه: أي خدمه..
مشعل: جيبي لنا كابتشينوا..
المضيفه: ايوه شي ثاني..
محمد: لا سلامتك..
المضيفه: دقايق ويكون عندك.."وراحت"
مشعل: شفت عيونها..
محمد: تذبح..
$$$$$$$$$$$$$$$$$$$$$$$$$$$$$$$$$$$$$$$$$$$$$$
مشاري: وليد شوف هذيك باللي الكرسي..
وليد: ايه وش فيها..
مشاري: تطالعنا من اول ما ركبنا الطياره..
وليد: اكيد تطالعني..
مشاري:من زينك ..لا تطالعني انا..
$$$$$$$$$$$$$$$$$$$$$$$$$$$$$$$$$$$$$$$$$$$$$$
سليمان:تركي شفت ريم وش سوت لي..
تركي: وش سوت؟؟
سليمان: ابتسمت لي..
تركي يطنز: احلف بقوه واصدقك..
سليمان:تركي اتكلم من جد..
تركي: وانا اتكلم من خال..طيب وش فيها اذا ابتسمت لك..
سليمان: يعني تبتسم لي الدنيا..
تركي: ليه دعاية شامبو..اقول اهجد يا ولد..
سليمان: ما اقول الا الله يصبرني على هالصديق البلوه..
تركي يقلد سليمان: سليمان شفت رغد طالعتني ههههههه..
سليمان: صدق انك سخيف..
تركي: هههههه خلاص التوبه بأعقل.
لفوا عليهم نواف وسعود..
سعود: وش عندكم تضحكون ضحكونا معاكم..
تركي: من قايل لكم ان احنا مسوين قطيه..
سليمان: يعني لازم كل شي تعرفونه..
نواف:سعود هذولا الاصدقاء اللي مزعجنا عليهم وتقول فله وما فله..الا يجبون الهم..
سليمان: نمزح وش فيكم تزعلون بسرعه..
تركي: هدو هدو ترى السرعه مب زينه يا وليدي..
سعود: محد قالك من قبل انك ثقيل دم..
تركي: الا سمعتها كثير..واحلى شي سمعهتا منك..
سعود: ياناس فكوني منه ومن ثقالة دمه..
تركي: اعصابك يا ابو الشباب..لا يكون تحسب نفسك خفيف دم..
سعود: ما اتوقع اني اثقل منك دم..
تركي: ليش قايسه هههههههه حلوه صح..
العيال يطالعونه بنظرة استخفاف..
تركي: وش فيكم لا يكون ما عجبتكم..
%%%%%%%%%%%%%%%%%%%%%%%%%%%%%%%%%%%%%%%%%%%%%%%%%% %%%
فيصل كان سرحان بفجر.."الحين فجر تعتبر زوجتي يعني اروح واجي واسولف معها عادي الله وناسه..متى نوصل والله لا ادقها سوالف معها.. باخذ رقمها عشان اطرب اذني بصوتها وبدلعها<<اما دلع كثر منها..
ماجد جالس جنب فيصل.وفيصل صافط عليه وما عطاه وجه..
ماجد:فيصل ..فيصل..
فيصل:هلا..
ماجد:يا اخي سوالف ترى مليت.
فيصل: طيب يله سوالف..
ماجد:طيب عطني وجه.
فيصل: انا مشغول الحين مرني بعد ساعه..
ماجد يطالع فيصل يدور وش مشغول فيه: وش مشغول فيه حضرتك..
فيصل: افكر.يعني مشغول ذهنيا مثل مانت عارف معرس جديد لازم ابني مستقبلي..
ماجد: تحتاج عماله؟
فيصل: حضرتك تستظرف دمك ولا ايش؟؟
ماجد: يا اخي ابغى اضحك شوي مليت..
فيصل: الا صدق يا ماجد ليش ما تتزوج..
ماجد: تصدق ما قد فكرت بالموضوع..
$$$$$$$$$$$$$$$$$$$$$$$$$$$$$$$$$$$$$$$$$$$$$$
فواز لاهي مع زوجته وعياله لحد ما صدع راسه ونام..

__________________

$$$$$$$$$$$$$$$$$$$$$$$$$$$$$$$$$$$$$$$$$$$$$
العنود وريم مركبين السماعات بأذنهم ويغنون بصوت عالي وهم مو حاسيين بأنفسهم..
العنود تغني:كذا من ربي حبيته..
بسرعه يوم لاقيته..
يا ناس اللي تمنيته..
اخيرا صار محبوبي..
وريم معها خاشه جو..
اللي وراهم انزعجوا كان رجال تقريبا عمره بالاربعين وزوجته..
الرجال: يالله ايش الناس هذي ما عندهم ذوق..
زوجته: معليش ما عليك منهم..
الرجال: ما يصلح انا عندي شغل ولازم اركز وهذي اللي قدامي ما خلتني اركز من يوم ركبت"يقصد العنود"
زوجته: ما عليش عدّها..
الرجال: لالا هذا شي ما ينسكت عنه.
قرب شوي من كرسيها..
الرجال: لو سمحتي..لو سمحتي يا اخت..
العنود تغني وتدق رقبه وما تدري عن امً جابته..
الرجال قام ينغز ظهرها عشا تنتبه..
العنود حست بشي بعديت قالت"شكلي اتوهم"وكملت رقص..
الرجال رجع ينغزها مره ثانيه..
العنود فكت السماعه ولفت على ريم وسحبت السماعه من اذنها عشان تسمعها..
ريم: ليش فكيتيها؟؟
العنود: شكل اللي وراي ينغزني..
ريم: وش يبي؟؟
العنود: ما ادري عنه..
ريم: لفي عليه شوي وش يبي..
لفت العنود وبصوت عربجي: خير أي خدمه.
الرجال ارتبك ما توقع ان اسلوبها كذا:آآآآآ كنت اقول ما عليش تقصرين صوتك..
العنود تتطنز: ايش ما سمعت وش قلت؟؟
الرجال: اقول ممكن تقصرين صوتك..
العنود انفعلت: لا سكتني احسن..ولا الطياره طيارة ابوك وانا ما ادري...
الرجال: انا قلت قصري صوتك بس..
العنود: والله انا حره ..كيفي اسوي اللي ابي مالك دخل فيني..
الرجال: معليش انا اكلمك باحترام فا عامليني بالمثل..
العنود طيرت عيونها: يعني قصدك اني ماني محترمه هاه..شوف يا ولد الناس انا محترمتك لحد الان لانك رجال كبير<<ايه واضح...
بس لا تخليني اتصرف معاك تصرف ثاني..
الرجال يتطنز: يعني وش بتسوين؟؟
العنود: وش بسوي؟؟..انت لف وجهك شوف الي ورى"لف الرجال ورجع لها"...
العنود: شفت ذولا كلهم اخواني..بس بأشاره مني واقول لهم انك تغازلني..تدري وش بيصير فيك...انا اقول لك..بتلقى نفسك تحت كفر الطياره سامع..
الرجال ما رد عليها ورجع لمكانه وهي رجعت وعدلت جلستها..
ريم: والله كلتيه بقشوره..
العنود: نرفزني ما صبرت..
ريم: تصدقين رحمته..
العنود: ليه شايفتني سفاحه..
ريم: لالا حشى...انتي اعظم من كذا ..
العنود: رويم ماله داعي نتهاوش الحين..
ريم: ولا يهمك تبينا نستهبل عليه..
العنود: لالا اللي جاه يكفيه..
ريم: اجل ندور لنا احد نطلع ريحته..
العنود: وانتي الصادقه...الله وناسه..
ريم: بس نبي واحد سبيكه..
العنود:ولا يهمك..
$$$$$$$$$$$$$$$$$$$$$$$$$$$$$$$$$$$$$$$$$$$$$$
عبير: المهم اقول لك وقعدت اهزئ فيها لما صارت تبكي..
شجون مندصمه: حرااام..ليش كذا؟؟
عبير: احسن تستاهل اللي جاهها..اجل تتلزق في خلق الله..
شجون : رحمتها...
عبير: انتي خلك قويه..لا تصرين ضعيفه بعدين يا كلوك..
شجون: ليش حنا في حديقة حيونات..
عبير: واعظم يا حبيبتي..شوفي انتي اجلسي معاي ثلاث ايام بس وانا اعطيك كورسات في الطقاق والتهزئ والنظرات مجانا..
شجون: احاول..
عبير: ايوه كذا تعجبيني..
لين: وانتي ما خلصتي نصب...
عبير: قسم بالله ان ما سكتي لا اخليك تندمين عالساعه اللي صرتي تقربين لي فيها..
لين خنقتها العبره: وين مشعل يدافع عني..
عبير: احسن تستاهلين اللي يصير لك..ما بقى الا البزارين..
شجون: حرام عليك صغيره ما تستاهل.
عبير: ما عليك منها خلني اكمل لك..
$$$$$$$$$$$$$$$$$$$$$$$$$$$$$$$$$$$$$$$$$$$$$$
نوف ومها داقينها سوالف ..واللي قدامهم كانوا شابين واحد مملوح والثاني جميل..
نوف: مهاوي..
مها: هلا..
نوف: شفتي اللي قدامنا..
مها: اوه هذولا...شايفتهم..
نوف: ما شالله عليهم يهبلون...
مها: ايه ما شالله..
الشباب وكأنهم قروا افكارهم ولفوا عليهم.
الاول: اهلين بالصبايا<<مو راكب عليه اللبناني..
الثاني: هلا واالله بالحلوين..
نوف بربكه وهمست لمها: مهاوي تتوقعين سمعونا..
مها تحاول تهديها: ما اظن ..بس لا تعطينهم وجه..
نوف : ان شالله..
الاول: عطونا وجه..
الثاني: وش دعوه لهدرجه ما ملينا عينكم..
مها: لو ما لفيت وجهك ترى راح يصير لك شي ما يسرك..
الثاني: وانا ابغى اعرف وش بيصير لي.لاني متاكد ان كل شي منك حلو يا حلو...
نوف: صدق انك ما تستحي على وجهك..
مها: تعوذ من ابليس احسن لك..
فجر انتبهت للي قاعديت يتميلحون عندهم وراحت عند العيال..
شوي ما حسوا هالاثنين الا بظل ثلاثه اشخاص..كانوا طلال وسليمان ومشاري..
طلال: وين يا الحبيب مضيع لف وجهك قدام..
الاول: وانت وش عليك..
مشاري: ترى احسن لك تلف وجهك بالطيب لا الفه لك بالغصب..
الثاني: ممكن نعرف من تكنون عشان تكلمونا بالطريقه هذي..
سليمان: نكون اخوان البنات اللي وراكم..
الولدين بلعوا ريقهم ..وتوهقوا بس ما بينوا هاالشي..
الاول: احم..طيب هم خواتك..احنا وش دخلنا..
طلال: حضرتك تستعبط ولا ايش..
الثاني: شوف يا اخ..احنا واثقين من انفسنا.واحنا ما سوينا شي غلط وراح نعديها لكم اوكي..
مشاري: انت بالذات اسكت.
الثاني سكت ولا تكلم وحتى الاول..وصاروا منضبطين تمام التمام<<ما ينفع معاهم الا كذا خخخخ
ورجعوا الثلاثه لاماكنهم..
وليد: مشاري وش السالفه..
مشاري: سلامتك بس رحنا نتفاهم مع اثنين كانوا يتميلحون عند نوف ومها..
وليد: وان شالله كان فيه كم بوكس وكم رفسه وكم كف..
مشاري: كل هذولي بتصير في الطياره..
وليد: صح نسيت..ايوه وش صار..
مشاري: بس عطيناهم كم كلمه وتادبوا ...اصلا باين عليهم اول مره يغازلون يعني ما عندهم سالفه..
وليد: هههههه يا ليتني كنت معاكم.الله فله..
$$$$$$$$$$$$$$$$$$$$$$$$$$$$$$$$$$$$$$$$$$$$$$
طلال رجع مكانه...كان جالس جنب وحده امريكيه جميله لابعد حد وصغيره...طبعا انا بترجم الكلام عشان تفهمون<<ايه هين..
طلال: "لو سمحتي.."
ودخل مكانه اللي كان عند الشباك..
الامريكيه: "اكيد...هل انت سعودي.."
طلال: "نعم ..وانتي..."
الامريكيه: "انا امريكيه..."
طلال: هلا والله..اقصد"تشرفنا"
الامريكيه:"وانا ايضا..هل تدرس ام تعمل"
طلال:"لا انا طالب بالجامعه"..
الامريكيه:"جيد جدا..واي قسم تدرس"..
طلال:"ادرس قسم ادراة اعمال"..
الامريكيه:"رائع..هل لاحظت انني اكثرت عليك الاسئله"..
طلال: لا عادي تمونين<<"لالا بالعكس"..
الامريكيه: "هل استطيع ان اسألك سوال شخصي".
طلال:"ممكن تفضلي"
الامريكيه:"هل انت مرتبط"
طلال:"حاليا..لا"
الامريكيه"وليس عندك حبيبه"
طلال:"قريب"
الامريكيه:"اني احسدها..لانك شاب وسيم وفي مقتبل العمر وعندك اسلوب اكثر من رائع"
طلال ابتسم ابتسامه تدوخ""
%%%%%%%%%%%%%%%%%%%%%%%%%%%%%%%%%%%%%%%%%%%%%%%%%% %%%%
العنود: أي يا بطني من كثر البيبسي صار يعورني..
ريم: روحي لدورة المياه.
العنود: طيب تعالي معي...
ريم: يله..
راحوا لدورات المياه الدرجه الاولى حصلوها مليانه..
ريم: تقدرين تصبرين..
العنود: ولا ثانيه...
ريم: اجل خلينا نروح لدرجه الثانيه..
العنود:يله.
وهم ما رين ريم شافت سليمان وذابت عليه لانها شافته قريب بالمره وبغت توقف عنده وتسولف بس سحبتها العنود..وقبل لا يصلون..
العنود: رويم مو هذا طلال..
ريم وهي مبسوطه: ايوه هذا طلال..
العنود والشرار يطلع من عيونها: ومن هذي اللي معه..
ريم: عنيد شوفيها تاخذ العقل تهبل بعذره ولد عمتي منهبل عليها وداقها سوالف معها..
العنود: رويم احر ما عندي ابرد ما عندك..
ريم: يعني وش بتسوين..
العنود: الحين اعلمك وش بسوي..
راحت العنود ووقفت فوق راس الامريكيه وتطالع طلال..
طلال ارتبك من نظراتها له: العنود ..هلا والله وشلونك..
العنود: من هذي..
طلال: اعرفك عليها..اسمها انجلي..
العنود: احلف انها انجلي..
طلال وبكل برائه: والله انها نجلي هي قالت لي..
العنود: بعد هي اللي قالت صدق انها ما تستحي على وجهها ...هيه انتي...
انجلي: "هل تتكلمين معي"
العنود بالعربي: لا اتكلم مع الجدار اللي وراك<<تقصد طلال.
انجلي:"لم افهم عليكي"..
العنود تكلم طلال: بقره هذي ما تفهم,,
طلال: العنود ترى ما اسمح لك تتكلمين معاي بهذي الطريقه..
العنود: ومن تكون عشان تسمح لي...انا العنود اسمح لعمري فاهم..
طلال: العنود تراك مسختيها عاد..
ريم: العنود هدي شوي..ترى بتندمين..
العنود: تكفين عاد وش اندم عليه..
طلال: العنود ابي افهم انتي ليش معصبه..
العنود سكتت لانها ما تقدر تقول له عشاني احبك واموت فيك...
طلال: يعني ما عندك عذر...
ريم:طلال معليش الحين العنود معصبه بعدين ا نشا الله نتفاهم اوكي..
طلال: براحتك..
ريم سحبت العنود لدورات المياه..
انجلي:"هل تعرف هذه الفتاة"
طلال:"نعم....انها قريبتي"
انجلي:"هل تحبك؟؟"
طلال:"لا.... لماذا السؤال!!"
انجلي:"لان الحب واضح في عينيها"
طلال بسخريه: العنود تحبني هههههههه حلوه النكته...اصلا العنود تحب نكته..وشلون تحبني تطلع مسخره...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
العنود كاتمه العبره لانها ما تحب تبكي ابدا..
ريم: بصراحه يا العنود..الحركه اللي سويتيها غلط..
العنود منفعله: اصلا من قال اني احبه..انا اكرهه اكرهه ما احبه..ما اطيقه..
ريم: خلاص عنوده هدي حبيبتي انتي الحين معصبه..اذا هديتي تفاهمنا اوكي..
العنود بعصبيه: اصلا ما ابغى اسمع سيرته فاهمه..طلال راح اطلعه من حياتي..ومثل ما دخلها بالغصب راح اطلعه بالغصب..
ريم كسرت خاطرها العنود..لانها بصعوبه اعترفت بهذا الحب ويوم اعترفت لقت اللي تحبه مو معطيها أي اهتمام..اصلا ما يعا ملها كأنها بنت وعندها احساس..دايما يعاملها على انها قاسيه وما تحس.. وغير هذا معتبرها ولد وعمره ما حسسها بانها انثى ..وهذا اكثر شي مأثر فيها..
رجعوا لاماكنهم.وهجدوا البنات لان العنود كانت طول الوقت سرحانه وتفكر..
واخيرا اعلن كابتن الطياره بربط احزمة الامان لوصولهم مطار دبي....

الجــــــــــــزء الخــامــس والعشــــرون

ربط جميع الركاب احزمة الامان..وهبطت الطياره..وبعد لحظات وقفت ونزلوا جميع الركاب..وكل واحد ينتظر المستقبل وش مخبي له..
خلصت العوائل اجرات المطار وبعدها توجهوا للفندق اللي كانوا حاجزينه لانهم من جد كانوا تعبانين ويبون يرتاحون..بعد حوالي نص ساعه وصلوا للفندق..كانوا حاجزين تقريبا ممر كامل لهم..البنات اعترضوا كانوا يبون سويت لهم .بس اكيد الاهالي رفضوا وصارت كل عائله في سويتها الخاص..
عبير: ما يصير كذا.نكون مع بعض ولا يكون لنا سويت خاص..
العنود: ولا يهمكم كلها يوم نكون تحت طاعتهم.وبعدها راح نعلن العصيان..
ريم: اختي في الله ..شكل المخ عندك ملتمس..اي طاعه واي عصيان اللي انتي عايشتها..
العنود: يعني ما تبين الحريه..
ريم: اكيد ابيها..
العنود: خلاص خليك معاي..
ريم في نفسها"يا حبي لك يا العنود .تكابرين على نفسك وتسوين روحك مو زعلانه ولا كأن شي صاير بس باين عليك والله باين"
الهنوف: حسافه يا رغد..تمنيت نكون مع بعض مثل ايام الشاليه..
رغد: ولا يهمك ما سمعتي من شوي خطة العنود في حربها على الاهالي..خلاص ارقدي وامني..
الهنوف: والله العنود تحمس الواحد..
رغد: ايه يا حبي لها والله..
راحوا البنات كل وحده على سويتها..
اول ما دخلوا..
رغد:واو..بصراحه يجنن ما توقعته بالفخامه هذي..
ريم: بصراحه خيالي..
رغد: بس جوعانه...
ريم: حتى انا..
رغد: وش رايك نتصل على البنات عشان نفطر مع بعض..
ريم: اوكيه فكره حلوه.راح اتصل عيلهم..
وبعدها سمعوا صوت موبايل ريم يرن..
ريم:مين اللي متصل علي..
رغد: روحي شوفي..
ريم شافت الاسم وردت وهي مبتسمه: الوو..
العنود: هلا والله بنت عمي..
ريم: هلا والله عمرك طويل توني كنت ناويه اتصل عليك..
العنود:هههههه على قولة المثل القلوب مترابطه..
ريم: ههههه أي مثل هذا...يقول المثل النسخه الاصليه القلوب عند بعضها..وش مترابطه..
العنود: كل الطرق تؤدي الى الرياض..عادي..
ريم: المهم وش كنتي تبين..
العنود: كنت اقول جوعانه وش رايكم نفطر..
ريم: بصراحه اكتشفت اننا بنات عم اكيد..افكارنا مثل بعض..
العنود: اكيد طالعه علي..
ريم: ايه طالعه عليك خلصينا.. عبير وينها ما لها حس..
العنود: سمعت ان الفطور فيه نزله لتحت وتعيجزت تنزل فا قالت طلعوه لي فوق..
ريم: لو تموت ما طلعنا لها شي..احسن اللي يبي الشي يتحرك..
العنود: اجل مستحيل تتحرك..
ريم: احسن ما عليك منها..بس اتصلي على البنات.
العنود: اوكيه..
اتصلت العنود على البنات بعضهم وافقوا وبعضهم كان فيهم النوم فما راح يجون معاهم..
نزلوا العنود وريم ورغد والهنوف وفجر.
ريم: تراني جوعانه حدي يمكن اطلب لي عن شخصين..
رغد: بلا فجاعه..خلك ثقل..
العنود: هذا بطن ما فيه ثقل وبرستيج وما ادري ايش...
الهنوف: يله خلصونا خلونا نفطر وننااااااام تراني تعبانه حدي..
فجر: يله..
وطلبوا البنات فطور..وريم والعنود طلبوا لهم دبل وما كلوه فجاعه الله لا يبلاكم..
العنود وهي تحط الكروسان:آآآآآه بطني..خلاص ما عاد اتحمل لقمه ثانيه.
ريم: حتى انا..ما عاد اقدر اتنفس..ما ادري كيف بنام.
العنود: صادقه..
رغد: احسن تستاهلون..
ريم: هوينا تكفين..ترى تعبانه حدي.
فجر: يله حبايبي خلونا نطلع فوق ترى ما اقدر افتّح..
الهنوف ورغد: يله..
العنود: طيب ما اقدر اتحرك.
ريم: اجلسي معاي شوي..بعدين نطلع..
العنود: اوكيه..خلاص انتوا اطلعوا..
البنات: اوكيه "وطلعوا وعلى طول ناموا"
ريم بتردد: العنود...
العنود: هلا..
ريم: آآآ.....كنت اقول....اليوم...على اللي صار اليوم مع طلال..
العنود: بليز ريم لا تذكريني..
ريم: طيب انتي صدق راح تشيلينه من بالك..
العنود: ليه هو على كيفي..لو انه على كيفي كان ما خليته يدخل قلبي وحياتي وتفكيري.
ريم: اووووه صرتي شاعره..
العنود: وش دراك..صرت نجاح المساعيد..
ريم: ادعس..والله تطورات..
العنود: امزح ترى هذولا كم كلمه حافظتهم وبصعوبه..
ريم: طيب وش راح تسوين مع طلال..
العنود: ما راح اسوي شي..
ريم: راح تقولين له انك تحبينه..
العنود: هذا الشي من المستحيلات..
ريم: ليه؟؟
العنود: مستحيل افرض نفسي على احد .اذا هو مو معبرني..فا خلاص اسوي نفسي مو معبرته..لما يعاملني مثل الناس والعالم وبعدها اعامله زين..
ريم: طيب حاولي تجذبينه بأي طريقه.
العنود: هو خليه يشوفني بالاول بعدين يصير خير..
ريم من جد كسرت خاطرها العنود: طيب خلينا نسوي خطه نلفت انتباهه..
العنود تحمست: كيف..
ريم: اخليك البطله..الحنونه..المضحيه..اي شي..اتوقع انتي فاهمه قصدي..
العنود: تتوقعين ينفع معاه..
ريم: نجرب ما راح نخسر شي واذا ما نفع لاتنسين دائما وابدا معاك ام الخطط.
العنود: اوكيه ما عندي مانع..اصلا ما تفرق معاي اذا ما نحجت لانه صار عندي عادي ما صرت اهتم كثير..
ريم: لا ا نشا الله بتنجح وبتشكريني..
العنود: نشوف..طيب قولي اول شي وش اسوي..
ريم: شوفي"وقالت لها عن الخطه اللي ناويه عليها"
وبعدها طلعوا ينامون..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&
الساعه ثلاث العصر..
الامها والابوان صحوا<<مثل العاده..
ام مشاري تتصل على ام فيصل: هلا والله ام فيصل ..صباح الخير..
ام فيصل: الناس يقولون في هذا الوقت مسا الخير بس يله بعديها..
ام مشاري: هههههه..المهم خلينا نتجمع وننزل نتغدى مع بعض في مطعم من المطاعم..
ام فيصل: خلاص انا راح اتصل على ام فواز وام ماجد وانتي ام تركي وام سليمان..اوكي.
ام مشاري: اوكي..مع السلامه..
ام فيصل: مع السلامه..
كل وحده اتصلت على الثانيه واتفقوا انهم يصحون العائله ويطلعون مع بعض..
ام مشاري: ريم..رغد..يله عاد اصحوا عشان تصلون يله بسرعه..
رغد: اوكيه مام...........ريم اصحي..
ريم في سابع نوم..
رغد بصوت عالي: ريــــــــــــــــــــــــــــم..
ريم قايمه وهي مرتاعه: مين....سليمان....وين...
رغد تضحك: ههههههه أي سليمان واي خرابيط.
ريم: سليمان ما كان هنا..
رغد: لا في حلمك يا ماما.. اصحي يله قومي صلي عشان نطلع..بسرعه .
ريم: كم الساعه الحين..
رغد: الحين العصر..
ريم: خلاص صحيت..بس انتي روحي..
رغد: حركاتك قديمه..يله قومي الحين..
ريم:لاحوووول..طيب قمت قمـــــــــــت.
رغد تبي تنرفزها: بسرعه خلصي سامعه..
ريم: ما راح ارد عليك لاني مو رايقه لك..
رغد: غريبه وش عندك..
ريم: اكيد لاني محلمه في سليمان.
رغد: صدق انك مخفه..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&
العنود: وجع..اصحي عورني حلقي من كثر ما اصارخ...
عبير: بالله في احد يطلع العصر...
العنود: اجل متى الناس يطلعون.
عبير: المغرب العشاء..بس الحين وقت نوم..
العنود: ما بعد شبعتي نوم يا خيشة النوم..يله اصحي ولا انادي خالتي ام مشاري..
عبير: لالالا كل شي ولا خالتي ام مشاري.."وصحت"
العنود: لو اني داريه كان قلت ام مشاري من زمان..
عبير: عشانك نذله.
العنود: بس مو اكثر منك..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&
العيال كانوا مجتمعين في سويت واحد..وطبعا بدون ما يحسون البنات لانهم لو دروا راح يسونك كارثه في العالم لا يعلمها الا الله ...دخلو عليهم الشياب
ابو فيصل: يله اصحوا..
ابو مشاري: يله بسرعه ترى ما صليتوا لا العصر ولا الظهر ..يله اصحوا..
مشاري: حتى هنا لاحقينا..
ماجد: وفي كل مكان راح تشوفهم..
طلال: شكلي راح احط منبه عشان ما يصحوني..
فواز: لو اني نايم مع زوجتي ابرك لي..
وليد: حرام عليك تاركها لحالها..
فواز: لا تخاف خليتها مع امي وخواتي.
فيصل: تصدق ما تستاهلها..ما ادري كيف متحملتك..
فواز: انا ابو عيالها...بس بكره راح انوم عندها عشان ما يقوموني هالشياب بالطريقه الهمجيه هذي..
سليمان: احلى ياللي مدلع..
فواز: تزوج تتدلع ..تقعد عند اهلك تتفلع..
تركي: وانت صادق..
مشاري: وش عندك شكلنا بنسمع خبر زواجك قريب..
تركي: لا عاد وش دعوه..
وليد: ما اقول الا الله يعين زوجتك..لانها اصلا ما تزوجتك الا لانها ناويه الانتحار وماله من نفسها..
تركي: يعني ودك نتضارب ولا ايش.؟؟
وليد: لالا امزح معاك..خلاص خلنا ننسى اماضي واحنا عيال الحاضر..
تركي ابتسم: يكون احسن..
العيال يصفقون ويصفرون: هوووووه واخيرا ...
دخلوا الشياب..
ابو ماجد: بشروا كم كم..
ابو فواز: اصلا بين مين ومين..
العيال فاقعين ضحك..
وليد: يبه مو مباراة..
ابو فواز: اجل ليه التصفيق والتصفير..
طلال: يبه عندنا احتفال خاص..
ابو ماجد: والله من السخافه يله اصحوا بلا حركات مراهقين"وطلعوا"
مشاري: يله اصحوا لا يفجرون فينا..
العيال: يله..
تجهز الكل ونزل تحت ينتظرون بعض وبعدها طلعوا...البنات ركبوا الجمس وابو مشاري يسوق فيهم..
راحوا لمجمع عشان هناك المطاعم تكون كبيره وتصلح لعوائل بهذا الحجم..
البنات والحريم اخذوا طاوله مع بعض ..والرجال والعيال مع بعض..
تغدى الكل وبعدها تمشوا بالمجمع وتفرقوا..
ريم: العنود الحين لازم تسوين اول خطه اللي هي انك حنونه وطيبه..
العنود: اوكيه..
ريم كان معاها عبد الرحمن ولد فواز وتضربه وكان قبالهم طلال..
ريم: احسن يله رح عند طلال..
عبد الرحمن يبكي وركض وتمسك برجل طلال..
ريم كانت صارت تتجه لهم و معاها العنود..
ريم: تعال هنا..دحوم..تعال هنا بسرعه..."وتقرب من عنده"
عبد الرحمن تمسك اكثر بطلال: مابي مابي..
وصلوا العنود وريم لعند طلال..
طلال: دحوم حبيبي اكيد العنود ضربتك..
ريم تقلب وجهها الوان بعد جملته هذي.
العنود خنقتها العبره كانت تطالع طلال وتقول في نفسها" ما فيك فايده" وبعدها لفت على ريم ناظرتها بنظره كلها الم وياس.
ريم اشرت لها لازم نبين له وانها لازم تكمل الخطه..
العنود جارت ريم بكلامها بس بنفس كلها يأس ومكسوره..
عبد الرحمن: لا هذي ريم..
ريم: دحوم تعال هنا..
طلال: ليش وش مسوي..؟؟
ريم: مخرب عباية العنود واغراضها وملعوزها وهذا جزاها وهي ماسكته..
طلال يطالع ريم كان يبي يتاكد ان الكلام اللي تقوله ريم صحيح..
ريم اشرت للعنود.
راحت العنود واخذت دحوم من طلال وشالته وحضنته وعطته بوسه وعيونها مليانه دموع..وباين عليها الانكسار لدرجة ان ريم توقعت العنود بأي لحظه بتنفجر وتبكي..
العنود بصوت حنون: حبيبي دحوم خلاص لا تبكي عشان خاطري..وبعدين يا ريم "وسكتت شوي كانت تبلع عبرتها وتخفيها"وبعدين يا ريم خلاص خليه يسوي اللي يبي انا ما طلبت منك تدافعين عني..
ريم: بس هو.....
العنود قاطعتها: خلاص اقولك سامحته...
طلال حس بتأنيب الضمير وهو يشوف عيون العنود مبين عليها الحزن والرحمه وقال في نفسه" معقول كل هالحزن عشان دحوم.العنود ممكن تكون بالحنيه هذي...مستحيل...ليش مستحيل ما هي بشر مو هي بنت وعندها قلب...بس احس انها دايم قويه ما عمري شفتها بالضعف هذا..حرام ظلمت البنت..ما توقع انها سمعتني..لانها لو سمعتني كان اخذت تهزيئه محترمه..انا اعرف العنود"
ريم: طلال....طلال..
طلال: هلا..
ريم: وين رحت..
طلال: معاك...
ريم: كنت اقولك ترى دحوم مع العنود اوكيه..
طلال مستغرب:مع العنود؟؟
ريم: ايه..
طلال :مو هي ما تحب البزران..
ريم بمبالغه:من قاله..اصلا العنود لو تشوف بزر قدامها ما تعرفه تنهبل عليه وشلون دحوم وشهد تموت عليهم..
طلال: ايه يا حليلها..خلاص اوكيه باي..
ريم ابتسمت ابتسامه عريضه: باي..
راح طلال..
ريم بصوت عالي: يــــــــس..
وراحت تركض عند العنود وصارت تنطط عندها..
ريم: عنوده نجحت الخطه الاولى..شفتي شفتي قايله لك ان"وسكتت شافت العنود تمسح دموعها"
العنود: وش بعده يا ريم وش بعده..بعد الكلام اللي قاله مثل السم على قلبي..
ريم: عنوده لا تكبرين المسأله..عادي.. وبعدين هو قال الصدق واقرب شي يوم كنا بالطياره ..رميتي دحوم على امه رميه أليمه..
العنود كاتمه الضحكه: ولو المفروض ما يقول هالكلام..
ريم: تكفين عنوده اضحكي والله ما يليق عليك الا الضحكه..واصلا احلى ما فيك ابتسامتك..
العنود: تسلمين يا قلبي..
ريم: ههههه الرومنسيه تهبل منك..
العنود: على قولة عبير خلينا نتعلم..
ريم: عشان الحبايب..
العنود: اصلا ما ذبحني الا هو..
ريم: الله يجمعكم قولي امين..
العنود:امين...وهديه لك راح اخليك تشوفين سليمان وتكلمينه بعد..
ريم: على ايدك..
العنود: يله امشي معاي..
سحبت العنود ريم وتوجهت مباشره عند تركي وسليمان..
العنود: سليمان اسمع بأترك عندك امانه وانتبه لها زين اوكيه..
سليمان ما فهم عليها: اوكيه ..بس وش هي..
العنود سحبت ريم وحطتها قبالها: هذه..
سليمان ابتسم: هذي الامانه!!
العنود: ايوه..
سليمان: اوكيه امانتك في عيوني..
العنود: ترى ما راح اطول عشان ما اكلف عليك لاني ادري ان امانتي مزعجه وما تنطاق دقيقه..
ريم عصبت: العنود وبعدين معاك..
سليمان: لالا عندي استعداد اتحملها الدهر كله..
تركي كان ساكت ويطالعهم..
العنود: اوكيه باي..
سيلمان: مع السلامه ومشكوره..
تركي: وليش الشكر ا نشا الله..
سليمان: اسكت انت...ريم اجلسي ليش واقفه..
ريم وكلها حيا: اوكيه..
سليمان: كيفك ريم..بجد من زمان عنك..
ريم: انا بخير ..حتى انت من زمان عنك..
سليمان: ايوه..سولفي"مشتاق يسمع صوتها ويروي قلبه بشوفتها"
ريم وهي متوتره: وش اقول غير ان لو اهلي لو شافوني جالسه معاكم راح اروح المقبره وبس..
سليمان: بسم الله عليك ا نشا الله عدوينك..
ريم ابتسمت ونزلت عيونها"يا ربيه ومع هالجمال كله يتغزل فيني..اليوم العنود اول مره تسوي شي زين"
تركي: نحن هنا ..معاكم على الخط عطوني وجه..
سليمان: انت هنا ...تصدق حسبتك هناك..
تركي: وتستخف دمك بعد بصراحه في انجاز كبير..
سليمان: واللي يعافيك اكرمنا بسكوتك شوي..
تركي: انا كريم وانت تستاهل وهاه" حط ايده على فمه"
سليمان: ايوه رورو وش كنا نقول..
تركي: قبل لا اسكت بقول شي..
سليمان: اووووف..يله قول..
تركي: ريم وين رغد.؟؟
ريم: رغد مع الهنوف..
تركي: هالهنوف محد راح يذبحني غيرها كل شي ناشبه فيه..
سليمان: خلصت ..ممكن تسكت الحين..
تركي: لا مو ممكن..خير انت فالها وانا لا....ابي رغد ولا ما راح اسكت..
ريم تبي ترفع ضغطه: لو سمحت ترى رغد هذي اللي تتكلم عنها هذي اختي..
تركي: احلفي بس...تصدقين توني ادري ان الغزال ممكن تكون اخته بقره مثلك..
ريم: اجل لو تموت ما راح نتشوف رغد الا على جثتي..
تركي: اجل الحين اذبحك وافتك منك ..
سليمان بدى يعصب: وبعدين..بتجي صاحبة الامانه وانا ما بعد قلت شي..
تركي: احسن هذا اللي انا ابيه..
سليمان: يا نذلك.
تركي: توك تدري ..من زمان وانا نذل..مسكينه الهنوف كل يوم تقولي هالكلمه..
سليمان: وانت بتقول قصة حياتك..
تركي: بقولها لما تجي صاحبة الامانه..
سليمان: تروك خلاص عاد..
تركي: رحمتك ..خلاص بسكت..
سليمان: ايوه رورو..
تركي: تذكرت شي..
سليمان عصب: تركي وبعدين معاك..
تركي: تصدق نسيت..خلاص خلاص بسكت.
ريم: انا بقولها..ايوه رورو..
سليمان: هههههههههه تصدقين اشتقت لهبالك...
ريم استحت: سليماااان..
تركي: احلى يا اللي يستحون.
سليمان واختفت ابتسامته: بكم القطيه يا الحبيب..
تركي: ما علي منك جب لي رغد واسكت..
مرت رغد والهنوف من عندهم
@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@ @@@@@@@@@@@@@@@@@@@@@@

" نـــــــــهــــــــــــــــايــــــــة الـــــــــبـــــــــــــــــــــــارت "

الجـــــــــــــــــــزء السادس والعشــــــــرون

مرت رغد و الهنوف من عندهم..
تركي على طول قام وراح لهم..
تركي: كذا اختك تجلس مع صديقي وساحبين علي لحالي..
الهنوف: وش علينا منك..
رغد عقدت حواحبها: ريم ليش تجلس معاكم من سمح لها..
تركي حس انها معصبه: هدي شوي..كانت هي مع العنود..
رغد: اوكيه..الموضوع كذا .وخر شوي عن طريقي..
تركي منصدم: وش فيها رغوده..
الهنوف : اولا ..لا تقول رغوده..ثانيا شكلها موصله معاها..
راحت رغد لعند ريم.
ريم: اهلين رغوده..
رغد بحزم: ريم ممكن شوي..
ريم خافت: اوكيه"وقامت معها"
رغد سحبتها واخذتها بعيد..
رغد: من سمح لك تجلسين معاه..
ريم بلعت ريقها: محد سمح لي.
رغد: وبأي حق جلستي معاه..او السبب اللي خلاك تجلسين معاه..
ريم: العنود هي اللي جابتني..وانتي تعرفيني زين..
رغد: طيب العنود تقولك طبي في النار تطبين..
ريم: رغد...انا..
رغد: انتي ايش..انتي اصلا لو كان عندك ذره مسئوليه كان ما جلستي معاه..انتي لو كان عندك ذره خوف ما جلستي معاه..انتي لو عندك احترام لنفسك ولا لأهلك ما جلستي معاه..
ريم: رغد انا..
رغد: انتي تعرفين لو ان مشاري شافك جالسه معاهم لحالك وش بيسوي..
ريم: طيب يا رغد..
رغد: لاتتكلمين ولا كلمه...خلاص انهي الموضوع الحين وبعدين نتفاهم..
ريم سكتت لان رغد معها حق..بس اللي قهرها انها مواهي السبب ولا قدرت تبرر لرغد..وهي تدري ان رغد تخاف عليها من نسمه الهوا..
رجعت رغد ومعها ريم للهنوف..
رغد: يله الهنوف..
تركي: رغد..
رغدلفت عليه: ايوه.
تركي: بس..كذا بتمشين!!
رغد: ليش تحتاج او تبغى شي مني..
تركي: انا.............
قطعت عليه الهنوف: اوكيه تروك بعدين مو وقته.."ومسكت رغد ومشوا"
تركي: شفت انها نذله..
سليمان وقف جنب تركي: تركي شكل رغد عصبت وريم طاحت بالسالفه..
تركي: مسكينه ريم.. بس معها حق رغد تعصب..
سليمان: وليش ان شا الله..
تركي: بصفتنا شنو جالسه معانا حتى القرابه ما تقرب لنا..لالا صدق زوجتي محترمه اخلاق وعقل وثقل..
سليمان: وش قصدك ان ريم مو محترمه..
تركي: ما قلت كذا..اقصد انها صغيره واكيد انها ما انتبهت لهشي..
جاتهم العنود تركض..
العنود: هلا وين الامانه..
سليمان: الامانه جات اختها وخذتها..
العنود: لا يكون رغد كانت معصبه..
سليمان: تقدرين تقولين..
العنود: الله يعينك يا ريم...بروح انقذها لان رغد اكيد مجهزه لها مفاجأه..
تركي: صدق بمناسبة ايش..
العنود: بمناسبة انها جالسه معاكم لحالها.."وراحت"
سليمان: شكل الموضوع اكبر من اللي تصورته..
تركي:وانت صادق..الله يعينك يا ريم لانها من جد مظلومه..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
وبعد تقريبا ربع ساعه طلعوا من المجمع وراحوا للفندق..
في سويت ابو مشاري..
رغد: ممكن الحين تقولين تبريرك على اللي حصل..
ريم: والله مو انا ولا فكرتي ولا حتى جات على بالي..العنود هي الخططت ونفذت وانا ما ادري بالموضوع وحطتني عندهم وراحت..
رغد: ليش تروح كان جلست معك اهون..
ريم: وانا وش دراني عنها..
رغد: ريم تدرين اني اخاف عليك وماودي يصير لك شي انتي عارفه هالشي..
ريم: والله عارفه..
رغد: ريم بليز ارجوا ان ما يتكرر اللي حصل..تحبين سليمان وهو يحبك اوكيه..بس الغلط غلط..
ريم: عارفه والله عرفه وحقك علي..
رغد: زين محد شافك..
ريم: أي والله..كان ارجع السعوديه بتابوت..
رغد: ههههه صادقه..
شوي سمعوا صوت احد يدق الباب..
رغد: تفضل..
العنود بسرعه: والله والله يا رغد انا اللي قايله لها وانا اللي سويت كل شي يعني لا............"وسكتت"
ريم ورغد فاقعين ضحك على العنود..
العنود مستغربه: وش فيكم..؟؟
ريم: حلينا القضيه..وانتي حضرتك توك تجين تدافعين عني..
العنود: والله من يوم دريت وان على طول جيتكم..
رغد: خلك تسوينها مره ثانيه يا المجنونه..
العنود: هههه سوري ما كان قصدي ..وبعدين كان عقلي مو معاي..
رغد تطالعها بنص عين: اجل كان مع مين..
العنود تصرف: مالك شغل..اجل يله انا رايحه"وطلعت"
رغد تصارخ عشان تسمعها: بتهربين مني..وراك وراك والزمن طويل..
ريم: ههههه يا حليلها عنوده..
رغد: أي والله على نياتها..
ريم: مو على نياتها نياتها..بس حبوبه وتحب تهتم بالكل بس بطريقتها..
رغد: الا وين مشاري ومشعل ماني شافتهم..
ريم: تصدقين من امس ما شفتهم.
رغد: قومي ندور عليهم..
ريم: يله..
صاروا يدورن في الغرف ولا حصلوهم..
ريم: يعني وين راحوا..
رغد: باين انهم ما ناموا هنا.
ريم: اجل وين ناموا..
رغد: علمي علمك..وانا قلبي يقول لي ان العيال ماخذين سويت لهم..
ريم: لالا ما اتوقع..تدرين لو صار هالكلام صح.. لا افجر في الفندق كله..على كيفهم العيال ايه والبنات لا..
رغد: خلينا نتاكد..قومي اتصلي على العنود..
ريم اخذت موبايلها واتصلت: الوو..
العنود: هلا والله وغلا..
ريم: على السريع كذا..اخوانك وينهم؟؟
العنود: اخواني ما ادري ما شفتهم..
ريم:طيب هم ناموا في السويت عندكم..
العنود: تصدقين من امس ما شفتهم..
ريم بقهر: قايلته والله قايلته.
العنود: شنو.؟؟
ريم: العيال ماخذين سويت لحالهم واحنا يا عمري ..عشانا بنات ضايعه حقوقنا..
العنود: هين والله ما اسكت..بنجمع البنات ونسوي نقلاب..
ريم: اوكي الحين جايتكم..
وطلعوا هي ورغد وراحوا عند العنود وعبير ومن هناك اتصوا على البقيه..
الهنوف: والله ظلم..
فجر: مو على كيفهم..
العنود: فكروا معاي وش نسوي..
ريم: نكلم ابوانا ونطالب بحقوقنا..
عبير: بيوافقون؟؟
رغد: غصب مو على كيفهم..حاجرينا في الطلعه وفي الروحه..ما يصلح مايصلح..
العنود: اجل يله..
وطلع الجيش كامل والشرار يطلع من عيونهم متوجهين لابوانهم<<الله يعينهم..
اللي كانوا جالسين تحت في صالة الفندق..
ابو مشاري: كأن هذولا بناتنا..
ابو ماجد: الا هذي العنود وعبير..
ابو فيصل: كأنهم جايين لنا؟؟
صفوا البنات قبالهم والرجال يطالعونهم مستغربين التجمهر..
العنود: احم احم...ممكن الحين تحجزون لنا سويت خاص..
ابو ماجد: وليه ان شا الله..
عبير: حالنا حال العيال..
ابو مشاري: انتوا قلتوها عيال مو بنات..
ريم: لا والله وش هالعنصريه..
رغد: معليش دادي..احنا جيل المساواة مافي تفرقه..
ابو فيصل: خلوهم ينبسطون لا تضيقون صدورهم..
شجون: تسلم بابا على الكلام اللي ينقط عسل..
ابو ماجد:ولو بنات ما يصلح نخليهم لحالهم..
العنود بعربجيه: يبه....لا تطلعني من طوري..
ابو ماجد في نفسه"فشلتني الله يفشلها هي ولسانها الطويل"
العنود: هاه ..وش قلت؟؟
ابو ماجد: وش رايك يا ابو مشاري..
ابو مشاري طالع في ريم ودرى انه لو قال لا بتقعد تصيح وتفضحه عند الله وخلقه فا اضطر وقال: يله خلوهم ينبسطون..
ابو ماجد: يله افرحوا الحين ..اذا انزلوا العيال حجزنا لكم..
البنات: يــــــــس
وراحوا بدون ما يشكرون ابوانهم بأي كلمه..
ابو ماجد: بنات اخر زمن..حتى شكرا ما قالوها..
ابو مشاري: أي والله جيل غريب..
طلعوا البنات وهم في الممر قاعدين يستهبلون..مشغلين اغنيه بالموبايل ويرقصون عليها وانواع التصفير والصراخ..طل واحد من سكان الفندق وكان بيتكلم بس شاف الكم الهائل دخل وما تكلم..والبنات مو حاسين بأحد لما طلع
مشاري:خير وش هالصراخ..بيت ابوكم..
البنات عايشين الجو ومو حاسين.
طلع ماجد: وش عندهم..؟؟
مشاري: وانا وش دراني.
طلع طلال: وش صاير؟؟
ماجد: تفرج بس على الهبال...
كانت العنود وعبير يدقون رقبه واشكالهم تحففففففه..
طلال مات من الضحك لما شافهم..
العنود وعبير ميزوا ضحكة طلال ولفوا عليه وشافوه انه كان يطالعهم..استحوا على وجيهم ودخلوا على طول..
عبير: فشله..طلال كان يطالعنا واحنا ندق رقبه..
العنود: الحين وين اودي وجهي ..صار صغير من الفشيله..
البنات ميتين ضحك لان اشكالهم من جد كانت تضحك..
العنود\:انتوا اضحكوا واحنا اللي ناكلها..هين اوريكم..
عبير: شجون اسكتي عن الضحك ولا ما عطيتك كورسات
"على فكره كانت شجون طول الوقت قاعده مع عبير تعلمها الدفاشه والعربجيه على اصولها"
شجون بعربجيه ما ادري وش تبي:خلاص ريحينا عاد..
عبير تصفق: ياهوووه..صدقيني يومين زياده وتطلعين كذا..
شجون بدلع: تسلمين.
عبير:لالا كذا خربتي ..قولي كذا"وتكبر صوتها"تسلمين..
شجون تكبر صوتها مثلها: تسلمين..
ريم: شنو هذا ما يصلح لك ابد..
نوف: شجون لا تتهورين ولا تصرين تحت رحمة عبير..تراها كانت تحن علي تعلمني الدفاشه بس انا ما رضيت..
شجون: بالعكس وناسه احسن من الدلع..واحس اني اول كنت تافه..
نوف: لا البنت استخفت وقعدت..عبير اعقلي عنها..
عبير: ما عليك مني..خلينا انا وياها نصلح ..
نوف:شجون اسمعي الكلام..
شجون: تعالي معي ونفلها وننبسط..
نوف: كيفك انتي الخسرانه..
فجر: اقول ريم ما شفتوا فيصل..
ريم: احلى يا اللي تسال عن زوجها..الا شفته..
رغد: كان علمتينا نضبطك معاه..
فجر: ودي اشوفه بس وشلون..
العنود دخلت في السالفه: ولا يهمك..
رغد: اذا كان مثل يوم ريم..فكينا واللي يرحم والديك..
العنود: لالا..بخليك تشوفينه وتسولفين معاه..
فجر: وشلون؟؟
العنود: اصبري لحضه.."وطلعت موبايلها واتصلت"
العنود: الووو هلا والله وغلا.....لالا...كيف.....هههههههه..طيب اسمع بخليها تنزل..اوكي..العفو..بس انتبه ترى الشياب تحت..اذا كان كذا اوكي...يلا باي..
فجر مستغربه: مين تكلمين..
العنود ببرود: رجلك..
فجر والبخار يطلع من راسها: من سمح لك تكلمين رجلي..
العنود: انا.....اسمعي بس بيجي يمرك الحين وتنزلون مع بعض وتفلونها وتسولفون وتتغزلون في بعض..بس لي طلب واحد..
فجر: امري بس..
العنود: سجلي الكلام كله عشان اذا جيتي نسمعه..
فجر: لوتموتين..
العنود: اجل ما فيه..
فجر: مو على كيفك..خلني اروح اتكشخ قبل لا يجي..
العنود: ايه والله روحي تزيني عشان ما يهج..
فجر وهي ماشيه: مسكينه اصلا جمالي جمال طبيعي..
العنود: ايه هين..
رغد: اعقلي عنها..
العنود: لا تكفين خليني اهبل فيها..
رغد: انهبلتي انتي..اقولك خليها..
العنود: اوووف..ما تخلون الواحد يوسع صدره..
ريم: الحين تنبسطين اذا عصبتي بالناس..
العنود: قمة الوناسه..
ريم: يا نذلك..
العنود: توك تدرين..من زمان وانا نذله..
ريم: لا ادري بس الحين تأكدت..
العنود: الحين خلينا في المهم..
ريم: ايوه.وش المهم..
العنود: في غيره مهم بحياتي...اكيد طلال..
ريم: اهاا
%%%%%%%%%%%%%%%%%%%%%%%%%%%%%%%%%%%%%%%%%%%%%%%%%% %%%%
رغد: هنوفه من جد وحشتيني..
الهنوف: وانتي اكثر يا قلبي..
رغد: صراحه اخوك اليوم قهرني مره فاضي..
الهنوف: تركي اذا شافك عليه السلام..
رغد استحت: الهنوووووف..
الهنوف: هههه وانا وش قلت..
رغد: وش اخر اخباره وعلومه..
الهنوف: تبين عن اخباره العاطفيه ولا اخباره الشخصيه..
رغد: كل شي..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
ريم: الحين لازم اخليه يشوفك سوبر مان ..يعني المنقذ المضحي..
العنود: لا والله فلم هندي..
ريم: بتسمعين الكلام اللي بقوله ولا اسكت.شوفي الخطه الاولى جابت نتيجه..
العنود: يله كيف ا نشا الله بصير سوبر مان..
ريم: شوفي ..الفكره شوي خطيره وفيها حياة او موت..
العنود: وش هي حمستيني؟؟
ريم بتردد: اسمعي هي" وبلعت ريقها" ان نخلي شخص يوقف في وسط الشارع او حاره صغيره..
العنود: ايوه وبعدين..
ريم: وكأن سياره بتصدمه وانتي تجين كذا وتنقذينه..هاه وش رايك..
العنود تطالعها وعيونها بتطلع: من جدك انتي تتكلمين ولا تستهبلين..
ريم: والله من جدي..
العنود: ريم هذي حياة او موت مو لعبه..
ريم: كل شي يهون عند طلول ولا انا غلطانه..
العنود: طيب انا موافقه..بس من الغبي اللي راح يتبرع ويوقف في نص الشارع..
ريم: عاد هذي عليك..
العنود تطالع ريم بنظرة خبث..
ريم: وش فيك تطالعيني كذا..
العنود: لانه انتي يا ريوم اللي راح تسوينها..
ريم: وانا وش دخلني ما بعت عمري..
العنود: مو هذي خطتك يا الفالحه..وبعدين حرام عليك انا بنت عمك ومالي غيرك ومحد بيحس فيني غيرك وش قلتي؟؟؟
ريم: اقول مو كأن الخطه انتحاريه.وش رايك نغيرها,,
العنود: لالا يا قلبي بعد ما دخلتيها في راسي..بعدين شوفي ما راح توقفين في شارع عام..في حاره احسن..
ريم: واذا مت..
العنود: عادي شهيده من اجل الحب..
ريم: واذا ما حس فيك طلال..
العنود: لا تفاولين علي..يالله خلصيني..
ريم: طيب خلاص موافقه..بس اذا صار لي شي انتي المسؤله..
العنود: خلاص انا المسؤله..وبعدين ما راح يصير لك شي ا نشا الله وخصوصا معاك سوبر عنود..
ريم تكش على العنود: مالت عليك وعلى اللي تحبينه.
العنود: رويم عاد كل شي ولا طلال..ما قلتي لي متى نسويها تراني تحمست..
ريم: ادري تحمستي لموتي..
العنود: ريم بلا سخافه ..جعل يومي قبل يومك وبعدين يمكن ما يصير لك شي وتصدمني انا السياره..
ريم: عسى ا نشا الله..
ضربت العنود ريم من ظهرها: استغفري يا النذله..
ريم وهي ترفع حواجبها وتنزلها: طالعه عليك..
ودخلوا في هواش..
%%%%%%%%%%%%%%%%%%%%%%%%%%%%%%%%%%%%%%%%%%%%%%%%%% %%%%
فجر راحت على طول ولبست وتكشخت وحطت ميك اب كامل ولبست العبايه وتعطرت وطلعت..لقت فيصل ينتظرها عند الباب...
فيصل كان لابس ثوب اماراتي ومسوي العمامه الامارتيه تراني ما اعرف وش اسمها..المهم طالع شكله خيال...
فجر اول ما شافت فيصل صنمت في مكانها لدرجه انها كانت راح تسكر الباب بس يوم شافته خلته..وغير هذا كله كان فيصل مبتسم ذيك الابتسامه اللي لو اقعد اوصفها ما كفيتها تذبح فيصل بدون شي يهبل وشلون بالاماراتي يجنن غير الرزه اللي مخليته شي..
فيصل شاف فجر وانهبل عليها لان عيونها من جد كانت روعه وتحفه فنيه..وغير خشمها الطويل والصغير وشفايفها الصغار طالعه روعه روعه..فاكان مطير عيونه<<يحق له..
فيصل: احم..هلا والله وغلا..
فجر وهي ميته حيا: اهلين..
فيصل: فديت اللي يستحون..
فجر ذابت في مكانها:......
فيصل كتف ايدينه: يعني شنو بنقعد هني..
فجر رفعت راسها: لالا ما راح نقعد"وسكرت الباب ووقفت جنبه"
فيصل مد ايده..فجر تطالع ايده وتقول في نفسها"اذا الحين وانا بعيده بذوب اجل لو امسك ايده وش بصير فيني"
ومدت ايدها وشبكت اصابعها في اصابعه..
فيصل مسك ايدها وحس انها ترتجف ممن الحيا..فجر اول ما لمست ايدها ايده حست بشعور غريب شعور حلو واحساسها بالامان وبالسعاده وبالحب بعد..
ونزلوا وطلعوا برى الفندق وراحوا لمقهى راقي بدبي مو بعيد مره..وجلسوا بطاوله صغيره قبال بعض..
فيصل: فجر وش حابه تشربين..
فجر: اللي يعجبك..
فيصل: اوكي راح اطلب لك على ذوقي..
ونادى الجرسون وطلب لها وله.......ولما راح الجرسون..
فيصل كان حاط ايده على خده ويطالع فجر وهو مبتسم قاصد انه يحرجها..فجر يا عمري عليها توترت قامت تحوس بالشنطه وطلعت الموبايل تطقق فيه..تلتفت يمين..ويسار..تطالع فوق تحت أي مكان بس ما تشوف فيصل..فيصل كاتم الضحكه مبسوط عليها...فجر خلاص وصلت معاها..
فجر: فصول لا تطالعني كذا..
فيصل مطير عيونه وصار يلتفت يمين ويسار..
فجر: وش فيك..
فيصل يسوي نفسه مستغرب: فصول تقصديني انا؟؟
فجر ماتت ضحك..
فيصل خلاص فص ملح وذاب من ضحكة فجر: فجوره قلبي..ترى قلبي يعورني..
فجر خافت: ليش سلامات وش فيك..
فيصل وهو ماسك قلبه: ضحكتك...ضحكتك ذبحتني..
فجر ما مسكت عمرها وصارت تضحك..
فيصل: لاااا.اجل تبين الفكه مني..
فجر: بسم الله عليك جعل يومي قبل يومك..
فيصل: بسم الله علينا خلينا من سيرة الموت وخلينا في سيرة الحب "وصار يغني سيرة الحب"
طول عمري بخاف من الحب ..وسيرة لحب..وظلم الحب لكل اصحااااابه...
فجر: فصول ترى فضحتنا عند الله وخلقه..
فيصل: خليهم يدرون يا عمري اني قاعد مع حبيبة عمري..واني تمنيت هاليوم من زمان..
فجر/ تسلم لي والله..بس شوف الناس قاعدين يطالعونا..
فيصل بكل برائه: صدق!!"وقرب من عند فجر لان الطاوله صغيره"وينهم؟؟
فجر تاشر بعيونها :شوفهم هناك..
فيصل قرب اكثر وطبع بوسه على خد فجر..
فيصل: وخليهم يدرون اني اموت فيك.
فجر خلاص ما عاد تدري وش تسوي..تتغطى ..تضربه..تنحاش تضمه تبوسه..وجهها صار عنابي مو احمر من الحيا والسعاده كمان..
فيصل: ههههه يا حلوك وانتي مستحيه..
فجر: فصول لا تعيدها مره ثانيه..
فيصل: ليش مو انتي زوجتي..خلاص حلال علي..
فجر: بس مو قدام الناس..
فيصل بخبث: يعني بعيد عن الناس عادي..اجل يله قومي مكان بعيد عن الناس كلها..
فجر في نفسها"وش اسوي بذا الحين":حبيبي بردت القهوه ما شربتها..
فيصل: حبيبك... انا حبيبك"وقام يصارخ"يا ناس احبها..
فجر وهي تضحك اخذت شنطتها وطلعت لان الناس من جد بيطردونهم..
فيصل لحقها وصار يلف عندها: انا حبيبك....انا حبيبك....واخيرا يا قلبي واخيرا..
فجر وهي تمشي تضحك على خبال فيصل..
فيصل: فجوره حبيبتي عمري حياتي دنيتي كلها عديها ابي اسمعها منك..
فجر: مافي..
فيصل: فجوره تكفين..
فجر: لما تعقل عن حركاتك..
فيصل كتف ايدينه وسول نفسه بزر: والله التوبه ابله فجل...
فجر: ههههه ولا يهمك..حبيبي..
فيصل مسك ايدها وصار يركض وفجر وراه يسحب فيها بعبايتها وحوستها..
فجر: فصول وقف ترى تعبت..
فيصل: تبيني اشيلك.
فجر خافت: واللي يعافيك الا هذي..والله ما تسويها..
فيصل: ليش حلفتي..
فجر: وانت يالله يفيد فيك كذا..
فيصل: ترى بزعل..
فجر: فصول بعد عمري انت لا تزعل مني ترى ما اقوى زعلك..
فيصل: اجل يله غني لي اغنيه وارضى..
فجر: ومن قال لك ان صوتي حلو..
فيصل: محد قالي انا سامعه من زمان..
فجر: يمه منك..خلاص ولا يهمك اسمع هذي اهدا مني لك..بس قبل انت تحب الاغاني اللبنانيه..
فيصل: يا قلبي أي شي منك اموت فيه..
فجر: اوكيه اسمع كح كح..
بحبك و داري ليلي و نهاري
عملت فقلبي ايه
صوتك ناداني نسيت زماني
اعمل بحبك ايه
عينيك حبايبي جرحت لي قلبي
ورموش عينيك تداوي
تمسكت بايد فيصل وصارت تغني بصوتها المبحوح والهادي باحساس وهي تطالع في عيونه بكل حب..فيصل كان يبادلها نفس النظرات مع ابتسامه تقول واخيرا يا فجر حبيتني..
حبيتني كلمتني
و غصبا عني بصدقك
باين عليك و روحي فيك
ما علش نفسي اشوقك
عشقك دوا قد الهوى
و قد عمري بعشقك

بحبك و داري ليلي و نهاري
عملت فقلبي ايه
صوتك ناداني نسيت زماني
اعمل بحبك ايه
عينيك حبايبي جرحت لي قلبي
و رموش عينيك تداويني
افهم بقى متشوقة
كلملي قلبك فهمو
لو كان عليك حيدوب اكيد
و بنظرة مني حعلمو
و حغلبو و غلبو
علشان عيونو يسلمو

بحبك يا ويلي سهرت ليلي
حتى القمر سهران
انا و الليالي عشاق يا غالي
عشاق بقا لنا زمان
ملكت روحي تسكن جروحي
اجرح كمان و كمان

عملت فقلبي ايه اعمل بحبك ايه
و رموش عينيك تداويني
فيصل: تدرين اني مو بس احبك..احب حتى الارض اللي تدوسين عليها..
فجر: وانا كمان..
فيصل بعباطه: وانتي ايش؟
فجر وهي مستحيه: وانا مثلك..
فيصل يسوي نفسه برئ:ما فهمت مثلي في ايش؟؟
فجر: فصول حتى انا...انا احبك...
فيصل انجن وقعد قام يصارخ وينطط حولها: يانااااس قالت احبك..فجر تحبني..
فجر ميته ضحك عليه وحبه في قبلها كل لحظه يزيد وتحسفت انها ما نتبهت له من اول..
فيصل وقف شوي واخذ نفس..:فجورتي ممكن تعدينها..
فجر: وش رايك اعيدها بعدين ..الحين تاخرنا وبعدين انا ما قلت لامي اني بطلع معك..
فيصل ضرب رجله بالارض: يعني بنرجع..
فجر: ايوه..
فيصل: لااااا.. ليش ما بعد شبعت منك ولا راح اشبع..
فجر: فصولتي يلا الجايات اكثر..بس خلينا نرجع الحين عشان ابوي ما يعصب..
فيصل: امري لله ...مشينا..
ورجعوا للفندق..فيصل راح مع العيال في سويتهم..وفجر راحت عند البنات واول ما دخلت..
فجر تصارخ: واااااااااااااااااي..
تجمعوا البنات حولها..
فجر تضم نوف: يهبل يجنن خبلني وراح..
نوف مبسوطه معاها: مين؟؟؟
فجر: فيصل..
نوف: متى شفتيه؟؟
فجر: تونا راجعين...
نوف: ما شالله ولا قلتي لنا..
جات العنود والشله..
العنود: خير وش صاربالتفصيل..
فجر: بعدين ان شا الله..اخر الليل..
ريم:احسن عشان نعيش الجو..
رغد: خلونا نطلع ما جينا نقعد في الفندق..
عبير: وانتي الصادقه..
شجون بعربجيه: مين راح يقول للعيال .ولا اقول انا..
فجر:وش فيها هذي قلبت..
نوف: جالسه مع الاستاذه عبير..
فجر: يعني الحين عبير تعطي كورسات لشجون..
مها: بالضبط..
فجر: عز الله رحتي فيها يا شجون..
شجون: وش فيكم علي خلو الوضع اهدا اوكي بلا مهايط..
رغد: الحين يا عبير يوم علمتيها الكلمات ليش ما علمتيها متى تقولها..
عبير: بعدين..شوي شوي عليها..
ريم: شجون قلبي مهايط يعني مع احد يتهاوش معاك..
شجون بدلع: اوه سوري ما قصدت معليش مره ثانيه..
عبير: شجون..!!!!
شجون: ايه صح .."وكبرت صوتها"خلاص ترا طفشنا ما صار..
الهنوف: وش رايكم نروح السنيما..
البنات : يله..
كلموا الامهات ووافقوا واتصلوا على العيال واتفقوا معاهم..وتجهزوا وتكشخوا وطلعوا معاهم....البنات في جمس والعيال في الجمس الثاني..
واختلفوا العيال من يسوق في البنات..
ماجد: انا ما علي من احد ما راح اسوق فيهم..
وليد: خلاص انا اسوق فيهم..
مشاري: لالالا خلاص انا بسوق فيهم..
وليد: لا كل مره انت..خلاص هالمره انا اللي بوديهم..
مشاري ما كان وده بس مضطر لان كل مره يسوق فيهم:خلاص براحتك..
وليد: اوكيه يلا كل واحد على سيارته.
البنات كانوا نفس الترتيب ورغد كانت قدام على اساس انه مشاري.
ركب وليد السياره وطالع اللي جنبه شافها رغد شق الخشه متر في متر..
رغد مصدومه: وين مشاري ليش ما جا..
وليد وهو مبتسم ابتسامه على جنب: مشاري قال هالمره انت ودهم..
رغد فتحت باب السياره: خلاص انا بغير مكاني..
عبير من المرتبه الاخيره: اسمعي ما راح اركب قدام..
رغد: اجل العنود..
العنود: لو تموتين ما راح اتحرك من مكاني..
رغد: طيب ما اصلح اقعد جنب اخوك..
عبير والعنود: ما علينا منك..
وليد كان يطالعها بعدين قال:: خلاص ترى المشوار مره قريب..
رغد سكتت وسكرت الباب ورضت بالامر الواقع...
في الطريق..
رغد كانت تطالع قدام وحاطه ايدها على تكايه في الوسط بين المرتبتين وتفكر..
وليد حط ايده بالغلط على ايد رغد..
اول ماحط ايده رغد ارتاعت..
رغد بصوت قصير ومن بين اسنانها: تستهبل انت..
وليد: والله اسف ما قصدت..
رغد: موعلي هالحركات..
وليد: وربي ما كانت اقصد صدقيني..
رغد طنشته وحطت ايدها في حضنها..
وليد بين كل لحظه والثانيه يطالع رغد ويكبر حبها في قلبه مع كل نظره ومع كل حركه منها..
وصلوا السنيما واخيرا وكان الفلم اللي بيحضرونه امريكي رومنسي شوي مع اكشن..
قصوا التذاكر ودخلوا..
اقول لكم ترتيب الاماكن..
اخر الصف كان فيصل وجنبه فجر بعدين نوف ومها وشجون ..عبير وريم والعنود والهنوف ورغد وجلس جنبها وليد وجنبه مشاري اللي ما علق على الموضوع وبعده ماجد وفواز وطلال وتركي وسليمان ونواف وسعود...
سعود: نواف شفت بناتهم..
نواف: ايه شفتهم يشقون الراس..
سعود: أي والله وخصوصا ذيك"يقصد شجون"
نواف: لا نا عاجبتني الثانيه"يقصد نوف"
سعود: حتى هذي ما عليها..
نواف: خلاص لف وجهك عيب تناظر بنات الناس..
سعود: ما اقدر جمالها ما يخليني..
نواف الحين اخليك تلف وجهك صح"ومسك وجهه ولفه"
سعود: كذا احسن..
تركي منقهر:شوف وجه النحس"يقصد وليد"
سليمان: وش فيه؟؟
تركي: اليوم فالها معاها..راكب السياره جنبها والحين بعد جالس جنبها وانا حتى في السوق ما عطتني وجه..
سليمان: صراحه مالها داعي يجلس جنبها..
تركي: دبرني وش اسوي..
سليمان: لاتسوي شي وطالع الفلم..
تركي: اووووف قهر والله قهر..
مشاري في نفسه"وانا ما جلست الا بين ذولي ياليتني جالس جنب هنوفتي ام الدلع والدلال وتخيل انها معاه وعااااش احلامه"
وليد: احم احم رغد..
رغد بدون ما تلف عليه: هلا..
وليد: حلو الفلم مو..؟؟
رغد: هو بدى عشان تقول حلو..
وليد كان يطالع رغد ولا يدري وين ربي حاطه فيه: صح هو ما بدى ..بس انا قد شفته..
رغد: صدق!!
وليد: والله..
رغد: طيب خلاص..
وليد: تبيني اقولك القصه..
رغد بدون نفس: الحين بشوفه ما يحتاج..
وليد: طيب مليت خلينا نسولف لما يبدى..
رغد: سولف وانا ماسكتك..
وليد: طيب عادي اسال..
رغد: أسأل..
وليد: لو كان خاص..
رغد خافت فا ضطرت تقول:لا..
وليد: طيب ما راح اسال..سولفي انتي عن الدراسه عن طموحك عن الجامعه عن أي شي..
رغد تحمست: عندك استعداد تسمع..
وليد انبسط: اكيد..
رغد: انا حلمي يكون عندي لغه وخصوصا انجليزي..
وليد باعجاب: حلو...
رغد ابتسمت: ايوه..واكون بعدين شي مثلا ادرس برا واخذ الماجستير والدكتوراه..واحقق كل طموحاتي..
وليد: والله مستقبل وقسم مضمون..
رغد: هذا اللي افكر فيه..
وليد بعفويه: والزوج..
رغد مستغربه: وش فيه الزواج..
وليد: ما راح يكون عائق على طموحك..
رغد: لالا اشرط اني اكمل دراستي وابغى زوجي يكون عون لي..
وليد: ايوه<<يبي يجرها بالحكي..
رغد: وبس..
وليد: وش مواصفات فارس احلامك..
رغد حست انها عطته وجه بزياده: اقول بدى الفلم ولا ..
وليد: الا بدى..
رغد: ابي اشوفه..
وليد: اوكيه بروح اجيب لك ولي بوب كورن واجي اوكيه..
رغد: اوكيه..."ولما بعّد"ياربيه انا وش قلت عنده..وش قعدت اقوله..كل ما قلت بابعد عنه القى نفسي اقرب اكثر..حرام ماودي اكسر في خاطره..
بعد دقايق جا وليد وجلس..
وليد: تفضلي يا احلى رغد احلى بوب كورن..
رغد: تسلم..وصارت تطالع الفلم ووليد يطالعها..
رغد ما تحملت اكثر ولفت عليه: وليد وش فيك تطالعني..
وليد ارتبك: ها لالا انا اطالع الفلم..
رغد: اها..وكملت مع الفلم لانه رومنسي وجنبها الهنوف متمسكين في بعض..
ريم: شوفي الرومنسيه مو انتي الله يخلف عليك..
العنود: انتي خلي طلال يعطيني وجه واصيراحسن من هذي..
ريم: نشوف مع اني اشك ان ابو طبيع ما يجوز عن طبعه..
العنود:تشوفين..
نوف ومها وشجون يبكون لان البطل ترك البطله..
نوف: ليش حرام عليه...
مها: حقير والله حقير..
شجون تشاهق من الصياح.:حرام والله ما تستاهل كل هذا يصير لها..
عبير: وبعدين عورتي راسي..احسن تستاهل من قال لها تحبه..
شجون:الحب غصب عن الواحد مو بإرادته..
عبير:ولو هي غلطانه..
شجون: انتي وش علمك في الرومنسيه..
عبير: وانتي وش علمك في الحب..
ريم: ما عليك منهم تعالي معنا سولفي..
عبير: تراني رومنسيه بس اكابر..
العنود: واضح من عيونك..الرومنسيه تشع لدرجه ان عيوني عورتني من اشعاعك..
عبير: تتنطزين..اصلا انتي وش علمك في الحب والرومنسيه..
العنود: اعصابك يا جولييت ..اللي يسمعك يقول عايشه قصت حب..
عبير: وليش لأ..
ريم: يعني صدق تحبين..
العنود: ما عليك منها..لو قالوا عبير تحب كان الحب نفسه انتحر..مات..اي شي بس عبير ما تحب..
عبير: مالت عليك..
&&&&&&&&&&&&&&&&&&&&&&&&&&&&
فيصل ماسك ايد فجر ولاهين يطالعون بعض ويتغزلون في بعض وما يدرون عن اللي حولهم ..
بعد ساعه خلص الفلم ..وعند باب السنيما..
نوف كانت جنب نواف..
نواف: لو سمحتي..
نوف: انا؟؟
نواف: ايوه انتي ..مو انتي اخت فواز وطلال..
نوف: ايوه..
نواف: انا صديقهم نواف..<<اعصابك..
نوف: تشرفنا.
نواف: انا لي الشرف والله..
نوف: تسلم..تامر شي..
نواف: لالا سلامتك بس حبيت اعرفك بنفسي..
نوف: هلا والله..
وليد ورغد طلعوا مع بعض وهم يسولفون..
وليد: ايوه اقول لك البطل نفسه عندي له فلم خيالي..
رغد: قل والله..امانه امانه وليد تعطينياه.
وليد: فداك..واجيبه لك براس الخدمه..
رغد: تسلم والله..
وليد: كل اللي تبينه من افلام عندي.
رغد: يبي لي يوم اجي عندكم وألطش لي كم واحد واوسع صدري عليهم..
وليد: ا نشا الله اذا رجعنا..
مشاري: وش عندكم..
رغد: وليد عنده كل الافلام اللي نزلت هالسنه..
مشاري:ما عليك منه سارقها مني..
وليد: كذاب اصلا لو يحلم ما عطيته..
مشاري: مالت عليك..
فواز: الحين وين راح ترحون..
البنات: البحر..
العيال: المول..
مشاري: اتفقوا على شي..
البنات: البحر..
العيال: المول..
مشاري: حلفوا بس..
العنود: انا اقول البحر احسن وبكره المول..
البنات: ايه..
العيال رضخوا لطلبات البنات ..وقرروا يمرون اهاليهم..
ورجعوا للفندق..وقبل لا يصلون..
ريم: العنود الخطه..
العنود: ايوه صح الحين نطبقها..
ريم: اوكي..

@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@ @@@@@@@@@@@@@@@@@@@@@@@@@

" نـــــــــهــــــــــــــــايــــــــة الـــــــــبـــــــــــــــــــــــارت "

*ابي تحليل شااااااااااااااامل لكل الاحداث..
وبعد توقعاتكم..
*وش راح يصير على خطة ريم والعنود وهل ممكن يصير شي لا سمح الله...
*تركي وش راح تكون ردة فعله من رغد...

__________________

الجـــــــــزء السـابع والعشـــرون..
ريم: العنود الخطه..
العنود: ايوه صح الحين بنطبقها..
ريم: اوكيه..
العنود: تصدقين خفت يصير لك شي ويأنبني ضميري..
ريم: روحي فداك يا قلبي بس انتي قوي قلبك وعزمك بعد..وانتبهي لعمرك اوكي..
العنود: اوكي...
وصل الجمسين عند باب الفندق نزلوا العيال و البنات..
بعض البنات والعيال راحوا داخل الفندق يبلغون الامهات والابوان..
العنود: ريم يله تحركي..
ريم: خايفه..
العنود: تشهدي وروحي..
ريم: اشهد ان لا اله الا الله.."ومشت ووقفت في نص الشارع وغمضت عيونها...العنود كانت تراقب الوضع بدقه..جات سياره وصارت تضرب هرن لريم عشان توخر ..ريم ترتجف في مكانها....قربت السياره بسرعه متوسطه وهي ما زالت تضرب هرن..العيال والبنات انتبهوا لريم وصار الكل يصرخ انها تبعد وهي واقفه....قربت السياره وما بقى الا كم مترين وربطت فرامل وفي نفس اللحظه انطلق شخصين...الاول كانت العنود..والثاني كان سليمان..والسياره راطبه فرامل بس ما بعد وقفت قربت من ريم وما بينهم الا كم خطوه..في نفس اللحظه رمت العنود نفسها على ريم وتدحرجوا..سليمان الي ما امداه على ريم لان العنود سبقته..السياره اللي لحد الان ما وقفت صدمت سليمان ورمته على الارض بقوه ونزل منه الدم على وجه وثوبه ....
ريم فتحت عيونها وهي تتألم: آآآآه...خلاص..
العنود: أأأأأي.. خلاص..
ريم: طيب قومي عني..
وقامت العنود وريم..لفت ريم وشافت شخص مرمي على الارض والشله تركض لجهته..
ريم خافت ونغزها قلبها: مـ..مين هذا..؟؟؟
العنود مصدومه: ما ادري..انا شفت واحد من العيال يركض معاي بس ما ادري مين بالضبط..
ريم خنقتها العبره وصارت ترتجف وراح لون وجهها: شكل هذا ..."بعلت ريقها وقالت الاسم بصعوبه" سليمان..."لفت على العنود" ..بس ليش الدم عليه كذا..
العنود خافت منظر سليمان ما يطمن: قومي خلينا نروح نشوف..
ريم مشت بخطوات مهزوزه ..كل شي فيها متلخبط..افكارها خطواتها..توازنها اختل ومسكتها على طول العنود وسندتها عليها...

عند سليمان...
بعض العيال حوله ومها اخته من البنات..
مها تصارخ ودموعها سيل على خدودها: سليمان قوم واللي يعافيك قووم..
تركي طاح على ركبته وجلس جنبه ويهزه بخفيف: ابو سلوم...ابو سلوم وش فيك ..انا اخوك..رد علي واللي يخليك لا تصير ساكت كذا..ابو سلوم زعلان مني..ما تحب حركاتي..طيب خلاص بأعقل..بس انت رد علي...ابو سلوم لا تتركني كفايه ابوي واللي يعافيك..
والبقيه يحاولون يهدون تركي ومها لانهم منهارين..
ريم وهي تقرب من عند سليمان والعبره خانقتها: العنود ..سليمان وش فيه ما يرد على مها..
العنود: ان شا الله ما فيه شي..
ريم: العنود قولي الصدق ليش ما يرد "وصارت دموعها تنزل من دون أذن"
ووصلوا واخيرا عند سليمان..
ريم جلست تطالع سليمان من فوق لتحت وحطت ايدها على فمها وبعد لحظات لفت على طلال..
ريم: طلال وش فيه سليمان..
طلال يطالع العنود وبعدين طالعها: ما فيه الا العافيه بس انتي اهدي.
ريم تصارخ وتهز سليمان بقوه: سليمان واللي يعافيك قوم شوفني بخير ...سليمان رد علي طيب رد على مها..سليمااااان..
العنود شالت ريم: اذكري الله ما فيه شي...طلال وش تنطر وده المستشفى ما تشوف الرجال ينزف ..
طلال : صح المستشفى صح..
راح هو وماجد وشالوا سليمان وركبوه الجمس..
وجات رغد واخذت مها وريم معها العنود ودخلوهم داخل..

داخل الفندق..
ريم تصارخ وهي منهاره: انا ..انا السبب ..آآآآ يا سليمان حرام زهرة شبابك..
مها جنبها منهاره اكثر واكثر: آآآه يا اخوي لا تروح وتتركني ترى والله مالي غيرك.. لا تتركني مثل ابوي..
ريم صدمتها الكلمه ولفت على مها وزاد اللي فيها: شوفي شوفي يا رغد شوفي اخته انا انا اللي حرمتها منه انا...
رغد بحزم: ريم وش فيك ترى كلامك ماله داعي اذكري الله ا نشا الله الولد ما فيه شي.
ريم: انتي ما شفتي الدم اللي عليه وعلى ثوبه..يا قلبي عليك يا سليمان..
العنود بأنكسار: ريم هدي وسليمان ما فيه الا العافيه..
ريم: طيب ليش ما يرد علي..
رغد: يمكن مغمى عليه..
مها زاد صراخها: وين امي....ابي امـــــــــــــي..
نزلوا في نفس الوقت الحريم ومعهم باقي البنات والعيال..
ام سليمان نغزها قلبها: وش فيهم؟؟
مشاري: ما ادري بروح اشوفهم..
راح مشاري عند رغد
مشاري: وش فيكم..؟
رغد: سليمان سوى حادث ..صدمته سياره..
مشاري طير عيونه: وش تقولين وش تخربطين؟؟
رغد: مشاري..سليمان قبل شوي صار له الحادث..
ام سليمان سمعت السالفه وراحت عند بنتها..
ام سليمان وهي تحاول قد ما تقدر تثبت: مها يمه ليش تبكين..؟
مها: يمه اخوي...اخوي بيروح مني..
ام سليمان اخذت بنتها في حضنها ودمعتها في هدب عيونها: ما في الا العافيه..سليمان قوي وانا متاكده ما راح يصير له شي..
مها : ا نشا الله يا يمه ا نشا الله .."وحضنت امها بقوه"
ريم تطالع ام سليمان ومها ويزيد عندها تأنيب الضمير : العنود انا اللي خليت ام تفقد ولدها الوحيد وخليت اخت تفقد سندها الوحيد..آآآآه يا رب خذني ولا يصير في سليمان شي..
رغد صارت تبكي: ريم...شوفي امه اقوى منك..والله قطعتي قلبي..وبعدين قلت لك الصدمه خفيفه..
عبير: ريم خلاص يا قلبي والله الصدمه خفيفه..
وتجمعوا البنات بعضهم اللي يبكي وبعضهم تحكم في نفسه والثاني منهم يهدي نفسه واللي حوله..
العيال كلهم راحوا لعند سليمان بالمستشفى..وبعد ربع ساعه لحقوهم الرجال..
الحريم والبنات تجمعوا بسويت واحد ينطرون منهم رد...
مرت ربع ساعه...نص ساعه....ساعه....ساعه ونص..
ريم تهمس للعنود: العنود..غلطنا غلطه كبيره يا العنود..
العنود: ما فكرنا بكذا.
ريم: هذا اللي ياخذ المواضيع بضحك..."وخنقتها العبره"تخيلي صدق لو صار فيني او فيك شي..
العنود: تكفين يا ريم لا تزدين علي..
ريم لفت عليها: طيب تخيلي يصير في سليمان شي..."ونزلت دموعها"..والله ما ادري وش بيصير فيني...لا لا يارب لا يصير فيه شي..
بعـــد ربع ساعه..
ريم بدى القلق يصيطر عليها: رغد تاخروا مره اتصلي عليهم..والله خايفه..
رغد: بسم الله عليه..وان شا الله ما فيه الا الخير..
العنود: ريم قلبي ادعي ترى الدعا زين..
ريم: يا ليتني ما سويتها يا ليتني..
العنود: الحين يا ليت ما تنفع ..اللي ينفع يا رب..
ريم: يارب خذ روحي بس سليمان لا يصير فيه شي..
بعد ساعتين ونص بالضبط اتصل مشاري على موبايل رغد..
رغد خافت: هذا...هذا مشاري..
ريم بسرعه: ردي عليه....ولا اقول لا تردين اخاف يقول شي عن سليمان..
العنود: ردي عليه..اكيد يبي يطمنا عليه..
رغد: احم...الو...
مشاري: هلا..
رغد بتردد: مشاري ....بشر..
مشاري: لا الحمد لله جات سليمه..صار يتدلع..
رغد ارتسمت على وجهها ابتسامه عريضه: الله يبشرك بالخير ..طمنتنا الله يطمن قلبك..بس وش صار فيه..
مشاري يضحك وهو يطالع سليمان: ههههه قطو بسبع ارواح... ما فيه الا كسر في ايده اليمنى ورضوض بسطيه بجسمه..
رغد: ايه الحمد لله على سلامته..اوكيه باي..
مشاري: طمني الباقي ..باي..
ريم سمعت الحوار اللي دار بينهم بس تبي تتاكد: بشري..
رغد: لا الحمد لله ما فيه الا العافيه..وصار كسر بالايد..
ريم قامت تحضن رغد: قلبي كان بيوقف عليه...وش اسوي احبه"ضحكت من بين دموعها"
العنود قامت معاهم وضمتهم: الحمد لله على سلامته يا ريم..
ريم: الله يسلمك..تعالوا نبشر امه..
راحوا لام سليمان...
رغد: ابشرك خالتي..
ام سليمان: ولك البشاره..
رغد: سليمان طيب وما فيه الا العافيه..بس كسر بالايد..
ام سليمان قامت تحضن رغد: الله يبشرك بالخير مثل ما بشرتيني.
وبعدها راحت تحضن مها اللي صارت تبكي من الفرحه..
الكل تاثر وصاروا يبكون...والحريم يهدون فيهم..
ام مشاري: قرت عينك يا ام سليمان..
ام سليمان وهي مبتسمه: قرت عينك بشوفت نبيك..
ام ماجد..وام فيصل..وام فواز: قرت عينك يا ام سليمان..
ام سليمان: قرت عينكم بشوفت نبيكم..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
في المــســتشـــفـــــى

بعد ما تطمنوا الرجال و تحمدوا له بالسلامه رجعوا للفندق..
طلال: لو شفت وجه تركي كان قلت ايه هذا الصديق ولا بلاش..بس صاير كانك حبيبته مو صديقه..
تركي وهو جالس جنب سليمان وماسك ايده وكأنه خايف لايروح منه..
تركي: صديقي اذا ما خفت عليه..اخاف عليك اجل..
سليمان يطالع تركي بنظرات امتنان: الله يخليك لي..
تركي: بس اللي تنرحم مها اختك..
سليمان: اعرف اختي حساسه..بس ما طمنتوني على ريم..
مشاري: تطمن الحمد لله بخير..
طلال بأعجاب شديد: بصراحه العنود رهبيه في هذي المواقف ..انا ما قدرت اتحرك ..مشا الله انت وهي تحركتوا في نفس الوقت..
سليمان: الله يسلمك..
مشاري: هذا العشم بسليمان..رجال راعي مواقف..
تركي: مواقف بفلوس ولا مجانا..ههههاي حلوه صح..
العيال: ههه بايخه..
تركي: مالت عليكم..
مشاري: مشا الله العنود راعية مواقف..مو هذي اول مره ..
وقاموا العيال يمدحونها ويتذكرون وش كانت تسوي..لانها صدق راعية مواقف وتعجبكم..
طلال كان يسمع كلامهم وكأنه اول مره يفتح عيونه عليها..اول مره يدري انها كذا وشخصيتها كذا...ومنبهر من اللي يقولونه ..وكل يوم عن يوم يكتشف شي جديد ويزيد اعجابه بشخصيتها..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&

طلعوا العيال من المستشفى وخلصوا اجرات الخروج لسليمان..ورجعوا للفندق..
سلم على امه ومها اخته .وتحمدوا له بالسلامه والبنات يطالعون الموقف ويبكون..
شجون: حرام شوفي امه وباين خوفها عليه بس كانت تكابر..
نوف تشاهق من الصياح: حرام عليه خوفهم كذا..
عبير: سليمان شكله يكسر الخاطر..
العنود ساكته وما علقت على شي..
ريم تطالعه بحب وبأبتسامه شاقه الوجه و دمعة الفرح بعيونها..
رغد: الحمد لله اللي جمعهم مره ثانيه..
الهنوف تبكي: تصدقين خفت يصير فيه شي..واهله من بعده يضيعون..
رغد: وانتي صادقه..طاح قلبي عليهم..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
ارتاح سليمان كم ساعه وقرروا العوائل يكملون ما كانوا بادينه بأصرار من سليمان وام سليمان..
وتجهزوا لرحلة البحر...وانطلقوا..
وبعد حوالي ساعه مشوار وصلوا نزل الكل اغراضه..وفرش الحريم لهم فرشه..والبنات نفس الشي..
والرجال والعيال مع بعض....

البنات مسوين دائره ويلعبون لعبة الصراحه..
رغد: اسمعوا اللي تجيه راس العلبه تسأل والطرف الثاني تجواب اوكي..
البنات: اوكي..
لفت رغد العلبه..وطلع شجون تسأل نوف..
شجون: امممممم..نوف من اكثر وحده فينا تعجبك شخصيتها..
نوف: بصراحه ..رغد..لاني احس انها كبيره وعاقله وفي نفس الوقت صغيره ومهبوله..
رغد: تسليمن يا قلبي والله انتي احلاهم..
ولفت العلبه..وطلع الهنوف تسأل رغد..
الهنوف: رغود قلبي..
رغد: سمي..
الهنوف:سم الله عدوك.. ممكن يجي يوم وتتركيني فيه"وخنقتها العبره"
رغد: قامت تحضنها: بس اذا الموت خذاني يا بعد قلبي والله..
الهنوف: بسم الله عليك..
ريم: خلصونا بلا رومنسيات وخلونا نلعب..
رغد مسحت دموعها ولفت العلبه..العنود تسال عبير..
العنود: ايوه واخيرا طحتي في ايدي..
عبير: اخلصي يله اسالي..
العنود: عبير وبكل صراحه انتي تحبين احد من العيال..
عبير بحيا: ايوه..
البنات انصدموا ..وكل وحده تقلب في راسها مين ممكن يكون
العنود طيرت عيونها وعلامات الدهشه والتعجب فوق راسها:ميـــــــن؟؟؟
عبير: اللعبه سؤال واحد ولا انا غلطانه..
رغد: ايوه سؤال واحد...
ولفت العلبه والعنود لف الف سؤال وسؤال في راسها"معقوله"
مها: ريم ليش اليوم بكيتي على سليمان..
ريم: لاني احس اني انا السبب في اللي صار له..
مها: بس هذا السبب..
ريم: ايوه..
لفت رغد العلبه...
عبير: وانقلبت الايه..عنيد وانتي تحبين احد..
العنود بسرعه:لا...ما احب احد..
عبير: كذاااااااابه..
العنود تقلد عبير: اللعبه سؤال واحد ولا انا غلطانه..
البنات يضحكون..
ولفت رغد القاروره...
ريم : فجيـــر..
فجر : يمه خرعتيني<<تهوجس في فارس احلامها..
ريم: قولي لنا عن مشاعرك اول مع فيصل والحين مع التغيرات اللي حصلت..
فجر: حشى كل هذا سؤال..
ريم: احمدي ربك طلع كذا..ولا كان ودي اغطي كل ما اقدر من استفسارات..
فجر: طيب..اول سلمك الله فيصل في حياتي ماله وجود وماله اهميه..او بالاصح ما كنت اشوفه قدامي..
ريم:والحين؟؟
فجر: الحين صار دنيتي كلها..ما اتخيل لحظه ما اشوفه فيها او اسمع صوته فيها ..واذا ما حصلي كل هذا ..افكر فيه..
البنات يصفرون:ياهووووووووه على الرومنسيه..
فجر ميته حيا: خلاص لا تحرجوني..
رغد اخذت العلبه ولفتها..
رغد: اووه الحين دوري..طيب مهاوي وش شعورك يوم شفتي سليمان بعد ما طلع من المستشفى بالسلامه..
مها وعيونها مليانه دموع: يوم لقيته لقيت الامان..اللي كان بيضيع مني في لحظه..لقيت الاب والاخ والسند ..وكل شي بحياتي ..وخفت كثير من فكرة انه يتركني وحيده.."وبكت"
البنات تأثروا..
رغد: خلاص بنات..والله جايين نغير جو..
العنود تبي تغير السالفه: اقول بنات عندي لكم مغامره واكشنات..
البنات: نورينا..
العنود: وش رايكم نركب اللنش..
ريم: يقطعك على هالفكره..وشلون ما فكرنا فيها من قبل..
العنود: انا العنود يا حلو غير عن الكل فاهمه..
البنات: درينا انك غير "وضحكوا لان العنود رافعه ايدينها ومسويه حركة اصبعين حقت يوسف الثنيان"
رغد: يله نبلغ الامهات اول وبعدين العيال نروح لهم شخصيا..
البنات: يلا..
وراحوا عند الحريم..
ام مشاري: براحتكم..
ام فيصل: والله كيفكم..
ام تركي: انا اقول خلوها بكره في النهار احسن..
ام فواز: وانا راي من راي ام تركي..
الهنوف: ماما..البنات كلهم بيرحون الا انا..
فجر: اسمعي يمه..انا تزوجت والحين انا في عصمة رجلي مالي دخل فيكم..
نوف: لا والله يعني انا الوحيده اللي ما اركب ما علي منكم...
ام تركي تطالع ام فواز: هاه وش رايك..
ام فواز: في النهايه بنقول ايه فا خلينا نخلص ...يلا روحي..
الهنوف ونوف: هيّــــــا...
ام ماجد طبعا ما خذوا رايها لان عبير والعنود ما يحتاج رايهم من كيفهم..
راحوا البنات لعند الرجال....طالعوهم كلهم رجال وعيال الا شخص اللي هي لين جالسه بينهم..
نوف: شوفي اختك لا حيا ولا مستحى..
فجر: انا اصلا متبريه منها من زمان..ما اعرفها ولا تعرفني..
شجون: طيب عادي صغيره..
فجر: أي صغيره..باولى متوسط ..مهما كان على الاقل ماتجلس بينهم ..تجلس عند ابوي او مع مشعل لحاله مو حاشره عمرها مع العيال..
نوف: خليني اناديها نستفيد منها..
نوف قربت شوي: ليــون...ليـــون..
نواف لف وطالعها وابتسم ..نوف طالعته واستحت ونزلت عيونها..
وصلت لين...:مناديتني خير..
نوف: روحي نادي فواز ولا طلال بسرعه..
لين: طيب..."وراحت عند العيال"..طــــــــــــــــــــــلال..طــــــــــــ ـــــلال.
طلال: نعم نعم تراني جنبك ماله داعي الصراخ..
لين: البنات يبونك..
طلال ابتسم: البنات يبوني..
مشاري: وش عندهم البنات شكلهم سحبوا علي..
طلال: خلاص انت طاح كرتك..وجا كرتي..
وليد: قوم روح خلينا نشوف اخر مصايبهم الا وحده..
مشاري: انا امنيتي اعرف من هالوحده.
وليد: بعدين ا نشا الله تعرفها..
تركي: ما يصلح ينادوني..
سليمان: من زين الوجه ينادونك..
سعود: يا اخي احس ان بناتهم غريبين..
سليمان: كيف غريبين؟؟
نواف: صادق سعود..يعني في عاداتهم وتقاليدهم غير..
تركي: هذولي من القمر واحنا من الارض...يا اخي في شي اسمه اختلاف وجهات..هم يحبون يعيشون كذا ومتربين على كذا..انت وش عليك..
سعود: احس انهم متفتحين مره..
سليمان: لا مو مره بس شوي..المشكله انت واشكالك اللي ما تعودوا على الخير..
نواف: لا يا اللي عايش في باريس ولا لندن ..تراك في الرياض ويخب عليك..
سليمان: وافتخر اني من الرياض واهلها...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
طلال وصل لعند البنات...والبنات لفوا عليه بشكل دائري ..
طلال: وش ناوين عليه..ترى اهلي يبوني..
فجر: من زينك عشان اهلك يبونك..
طلال يطالع البنات..طالع عبير ووقف شوي بعدين كمل وشاف العنود ووقف وابتسم لها..
العنود خلاص بتموت من الفرحه وبصوت واطي: رويم .رويم..شفتي اللي شفته..
ريم: شفت..هذي يا حبيبتي بفضل الله ثم بفضلي وبفضل افكاري الاكثر من رائعه...
العنود: انا اصلا ما حبيتك الا عشان افكارك الاكثر من رائعه على قولتك..
طلال: الحين جايبيني تطالعون فيني..وش تبون.؟؟
رغد: شوف طلال ..بصراحه نبي ناخذ لنش الحين..
ريم: بليز طلال..
البنات: بليـــــــــــــــز..
طلال : انا موافق بس في شي...
البنات: ايش؟؟
طلال: في ثنتين ما قالوا بليز..
رغد: مين...
طلال: الخوات الكريمات عبير والعنود...
رغد: عبير قولي بليز وخلصينا..
عبير: ما ابي اقول.."طبعا معصبه لانها شافت طلال يبتسم للعنود ولاحظت ان العنود فرحانه على هالشي"
رغد: طيب ليش؟؟
عبير: خلاص هونت ما راح اروح..
طلال: ترى ما راح يروحون بدونك..
البنات: عبير يلا عاد.
عبير تطالع اشكالهم: هههه والله كأنكم شحذات عند مسجد..طيب خلاص..بليز طلال..
طلال: يله الثانيه..قولي..
العنود بفرح وخفه: بليز طلول...
ريم فقعت ضحك على العنود لانها ما صدقت على الله ولا طلول بعد..
طلال: وبعد يدلعوني من قدي..يله الحين موافق ..تجهزوا..
البنات: تسلم والله.
وراح طلال..
فجر: ما ادري وش عنده طلالوه يتدلع..
العنود: خليه يحق له..
فجر: لا والله مالت عليه..
راحوا البنات مع العيال ...
اللنش الاول ركب فيه البنات ومعاهم مشاري وماجد..
والثاني العيال كلهم الا سليمان كان تعبان وجلس عند الرجال..
وانطلق اللنش وكانت رحله بالمره ممتعه داخل البحر ولا بالليل مره وناسه..
البنات يغنون ويصفقون بقيادة اكيد الطقاقه العنود..
العنود: عزاه يا قلبي من الهـم عـزاه
من يواسي دمعتي قـال خيـره
و اشلـون خيـره بعـد فرقـاه
لا تقولو خيـره خيبـه كبيـره
البنات ماشين معها في الخط انواع الردح..
وبعد حوالي نص ساعه من الدوران في البحر..حامت كبد البنات وقرروا يرجعون..
ووصل لنش البنات نزل مشاري وماجد..ونزلت ريم وكان السلم شوي يخرع نزلته صعبه لانه عالي..
ونزلوا بعدها البنات واخر ثنتين رغد والهنوف....نزلت رغد وساعدها مشاري ..وجا دور الهنوف جات بتنزل بس خافت تطيح.شافت البنات بيرحون عنها فا خافت زياده...وقررت تنزل بسرعه وهي تنزل دخلت رجلها بين درجات السلم وطاحت على قدااام بس مشاري على طول مسكها وطاحت في حضنه وتعقلت في رقبته..
مشاري ما يحتاج اقول لكم شعوره والهنوف في حضنه ولا ومتمسكه فيه بضمير شاق الخشه لابعد درجه...قام مسكها من خصرها ورفعها شوي عشان تطلع رجلها وطلعت بس الهنوف ما زالت متعلقه فيه...
البنات فاقعين ضحك على الهنوف..
ريم: الهنوف خلاص فكي رقبة اخوي عورتيه..
العنود بصوت عالي: شكل البنت مبسوطه..
الهنوف ما فكت مشاري خايفه من الفشيله وما تبي تشوف وجهه وفي نفس الوقت من داخل مبسوطه..
رغد حست بصديقتها فا راحت لمشاري وفكت ايدين الهنوف..الهنوف على طول ضمت رغد وخبت وجهها ما تبي تشوف احد..وراحوا البنات...
مشاري يطالع جسمه"انا الهنوف كانت في حضني قبل خمس دقايق من يصدق..خلاص انا ما اقدر اصبر خاطبها خاطبها.."
ماجد: مشا الله وش هالوناسه اللي انت عايشها..البنات في حضنك..
مشاري: اصلا البنات يموتون علي بس انا ما اعطيهم وجه..
ماجد: ايه واضح لان من شوي تقول في حضنك مليار دولار مو بنت..فاتح فمه ومبسوط..
مشاري: انت وش يفهمك ..امش بس..

ولنش العيال فلوها وقعدوا حوالي الساعه وهم انواع الاستهبال الاستعراض..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
الهنوف تبكي: والله فشله وموقفي بايخ وسخيف..
رغد تهديها: عادي عادي زوج المستقبل حلال عليه..
الهنوف ضربت رغد: انقلعي اتكلم جد..تمزح معاي..
رغد: اأأأأأي..وانا وش قلت..قلت زوج المستقبل يعني اتكلم في موضوع جدي..
الهنوف ابتسمت: طيب خلاص سكري الموضوع..
رغد: يمه منك..لهدرجه تحبين اخوي ..
الهنوف استحت: رغــــــــــد..صدق انك سخيفه..
رغد: هههه خلاص بأسكت..
جات عبير والعنود وريم..
ريم: وش عندك من شوي في حضن اخوي..ضايع لك شي..
الهنوف: ريم وربي مالي خلق لك..
العنود: لا والله نشوفك فالتها مع ولد عمي واسكت..انا أولى منك..
عبير: لا يا قلبي انا الكبيره انا أولى..
العنود: يا ربيه ما حلى هالمشاري الا يوم قلت اني ابيه..انتي كل شي لازم تشاركيني فيه..
عبير: عادي اختي..وبعدين انا الكبيره احترميني واحترمي قرارتي..
رغد: ما تملون هواش..24 ساعه هواش..خلاص راسي صدع منكم..
العنود: هذي غبيه وش يفهمها..
ريم: اقول بنات جوعانه متى يجي العشا..
عبير: اليوم عشانا دجاج مشوي..
ريم: الله فله من راح يسويه..
العنود: حبيبتي الرجال راح يسونه لا شغله ولا مشغله.
رغد: خلونا نروح نفلها معاهم و نساعدهم..
البنات: اوكيه..
ما راح كل البنات..راح بس رغد وريم والعنود وعبير والهنوف بعد اقناع صعب..
راحوا لعندهم وشافوا ارجال غاصبين العيال على الشغل..
ابو مشاري: وليد قم شفه استوى ولا لأ..
وليد :ابشر..
قام وليد وشافه: عمي ما ادري ..تعال شوفه..
ابو مشاري: عيال ما منهم لا شفع ولا نفع"وقام"..شوف اذا صار لونه مثل هذا يطلع استوى فهمت..
وليد: ان شالله..
ابو ماجد: مشاري تبل الدجاج زين هاه..
مشاري: ا نشا الله...اووف وش هالقرف اللي عايشينه هالحريم..
طلال: عادي يا ابن الحلال...عشان تطبخ عن زوجتك..
مشاري: والله تستاهل..
طلال: من الحين وهي مسيطيره عليك..
مشاري: حلال عليها..
طلال: لا شكلك رايح فيها..من هي اعرفها..
مشاري: انقلع بس..بعدين تعرفها...
ووقربوا البنات بالمرره..
ريم: الله ريحته حلوه..
العنود: جعت زياده..
عبير: خلونا نساعدهم حرام اشكالهم متوهقين..
رغد: صح ان ما عندنا خلفيه عن الموضوع بس احسن منهم..
الهنوف: والله مستحيه خلوني ارجع..
رغد: امشي واللي يعافيك....
ووصلوا عند فرشة الرجـــــــــــــــال..

@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@ @@@@@@@@@@@@@@@@@@@@@@@@@

الجــــــــــــــــزء التاســع والعشــــرون

عنــــد العيال..
سليمان كان يطالع الجبس ويقرا الكلام اللي كتبته له ريم..
تركي: وش فيك لك ساعه وانت تطالع ايدك..!!
سليمان: قاعد أقرا..
تركي:تقرا؟؟ وش تقرا لايكون مشعوذ وتقرا مستقبلك..
سليمان: انا أقرا مستقبلي اللي هي ريم..
تركي: سليمان واللي يعافيك مسائل الرياضيات المعقده فكنا منها..يا اخي تكلم مثل الناس وفهمني..
سليمان: يا حول..ريم كاتبه لي ذكريات على الجبس وانا قاعد اقراها...
تركي: عطني اشوف..خلني اقرا وش كاتبه لك..
سليمان: ما في عيب هذي خصوصيات..
تركي: كذا يا الخاين..وهذا وانا صديقك اللي اليوم قلبي بغى يوقف علشانك..
سليمان:يا حبك للمنّ..خذ اقرا"ومد ايده لتركي"
تركي يقرا ويضحك: هههههه حلوه هذي يا قمر ليل..
سليمان: بتقرا مثل الناس ولا هات ايدي..
تركي: لالا خلاص بأعقل بس خليني اكمل وههههههههه تقولك يا حبيبي ههههههه..
سليمان: تركي اخر مره اقولك بتقرا زين ولا انقلع..
تركي: وش فيك زعلت...بس تصدق طلعت ريم خطيره..
سليمان تحمس ونسى اللي صار: وش رايك فيها..؟؟
تركي: لالا بصراحه تصلح شاعره..اجل تحبك هاه...
سليمان بحزن: على قولتها مثل اخوها مشاري..
تركي تسدح من الضحك: ههههههههه مثل اخوها مشاري هههههههههه..
سليمان: وش فيك تضحك..
تركي: وان شا الله انت مصدقها..
سليمان: ايه..ليش هي بتكذب..
تركي: هي تحبك يا الحول بس يقال انها ما تحب تبين..
سليمان فرح: صدق...طيب انت وشلون عرفت...؟؟
تركي: لان اصلا تعاملك على اساس انها تحبك والكلام اللي كتبته هذا اكبر دليل والشي الاعظم نظراتها لك..والشي اللي ما لاحظته يا الحول لو انها على قولتها تحبك مثل اخوها مشاري كان ما خلتك تقولها انك تحبها او مشتاق لها وخلت العلاقه رسميه اكثر فهمت...صدق انك درج..
سليمان: أي والله صادق..صدق اني خبل وانا مضيق صدري وهي موسعه صدرها..
تركي وضربه على ظهره: يلا عقبال ما تنكسر رجلك وتقرا كلام ثاني ههههه..
سليمان: تتطنز حضرتك..نوم واللي يعافيك وانت ساكت..
تركي: بنام وعسى احلم برغد قلبي..
ونام سليمان وتركي مجافيه النوم يفكر برغد"احس ان بين رغد ووليد شي .مع اني متاكد ان وليد يحبها..بس اللي محيرني رغد ما ادري عنها..ساعات احس انها تميل له وساعات احس انها تميل لي وتحبني بعد..بصراحه هالبنت لغز ما عرفت احله..بس ا نشا الله بعد الكلام اللي قلته لها اليوم تحدد موقفها يا انا يا وليد"
وبعدها راح في سابع انه يصحى ورغد تكون من نصيبه..
وليد اليوم ما عرف طعم النوم ابد .يفكر كمان برغد..
"في امل رغد تحبني...ايه ليش لا هي ما تكرهني ومعاملتها لي حلوه..بالعكس احس انها في اغلب الاحيان تميل لي..بس اللي ما توقعه انها وصلت معاي لدرجة الحب..بس ا نشا الله بعد الكلام الي قلته لها تفكر تحبني...بس المستغربه ليش انصدمت لما قلت لها اني احبك وانصدمت اكثر لما سألتها وانتي؟؟؟ يكمن مستحيه..او ما توقعته..بس احساسي يقول انه بيجي يوم وتحبني فيه رغد"
وكمل تفكير لحد ما طلعت الشمس وغلبه النوم..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
فيصل من يوم ناموا العيال وهو ما سك موبايله وداقها سوالف مع فجر..
فيصل: الووو..
فجر:الووو..
فيصل: هلا والله بفجر عمري..
فجراستحت: اهلين..
فيصل: تصدقين وحشتيني..
فجر: بس تونا شافين بعض..
فيصل: لو تبعدين عني لحظه توحشيني..
فجر: وانت بعد..
فيصل: شنو..
فجر: وحشتني..
فيصل:آآآآآآآآه تصدقين ودي اقوم واصرخ بس حرام نايمين..
فجر: ههههههه..
فيصل: يا لبى هالضحكه يا ناس بتذبحني..
فجر: فصول ..
فيصل: بعد دنية فيصل انتي آآمري..
فجر: وش اخبارك وش علومك؟؟
فيصل: الحمد لله تمام من يوم سمعت صوتك..تذكرت...انا زعلان عليك..
فجر: ليش وش سويت انا..؟
فيصل: ليش ما جيتي مع البنات اليوم عند البحر..
فجر: والله كنت يا بعد عمري مشغوله..
فيصل: وصلني خبر يقولون مستحيه..
فجر: اللي وصله اكيد رويم ولا عنيد صح؟؟
فيصل: ايوه..
فجر: كذابات ماني مستحيه ولا شي بس كنت مشغوله..
فيصل: اجل انا اسف لسؤ الظن فيك..
فجر: لالا عادي حبيبي تمون..
فيصل: عادي ايش ما سمعت..؟
فجر: عادي تمون...
فيصل: لا انا ما سمعت الكلمه اللي بينهم..
فجر بكل برائه: حبيبــــــــــــــي..
فيصل: قلبي يا ناس بوقف البنت هذي تبي تذبحني اليوم بسكته قلبيه سببها زياده جرعه في الحب..
فجر: فصول ترى صدق خرعتني عليك..
فيصل برومنسيه: تخافين علي..
فجر: اكيد اذا ما خفت عليك اخاف على منو..
فيصل: وش رايك اسكر وارجع ادق عليك...
فجر: ليش؟؟؟
فيصل: بروح افحط واجي....
فجر: هههههههههههه حلوه..لا صدق فصول انت تفحط..
فيصل: وين ايام المراهقه..ترى كنت افحط علشانك..
فجر: ليش علشاني؟؟
فيصل: لاني كنت احبك واموت فيك وانتي ما عطيتيني وجه..فا احط حرتي في التفحيط..
فجر: فصول اسمع تفحط مره ثانيه ترى ازعل عليك.
فيصل: ليش؟؟
فجر: والله لو يصير فيك شي ترى انتحر.
فيصل: فديت عمرك انا والله..لهدرجه تحبينبي..
فجر: واكثر يا قلبي..
فيصل: لالا الحين بسكر وافحط انا وياك..
فجر: ههههه اعقل بس..فصولتي ما جاك النوم..
فيصل: معاك مافي امل اغمض لحظه..وانتي.؟؟
فجر: معليش فصولتي دايخه وتعبانه ودي انام..
فيصل: يا جعل اللي فيك فيني..ويله روحي ارتاحي تصبحين على خير..
فجر: وانت من اهل الخير يا قلبي...مع السلامه..
فيصل: مع السلامه..
سكر منها ونام والدنيا مو سايعته من الفرحه وفجر نفس الشي..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
صباح اليوم الثالث.....

صحت ريم التفت يمين ..يسار تدور رغد اختها ما حصلتها..استغربت وين راح تكون من صباح الله خير ..قامت وغسلت وجهها وصلت الفجر لانها ما صلتها ولبست عبايتها وتحجبت..وطلعت تتمشى شوي..وقررت تنزل تحت عشان تفطر..ونزلت وجلست على طاوله وطلبت لها فطور..قامت تلتفت يمين ويسار تتفرج على الناس...اجانب..عرب...واحد وزجته شكلهم في شهر العسل..طيرت عيونها في شخصين كانوا قاعدين في كنبه وحده جنب بعض الولد كان حاط يده على كتف البنت ولازق فيها وقاعد يسولف معها ويضحك والبنت حاطه راسها على كتفه وتضحك على سواليفه..وباين في عيونهم الحب..لكن الطامه الكبرى انه الشخصين ريم تعرفهم زين مو فجر وفيصل لا...الشخصين هم..

هم.... رغد وسليمان..
ريم خنقتها العبره وراحت لعندهم..
ريم تصارخ: ليش يا رغد كذا ليش؟؟
رغد مصدومه: ريــــــــــــم..."ووقفت ووقف معها سليمان" انتي وش مصحيك بهالوقت..
ريم تصارخ ودموعها سيل: جاوبيني على سؤالي ليش تخونني يا رغد ليش؟؟
رغد مرتبكه: لالا يا ريم انتي فاهمه الموضوع غلط..
سليمان بقسوه: رغد لا تقعدين تبررين لها...قولي لها الصدق وخلاص..
ريم تطالع سليمان بأستحقار وما همها...اهم شي عندها اختها: رغد قولي الصدق عادي ما راح يصير فيني شي..
رغد بربكه: بصراحه يا ريم..انا وسليمان نحب بعض..بس انتي قلتي احبه فا ما حبيت اكسر بخاطرك وقلت لسليمان السالفه..وهو رحمك وقال لي بسوي نفسي احبها عشان خاطري انا..عرفتي السالفه الحين..
ريم صارت تصارخ وتبكي وراحت تضرب رغد بجسم منهار ومهدود..
ريم: ليش ...ليش يا رغد ليش....
لما حست ان احد يهزها بقوه..
رغد: ريم ريم..اصحي..ريم..
ريم فتحت عيونها وفزت من سريرها وبعدين طالعت رغد: ليش يا رغد ليش..
رغد: وش اللي ليش الله يهديك..قومي تراك تحلمين..
ريم: احلــــــــــم...يعني كل اللي صار حلــــــم...
رغد: ايه..
العنود صحت من اصواتهم: يا لليل..مره ثانيه لاتحلمين ازعجتينا..
ريم ضحكت من قلب:هههههههه الحمد لله انه حلم ولا كان كرهتك يا رغد..
رغد: وليش وش اني مسويه..
ريم: بروح اغسل واجي اقولك..
راحت ريم غسلت وصلت ورجعت لرغد..
رغد: هاه حمستيني وش صار...؟
ريم: حسبي الله على بليسك خليتيني انهبل..
رغد: اخلصي قولي..
قالت ريم لها الحلم..
رغد: هههههههههههههههههههه اتخيل بس شكلي مع سليمان..
ريم/ بغيت اذبحك..
رغد: اجل ما همك سليمان..
ريم: لا ما همني..كنتي انتي اللي قاهرتني..
غد: يا حليلك..بس شوفي احتمال حلمك يتحقق مو تنصدمين.
ريم: تسوينها..اذا انتي محوشه على اثنين اكيد الثالث في الطريق..
رغد تقلب وجهها للوان وانقلب كيانها فوق تحت وقالت بصوت مكسور: وتحسبيني مبسوطه على هالشي..تحسبيني فرحانه اني قاعده العب في مشاعر الناس..
ريم تحسفت انها تكلمت: والله ما كان قصدي كنت امزح...
رغد تنهدت: بس هذي الحقيقه..يا ريم والله معاناة..ادعي لي ربي يفرجها علي..
ريم: يا رب..
وبعدها صحى الكل من بنات وعيال وحريم ورجال واجتمعوا مع بعض وافطروا..
وقرروا البنات يريحون السوق عشان فجر تشتري لزواجها ..واتفقوا ان كل يوم من الظهر لما المغرب سوق وبعدها يتمشون..
راحوا العيال والبنات السوق والرجال اخذوا الحريم وراحوا يمشونهم في دبي..
البنات من يوم دخلوا المجمع وهم داخلين من محل وطالعين من الثاني ويشترون كل ما تراه اعيونهم<<حلوه هذي..
وبعد لف ودوران قرروا يرتاحون شوي..وتغدوا وكملوا شرى لما اذن المغرب رجعوا عشان يصلون ويرتاحون..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&
فــــــــــــــــي الفندق..
وبالتحديد في سويت البنات..
فجر رافعه قميص نوم من اللي شرتهم: وش رايكم في هذي..
رغد: تهبل..
ريم: تجنن..
العنود: بايخه..
فجر: ليش وش فيها؟
العنود: عاريه مره..تبين يطلع فخذك..
فجر: عادي متزوجه انا..
العنود: ما ادري..لو انا في مكانك بأستحي..
عبير: ما عليك منها..البسي اللي تبين..
فجر: بشوف يا عنيد وش بتشترين لزواجك..
العنود: كله اكمام طويله..وطويل لحد الارض..
ريم: ايه هين اقص ايدي..
العنود: الا اذا كان زوجي اللي في بالي..
ريم تخبط العنود: يا اللي ما تستحين على وجهك..
العنود: عادي وش فيك زوجي حلال علي وان شا الله يصير اللي في بالي قولي امين..
ريم: اميــــــن..
عبير: ومن هو اللي في بالك..
العنود: قلتيها في بالي..يعني ماله داعي اللقافه..
عبير: يعني تخبين علي..
العنود: مثلك...قولي واقول..
عبير: اجل حلمي..
العنود: حتى انتي حلمي..
ريم: خلاص عاد انتي وياها دايم هواش..
العنود: ما عليك منها.."وهمست لها "الا اقول ريم ما عندك خطه..
ريم: اكيد يا قلبي عندي..
العنود: نورينا..ابي طلال يموت فيني وبأسرع وقت..
ريم: اسمعي اليوم راح اشتغل على مظهرك الخارجي..
العنود: كيف ما فهمت..!!!
ريم: يعني شوية سيشوار..وشوية ميك اب.. وشوية لبس كيوت وبس..
العنود مكشره: لا تقولين..
ريم: تبين ولا طلال بيطير منك..
العنود: اوكيه خلاص..
ريم راحت هي والعنود للغرفه الثانيه..
ريم: يله..بسم الله بدينا..
قامت ريم وبدت تشتغل..سوت سيشوار للعنود لان العنود دايما تخليه مجعد ويناسبها وخصوصا انه قصير بالمره يعني شعرها(boy)..
وبعد كذا سوت لها تسريحه بسطيه وحطة لها كرستاله صغيره على جنب..وبعد كذا حطت لها ميك اب نعوم وردي وكحل ومساكرا وبلاشر وروج غامق شوي وعليه جلوس ..وطلعت العنود تهبل وودكم تاكلونها وبعدين دورت لها لبس انيق وحلو .وخصوصا ان كل تيشرتاتها رجاليه وحقت "نقى"وكمان بناطيلها كلها"bigess"..لبست بلوزه صفرا وعليها جاكيت جنيزوطاغي عليه اللون الوردي وبنطلون جنيز وبأخره من الطرف رسمه بالخيوط الورديه..طبعا كل قطعه من بنت..وبعدين اخذت ايشارب ولفته على رقبتها..ولبستها سندل مو عالي بس فينفس الوقت فخم..ولبست كمان حلق بالمره صغير ورشتها عطر" valentine" لان عطوراتها اكيد كلها رجاليه..
ريم: يله قومي طالعي نفسك بالمرايه..
العنود: باقوم اشوف اكيد مخليتني دراكولا.
ريم وهي منبهره بجمالها: انتي قومي بعدين احكمي..
قامت العنود وطالعت نفسها بالمرايه..وانصدمت..
العنود:هذي انا..
ريم: لا هذي ظلي..هاه وش رايك...
العنود: صراحه كأنها توأمي مو انا..
ريم: عجبك؟؟
العنود: بصراحه حلو..لالا يجنن..بس احس انهم بنصدومن ويعلقون علي..
ريم: ما عليك منهم الواثق من نفسه يمشي ملاك..
العنود: وانتي الصادقه الا شلون خليتني كذا.."ورجعت تطالع نفسها بالمرايه"
ريم: اصلا انتي يا بعد قلبي حلوه بلا شي بس شوية لمسات وطلعتي تخبلين..
العنود: تسليمن والله يا بنت عمي..
ريم: ما بقى الا مشكله وحده بس.
العنود: اللي هي..
ريم: صوتك واسلوبك
" العنود صوتها مبحوح طبيعه بس تعودت تفخمه"
العنود: عاد هذي يبي لي سنين.
ريم: لا سنين ولا شي ..شهر بالكثير..وتطلعين كذا..
العنود لفت على المرايه وصارت تلف على نفسها: عاد الصراحه طالعه اهبل اول مره احس اني حلوه..حتى في الزواجات ما اطلع حلوه عشان الميك اب " "over
ريم: يله اطلعي على البنات خلينا نشوف رايهم..
العنود: يله والله يستر..
وطلعت للبنات..البنات كلهم فتحوا افاميهم
..
رغد كانت في ايدها شنطة فجر وطاحت:ما شالله تبارك الرحمن من هذي..؟
العنود: رغيد بلا استبهال انا العنود..
رغد: عارفه انك العنود اجل ظلها..بس السؤال وش عندك؟؟
العنود: هاه وش رايكم..
شجون: ياي تهبلين..
نوف: قمر بسم الله عليك..
الهنوف: وش رايك احجزك لاخوي "وطالعتها رغد وسكتت"
مها: تراني غرت بروح احط ميك اب..
عبير باحتقار: وش اللي قلب القرد غزال..وش سوت لك ريم..
العنود طنشت عبير وما ردت عليها: تسلمون والله..
رغد: طيب ما قلتي لنا وش المناسبه..
العنود: والله بدون مناسبه كذا..
رغد: اهاا..
العنود: تسلمين يا رويم..
ريم: الله يسلمك يا عنيد.
الهنوف ميته ضحك: ما يصلح على هالكشخه اسلوبك..
العنود: شوي شوي علي بعدين اتعدل..
عبير: بس وش السبب اللي قلبك فوق تحت..
العنود: والله انا حره بسبب بدون سبب كيفي.. وحتى لو كان فيه سبب ما راح اقول لك..
رغد حست بالتوتر بينهم فا حبت تغير الموضوع: عبير تعالي معي ساعديني..
راحت لها عبير..
العنود: الحمدلله والشكر بس..
ريم: وش فيكم وش صاير بينكم..
العنود: ما صار بينا شي ..بس ما ادري وش فيها قالبه علي كني ذابحه اهلها..
ريم: يمكن قايله لها شي وانتي ما دريتي..
العنود: ما قلت لها شي وبعدين لو سويت شي قالت لي وتهاوشت معي..بس ما صار شي هي كارهتني كذا بدون سبب..
ريم: بصراحه غريبه..عبير طبعها مو كذا..
العنود: ما عليك منها تراها طالعه مع خشمي بس طايحه لي استحقار ونظرات وتنطيل في الكلام..
ريم: الله يعين..
العنود: وين راح ترحون اليوم..
ريم:والله كني سمعت البنات يقولون خلونا نروح الملاهي..
العنود: الملاهي...........حلو..
ريم بخبث: ليش وش عندك..؟
العنود: يعني يمديني اتلزق في طلال..
ريم:عنيد نصيحه مني لا تركضين ورى احد خليه هو يركض وراك..
العنود: واذا ما ركض وراي وش اسوي..
ريم: يعني خلاص ما يفكر فيك..وانسيه..
العنود: انساه بعد كل هذا انساه..بعد ما تغيرت عشانه..وخاطرت بنفسي وفيك وكسرت ايد سليمان وبعد ما قلبت اختي علي تقولين انسيه..
ريم: وش دخل عبير في السالفه..
العنود: بصراحه احس انها تحب طلال..
ريم: وش دراك انتي....؟
العنود وهي منزله راسها: اختي واعرفها زين..
ريم: واذا انتي داريه انها تحب طلال تروحين انتي تحبينه..
العنود: طيب هي ما قالت شي..ويمكن اني اتوهم..
ريم: واذا قلت لك اني انا بعد احس انها تحب طلال..
العنود:يعني ما لنا الا حل واحد..
ريم: اللي هو....؟؟؟
العنود: طلال يختار وحده منا..
ريم: ما تخافين تخسرين اختك او اختك تخسرك..
العنود: محد راح يخسر شي..
ريم: بس ما يصلح هو يحدد مصيركم..لازم انتو تحددونه بأنفسكم...
العنود: طيب كذا الحياه..كذا قدري انا واختي..كنا نتهاوش على اشيا تافهه والحين نتهاوش على اشياء كبيره بس ما زلنا خوات وراح نظل خوات مهما صار..
ريم بتردد:طيب افرضي اختار...عبير..
العنود: راضيه..بس يمكن يختارني..
ريم:العنود انا اقول لك فكري زين قبل ما يفوت الاوان..ولا تنسين طلال بداله طلال ثاني بس اختك عبير ما راح تلقين لها بديل فهمتي علي..
العنود:خلاص فكينا من الموضوع ترى راسي يعورني وبعدين ما احب افكر اني اخسر طلال ودي اكسبه واكسب اختي..
ريم: اللي يحب يضحي..
العنود: ريم تكفين طلبتك غيري السالفه"وخنقتها العبره"
ريم شا فت العنود بتبكي وخنقتها العبره: العنود ادري انك تعانين بين اختك واللي تحبينه..
العنود راحت في حضن ريم وصارت تبكي مثل الاطفال العنود ولي أول مره تبكي ..هي بس مره نزلت دموعها لكن هالمره تبكي وتشاهق..وريم صارت تبكي اكثر منها اول مره تشوف العنود ضعيفه بالشكل هذا..
العنود: والله يا ريم تعبت والله تعبت وش اسوي ..
ريم رحمتها: سوي اللي تبين انتي حره..حبي واختاري اللي تحبينه..ليش انتي تضحين..
العنود تمسح دموعها: صح ليش انا اللي اضحي..
ريم: اهم شي راحتك ما عليك من احد.
العنود:صح كلامك....بس............بس وين اللي بتطبق هالكلام ما اقدر...ما اقدر..
ريم: ادري انه صعب بس اجلي الموضوع بعدين..يمكن يصير شي جديد..
العنود: شورك وهدياة الله..
ريم بمزح:يله قومي غسلي وجهك وبعدين خربتي مكياجي..
العنود ابتسمت:اوكيه بس ترى راح تحطين لي ثاني..بس هالمره مو عشان طلال هالمره عشاني..
ريم:يله قومي..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
رغد اخذت عبير بعيد عن البنات..
رغد: عبير وش فيك على العنود ..صاير بينكم شي.؟
عبير: لا ما صار بينا شي..
رغد: اجل وش فيك عليها..
عبير: ما ادري ليش اذا شفتها اتنرفز..
رغد: هذي اختك حرام اللي تسوينه فيها وهي ما سوت لك شي..
عبير: ادري..بس احس غصب عني اتنرفز اذا شفتها ..
رغد:عبير في شي فقلبك ودك تقولينه لي..
عبير بتردد: لا....لا ما فيه شي..
رغد: اكيـــــــد..؟
عبير: اكيــد...
رغد: اوكيه براحتك ومتى ما حبيتي تتكلمين بنت عمك واختك رغد موجوده..
عبير ابتسمت:تسلمين والله..
رغد: يله قومي البسي وحاولي تخفين على العنود لان مالها ذنب اوكيه..
عبير: اوكيه بحاول..
كل البنات قاموا يتلبسون ويتكشخون واستعدوا للطلعه..
ريم: يله اتصلي يا رغد على مشاري خليه يودينا..
رغد: اوكيه..
واتصلت على مشاري وقال لهم اهم ينزلون تحت يستناهم مع العيال..
فجر وهي تلبس عبايتها رن موبايلها..
فجر: الوو..
فيصل: هلا والله بهالصوت..
فجر: هلا فيك..
فيصل: فجوره..لا تروحين مع البنات ابيك تجين معاي..
فجر استحت: طيب خلها المره الثانيه..
فيصل بخبث: لا عادي هالمره والمره الثانيه ..يله دقايق وابيك تكونين عندي..
فجر: خلاص اوكي باي..
العنود: لا تقولين انك بتروحين معاه..
فجر: الا بروح معاه..
ريم: هذا اولها يبي ياخذك منا..
فجر: طيب وش اسوي..
رغد: روحي ولا عليك منهم..
فجر: يلا بنات اشوفكم هناك..باي...
البنات: باي..
عبير: حشى هذا اولها ما خلنا ننبسط مع بنت عمتنا..
شجون: حدكم عاد على اخوي..
عبير: تكفين فكينا انتي واخوك..
الهنوف: يا ناس زوجته هو حر فيها..
العنود: حر فيها بعد الزواج مو الحين..
رغد: والله هم تملكوا خلاص حلال عليه..
ريم: ولو يخليها تجلس معانا شوي..
رغد: الهنوف تكفين خلينا نروح لان هذولا بيرفعون ضغطي..
الهنوف:يله..
قربت نوف من عند البنات: وذا على كيفه ياخذ اختي وبس..
العنود: لو اني مكانك ما سكت رحت وقلت لامي انه عيب وانه وانه وانه ..لما ما تخليها تروح معاه..
عبير: وصدق بتسوين هالحركات اذا تزوجت ..
العنود: لا بسويها اذا تزوجت ريم بنت عمي..
عبير: يكون احسن..
ريم تبي تغير السالفه:اقول نويف مو تصدقين كلام عنيد ترى ما عندها سالفه..
نوف: ودي اسويها بس اخاف اكسر بخاطر اختي..
ريم: ايه...وبعدين يله انزلوا لا يفجر فينا مشاري..
البنات: يله..
وركبوا البنات السياره مع مشاري وفجر ركبت مع فيصل..
فيصل يفتح باب السياره لفجر.
فيصل: تفضلي..
فجر ركبت السياره:مشكور..تسلم..
فيصل سكر الباب وراح الجهه الثانيه وركب..
فيصل: تو ما نورت السياره..
فجر: منوره بأهلها..
فيصل يطالع فجر بنظرات كلها حب واعجاب لدرجه ان فجر استحت وصارت تعدل بحجابها وتعدل عبايتها..تحس انها عاريه..
فيصل: سبحان اللي صورك ملاك..
فجر: تسلم عيونك الحلوه..
فيصل: تصدقين توني انتبه ان لون عيونك رمادي..
فجر في نفسها"يا ربيه وش هالفشله يعني ما انتبه انها عدسات":هههههه..
فيصل: صدق لون عيونك مره حلو كيف ما انتبهت لها من اول..
فجر تبي تصرف: ههههه عادي تصير...الا ما ودك تحرك السياره..
فيصل: الا بس جمالك ما يخليني..
فجر استحت: فييييصل..
فيصل: طيب خلاص وهذاني حركت السياره..
حرك فيصل السياره وشغل المسجل وحط اغنية نجوى كرم"هيدا حكي"
هيدا حكي..هيدا كلام..
هيدا عشق..هيدا غرام..
جن وحالي نسيني..خل جنونك يعديني..
وبمملكتك خليني..احرق عرش المملكه...هيدا حكي..
مسك فيصل ايد فجر وباسها..فجر في هاللحظه ودها الارض تنشق وتبلعها ..فيصل حط ايدها على خده ويغني مع نجوى كرم ويطالع فجر بكل حب وشوق ورمنسيه..فجر بالمررره مبسوطه مع فيصل وحمدت ربها انه كان من نصيبها..
ووقفوا عند اشاره..
فيصل: فجوره قلبي ممكن اطلب طلب وما تقولين لا..
فجر: لك عيوني فداك..
فيصل: تسلم عيونك..ممكن اطلب بوسه صغيره منك..
فجر فص ملح وذاب تدورونها ما تلقونها من الحيا: الحين!!!..
فيصل: ايه الحين..
فجر: قدام الناس!!!!!..
فيصل: محد حولك..
فجر: لازم!!!..
فيصل: ترى بزعل..
فجر قربت منه وطبعت بوسه على خده..
فيصل انسدح على المرتبه: خلااااااااص انا بذوب..
فجر وجهها احمممممر: ههههههه..
فيصل بجديه: فجوره بصراحه ودي اقولك شي..
فجر خافت: وش فيك..قول؟؟
فيصل وفي عيونه لمعت خوف: بصراحه يا فجر خايف افقدك..خايف تروحين عني.
فجر مسكت ايده: ما راح اروح.."وابتسمت"شوفني انا جنبك..
فيصل وحط ايده الثانيه فوق ايدها:وعد يا فجر ما تتركيني..
فجر: وعد مني..
فيصل ابتسم ورفع صوت المسجل وخلا صوت نجوى كرم يتردد في السياره..

تابع الجزءالتاســع والعشــــرون

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
وصل الكل للمدينه الترفيهيه اللي هي الملاهي على قولتنا..كانت كبيره بالمره ومليانه العاب محمسه ومثيره وبعضها خطيره..
العنود: وااااو اليوم بنفلها..
ريم: ولا لعبه راح تفوتنا..
رغد وهي تطالع الالعاب: اللي يحب الاكشن يلحقني..
افترق الكل وصار مجموعات..
رغد وهي تاشر على لعبه مره خطيره وحلوه في نفس الوقت: انا بدخل ذيك من يجي معاي..
الهنوف: لو اموت ما ركبتها..
رغد: رويم تركبين معاي..
ريم: يلا قدام والعنود تجين انتي وعبير..
العنود: انا جايه..
عبير: ما راح اجي...
ريم: كيفك انتي حره..
راحوا البنات لعند اللعبه وقصوا تذاكر وصار ينطرون الدور يجيهم..
تركي: ابو سلوم شوف البنات بيلعبون هاللعبه..
سليمان: يله معاهم..
تركي: يله..
وقصوا لهم تذاكر والبنات ما انتبهوا لهم..
جا دورهم للعبه..ركبت العنود على الطرف اخر اللعبه وبعدين ريم بعدين رغد جا تركي وعلى طول جلس جنبها وجلس جنبه سليمان..
رغد ما انتبهت لتركي وتكلم ريم: يا الله يا ريم وناسه..
ريم: سمي بالله..
رغد: تصدقين خفت..
تركي بصوت هادي: لا تخافين وانا معاك..
رغد انصدمت من الصوت ولفت على صاحبه: تركي..
تركي ابتسم: ايوه بشحمه وبلحمه..
رغد وهي تكبس بعيونها:وش جابك؟؟
تركي ويسوي نفسه برئ:عادي العب فيها شي...
رغد: لا...ما فيها شي..
بدت اللعبه تسكرت الاحزمه وبدت تدور بخفيف وكانت رغد تغمض شوي تفتح شوي..والعنود وريم ميييتين ضحك..
وبعدين بدت اللعبه تدور بسرعه مريعه ما تتصورن قد ايش تخوف..رغد قامت تصارخ من قمة راسها من الخوف..والعنود وريم يصفرون ويرقصون ويستهبلون..
رغد من الخوف وما حست بعمرها تمسكت بكتف تركي ودخلت راسها في كتفه ومسكت ايده بقوه..تركي ابتسم ومسك ايدها..
تركي يعلي صوته عشان تسمعه: لاتخافين وانا جنبك..
رغد تمسكت فيه اكثر: تركي...لا تتركني..
تركي: ما راح اتركك طول ما انا عايش وما راح اخلي احد ياخذك مني..
رغد وكأنها انبسطت لكلامه وتعلقت فيه وما ودهاتتركه..تركي مبسوط على هالشي وخصوصا انه مصمم ما راح يخليها لا للوليد ولا لغيره..وبعد حوالي عشر دقايق من الدوران بدت تهدى اللعبه وتوقف..
نزلوا البنات داخين روسهم تدور من كثر الدوران الدوران..ريم تمشي وصقعت في العنود وبعدين مشت وصقعت في رغد اللي من يوم وقفت اللعبه نزلت على طول ما ودها تشوف تركي بعد الحركه اللي سوتها..بعدين ريم مشت وخبطت في سليمان ولا تحركت من عنده وكأنه عجبها الحضن مع انها ما تدري مين صاحبه..
سليمان استغرب من ريم: ريم فيك شي..
ريم رفعت راسها بشويش ولما شافته ابعدت عنه وكأن احد قارصها:هاه...لالا ما فيني شي..
سليمان: اجلسي لما ترتاحين شوي...
ريم وهي تتأرجح شوي:لالا عادي شوفني مثل الحصان..
جات العنود ومسكتها: الله يخلف على ام جابتك..
ريم: وش فيك...
العنود: تمشين وتصقعين في خلق الله..
ريم: مادريت..
العنود: امشي خلينا نشوف هذيك اللعبه..
ريم: يله..
وراحوا يلعبون اللعبه..
************************************************** ******************************************
فيصل: فجوره وش رايك نشتري لنا ايس كريم..
فجر: يله..
فيصل: راح شرى الايس ورجع: تفضلي..
فجر: تسلم...
فيصل: بشرط..
فجر: حتى في الايس فيه شرط..
فيصل:ايه..انتي تأكليني وانا أأكلك..
فجر وهي تبتسم: وانا موافقه..يله يله افتح فمك يا امور..
فيصل فتح فمه....فجر:اووووووباه...شاطر فصول..
فيصل: ههههه يهبل منك..يله دورك افتحي فمك..
فجر طيب صغرها..
فيصل: انتي افتحي فمك كله يا الدلوعه..
فجر فتحت فمها بس كانت القطعه كبيره فا صار اسكريم على اطراف شفايفها..
فجر: زين كذا..
فيصل اخذ منديل ومسحه لها بكل حب: انتي الي فمك صغير..
فجر ساكته..
فيصل: وش فيك ما جا دوري..
فجرمن الحيا: خلاص كل واحد يأكل عمره..
فيصل: ما يصلح اللي اوله شرط اخره نور..
فجر: وانا فجر مو نور.
فيصل: حلوه بس منك..قومي يله خلي الايس..
فجر: حرام يجنن خلني اكله..
فيصل: قومي خليني العبك..
فجر: ما راح اتحرك من مكاني..
فيصل: ترى اشيلك..
فجر قامت خافت يسويها: لالا خلاص قمت..
وراحوا عند اللعبه حقت كبار بس هااااااديه بالمره..
فيصل: وش رايك في هذي..
فجر تطالع اللعبه: هذي ..بايخه..
فيصل: لالا هذي حلوه وشالها وركبها فيها..
فجر: فصوووووووووول..
فيصل: عيونه..
فجر: شوف الناس كيف تطالعنا..
فيصل: ما عليك منهم ..ناس غايره..
اللعبه عباره عن عربه تمشي في كل مناطق المدينه الترفيهيه..فيصل فتح ايده وحطها على كتف فجر وحط راسه على راس فجر..
فيصل بهمس: فجر...
فجر وهي حاطه راسها على صدر فيصل العريض: اممممم..
فيصل: تصدقين اني ماني مصدق انك معاي..احس ودي استمتع في كل لحظه انتي تكونين فيها..
فجر: حتى انا...لما اصير جنبك احس اني انسى الدنيا وما فيها..
فيصل قربها لمه وضغط على كتفها: الله لا يحرمني منك..
فجر: ولا منك..امين..
فيصل: فجر انتي مبسوطه معاي..
فجر: انت فرح دنياي..الدنيا دونك لحظه ما تسوى..
فيصل: طيب حبيتيني؟؟
فجر: انا مو حبيتك بس ..انا عشقتك..
فيصل: انا....انا...."قعد يفكر" ابي كلمه جديده..
قامت فجر تغني:
لك حب يا عيني من كثره..
قلبي مو قادر على حمله..
احتاج لحبك عشره قلوب..
يمكن تكفي ويمكن لا..
انا احبك؟؟
فيصل يمكل:لا..
فجر: انا اودك.؟؟؟
فيصل: لا...
فجر: ولا مغرم ولا أي احساس..
فيصل وفجر: احتاج لكلمه حب جديده ما مرت على كل الناس..
فجر: في قربك وفي بعدك اشتاق..
شوف حبك وش مسوي فيني..
لو اكتب لك حبي بأوراق..ما تكفي اوراق الدنيا..
تشتاقلك روحي بكل لحظه..
تتعبني بغيابك عني..قلبي وهوقلبي يحبك..
يا محبوبي اكثر مني..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
رغد كانت تمشي لحالها تفكر بتركي واحساسها انها بدت تحبه او انها كانت تحبه ..احتارت في مشاعرها ...فاجأها صوت من وراها..
وليد: بووووووه..
رغد لفت عليه مخترعه وضربته: يمه خوفتيني..
وليد: هههههههه..اجل خوافه..
رغد مشت: لا ما خفت بس اخترعت..
وليد مشى جنبها: كيفك اليوم؟؟
رغد: الحمد لله تمام..وانت؟؟
وليد: اذا انا شفتك فا اعرفي اني انا بخير..
رغد ابتسمت وهم يتمشون: وين العيال...
وليد يتلفت: ما ادري عنهم ........"وفجأه مسك ايدها وسحبها"تعالي تعالي..
رغد وهي تمشي وراها:على وين..
وليد: امشي معاي..
وقف عند السيارات التصادم وطالعها وبعدين كمل مشي لحد ما وصلوا السياره ركبها السياره وجلس جنبها وربط لها حزام الامان وربط لنفسه..كانت رغد طول الوقت مصدومه من وليد وصايره كأنها لعبه وليد يحركها مثل ما يبي..وبدت اللعبه..
وليد: شوفي شوفي هذي خلينا نصدمها..
رغد تحمست:يله يله.."وصدومها"
رغد: ههههههههه تستاهل..
وليد يضحك ويطالعها: هاه وش رايك في ذاك الولد اللي مسوي فاهم على البنات..
رغد: عندك اياه..
ومشى وليد بسرعه ناحية الولد ورغد بعفويه تمسكت في وليد عشانها خايفه من الصدمه..وليد مبسوط وفرحان والدنيا مو سايعته ..وش يبي اكثر من كذا رغد راضيه عليه و تضحك معاه..والحين متمسكه فيه من الخوف بدليل احساسها بالامان معه..
رغد: ههههههه شوف شكله رايح فيها..
وليد: هههههههه يا الله يقولي وقف الله يخليك..
رغد: هههههه يا حليله اجل يستقوي على البنات
وليد بكل حب..:مبسوطه..؟؟
رغد وهي تطالع الناس بأبتسامه: اكيــــد..
وليد: وهذا اهم شي..
ووقفت اللعبه ونزلوا ووليد ماسك ايد رغد..رغد ساكته ما تدري هي ليش مبسوطه عليه وراضيه على الحركات اللي يسويها..
وليد: امشي معاي اشتري لك حلاو قطن<<عرفتوه الوردي اللي هوغزل البنات..
رغد: الله من زمان عنه..
وليد راح اشتراه: يله افتحي فمك..
رغد:آآآآآآ..اممممممممم لذيذ..
وليد اكل بعد رغد: هو حالي وبعدك احلى..
رغد استحت من كلامه وفي نفس الوقت انتبهت للكلام اللي قاله..تركت ايده وتغير لونها..وليد حس بهالشي وسوى نفسه ما يدري..
وليد: رغد وش فيك..ودك نرتاح..
رغد: لا ابي البنات..
وليد: اوكيه ..يله.."وهو يمشي"تبين غزل البنات..
رغد: لا ..كله بالعافيه..
وليد: رغد وش فيك علي..؟
رغد: اسأل عمرك..
وليد: غصب عني والله غصب..لاني احبك يارغد..احبك..
رغد موصله معاها: وانا يا وليد.........."وسكتت"
وليد: وانتي ايش يا رغد ايش..
رغد:اقولك ودني عند البنات ولا خلني اروح بروحي..
وليد:موقبل ما تقولين لي انتي ايش يا رغد انا ايش بالنسبه لك..
رغد: وليد بليز اعفيني من الجواب..
وليد: ما اقدر اسمحي لي..انا وش بالنسبه لك..
رغد: انت.....انت ولد عمي..
وليد وكأنه تطمن على الاجابه ..يمكن خايف تقول اكرهك..او ما احس بناحيتك أي شي..
رغد قالت ولد عمي ..ليش ما تدري لو انها قالت له مثل اخوي كان ارتاحت بس ما تدري وش اللي منعها..يمكن لهفة وليد على الجواب..يمكن خوفها على وليد..يمكن يمكن يمكن اشياء كثيره..
راحت رغد عنه لحقها ووصلها لعند البنات وهم ساكتين وصلها وراح..
ريم: وش عنده وجه النحس معاك..
رغد ومالها نفس: ما عنده شي..
ريم: وش فيك..رغد مسويلك شي..
رغد: ريم قلت لا خلاص يعني لا..
ريم: اوكيه ..اوكيه لا تعصبين.....
جاء مشاري ومعاه طلال عند البنات...
مشاري باللبناني: هاي كيفكم صبايا..
طلال: تكفى اسكت ما يليق عليك اللبناني..
مشاري: اجل يليق عليك..
طلال: اكيد تأبر ألبي..
رغد: تحوم الكبد منكم الاثنين..
ريم: وووووع لا عاد تعيدونها تكفون..
طلال: تهزئنا ولا...
مشاري: الا ملاحظ هالشي..
رغد: وش عندكم جايين..
مشاري: جايين نسلم عليكم ونطمن عليكم .."ويطالع الهنوف"
الهنوف نزلت راسها من الحيا..
رغد تطالعهم اثنينهم: علينا هاه..
مشاري: هاه لعبتوا..
رغد: ايوه لعبنا الا الهنوف..
مشاري: افا ليش ما خليتوا الهنوف تلعب..
رغد: خوافه ما عليك منها..
مشاري قرب من عند الهنوف: ممكن اوديك لعبه..اكيد راح تعجبك..
الهنوف بحيا: اوكيه..
رغد: احلى حركات..
الهنوف تأشر لرغد يعني شغلك بعدين..
مشاري: يلا مشينا..
وراحوا للعبه نفس اللي ركبها فيصل وفجر هاديه ورمنسيه..
مشاري: يله تفضلي..
ركبت الهنوف..
مشاري: عادي اجلس جنبك..
ما امدى الهنوف تجاوب الا مشاري ركب معاها..
ركب مشاري بس بعد عن الهنوف شوي..
الهنوف ميته حيا وخوف من تركي في نفس الوقت..
مشاري: احم احم..الهنوف..
الهنوف رفعت راسها تطالعه:هـــلا..
مشاري: تصدقين لو قلت انك احلى وارق بنت شفتها بحياتي..
الهنوف ابتسمت وتوترت وصارت طالع يمين ويسار بس اهم شي ما تطالع مشاري..
مشاري مسك وجها ولفه عليه وكمل: وتصدقيني لو قلت اني معجب فيك..واني افكر.....افكر......اخطبك..
وصار يطالع الهنوف يبي يشوف ردة فعلها...
الهنوف تطالع بعيون مشاري وخنقتها العبره..
وكمل مشاري: الهنوف لو اجي اتقدم لك بتوافقين..
الهنوف نزل عليها الصمت ما قدرت تتكلم لانها لو تكلمت بتبكي..
مشاري ما شاف منها أي تواصل:طيب انتي موافقه مبدئيا..
الهنوف تطالع مشاري وعيونها مليانه دموع وهزت راسها بمعنى الموافقه..
مشاري اتسعت ابتسامته ووده يقوم ويرقص من الفرحه وقام يصارخ والناس تطالعه وقعد يضحك: صدق يا الهنوف موافقه صدق..
الهنوف فرحت لفرحته:ايوه..
مشاري: وااااااااااااااااو يا ناس يا عالم الهنوف قلبي موافقه..
الهنوف: مشاري خلاص قصر صوتك فضحتنا عند الناس..
مشاري: انا ما همني احد اهم شي عندي انتي وبس..الهنوف وبس..
الهنوف ودها تضحك وتبكي .من الفرحه ما توقعت ابدا ان مشاري ممكن يفا تحها الموضوع..
ووقفت اللعبه وراحوا عند الشله..
ريم: على ايش هالصراخ..
مشاري مبسوط وقرب من ريم ومسك ايديها ويرقص معها: مبسوط يا ريم مبسوط..
ريم: فكني فشلتني الله يفشلك.. وعلى ايش مبسوط يا حظي..
وراح عند رغد ومسك ايدها ويحركها يمين ويسار ويغني..
رغد: الهنوف اخوي وش فيه انهبل..؟؟
الهنوف تطالعهم مبتسمه وكاتمه ضحكتها وهزت كتوفها بمعنى ما ادري..
طلال: اقروا على اخوكم اكيد دخلت فيه جنيه عاشقته..
رغد: بسم الله على اخوي..
العنود: شباب في لعبه مسوين عليها تحدي البنات والعيال..
ريم: وش التحدي..
العنود: متحدين من يركب هاللعبه.
واشرت على اخطر لعبه في المدينه الترفيهيه كلها..
طلال يطالع العنود وما عرفها عشان النيو لوك : العنود هذي انتي..؟؟!!!
العنود: لا ظلها ..
طلال: توني ادري انك العنود..وش عندك مسويه نيولوك..
العنود تدور على نفسها:هاه وش رايك؟؟
طلال باعجاب: بصراحه طالعه شي..
العنود: تسلم لي والله..
ريم تهمس لها:الناس تقول تسلم والله مو تسلم لي والله..
العنود: كيفي انا حره...المهم مين بيروح معاي..
طلال: انا..
ريم: وانا..
العنود: انطقي انتي..توك صغيره...يلا طلال..
طلال: يله..
العنود قربت من طلال وصارت تمشي جنبه..طلال بعفويه مسك ايدها..العنود حست بكهربا بجسمها..وخدودها حمرت واول مره تحس هذا الاحساس وارتسمت على شفايفها ابتسامه لها الف معنى ومعنى..وهم ما شين ناحيه اللعبه وقفهم صوت..................

@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@ @@@@@@@@@@@@@@@@@@@@@@@@@

" نـــــــــهــــــــــــــــايــــــــة الـــــــــبـــــــــــــــــــــــارت "

الجـــــــــــــــزء الثـــــلاثـــون

العنود قربت من طلال وصارت تمشي جنبه..طلال بعفويه مسك ايدها..العنود حست بكهربا بجسمها..وخدودها حمرت واول مره تحس هذا الاحساس وارتسمت على شفايفها ابتسامه لها الف معنى ومعنى..وهم ما شين ناحيه اللعبه وقفهم صوت..................
عبير:على وين يا العنود؟؟
العنود اختفت ابتسامتها وارتبكت بس ما حبت تبين: وانتي وش عليك؟؟
طلال ببرائه:عبير تعالي معانا..مسوين تحدي على هذيك اللعبه..
عبير طالعت ايدهم المشبكه مع بعض ورفعت عينها على العنود بنظرات كلها احتقار..
طلال: عبير تجين معانا..
عبير: لا ..تهنوا فيها "وراحت"
طلال يناديها: عبيــــر...عبيـــــــــر..
عبير ما ردت عليه مشت وهي خانقتها العبره"ليش ماني قادره ارجع مثل اول ليش صايره حساسه بزياده..ليش انزعج من حركات العنود مع طلال..مع انه هذي حركاتها من زمان مع الكل..انا لازم القى حل ماني قادره اطيق نفسي.."
العنود حست بتأنيب الضمير ..فكت ايدها من طلال وصارت تطالع بظهر عبير وبطلال وتحس انها ما لها مكان بينهم..
طلال: العنود..وش فيها عبير ..مرره متغيره..
العنود بأسى:والله ما ادري وش فيها...
طلال: اوكيه..نروح للعبه..
العنود خف حماسها بس ما حبت تكسر بخاطر طلال: يله..
قربوا من عند اللعبه حصلوا الكل مجتمع عندها..
نوف: العنود لا تقولين بتركبينها..
شجون: بليز العنود لا تتهورين..
العنود بدت تنسى عبير ودخلت في جو الحماس والتحدي:لا بأركبها انا وطلال..
فواز: يا المهبول بتركبها..
طلال: اكيد..بس على ايش التحدي..
وليد: صرفيتكم علينا يومين كاملين..
العنود: انا موافقه..
طلال: والله فله..اوكيه وانا موافق..
ريم: عنيد تشهدي..
العنود: جهزوا فلوسكم بس..
طلال للعنود: مشينا..
العنود: يله..
اللعبه عباره عن عمود طويل وعاااااااااااااااالي بالمره معلق فيه الكراسي..الكراسي هذي اذا ارتفعت تسوي حركات..تتقلب فوق تحت يمين يسار..يعني بالعربي لحد ما تفرغ كل اللي في بطنك من هالحركات ومرررررررره سريعه وتخوف وكل اثنين مع بعض..
دخل طلال اللعبه وجلس على الكرسي وجلست العنود جنبه وتسكرت احزمة الامان..
طلال يصارخ عشان تسمعه: مستعده..
العنود: ايوه..
طلال: هاتي ايدك..
العنود مدت ايدها ومسكها طلال..
طلال: اذا حسيتي بأي شي قولي لي فهمتي..
العنود: اوكيه..
بدت اللعبه بهدوء..
العنود: سم بالله..
طلال : بسم الله الرحمن الرحيم..
وبدت تسرع...العنود تمسكت بطلال اكثر...وصارت تتقلب فيهم الكراسي..
العنود: واااااااااااااااااااااع..يمه لحقـــــــــــــي علي..
طلال: يارب تخلص اللعبه بسرعه ..واااااااااااااااااااااا
العنود فاضيه تقلد حليمه بولند: ابي امي..ابي ابوي..ابي زوجي..
طلال وبدى عنده الفضول يصارخ: ومين زوجك..
العنود بصوت واطي: ا نشا الله انت..
طلال ما سمعها: ميـــــــــــــــــن؟؟
العنود: في الحلم اتزوج..
طلال: والشخص الي في بالك..
العنود تفاجأت: من قال لك..
طلال: كان احساس يقول...بس انتي الحين اكدتي لي..
العنود: ما فيه احد..
طلال: خلاص بيغمى علي طولت..
العنود بصعوبه تتكلم: طلال....طلال..
طلال يطالع العنود: العنود وش فيك..؟؟
العنود: ما ادري بس احس.....اني........دايخـــــــــ"وسكتت"
طلال: العنود....العنود.."ويضغط على ايدها"..العنود..
ما ترد..............
وفي نفس الوقت وقفت اللعبه وانفتحت احزمة الامان قام طلال على طول مسك العنود وصار يضرب وجهها بخفيف..
طلال: العنود..العنود...اصحي يا الله شكل مافي فايده..
قام شالها صح انها ثقيله شوي بس طلال جسمه يساعده..نزلها من اللعبه ومشى فيها لحد الشله والكل اجتمع عليهم..
ريم قربت من طلال بعد ما حطها على الارض: طلال وش فيها بنت عمي..
طلال ياخذ نفس: شكلها اغمى عليها..
ريم نزلت للارض وصارت تضرب وجه العنود: حبيبتي اصحي انا ريم..
رغد والخوف مالي قلبها: عطر...ابي عطر..
صح ان في شنطة رغد عطر لكن مع الخوف نسته ..
في وحده كانت تراقب الوضع من بعيد..
عبير:مين اللي طايح عليهم..."ونغزها قلبها"...العنود...
هي بس تخيلت انها العنود صارت تركض لها وكأنها تقول انا السبب..عبير وصلت عندهم..
عبير: اختي وينها اختي..؟؟
رغد وهي تاخذ عطر شجون وترشه على المنديل: عبير هدي..بس اغمى عليها..
عبير مسكت وجه العنود: العنود..اصحي تكفين عشان خاطري..تكفين..
رغد تحاول تبعدها وتحط المنديل على انف العنود الصغير...
العنود حركت راسها بخفيف وصارت تهمس: عبير...عبير..طلال..
عبير: العنود انا جنبك..العنود اصحي يا قلبي..
رغد حطت المنديل مره ثاينه: ابي مويه..
مشاري معاه مويه: خذي..
خذت رغد المويه وصبت على ايدها عشان تمسح بها وجه العنود..ومسحته وبعدها على طول تحركت العنود وفتحت عيونها..
العنود: عبير وين انا فيه..
عبير: العنود حبيبتي انتي بخير؟؟
العنود صارت تطالع عبير وكأنها تأنبها على اللي سوته فيها..
عبير قرت افكارها وفهمت عليها وضمتها: سامحيني يا العنود..والله ما كان قصدي..صدقيني حياتي بدونك ما لها طعم..
العنود وهي تضم اختها: حطي عليها ملح..
عبير تضحك على اختها وتأكدت انها لو تفقدها لثواني راح تضيع: حتى وانتي تعبانه..
الكل ضحك عليهم والبعض منهم تأثر..
نوف:الحين جايين تضيقون صدورنا "وتمسح دموعها"..
ريم متأثره بس بدون دموع: كذا يا عنيد طيحتي قلبي..
فجر وفيصل شافوهم مجتمعين ..فجر تركت فيصل وصارت تركض لهم..
فجر:وش فيكم وش صار؟؟
رغد:سلامتك بس العنود حبت تعرف غلاها..
فجر ضمت العنود:غاليه يا قلبي غاليه..
العنود تستهبل: طيب خلاص خنقتيني..
فجر ابعدت عنها وضربتها: ما تعقلين عن سواليفك..
نوف:توك تجين يا مدام فيصل؟؟
فجر وهي تقرص خد نوف: وليه يا قلبي غايره..؟
وليد يطالع رغد طول الوقت..ومبهرته شجاعتها وحسن تصرفها في مثل هذي المواقف..
رغد كانت جالسه واول ما قامت صارت لاصقه في وليد لدرجه انه حست بحراة جسمه..
حاولت ترجع بس مافي مجال..البنات جالسين واللي واقفين يعني بالمره زحمه..
وليد وهو يطالع عيونها بكل شكر: مشكوره يا رغد..
رغد: على ايش؟؟
وليد: لولا الله ثم انتي ما توقع ان احد بيتصرف تصرفك..
رغد: لا عادي وش دعوه هذي اختي العنود..
وليد صار يطالعها ووده يقول شي دام الصمت بيتهم ثواني بعدين تكلم وليد..
وليد: رغد....
رغد كانت منزله راسها من نظراته لها وبعدين رفعته: هلا..
وليد: رغد انتي زعلانه مني...
رغد:لا...
وليد: يعني مسامحتني...
رغد:لا...
وليد ابتسم: يعني تبيني اراضيك..
رغد ابتسمت غصب عنها: لا...
وليد: طيب كيف ارضيك..
رغد بدلعها الرباني وبروحها الخفيفه: خلاص رضيت عليك..
وليد مسك ايدها..رفعها يبي يبوسها نسى كل العالم..نس كل اللي حوليه وما بقى الا هو ورغد وبس..ورغد في هول صدمتها..بس.........في جسم دزه لما بغى يطيح..
وليد التفت بسرعه يبي يشوف مين اللي دفه: تركي!!!!!..
تكري بكل برائه: نعم..
وليد: انت اللي دفيتني؟؟
تركي: اوه..معليش بالغلط..
رغد زادت صدمتها كانت شافيه تركي جاي مسرع وعطاها نظره وبعدين صقع وليد..
رغد سحبت ايدها وهي ترتجف:في شي ثاني..
وليد: لا..اهم شي انك سامحتيني..
رغد: اوكيه انا رايحه..
البنات..قاموا يتمشون..
شجون: بنات بليز ما عاد نفترق مره ثانيه..
نوف: ليشم مين اللي افترق..؟
شجون: بصراحه كنا مشتتين..يعني العنود وعبير ..وفجر مع اخوي..
العنود وعبير يطالعون بعض..
عبير: من ناحيتي انا والعنود ا نشا الله ما راح يفرقنا الا الموت..
العنود تأيد كلامها: ايوه..
ريم: وانتي يا جولييت..
فجر: انا بحاول قدر الامكان اخفف طلعاتي مع فيصل..
نوف: فجوره احنا ما نقول لك لا تقعدين معاه..بس كمان لا تعطينه وجه..مثل اليوم طول الوقت جالسه معاه..المفروض تجلسين معانا..وشوي معاه.. فهمتي قصدي..
فجر: ايوه صح كلامك..بعد عشان ما يمل مني..
شجون: لا تخافين من هالناحيه يموت فيك ومستحيل يمل منك..
فجر احمرت اخدوها: ايوه وش اخباركم..احس اني من زمان عنكم..
الهنوف: الحمد لله..
فجر: عاد انتي مغبره بقوه..
الهنوف: ليش.؟؟؟
فجر: ما اشوفك كثير ولا اسمع صوتك كمان..
الهنوف بخبث: بس الغلطه مو غلطتي..
فجر: يا ذا الفيصل اللي ذابحكم..
عبير: ما عليك منهم مقهورين..
العنود: المهم بنات احس اني تعبانه متى راح نرجع..
رغد: وهذا انا اتصل على مشاري........الوووو..
مشاري: اهلين..
رغد: ميشو متى راح نرجع..عشان العنود..
مشاري: الحين...يلا استعدوا..
رغد: اوكيه باي..
مشاري: باي..
رغد: يقول الحين..
العنود: يله بنات الله يعافيكم تراي ماني قادره اوقف على حيلي..ولا تنسون التحدي..
البنات قعدوا يضحكون على العنود وخبالها..
ريم قربت من عندها وصارت تهمس لها تبي ترفع ضغطها: اما عليك تمثيل يا العنود خطير..اثرك تخططين من وراي.. ولا حركات اغمى علي وبعدين طلال يخاف عليك ...ههههههه والله انك داهيه..
العنود: لا والله حرام عليك كل اللي صار صدق..
ريم: علينا..علينا يا مناحي..
العنود: لا مناحي ولا يحزنون..والله من جد اللي صار لي يعني انتي ما صدقتيني..
ريم: احاول اصدقك..
العنود: الا تعالي وش صار صدق؟؟؟
ريم: عشان كذا اقولك داهيــــــــــه..
العنود: حمستيني وش صار..
ريم: اول ما وقفت اللعبه قام طلال وشالك مسكين ظهره راح فيها..
العنود ضربتها: والله اني خفيفه..وبعدين وش صار؟؟
ريم: ااااي..بعدين جابك لعندنا ورغد تصحي فيك وهو جالس جنبك..
العنود بعيون حالمه..:الله فارس احلامي شاليني..
ريم: ايوه بس بدون حصان..
العنود: عادي مو لازم الحصان..
ريم: اجل تبين تكسرين ظهر الرجال لازم حصان عشان يرميك عليه..
العنود: ما عليه المره الجايه..وبعدين وش صار..
ريم: بعدين جات عبير وبعد عنك..
العنود: تصدقين شكله يحب عبير..
ريم: وش دراك..
العنود: احساسي...وانتي وش تتوقعين..
ريم: والله علمي علمك..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
رجعوا للفندق..راحوا البنات يدردشون مع امهاتهم شوي..
ام مشاري: هلا والله غلا..
البنات: اهلين..
ام ماجد: مالكم لا حس ولا خبر..
عبير: يمه وش تبون فينا..
ام ماجد: هاااو..بناتنا لازم نسأل عليكم ونتطمن..
العنود: شوفينا ما فينا الا العافيه..
ام فيصل: وكيف الطلعه..
نوف: والله يا خالتي انبسطنا..
شجون: مرررره وناسه..
ام سليمان: المره الثانيه بنكد عليكم..
ريم نطت: وش دعوه خالتي وجودك يشرفنا..
رغد تهمس لها: وينا وفيه في حفل تكريم "وتقلد صوتها" وجودك يشرفنا..
ريم: ما عليك مني اهم شي اتميلح عند خالتي..
\رغد: يمه منك داهيه..
ام فواز: وش اخبار عروسة العايله..
فجر وردت خدودها: تمام يمه..
نوف: ماخذ عقلها..
ام فواز: زوجها تتهنى فيه بعد قلبي والله.."ودمعت عيونها"
فجر: يمه اذا بتقلبينها عزا خليني اروح..
ام فواز وهي تمسح دموعها: ما اقدر يا بنيتي شي غصب عني..
نوف: ماما خلاص تكفين ترى بأبكي..
العنود:تكفون اذا السالفه فيها بكي وصياح ونياح خلونا نروح..
ام ماجد: تونا ما شبعنا منكم..
عبير: بقيه لبكره..
العنود: وانتي لحد الان ثقيلة دم..
عبير: طالعه عليك..
رغد تطالعهم وشتاقت لايامهم: الله يخليكم لبعض..
ريم قربت من عند رغد: امين ولا يفرقنا كلنا..
الهنوف: امين يا رب..
طلعوا البنات للسويت حقهم ودخلوا كلهم واخر وحده كانت رغد وتوها بتدخل الا وقفها صوت اجش تعرفه زين..
:رغد ممكن شوي..
رغد لفت على صاحبه: تركي............خير وش صاير..
تركي كتف ايدينه: والله صاير اشياء..
رغد خافت: وش فيه تكلم..
تركي قرب منها شوي: وليد هذا وش سالفته..
رغد لفت وجهها عنه: وليد هذا اللي تتكلم عنه ولد عمي..
تركي: وانا........وانا يا رغد وش اصير..
رغد طالعته تبيه يفهم من نظراتها انه هو الحبيب وهو الغالي وهو انت اللي اخترتك وبديتك على الكل والجميع..
تركي: تكلمي يا رغد..لا تخليني كذا معلق بين السما والارض..عاد انتي يا ترفعين فوق لسماك او انك تنزلين لسابع ارض..
رغد غرقت عيونها دموع: حشى والله دومك عالي..بس وش تبيني اقول لك..
تركي برجا: لي مكان في قلبك؟؟
رغد تبي ترتاح هزت راسها الايجاب..
تركي قرب منها اكثر: طيب مكن اعرف وش هالمكانه بقلبك لانـــــــ...........
حس ان رغد مطيره عيونها في شخص...
تركي وكأن احد كاب عليه مويه بااااااااااااااارده وما وده يلتفت ما يبي ينصدم....وبعد ثواني كأنها سنين التفت..........

تركي:طــــــــــــلال..
طلال كان مكتف ايدينه ويتفرج وبعدها قال: ما شا الله بصراحه عايشين الجو...
رغد ما حبت تبين أي علامات خوف..مع انها من داخل ماتت وخلصت: طلال لو سمحت عن البياخه..
طلال وهو رافع حاجب ويتكلم بستهتار:بياخه.....تقولين علي انا بياخه..اجل اللي تسوينه مع هذا"ويأشر على تركي بطرف اصبعه"وش يسمى....؟
تركي وجها لونه مخطوف: طلال....انت فاهم الموضوع غلط..
طلال معصب: انت اسكت ما كلمتك..انا اكلم بنت خالي المصون..
رغد: مصون غصب عنك فاهم...وبعدين انا واثقه من نفسي وما يحتاج ابرر لك..
تركي يطالع رغد ويحسدها على جرئتها وشجاعتها..وزاد حبها في قلبه مليون مره عن قبل وصمم زياده انها تكون له ومستحيل تكون لغيره..
طلال: ولا بعد ما يحتاج تبررين..بس اتوقع لما انادي اخوك مشاري اشوف وشلون تبررين..
طلال وتركي كلهم توقعوا انهيار الجبل الصامد على طاري مشاري اخوها..
رغد بأبتسامة ثقه: رح ناده والحين بعد..
طلال انصدم: انتي متاكده..
رغد: واذا حبيت انا ناديته بنفسي..
طلال انقهر: هين...هين يا رغدوووه..
رغد ضحكت بأستخفاف: وش بتسوي؟؟
طلال ما قدر يصبر اكثر

الجـــــــزء الواحد والثلاثون...

رغد تطالع ظهر اللي ماسك الولد وعرفته من طوله ورزته وريحة عطره وابتسمت...

كان وليد..
الولد: ومن تكون حضرتك..
وليد: مالك دخل من اكون..انا سألتك وش مضيع عند البنت...
الولد وبكل جرئه: مضيع رقمها...ابي رقمها..
وليد وصل معها خلاص ما عاد يشوف قدامه الا سواد: وش قلت عيد وش كنت مضيع..
الولد يعلي صوته اكثر وبوثوق: قلت لك مضيع رقمها ما تسمع انت..
ما امدى الولد يكمل جملته الا بوكس في وجهه مصحيه من اللي هو فيه وطلع الدم من فمه..
وليد: هذا عشان مره ثانيه تنتبه لاغراضك وما تضيعها..
الولدومسح الدم وطالع الدم في قميصه: انت قدها يوم تضربني..
وليد ابتسم ابتسامه تنرفز: قدها وقدود وش بتسوي يا دلوعة ماما..
الولد توه بيضرب وليد الا وليد وبحركه سريعه وقفه عند حده ومسك ايده ولواها..
وليد: حبيبي عيب تضرب اللي هم اكبر منك...ترى مره ثانيه اكسر ايدك فهمت..
الولد يتألم: فك ايدي احسن لك..
وليد ويزيد عليه اكثر: واذا ما فكيتها وش بيصير..
الولد: فك ايدي وخلنا نتفاهم..
وليد: اذا بنتفاهم يا دلوعة ماما عند المغفر اوكي"يعني قسم الشرطه"
الولد خاف: وش دعوه مغافر حنا رجال ونتفاهم مع بعض..
وليد ضحك ضحكه ملت السوق اللي يعتبر فاضي: هههههه رجال...ليه انت تعد نفسك واحد منهم..
الولد اخذ نفس عشان ما يضربه ويروح فيها:وانت وش رايك..؟
وليد: راي اتوقع راح يجرحك..وبعدين بتبكي عند امك وبعدها وش بيسكتك عاد..
الولد: طيب عن الغلط..
وليد: اسمعني من الاخر..انا بتركك وان شفتك داخل المجمع ما تلوم الا نفسك سامع..
الولد ما صدق على الله وليد ترك ايده وهج من المجمع كله..
يوم راح الولد..وليد لف على رغد وقرب منها وهو يعدل ثوبه وعمامته ..كان لابس اماراتي هو العيال كلهم..
وليد وهو مبتسم لها: انتي بخير..
رغد كانت طول الوقت مبسوطه على وليد وعلى شجاعته وحست معاه بالامان اللي فقدته في لحظات الشتات بينها وبين نفسها..
رغد وبأبتسامه اكبر :ايوه انا بخير ...وانت؟؟
وليد: تمام التمام..الا وش فيك يا قلبي جالسه لحالك..
رغد انتبهت لكلمة يا قلبي بس ما بينت:لا ابد سلامتك..بس تعبت من كثر ما ادور فا جلست لحد ما يخلصون البنات..الا انت وش جابك؟؟
وليد: قلبي جابني..حسيت ان فيك شي اقصد فيكم شي..
رغد: مشكور يا وليد على اللي سويته..
وليد: ولو انا بالخدمه...ما ودك تروقين بكوفي بعد الولد الباتكس اللي من شوي..
رغد: ههههه حلوه هذي باتكس..بس بصراحه راكبه عليه..
وليد يدرس كل حركه من رغد ولما ضحكت ذاااب عندها..ومشى جنبها متجهين للكوفي: وش كان يقول لك..
رغد: ما عليك منه خرابيط..
وليد: ووقح بعد..
رغد: لأبعد درجه...
ووصلوا للكوفي..وجلسوا قبال بعض وكانوا لايقين على بعض ..هذا اللي حسه وليد واللي استحت منه رغد..
رغد تصرف تبي تهرب من نظراته لها: بتصل على البنات واقول لهم اني بالكوفي عشان ما يدورون علي..
وليد ما رد عليها بس يطالع فيها..وما كان يلوم الولد اللي من شوي..
رغد: الوو.اهلين ريومه..تراني بالكوفي..هاه...لالا..لحالي....اوكي باي..
وليد: ليش ما قلتي اني معك..
رغد بسرعه: ترى ما اقصد شي..بس عشان العنود وسوالفها..
وليد: في هذي صادقه..."وسكتوا شوي".......رغد..
رغد: هلا..
وليد: بقول لك شي يمكن جرئ شوي بس لازم تسمعيني عشان تفهميني..
رغد وهذا اللي خايفه منه ما ودها يقول شي ابد: تفضل..
وليد: رغد بليز ما تزعلين من حركاتي ترى والله هذا شي غصب عني مو بأيدي...اذا شفتك خلاص اضيع اتخربط..صحيح بتقولين جرئ وكيف يقول لي هالكلام والمفروض اخليه في قلبي...بس انا مو كذا ولا طبعي كذا فا لا تزعلين مني اوكي رغوده..
رغد: بس ..بس انت ولد عمي..يعني ما يجوز تقول لي هالكلام..
وليد بسرعه: اوكيه..اخطبك واصير لك حل...
رغد طيرت عيونها وتحسفت قد شعر راسها انها تكلمت..ولو انها ساكته وبالعه لسانها كان ارحم لها مليون مره...يعني لازم البربره والكلام اللي ماله داعي...
وليد لاحظ سكوتها: وش فيك سكتي..ما تلاحضين انك دايم تسكتين..
رغد في نفسها"يقطع ابو الوهقه والفشيله": هاه..لا عادي..
وليد: طيب انتي موافقه...
رغد: وليد بصراحه...انت فاجئتني..وبعدين احس اني توني صغيره على الزواج..
وليد بمزح: أي صغيره..بسم الله عليك مثل القمر..كبيره وعاقله وفاهمه وش ناقصك بعد..
رغد: هههه الله يسلمك.."تبي تغير الموضوع بس ما عرفت"
وليد وكأنه حس فيها: اوكي انتي فكري وانا ماراح استعجل وترى هذي مو خطبه ولا أي شي بس حبيت اخذ رايك من باب الاحتياط...
رغد تبي تصرف وتاخذ الموضوع بمزح: تصدق على بالي هجوم هههههه...
وليد: ههههه حلوه...يا حلوك وانتي تضحكين..
رغد بلعت ضحكتها وسكتت:....................
وليد حب يغير الموضوع بالمره: ما خلصت فجر من التسوق..
رغد ارتاحت انه تغير الموضوع: لا وين باقي لها كثير..
وليد: انتم يا البنات عليكم حركات ما ادري وش تبي..يعني لازم دبي ..وش فيها الرياض..
رغد: لا بس هنا ماركات عالميه اكثر والبضاعه تكون جديده ..واحسن من الرياض مع ان الرياض فيها اشياء حلوه وتجنن بعد..
وليد: كل هذا مدح بالرياض هههه طيب واذا ما امداها تخلص من دبي وش بتسوي..
رغد: ما لها الا الفيصليه والمملكه والمجمعات اللي هناك..
وليد: اهااا..وكل البنات يسوون حركاتكم..
رغد: لالا مو كل البنات بعضهم..
وليد: وانتي؟؟
رغد حمرت خدودها: وانا ايش؟؟
وليد: اذا جابوا مهرك بتروحين دبي ولا باريس ولا وش بتسوين..
رغد: اذا جا ..فيها حلال..
سكتوا للحظات ..وليد يطالع رغد وبشكلها وحركتها ..كيف ترمش بعيونها كيف تنفس كيف تطالع.. كيف تشرب..كل شي فيها يدرسه وكأن عنده اختبار..
رغد كانت تطالع بالكوفي اللي معاها عشان تهرب من نظرات وليد..وتحاول تخفي توترها من جلوسها معه بعد لحظات مروا من عندهم العيال..
رغد في نفسها"وهذا الي ما حسبت حسابه"<<كانت تقصد تركي..
مشاري: وليد..ومعاك رغد وين على الله..
وليد: كانت جالسه لحالها فا خفت عليها..
طلال: وليش يا بنت خالي تاركينك لحالك..
رغد: لا انا تعبت من كثر المشي..
ماجد: وين شلة المطافيق..
رغد: ههههه حلوه .. بس ترى ما ارضى عليهم..وما ادري وينهم بالضبط..
تركي حشر نفسه من بين طلال ومشاري..وقال بمزحه وهي رزحه:وانتي ما شا الله فالتها مع وليد..
الكل ضحك الا رغد فاهمه وش قصده وانقلبت دنياها لانها متأكده اذا ما سكت تركي بيعلق مع وليد في مشكله وهي في غنى عن المشاكل..
راحوا العيال وجلسوا على الطاولات وصاروا يسولفون ..
تركي وسليمان واقفين..
سليمان: بتجلس؟؟
تركي وهو يطالع وليد ورغد ويغلي من داخل:بجلس معاهم...
سليمان: مو فشله..
تركي: عناد فيهم..
سليمان: كيفك...انا بروح ادور على ريم قلبي..
تركي بروحه الخفيفه: سمعت كلامي امس يا درج..
سليمان: فكرت فيه ولقيت فيه شي من الصحه..
تركي: اقول رح الفيزياء مأثره عليك..
سليمان: تكفى لا تذكرني تنسد نفسي..
تركي: انت روح لها وتنفتح نفسك..
سليمان: وانت صادق..
طبعا سليمان ترى ما يقصد يخون صديقه او يطعن فيه من ورى ظهره..بس حب انه يسلم عليها وعاد نفسه واحد من العايله..لان عيال عمها نفس الطريقه عندهم عادي يروح مخصوص يسلم على بنت عمه او بنت خاله وهو مصدق نفسه واحد من العايله..يعني لا تفهمونه غلط.وتركي كمان نفس الشي واصلا مستحيل يسوون شي في العائله اللي امنتهم على بناتهم واكلهم وشربهم صار واحد..وصاروا تقربيا من ضمن العائله وتعودوا على بعض..
راح سليمان يدور قلبه ريم ..
تركي جلس على نفس طاولة وليد ورغد..عشان ينكد عليهم..
تركي: ارحب بالوليد..
الوليد: مراحب بالتركي..
تركي: وش العلوم والاخبار..؟
الوليد: والله تمام..
رغد حست نفسها غلط..يعني هذا ولد عمها وهذا صديقه هي جالسه ليه..
رغد جات بتقوم الا تركي لف عليها يبي يكلمها قدام وليد..
تركي: كيفك يا رغد..
رغد على طول طالعة وليد تشوف ردة فعله بس كان ساكت وهادي..
رغد: الحمد لله تمام..
تركي انتبه انها خايفه من وليد بس كذا عناد بيزيد: مستعده للفصل الثاني<<ما عنده سالفه بس من اللعانه..
رغد وهي تاخذ شنطتها واغراضها:ا نشا الله..يله عن اذنكم ..ومشت..
تركي لحقها : رغد..
رغد وقفت في مكانها:وش يبي ... ولفت عليه..
تركي قرب من عندها:خذي ..نسيتي النظاره..وشكلك نسيتيني..
رغد اخذت النظاره: مشكور..
تركي: وانا...اخذتي النظاره وانا..؟؟
رغد: تركي روح عني بلا مشاكل..
تركي: تخافين من وليد ..؟
رغد وهي تطالع وليد اللي جالس: لا ما اخاف من احد بس ماله داعي المشاكل وعلى اشياء تافهه..
تركي منفعل: حبي لك اشياء تافهه..
رغد عصبت من انفعاله: تركي.اذا روقت لنا كلام ثاني.."وراحت وتركته"
تركي حس على نفسه انه معصب ورجع لعند وليد ..
وليد كان يناظر بالكوب اللي معاه..
سحب تركي الكرسي وجلس وهو سكت..
وبعد لحظات من الصمت..
وليد وبكل هدوؤ: تحبها؟؟
تركي فاجأه السؤال وما توقع ان وليد ممكن يسأله هذا السؤال:ميـــــــن؟؟
وليد بجديه وبنفس الهدوء: تحب رغد..؟
تركي ارتبك بس حاول يضبط اعصابه: ليش السؤال..؟
وليد طالع تركي ومازال يحاول يضبط هدوئه: اتوقع سؤالي واضح ..تحب رغد؟
تركي توهق وش يقول له..يقول ايه احبها.ولا يقول لا.. ولا وش يقول..
تركي: مثل اختي الهنوف..
وليد وعينه في عين تركي عسى يلاقي الجواب: اكيـــــــد...
تركي بثقه: اكيد...مثلك...مثل ما تكن لها من مشاعر انا مثلك..
وليد عصب بس حاول يكون بارد وصار يقلب الكوب: اهاااا..
تركي بخبث: طيب انا اللي بسألك سؤال وصريح وواضح....ليش تسأل..؟
وليد: كذا ابي اتطمن على بنت عمي ومستقبلها..
تركي: ليش انا ما اطمن..
وليد: انت وش عليك مو تقول ما تحبها...
تركي ارتبك: ايوه انا قلت ...بس افرض اني احبها..
وليد:ما راح افرض شي..لانه ما راح يصير .وحطه على بالك زين اذا فكرت فيه...زين..."وقام من مكانه"...وتراني ما اقصد شي من كلامي..يعني لا يصير بينا أي حزازيه ..ما زلنا اخوان اوكي وراح من عنده وجلس عند مشاري وطلال.وترك تركي بحيرته..
تركي في نفسه" لو اخطب رغد معقوله يوقف في وجهي وليد..ليش لأ باين انه يحبها..وكلامه اللي من شوي باين ان فيه تحدي..وبعدين معقوله حس اني احبها ..كيف حس والباقين ما حسوا..اكيد عشانه يحبها من قلب..مسكين يا وليد راحت عليك.. ما تدري ان رغد لي انا وبس..."

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
نروح لعشيقنا الثاني اللي من زمان عنه واللي كلامه يفتح النفس وشوفته تشرح الخاطر بالنسبه لريم ولنا بعد<<ترني اتكلم عن نفسي..
سليمان شاف ريم ماشيه وهي تضحك مع العنود...
سليمان: يا حبي للبنيه هذي..ياناس ملاك يمشي من البرائه والطفوله والجمال..
سليمان سوى نفسه ماشي قدامهم وما انتبه لهم..
العنود: شوفي سليمان على باله يتمليح وكأنه ما شافنا..
ريم: اهبل فيه...مع انه ما يهون علي..
العنود: عشان مره ثانيه ما يستهبل..
ريم: خلينا نمشي وكأنا ما انتبهنا له..اوكي..
العنود: اوكي..
الهنوف: بنات انا بدخل المحل هذا..لا تروحوا بعيد.
ريم: خذي راحتك يا قلبي..
الهنوف تذكرت رغد وتنهدت ودخلت محل لللأكسسورات...
مشى سليمان وعلى باله انه لاهي وما نتبه لهم..وهم ماشين ونفس الحركه وكأنهم ما لمحوه من ارضه..
مشوا...مشوا...لحد ما مروا من عند بعض وكل واحد يتغلى على الثاني..
سليمان: معقوله ما انتبهوا لي...بسرعه احلق نفسك يا ولد.."ولف ونادى بصوت كأنه شاك"..ريــــــــم...؟؟
ريم لفت وكانها توها تنتبه له: سليمان؟؟؟؟ اهلين..
سليمان قرب من عندهم: تصدقون ما شفتكم..بس بعدين شكيت انه انتم...كيفك العنود؟؟
العنود: الحمد لله تمام..
ريم: حتى احنا تصدق ما شفناك ابد"وشددت على كلمة أبد وهي مبتسمه"
سليمان: هههه يا حليلكم بصراحه بالصدفه شفتكم هنا..
ريم في نفسها"يفضح عمره من زمان وانا قايله ما يعرف يرقع":بصراحه صدفه سعيده...
العنود ناويه عليه: وانت وش جابك لحالك..حتى صديقك مو معك..
سليمان: هاه..تقصدين تركي والعيال..جالسين بكوفي وانا بيني وبينكم ما اشتهيت اجلس فا قلت اتمشى شوي..
ريم تضحك على سليمان وعارفه حركاته اصلا مكشوفه: هههههه ما صادفت برغد اختي..
سليمان: الا كانت جالسه مع وليد..
العنود طيرت عيونها: جالسه مع وليد ليش؟؟
ريم في نفسها" اجل رحتي فيها يا رغد وش بيفكك من عنيد" ريم طالعت سليمان وتأشر له بمعنى فضحتنا..
سليمان فهم عليها:لالا هونت ما كانت جالسه مع وليد..
العنود: اجل وينها فيه وجالسه مع منو.؟
سليمان يتلفت يدور ترقيعه:هاه....كأني شفتها جالسه على الكراسي لحالها...
العنود: ايه صح احنا تركناها هناك ..بس وشوله تكذب..
سليمان: ما كذبت..خربطت..وشلونكم وش اخباركم..؟؟<<يبي يسولف بأي طريقه..
ريم: الحمد لله بخير..
العنود: وينك لا حس ولا خبر..
ريم تطالعها يعني خير تمونين عمتي..
العنود طنشتها: ايوه..
سليمان ومسوي نفسه شي: والله لهيت شوي مع العيال مثل ما انتي عارفه ما عندي وقت لشي..
ريم: اللي يسمعك يقول عندك عقار واسهم واراضي وشركه ما لها مدير وانت اللي بتديرها ومؤسسات محد بيمسكها الا انت........
سليمان: تكفين يا ريم بس..اعرفك اذا مسكتي خط ما سكتي..
ريم: هههه يا حليلك تعرفني..
سليمان: وش قلت على يا حليلك..
ريم تأشر بعيونها يعني عشان العنود فيه..
العنود ناويه عليهم:ليش انتو متى شفتوا بعض عشان تقولها وتقولك...
سليمان: ما ادري وين بس من زمااااااااااااااااااان مررررررره..
العنود: اهااا...
ريم كاتمه ضحكتها عشان حركات العنود بس رحمة سليمان االلي مصدق ان العنود ما تدري عن شي..
العنود: اجل نمشي..
سليمان: لا تونا ما بعد شبعنا منكم..
العنود: بقي لبكره...يله مشينا يا بنت عمي..
ريم ابتسمت: باي سلوم,,اشوفك اليوم بعد المغرب اذا طلعنا اوكي..
سليمان: اوكي...بااااااي...

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
رغد وهي تمشي تحس نفسها بتطيح بأي لحظه..وبتنهار من داخل كمان بأي لحظه..مشتته ..ضايعه..تلاقيها من وين ولا وين..من وليد اللي اليوم فاتحها بالموضوع يلمح لها..ولا تركي اللي ما تدري وش تسوي فيه...ولا الهنوف اللي زعلانه عليها وما تدري ليش....وعندها زعل الهنوف اهم من الكل..الهنوف صديقة عمرها ..وقفت معها بكل لحظه..حتى انها توقف معا ضد اخوها..وش تبي اكثر من كذا صديقه...صديقه تفديها بروحها وبحياتها..وما تتوقع ان راح يمر عليها بحياتها كلها وحده مثل الهنوف..تدور رضاها وتبديها على نفسها..وما تقول لها الا ابشري ولبيه ومن عيوني..رغد ما تعدها الا من غلاة ريم واكثر بعد..امنتها على كل اسرارها الا سر واحد اللي هو عن وليد اكيد..لانها ما راح ترضى على اخوها وراح تقول لها يا وليد يا اخوي بس ما تخلين اخوي كذا معلق وحتى وليد بعد..طبعا هذا الكلام الصح وما فيه نقاش....

صارت تمشي بلا هدف اصلا ما تدري وين تروح..مرت من عند محل وتعدته بعدين رجعت له..فيه بنت تعرفها زين..بنت تموت فيها ولها الغلا كله وتميزها من بين الف وحده..
دخلت عندها في المحل شافتها تشيل سلسه فيها حرفAوبعدين قالت: ما عندك نفسها حرفR..
رغد في نفسها" يا حبي لها تفكر فيني حتى وهي زعلانه ويلومني فيها بعد قلبي والله"
صاحب المحل: واللهRما فيه..
الهنوف: حسافه..
جا صوت من وراها وحط السلسه قدامها: مو هذي احلى واحسن..
كانت سلسله فيهاA,R وبينهم قلب مايل وحلو..
الهنوف لفت تعرف صاحبة الصوت زين: رغـــــــد...؟
رغد ابتسمت لها: على سن ورمح..
الهنوف ما تحملت تبعد عن صديقة عمرها ثانيه زياده..وعلى طول حضنتها: خلك تسوينها مره ثانيه"وضربتها بخفيف"
رغد وهي ضامتها: ههههههه طيب وش سويت انا اصلا..
صاحب المحل يطالعهم مستغرب..بس مبسوط عنده بنتين وكل وحده تقول الزين عندي ولا وبعد رومنسيات بالمره...
الهنوف بعدت عنها: وبعد ما تدرين وش سويتي..
رغد: وش دراني ..ما اذكر اني سويت شي يزعل نصفي الثاني..
الهنوف: خلينا نطلع شوفي هذا بيكلنا بعيونه..
رغد: ههههه واضح..
اشتروا سلسلتين نفس اللي اختارتها رغد وحده لها ووحده للهنوف..وطلعوا من المحل..
رغد: ايوه وش سويت لك يا الدلوعه...
الهنوف: بالله ما لاحظتي اسلوبك معاي ..مطنشتني وحاقرتني.ولي كم يوم ما جلست معاك وقعدنا نسولف مثل ايام قبل..
رغد تذكرت اللي صار: اهاااا..عشان كذا زعلانه..معليش يا قلبي واسفه واذا تبين بوسه بعد انا حاضر..
الهنوف ابتسمت: ايه ابيها..
رغد باستها من خدها: تكفين ارضي علي..
الهنوف: ههههه رضيت عليك..وانا اقدر ازعل...انا اذا مره مره شلت عليك شوي..اما ازعل لا هذي كبيره وماني بقدها..
رغد تطالعها بحب: الله لا يفرقنا..
الهنوف: امين..
رغد: ونتزوج بيوم واحد..
الهنوف: هههههه امين..بس وش جاب طاري الزواج..
رغد: تخيلتنا عرايس مع بعض ..هههههه.
الهنوف: الله فله...يله خذي اخوي وانا اخذ اخوك..
رغد في نفسها" يا ليتها كذا سهله خذني جيتك":حبيبتي هذا زواج مو لعبه..
الهنوف: اذا ما اخذتي اخوي ترى انتي الخسرانه..بس انا بأخذ اخوك..
رغد: يحصله وحده مثلك ويقول لا...مفروض يحمد ربه ليل نهار وصبح ومسا ان ربي رزقه بوحده مثلك..
الهنوف: الله يسلمك يا قلبي..يا ربيه قد ايش اشتقت لك..
رغد: هههه حتى انا والله...[/B][/SIZE]

كملي حبي ما شاءالله دايما متآلقه

كـــــــــــــــــــــملي عشاني

ووناسه حماس

حبي هذه التكملة لعيونك ياروحي

&&&&&&&&&&
&&&&&&&&&

جا المغرب ورجعوا من السوق هلكانين ومنتهين..
فجر وهي تحط الاكياس: يا ويلي تكسرت ما عاد فيني حيل..
العنود: احسن هذي الي تتزوج بدري تستاهلين..
نوف: سبحان الله نفس كلام عبير..
عبير والعنود جنب بعض ولزقوا وجيهم في بعض وكأنهم بيصورون وابتسموا ابتسامه تجيب الهم: هيهيهي عادي خوات..
ريم: هههه الحمد لله والشكر بس على العقل..
العنود: اعصابك يا الثقل..
ريم رزت نفسها: احسن منك يا الخبله..
رغد: تكفون بلا هالمزح لانه بيقلب جد..
ريم قربت من عند رغد: وينك اليوم اختفيتي..
رغد: اسكتي واللي يعافيك ترى بأبكي عليك الحين..
ريم: اجل هذي يبلها سهره بالليل مع بيبسي مع توكس مع ليز بالتوابل الشرقيه..
رغد: انتي بتسمعين سالفه ولا بتشوفين فلم..
ريم: عادي كلهم مثل بعض..
الهنوف: هاه رويم وش عنك تنكدين على صديقتي..
ريم متعجبه: تراضيتو...؟؟؟؟
رغد: بسم الله وش درا ك ان احنا متزاعلين..
ريم: الحمدلله والشكر باين ان الهنوف زعلانه وانتي معطيتها اشكل<<تحب الفتنه..
الهنوف تعرف حركات ريم:لا الحمد لله تصالحنا قبل لا يتشمتون فينا العذال..
ريم بتهديد: قبل لا يتشمتون فيكم العذال هاه طيب"وصرت تصارخ"..بناااااااات..بنااااااااااااااات..
الكل التفت على ريم. وريم تكمل: ترى الهنوف ورغد تهاوشوا هواش ما قد شفت بحياتي مثله ..هواشي انا والعنود ما يجي قده..
نوف: صدق غربيه..؟
شجون قربت من عندهم: حرام ليش الزعل والجفا..
رغد: وينى فيه ..في بيت القصيد عشان تقولين الجفا...
عبير والعنود يتمسخرون فيهم: هههههههههه
العنود: ومسوين صديقات وهم على جنب..
عبير: ولا ورمنسيات يا شيخه روحي زين..
ريم تطالعم وهي ترفع حواجبها وتنزلها تحرهم..
مها: ترى علي كيكة الصلح..
رغد: ما اقول الا حسبي الله عليك ونعم الوكيل فيك يا رويم.
الهنوف: كذا كذا يا ريم.هين خلك تقولين ولد خالي المزيون والله لو تحلمين فيه ما خطبتك له..
طبعا كانت ريم مو تحب ولد خال الهنوف بس كانت معجبه فيه وبجماله..
ريم: بليه واشربي مويته..مالت عليه ..جا اللي احسن منه ويغطي عليه..خذيه انتي..
الهنوف: افا قلبنا..
ريم: اجل ذالتنا فيه.
الهنوف: ومن هو تكفين اللي يغطي على ولد خالي اللي مطيح نص بنات الرياض ومسدح النص الثاني..
ريم: واحد ما يجي ظفره هذا ولد خالك.
الهنوف: والله انتي الخسرانه..
ومازالو العنود وعبير يتمسخرون في رغد..
ريم: بس ابشركم رجعوا لبعض"وقالت لرغد" رحمتك..
العنود: حسافه ما وسعنا صدورنا..
عبير: مسرع ..حشى انا واختي اللي هي اختي قعدنا اسبوع..
العنود: لالا اتوقع اسبوع ونص..
عبير: ايه اسبوع ونص وانتي وياها 24 ساعه ما كملتوا...
رغد: يمه.بسم الله علينا من عيونك انتي وياها..وش تحسبيني مثلك انتي واختك علاقتكم مثل الريشه يهزها كل شي..لا يا حبيبتي انا والهنوف مثل الجبل ما يهزه ريح..
العنود وعبير سكتوالان رغد معها حق على اتفه شي تزاعلوا وطولوها وهي قصيره.
الهنوف: حرام شكلك جرحتيهم.
رغد: عادي يحطون ديتول هههه..
ريم: هههه يا خف دمي.بصراحه اختي فيها خفة دم ماهي عند احد..
رغد تستهبل: الله يسلمك هذا من ذوقك..
فجر: ما قررتوا وين راح تطلعون...
ريم: وش رايكم نروح السنيما ونشوف كيف الحال...
العنود: مين هشام الهويش..يله قدام..
عبير: الله بشوف هشوم..
رغد: اجل كلموا العيال..
العنود: انا بدق على وليدوه واشوف..
واتصلت...
وليد: الوووو..
العنود: وليدوه اسمع<<ما عندها وقت..
وليد: عبد عندك..تكلمي زين...
العنود: اخلص علينا..البنات يبون يشفون فلم كيف الحال..
وليد: انتي ولا البنات<<عارف حركات اخته...
العنود: انا والبنات وش قلت..
وليد: بنات عمي ابو مشاري وش قالوا..
العنود: ريم ورغد منهبلين بيون يشوفون هشام..
وليد: اجل رغد تبي تشوف هشام هاه...
العنود: كلنا مو هي لحالها هههه..
وليد: انسي..انسي اني اوديكم..ولا غيروا الفلم...
العنود: وليد تكفى عاد بلا سخافه..
وليد: فلم هشام لا لو تحلمين..
العنود ابعدت الموبايل عن اذنها: بنات يقول فلم هشام لا..
رغد: ليش؟؟؟
وليد سمعها وانقهر زياده...
العنود: وش دراني عنه المتخلف..
ريم: رغد كلميه اكيد بيوافق"وتغمزلها"
العنود: تكفين رغد كلميه..
رغد في نفسها" هين يا رويم اوريك":لا وش اكلمه..
فجر: رغد ولد عمك وش فيها...
عبير: بلا سخافه.خلينا نشوف الفلم..
شجون ومها ونوف: تكفين بليييييييييز..
رغد رضت بالامر الواقع: اوكي جيبي الموبايل..
العنود تكلم وليد: اسمع هذي بنت عمي بتكلمك..
وليد توهق: أي بنت عم لا تكون ري
رغد قطعته: الووو..
وليد خق على صوتها: هلا والله وغلا..
رغد: اهلين وليد..
وليد: انا على صوتك ما اقدر...
رغد ابتسمت: احم...وليد بليز خلنا نروح نشوف الفلم..
وليد انحرج: فلم هشام لا ومستحيل..
رغد: طيب ممكن اعرف ليش..؟
وليد: بصراحه اغار عليك...تقعدين تطالعين هشام وانتي منهبله عليه مستحييييل..
رغد: خلاص ما راح اطالع بس البنات يبون يشفونه حرام..
وليد: ونطلع انا وياك مكان ثاني..
رغد في نفسها"صدق عمره الولد":لا وين نطلع مكان ثاني..نقعد معاهم بس ما راح اطالع عشانك بس .وبعدين من قال لك اني احب هشام..
وليد: ما يحتاج احد يقول..البنات كلهم منهبلين عليه..
رغد: هههه عاد انا غير..ما نهبلت عليه ولا شي<<ايه هين..
وليد: اذا كان كذا اوكيه ترى بس عشانك..
رغد: اوكيه.تسلم والله..باي..
وليد:باي..
رغد: خلاص وافق..
كانوا البنات يطالعونها وهي تكلم...وكانت كأنها تكلم خطيبها..
ريم: وش دعوه ها الابتسامات والدلع..
رغد: انتوا احمدوا ربكم وافق وبعدين مفروض تشكروني وتحبون راسي بعد..
عبير بخبث: وانا اقول عقل اخوي مفقود اثره معك..
العنود: وليد رايح فيها..ورايح في حب رغدوه..
رغد توترت عشان البنات كلهم فيه: اقول أي حب وخرابيط انا بنت عمه وهو ولد عمي وبس...
الهنوف تطالع عيونها زين: بس شكلك وعيونك تقول غير كذا..
رغد خافت تحس عليها الهنوف لان الهنوف ما يحتاج تفهمها على طول:لالا يتهيأ لك..وبعدين محجرين لي ليش..قوموا البسوا وتكشخوا..يمكن نشوف هشام..
العنود تصرخ: آآآآآآآآآآآآآآ يا هشام يا قلبي عليك..
عبير: اذا شفته والله بسلم عليه ويكمن ابوسه بعد..
نوف: يعني مسويه فري..
فجر: ما عليك منها كلام بس.
شجون: فجير ما تحبين هشوم..
فجر: الا اموت فيه بس خلاص الحين انا مرتبطه بزوج ما يمديني أراهق..
البنات ضحكوا على فجر وبعدين قاموا يتلبسون ويكشخون...

@@@@@@@@@@@@@@@@@@@@

"
نهاية البارت "

الجزء الثاني والثلاثون..

لبسوا البنات وتكشخوا عشان عندهم امل انهم يشوفون هشام الهويش اللي فاز بقلب ستار اكاديمي 2..
اتصل وليد على العنود..
وليد: هلا العنود..
العنود: هلا..
وليد: ما خلصتوا..؟؟
العنود: الا خلصنا..دقايق وحنا تحت..
وليد: اوكي..
مشاري: وش قالوا..
وليد: الحين بيجون...
طلعوا البنات من سويتهم ومروا على امهاتهم عشان يخبرونهم انهم بيطلعون..
ام مشاري: فلم هشام؟؟
ريم: ايوه..
ام مشاري: بنجي معاكم..
العنود: لالا تقولون..
ام ماجد: استحي على وجهك وبنجي نشوف اول فلم سعودي..
فجر: اجل يله بسرعه..
نوف: ترى العيال موصله معاهم..
ام فواز: ينتظرون وش وراهم..
عبير: بس استعجلوا نخاف الفلم يبدى..
ام سليمان: دقايق ونصير جاهزين..
مها: بصراح امي خطيره بتحظر معنا الفلم..
ريم: ليه امك ما تشوف افلام..
مها: حتى التلفزيون ما تطالع..
رغد: اجل امي بتخربها ههههه..
مها: هههههه شكله كذا..
اتصل وليد للمره الثانيه...
وليد: عنيد ووجع ما صار..
العنود: ابشرك الحريم بيجون معانا..
وليد: يا ليل وشوله يجون...؟
العنود: عاد وش اسوي فيهم..
وليد: خلاص اوكي..
العنود: باي..
طلال: وش عندهم بعد..
وليد: امهاتنا بيجون..
تركي في نفسه"وما لقوا الا اليوم..يعني ما راح نفلها.."
سليمان بضيقه: تركي امي بتجي..
تركي: وش اسوي لك حتى امي بتجي..
سليمان: حسافه كنت مخطط على اشياء كثيره.
تركي: اجل اجلها..
سليمان: عاد امي لو الف وجهي بس..سوت فيني كباب..
تركي: هههه أجل بعلم عليك..
سليمان: اوووف..
تركي: عيب عليك هذي امك...افا بنت تخليك تبيع امك.
سليمان: واللي يعافيك اسكت..
تركي: هههه ترى الحال من بعضه..
نزلوا البنات والحريم معاهم..
فيصل: وش جابهم..؟
ماجد: امك يا اللي ما تستحي..
فيصل: كنت ناوي افلها مع زوجتي..
ماجد: لاحق على الشقى..
ركبوا البنات بالجمس ومشاري يسوق فيهم..والحريم بالجمس الثاني وماجد يسوق فيهم..والعيال تفرقوا في سيارتين صغار..وتحركت السيارات كلها..
مشاري: يا حليلهم متحمسين.وأولهم الوالده..
رغد: على قولة خالتي ام ماجد اول فلم سعودي..
مشاري: ههههههه والله انهم داعسات..
ريم تتكلم من المرتبه الاخيره: ولا ومنهبلين على هشام..
مشاري: ههههه وانتو؟؟
رغد: لا احنا عادي ما همنا..<<قابليني بس..
مشاري : كلكم<<<يقصد الهنوف
رغد: اذا كنت تقصد الهنوف فهي هي الوحيده اللي تموت فيه.
مشاري رفع صوته: اجل الهنوف تحبه..
رغد كاتمه ضحكتها وتهز راسه بالإيجاب..
الهنوف انفعلت: والله ما احبه ولا اطيقه واللحين اكرهه..
مشاري: هههه تراها عصبت..
الهنوف: رغيد مره ثانيه تكلمي عن نفسك..
رغد: ترى امزح هي الوحيده اللي عادي عندها..
مشاري: اكيد هذي الهنوف..العقل والثقل كله..
الهنوف حمر خدودها وابتسمت..وتحس نفسها طايره في السما ولا تبي توصل الارض ابد.تبي تصير طايره مع مشاري وبس..
ووصلوا للسنيما واخذوا كروت..
طلال توه طالع من اللي بيع تذاكر: اووووف حشى خلصتوا التذاكر حتى اللي وراي ناظرني بحقد..
فواز: هههههه يله ادخلوا..
كانت جنبه بدور تمشي..
فواز: روحي مع البنات لا تصرين لازقه فيني...
بدور: فواز قصر صوتك هذا اولا..ثانيا انا زوجتك ما يحصل لي اجلس معاك..
فواز ينهي الموضوع: انا بجلس مع العيال...وانتي روحي مع البنات مع الحريم اللي تبين واتوقع كلامي مفهوم..
بدور : خلاص نأجل نقاشنا اذا رجعنا..
فواز: لا تأجيل ولا شي..لأني ما راح انام بالسويت حقنا بنام مع العيال..
بدور خنقتها العبره: العيال.....العيال...صرت اكره هالكلمه من كثر ما تقولها ..يا اخي افهم انا زوجتك..
فواز: انتهى النقاش انا رايح..
وراح وتركها ولا كأنه زوجها او مسؤل عنها..
خليني اتكلم شوي عن بدور اللي ما اخذت دور كبير في الروايه...
بدور بنت مره جميله..جمالها برئ وهادي وفي نفس الوقت جذاب..انفها صغير وشفايفها صغار..وعيونها متوسطه ورموشها كثيره وكحيله..وشعرها اسود وقيصر وناعم..ما هي بيضا..تقريبا نقول عنها حنطيه..جسمها روعه مع انها جابت طفلين..بالنسبه لي اطباعها..اكثر بنت طيبه في الكون كله .ما تعرف كلمة لا..اللي مكونه من حرفين..شخصيتها مره ضعيفه..اللي ينقال لها تنفذه بدون نقاش..ورحومه وحساسه وفيها كل الرومنسيه والرقه..تزوجها فواز عن حب..لكن بسبب شخصيتها صار يتسلط عليها.. صحيح يحبها بس ما صار يبين لانه يعاملها بخشونه..وغرضه انه يقوي شخصيتها .لكن ما تغيرت.كان يبيها تصرخ عليه وتزعل وتروح بيت اهلها..بس كل هذا ما حصل ولا مره.دايما يحطها في بيت اهلها بالاسابيع وما تقول له شي..بعض الاحيان يسافر وما يخذها معه كمان ما تقول شي..ينام عند ربعه وبعد ما تقول شي...عشان كذا فواز يتنرفز ويعصب عليها بس يحبها ومستحيل يتخلى عنها..

&&&&&&&&&&&&&
ودخل الكل وجلسوا العيال قدام ووراهم البنات والحريم ..وطالعين مؤدبيييين ههههه ..
وجلسوا يطالعون الفلم وميتين من الضحك على هشام وحركاته وذايبين عليه..
فجر: واااي رومنسي صاير..
ريم: آآآه يا قلبي عليه..
عبير: ما تعرفون وين ساكن؟؟
رغد:لا بس ليش..؟
عبير: بروح اخطبه ههههه..
نوف: ما تنلامين ههههههه..
شجون: شوفي كيف ميس حمدان دايخه عليه..
مها: يا قلبي محد يلومها..
ريم: اوقول دوروه بين الحضور..ترى صديقتي يوم كان الفلم معروض في البحرين كان موجود ويطالعه..
وصاروا البنات يتلفتون يدورونه..
ام مشاري: وش فيكم؟؟
ريم: يمه سمعنا انه بيحضر معنا..
ام مشاري: صدق!!!"وصارت تدور معاهم."
ام ماجد: عنيد هشوم هنا...؟
العنود بتهديد: هشوم هاه..بعلم ابوي عليك..
ام ماجد خربتها: علميه من زينه يكفي اني متحملته هههههه..
عبير: ترى أصدق واقوله..
ام ماجد: امزح..وين ابو ماجد بعد عمري كلي فداه زوجي ابو عيالي..
ام تركي: ههههه احلى يا الرومنسيه..
ام سليمان: اثرك ما انتي بسهله..
ام مشاري: زوجها يحق لها تتغزل فيه..
ام فيصل: عسى بعد هو يتغزل فيك..
العنود فضحتهم: والله ما يقصر..
ام ماجد استحت:لا تبالغين...
ام فيصل: هههه يا حليلها تستحي..
وكملوا الفلم والعيال اعقل منهم ما فيه حتى ما لفوا وجيهم ولا مره ..حتى عيال عمهم ما شين كذا على الصراط المستقيم ههههه
ومشعل ولين ..محمد جالس بينهم وما خلا لهم مجال يسولفون مع بعض...
خلص الفلم وطلعوا .. وعند البوابه..
ام مشاري: وين ودكم تروحون...؟
رغد: ماما خلينا نروح البحر ونقعد لما الفجر..
ام فيصل: والله ما هي شينه..
ام مشاري : هاه وش رايكم؟؟
الكل: اوكيه...
ام مشاري: اجل نقول للرجال ونطلع..
ريم: خلونا ناخذ شاليه لليله وحده .
ام مشاري: اوكيه لعيونك بس.."وهي تقول هالكلمه كان سليمان توه طالع ويطالعها وابتسم لها وبانت غميزاته..ريم ذابت من نظراته وابتساااااامته وطاحت في حضن امها..
ام مشاري: خلاص بعدي عني..
ريم: ههههه يمه خليني..
ام مشاري: اذا انتي مشتاقه لي تعالي عندي واقعدي عندي مو تنحاشين مني..
ريم وهي تطالع سليمان وهو يتكلم وذاايبه عليه: من عيوني..
جرتها العنود من حضن امها..
العنود: خلاص وخري عن خالتي..
ريم: وش عليك..سبحان الله ناس حقوده..
العنود بخبث: ما اسمح لك تستغلين خالتي لمصالحك الخاصه"وصارت ترفع وحواجبها وتنزلها"
ريم: انا وامي نصلح..يلا بس مشينا..
ورجعوا للفندق عشان يستعدون للرحله..
وخلال ساعه وحده جهز الكل وانطلقوا بسياراتهم..وصاورا يدورن شاليه..لانهم ما حجزوا ما يعرفون اماكن كثيره بدبي..
ووصلوا لشاليه مره فخم من برى..
في سيارة الرجال..
ابو مشاري: اتوقع هذا زين وش رايكم؟؟
ابو ماجد: والله شكله ما عليه كلام..
ابو فيصل: توكلوا على الله بس...
واتصل ابو مشاري على مشاري عشان ينزل ويتفاهم معاهم واذا كان في شاليهات فاضيه ولا لأ..
نزل مشاري وحجز الشاليه ودخلت العوائل بسياراتها داخل الشاليه..ونزل الكل..
العنود: بصراحه فن..
ريم: ابدااااع..
رغد: واااااو..
عبير فاتحه فمها:.........لا تعليق..
شجون مها يحضنون بعض:مرررررره نايس..
فجر: رومنسي يصلح لي..
نوف: روووووووووعه..
وبعدها مثل العاده لازم جوله تفقديه واستكشافيه للمكان..كان الشاليه بالمرررره كبير ...في الوسط نافورة مويه كبيره بالمره فيها انوار من كل الالوان وعلى راس النافوره فيه مجسم لبنت ويطلع من فمها مويه..وحول النافوره كراسي... وكمان فيه ملعب كبير لكرة القدم ..وجنبه للتنس والطائره..غير غرفه للبلياردوا وفيه العاب ثانيه...وكمان فيها مسبح خيالي ابداع..كان كبير بالمررررره ومن داخله انوار معطيته جمال وارضيته مرسوم رسمة اثنين ما سكين بعض ويسبحون..وعلى اطرافه فيه مثل الناوافير الصغار تصب في المسبح نفسه...وغير كل هذا كان في كل مكان في الشاليه ورد ..جوري..ياسمين..فل..نرجس..كل كل انواع الورد..وللجلسه فيه مثل المجلسين وكلها زجاج عاكس..حطوا واحد للحريم والثاني للرجال ..وبين كل واحد مسافه..وفيه اكيد باب يطلعك للبحر من الجهه الثانيه للشاليه..
وبعد رحلة الاستكشاف...
رغد: بصراحه احترت وين نجلس فيه..
الهنوف: المكان يرد الروح..
عبير: خلونا نجلس على الكراسي هناك..
مها: انا اقول اول شي نجلس مع امهاتنا شوي وبعدين نفلها..
ريم: وش تبين فيهم..
شجون: ريم انهبلتي..
ريم: لا استخفيت ههههههه..
رغد: انا راي من راي مها..
البنات وافقوا وقرروا يتكرمون ويجلسون معاهم..
اول ما دخلوا وجلسوا..
ام مشاري: تبون شي....
عبير: لا خالتي مشكوره..
ام ماجد: اجل اكيد محتاجين شي؟؟
رغد: لالا ما احتجنا شي تسلمين..
ام فواز: اجل فيكم شي..
فجر: يا ناس نبي نجلس معاكم يعني الا يصير فينا شي..
ام تركي: غريبه ما هي من عواديكم..
الهنوف: قلنا ما لنا غير امهاتنا..
ام سليمان: الله يحيكم ..هذي الساعه المباركه..
ريم: الله يحيك خالتي..
بدور كانت ساكته مثل كل مره.صار لها سنتين وهي على هالحال تجي كمالة عدد بس ما تناقش ما تسولف اغلب كلامها سم وا نشا الله وبس..حتى الحريم حاولوا انهم يشاركونها بس ما تحب تشارك احد..دايم ساكته وتفكر بفواز وعيالها وخايفه تخسرهم اثنينهم والسبه فواز ومعاملته لها..
رغد حست فيها" بدور غربيه ما دخلت مع الحريم ولا جات معانا..صايره محايده بس لازم اكتشف وش فيها..ما كانت كذا اول ما تزوجت فواز.كانت مرحه وحيويه وتسولف وتتكلم وتضحك اما الحين ولا علامه على وجهها..بس شكل عندها مشاكل..يا عمري والله تنرحم.."
راحت رغد وجلست جنبها..
رغد: هلا بدور كيفك..
بدور تطالع فنجان القهوه اللي معها: الحمد لله مثل كل يوم..
رغد: وكيف القمرين دحوم وشهود..
بدور: الحمد لله مثل الفل شوفيهم..
رغد بتردد: طيب ممكن اقول لك كلمتين وتتقبلينها مني..اذا عجبك كلامي عال العال..واذا ما عجبك قولي لي معليش ما احب اتكلم اوكي..
بدور طالعت رغد وابتسمت لها: اوكي..
رغد: بدور انتي بالمره متغيره دايما تفكرين وشايله هم على قلبك..وين ابتسامتك وين وسواليفك..ما عاد صرتي بدوره الاولى اللي اذا جات مع الحريم دخلت جوهم واذا جلستي معنا دخلتي الجو كمان..الحين احسك حزينه ومكسور خاطرك..اعتبريني اختك ..صديقتك وفضفضي لي..وان شا الله سرك في بير واعرفي ان كل مشكله ولها حل وكل ازمه بعدها فرج بس لازم نسعى ونحاول وما نسكت..نشارك اللي حاولينا فرحنا وحزننا ..ما يصير تكتمين في قلبك كذا.فاذا حابه تحكي لي انا موجوده ومستعده اسمع لك بأي وقت مع اني اتمنى ان الحين نتناقش في الموضوع..
بدور تطالع رغد وعيونها امتلت دموع: وش احكيلك يا رغد وش اخلي
رغد: انتي ابدي من الاول..
بدور: وش رايك نطلع شوي ونشم هوا..
رغد: اوكي..
وطلعوا وجلسوا عن النافوره
بدور: انا مشكلتي مع حبيبي وزجي واهلي وناسي كلها..
رغد: فواز..
بدور: ايوه فواز..فواز كان كل شي بحياتي ومازال..ومثل ما انتي عارفه ان احنا تزوجنا واحنا نحب بعض..
رغد ابتسمت: بسم الله عليكم كنتوا مثل طيور الكناري..
بدور وكأنها تبتسم لماضيها: كنا يا رغد كنا..اقول لك سالفة فواز من البدايه..اول ما تزوجنا كنا سمنه على عسل..عايشين حياتنا طبيعي كلها حب ورمنسيه..بعد ست شهور حملت بدحوم وكمان كان الوضع عادي.لكن بعد الولاده ما ادري وش صار لفواز..قلب علي ميه وعشرين درجه..صار بس يصارخ و ينافخ..
رغد بتردد: طيب يضربك؟؟
بدور: لالا الحمدلهك ما وصلت للضرب..كرهني يا رغد كرهني..ما يطيقني..كله يحقرني ويحط من كرامتي المرفوعه طول عمرها..مع اني ما اذكر اني سويت له شي..او اني جرحته او حتى ما قد رفعت صوتي عليه..كان لما يصارخ ما ارفع صوتي عليه احترام له..يحطني في بيت اهلي اسبوع..هذا غير اني كل اسبوع لازم انام عند اهلي اربعاء وخميس وجمعه..وبالطقاق يجي ياخذني...طبعا ما ينام في البيت دايم عند ربعه..
رغد متفاجئه: معقوله فواز كذا..
بدور: كل شي معقول..حتى لما حملت بشهد توقعت بيتغير الا زاد اكثر واكثر واكثر..كل يوم يزيد صد وجفا وبعد عني..صارت حياتنا جحيم وما تنطاق..صرت اتمنى اني اجلس معاه يوم كامل بدون هواش او حتى بهواش معليش بس اجلس معاه..تخيلي يا رغد حتى بالفندق هالايام هذي ينام مع العيال وتاركني لحالي..
رغد مصدومه مو قادره تستوعب ليش فواز يعمل كذا مع بدور اللي اطيب منها بالكون ما فيه..
رغد: طيب ما عرفتي السبب..
بدور: لو اني عارفه السبب بيكون هذا حالي..
رغد: طيب سألتيه سبب بعده عنك...ناقشتيه...
بدور: ما يعطني وجه ابد..ما يتناقش معاي كثير واذا حاولت قال النقاش انتهى سكري الموضوع..
رغد: وانتي تسكرينه؟؟
بدور: ايوه اكيد..
رغد: اكيد فيه سبب ينرفزه..يعني في حلقه مفقوده في السالفه..
بدور: لا والله هذي السالفه من اولها لآخرها..
رغد: الحلقه هذي مو عندك..عنده هو بس كيف راح نعرفها..لازم تفكرين معاي كيف نخلي زوجك يتكلم عن حياته الزوجيه ومع مين...
بدور: فواز ما اتوقع انه يحب يتكلم عني ابد..
رغد: لو ما يحبك كان طلقك..
بدور: لا يمكن عشان عياله..
رغد: خلاص ولا يهمك انا اللي بحل لك الموضوع..
بدور: كيف؟؟
رغد: اصبري بس اخطط وبعدين اقول لك عشان التنفيذ..
&&&&&&&&&&&&&

&&&&&&&&
عند البنات....
كانوا البنات يسولفون ومندمجين في السوالف ورن موبايل فجر..
فجر شافت المتصل وابتسمت وقالت بفرح: الووو..
نوف: اكيد فيصلوه النشبه..
ريم: ليه فيه غيره..
فيصل: هلا والله وغلا بهالصوت..
فجر: هلا فيك.."وقامت عنهم وطلعت"
فيصل: وش ذا التغلي والحركات وش عندك ما عاد تعطيني وجه..
فجر تضحك: ابي اشوف غلاي..
فيصل جا على باله قصيده وبصوت رومنسي:
اسأليني عن غلاك وحبك المنسوج فيني..
أسأليني يا حياتي دام لك بالقلب ديره..
كل ما شفت القمر حسيت وجهك يحتريني..
وكل ما شفت الزهر شميت ريحك في عبيره..
لو صحاري نجد تسألني عن الحب الحقيقي..
قلت حبك..ثم حبك..ثم حبك يا الاميره..
فجر فرحت من قلب: هههه تسلم لي واله يا بعد عمري..هذي من قصايدك..
فيصل: وربي ان هذا الكلام ما يطلع الا اذا سمعت صوتك وهمسك ولا اذا شفت حلا وجهك..
فجر: تسلم والله يا قلبي..فصول حياتي..
فيصل: هلا بقلبي..
فجر: تدري اني اموت فيك..
فيصل: اجل انا وش اقول..اعشقك..اهواك..احبك..اموت عليك..هيمان فيك..ذايب عليك..
فجر: هههههه خلاص صدقتك والله..
فيصل: فجر انتي حياتي ودنيتي..انتي الماضي عندي والحاضر ومستقبلي..
فجر: فصولتي حتى انا صدقني ان حياتي ما صار لها طعم الا لما دخلت فيها..صرت استمتع بأي شي لانك دايم معاي بقلبي وفكري ووجداني وروحي..
فيصل: اجل ما دامه كذا..يله تعالي عندي..
فجر: طيب بعد شوي..
فيصل: لا يعني كذا ما تحبيني..
فجر: لالا خلاص جايتك الحين..وش رايك نروح عند المسبح..
فيصل: اوكي يلا انا رايح..
فجر: وانا جايتك باي..
فيصل: باي.
فجر طلت على البنات واشرت لها انها بتروح وتأشر على الخاتم يعني مع فيصل وراحت..
العنود: وش رايكم نخرب عليهم..
عبير: اصبري نص ساعه وبعدين نخرب عليهم..
ريم: حرااام.........ولا اقول احسن تستاهل..
نوف: بس بشويش على اختي تراها حساسه..
مها: طيب خلوهم في حالهم..
شجون: حرام عليكم ترى اخوي يتمنى لحظه يقعد فيها مع فجر..
العنود: احسن خليه وش معجله..بعد الزواج ياخذ راحته..اما الحين يتركنا نودعها ونجلس معاها..
ريم: صادقه بنت عمي..
&&&&&&&&&&&&&&&&&&&&
عند العيال..
طلال: بعد هنا حاجرينا..
مشاري: انت اصبر شوي وبعدها ما راح يشوفونا..
وليد: اقول وين فيصل..؟
فواز: اكيد الحين مع المدام..
ماجد: وانت ليش ما تروح مع المدام...؟
فواز: واللي يعافيك اسكت..
ماجد: اذا ما تحبها طلقها..
فواز انصدم من فكرة انه يطلقها: اطلقها!!!! ليش اطلقها؟؟؟
ماجد: احسن من انك راميها..
فواز: ومن قال ان انا راميها..
ماجد: اجل اللي انت تسويه شنو؟؟
فواز: اربيها..
ماجد: تربيها..ليش بزر عندك..
فواز: انت وش عليك..اذا تزوجت هذيك الساعه تكلم..
سعود: ما شا الله الشاليه روعه..
نواف: بصراحه شي خطير..
تركي يستهبل حط رجل على رجل: عاد انتوا ما قد شفتوا خير ما تنلامون..
سليمان يكمل معاه: معاك حق يا تركي انا ما ادري وشلون صادقتهم...لالا شكلهم هم ذابين وجيهم علينا..
تركي: ايه اتذكر يوم سعودوه يتلزق فيني واحاول اصرفه بس ما يفهم..
سليمان: يا شينها من ايام لا تذكرني فيها واللي يعافيك..
سعوود: نواف وش رايك نطلع بكرامتنا ازين...
نواف: يلا..
تركي: بسرعه: وين وين راحين...؟
سعود بدون نفس: بنطلع انقرفنا..
تركي: اجلسوا لايفجرون فيكم الشياب..
سليمان: ما خلوا عيالهم يطلعون عشان انتم تسوونها..
سعود: صدق ليش؟؟
سليمان: كذا عباطه..
تركي: لازم ينكدون عليهم مساكين..
نواف: بس بصراحه اهاليهم مره ديمقراطيين..
تركي: في هذي صدقت."وتذكر ابوه وسكت"
سليمان: وش فيك؟؟
تركي معقد حواجبه: لا ابد سلامتك..
سليمان ما حب يصرّ على تركي مع انه عارف السبب..اكيد ابوه...ابوه حمله المسؤليه وهو صغير دايم هو المسؤل عن امه واخته الهنوف.. طول حياته برى ..ما كان ابوه يسأل عنهم ابد بس يرسل لهم فلوس وكأن هذا الشي اللي ممكن يحتاجونه منه..ام تركي عايشه وماهي عايشه..هي متزوجه وكأنها ماهي متزوجه..يعني محسوبه زوجه بالاسم.زوجها ما يتصل عيلها وما يكلمها وما يسأل عن عياله بس لاهي في جمع الفلوس وبس.. حتى انه ما يرجع للرياض الا يومين ثلاثه ويرجع غريب عليهم ما يعرفونه.. ما يدرون كيف يسولفون معاه.حتى سلامهم عليه بارد ما فيه أي احساس..الهنوف قسى قلبها على ابوها ما تحبه وما تحب تسمع سيرته..تحس انه تخلى عنها وعن اخوها توئمها وحبيبها..فا صارت سيرة ابوهم من السير المحرمه انها تنقال..تركي والهنوف كانوا دايما يتمنون يكون عندهم أب يعتمدون عليه..كانت دايم الهنوف تتمنى من ابوها يجيب لها اغراضها ويوديها ويجيبها..يحبها ..يبوسها يلعبها..تحس ان وراها سند وظهر تستند عليه في وقت شدتها..حتى تركي نفس الشي..وده ابوه يصارخ عليه اذا تأخر..يعصب لما يدري انه يكلم بنات ويلعب عليهم..يخاف اذا صار عليه شي..يهتم ويسأل عنه بالمدرسه لما كان صغير..بس كان اللي مسوي كل هذي الشغلات امه لحد ما كبر وصار رجال وبدى يعتمد على نفسه.امه تركت عليه نصف المسؤليه..وهوتحملها وقال انا لها..
نواف: تركي..تروك...تركان....
تركي: هلا..
نواف: وينك وين رحت...
تركي: معاك ..معاك..
نواف: كنا نقول كم تتوقع نسبتك..
تركي: اما انتوا يا الدفره عليكم سوالف ما ادري وش تبي..
سليمان: لالا بجد تروك كم تتوقع..
تركي: يمكن 90%..وانت.
سليمان: 93%..
تركي: ونوافوه الخبل وسعودوه الاهبل كم تتوقعون...
سعود: ما راح ارد عليك لان عقلك صغير..
سليمان: اخلص..
سعود: 92%..
تركي: اجل اكيد نوافوه الخبل 90%..
سليمان: ليش.؟؟
تركي: ما شا الله بالترتيب انا 90 ونواف 91 وسعوده 92 وانت 93..
سليمان:صدق احنا اصدقا حتى في النسب قربين..
تركي يتطنز: لاااااا ما شا الله وش هالتفكير السليم في الجسم السليم..
سليمان: ههههه ما نسيتها من العلوم في الابتدائي..
ضحكوا البقيه: هههه يا الله مغبره من جد..

مشاري يأشر: طالع طالع ابوي وشلون يتكلم وهو متحمس..
طلال: هههه شوف شوف الوالد كيف يعارض.
وليد: اتحداكم تلقون مثل ابوي..دايم يعارض وما قد صار مؤيد..

ابو مشاري: يا اخي لازم يلاقون حل لي أنفلونزا الطيور..
ابو ماجد: وانت صادق ما يصير كذا..
ابو فواز: انتوا سمعتوا باللي ماتوا بالسعوديه..
ابو فيصل: من جد حرام تروح ارواح المسلمين..
ابو مشاري: يعني الناس بتضطر تاكل لحوم ونرجع لوضوع ارتفاع الاسعار لان الاسعار موصله للسقف..كل شي غالي..
ابو فواز: والله اني اعرف ناس ما يقدورن يجيبون اللقمه من اول كيف الحين مساكين..
ابو ماجد: والله ناس كثير ومن الطبقه المتوسطه مو الفقيره صارت فقيره من الغلا هذا..
ابو مشاري: هذا اللي راح يسبب فجوه..وراح يصير طبقتين بالمجتمع الطبقه الراقيه او الغنيه والطبقه الضعيفه او الفقيره..
ابو فيصل: وراح نصير مثل الشعوب النائيه..

محمد: واقول لك كنت راكب الدباب.وتخيل خلاص بنقلب الا امسك الطاره واعدلها بسرعه..هاه وش رايك فيني..
مشعل: رهيب .ذكرتني يوم كنا في العطله الصيفيه اللي راحت..كان نتحدا انا واحد من العيال من المركز الصيفي ومطلعينا نطعس..المهم كنت ماشي ومسرع واطعس الا يجيك الولد من قدامي قلت في نفسي يا ولد وين تروح اذا رحت يمين طلعه عاليه وبنقلب واذا رحت يسار نزله وبيطيح وبتكسر والولد قدماي ..وقلت يا ولد ادعس وادعس وانا وياه خلاص بنتصادم الا هو وخر عن طريقي وانا كملت هههه بس كان موقف رهيب وفي نفس الوقت مغامره..
محمد: ايوه بعد ذاك اليوم.....
لين جالسه معاهم: خلاص انت اسكت خلي مشعل يتكلم.مغامراته احسن من مغامراتك البايخه..
محمد: اعصابك هاه..تراني ما احب البنات وكفايه متحملك..
لين: مشعل شوفه..
مشعل: لا تدخلين فيه.يعني انتي الغلطانه.
لين سكتت..
محمد طالعها بعدين كمل: ايوه وش كنت اقول لا اله الا الله...ايوه ذكرت..
وكمل سواليف ولين موصله معاها ومشعل ومحمد ميتين ضحك عليها وكانوا يبون يطفشونها...

&&&&&&&&&&&&&&&&&&&&&&
رغد: طيب ممكن اكلم البنات بس ما راح اقول لهم انك قلتي لي شي وما راح اجيب طاريك وكأننا بنحل موضوعك وانتي ما تعرفي عن شي وش رايك...
بدور: كيفك سوي اللي تبين بس اهم شي فواز يرجع لي مثل اول ..بس ودي انك تبلغيني بكل شي بتسوينه وما تقولين للبنات شي عني ااوكي..
رغد: اوكي..
بدور ابتسمت: نرجع عند الحريم..
رغد: مشينا..
ودخلوا بأمل متجدد بعكس لما طلعوا كان اليأس مسيطر..طلعت بدور بوجه ورجعت بوجه ثاني مبتسم صافي والامل والحب يتجدد فيه وجلسوا مع البنات..

&&&&&&&&&&&&&&&&&&&&&

فيصل كان لابس برمودا ابيض قميص ليموني والياقه حقت القميص رافعها ولابس كاب ابيض ورسمه من قداكم باللون الاصفر..طالع شكله خيال مع المويه والانوار..وكان المسبح في غرفه زجاج شفاف..جات فجر وشافت فيصل حاط رجليه في المويه ويلعب فيها وسارح بفكره وشكله روعه..اخذت نفس واستعدت وابتسمت ودخلت وجلست جنبه..
فيصل ما حس فيها كان يفكر بعمق..
فجر تطالعه"يعني معقوله ما حس فيني"..وصارت تطالع وجهه الجذاب وخصوصا انه مسوي"ديرتي فيس" وطالع شكله توب..
وفجأه وبحركه سريعه ..فيصل طبع بوسه على خد فجر..
فجر انصدمت واخترعت ما توقعت ابدا..وغير هذا كله منحرجه منه ومن حركاته الجريئه..
فيصل: هههه لعبت عليك..
فجر ضربته من كتفه بخفيف: من جد طيحت قلبي...
فيصل: بسم الله على قلبك..ان شا الله في عدوينك قولي امين..
فجروجهها احمر: ههههههه..
فيصل صار يطالع بفجر وكأنه مكتشف شي جديد..
فجر: وش فيك تطالعني كذا..
فيصل: في شي على رقبتك..
فجر خافت: يمه وشو..
فيصل قرب يبي يشوف ايش هو..وطبع بوسه ثانيه على رقبتها..
فجر عصبت: فصوووووووول...
فيصل بعد عنها وهو يضحك: كيفي زوجتي..
فجر فسخت الكاب وحوست شعره: احسن تستاهل..
كان شعره كثير وطويل شوي بس ناعم ولما حوسته طلع شكله جنان وبرئ وكأنه سبايكي..
فيصل: يله عدليه..شكلك مخترعه..
فجر تستهبل: يمه ما توقعت شعرك كذا..
فيصل: بسرعه عدليه.
فجر: ما ابي..
فيصل: ترى بأسوي ساعه بأيدك"يعني اعضك"
فجر: وتقدر تألمني..
فيصل: هو انا ما اقدر بس بحاول..ترى اذا سويت ساعه مو تبكي وتروحي عند امك فا احسن لك عدلي شعري..
فجر: خله كذا احلى..
فيصل: مو من شوي كنتي تقولين يخرع..
فجر: امزح معاك كل شي عليك يهبل ويجنن..
فيصل ابتسم: طيب جيبي الكاب..
فجر: لا خله كذا..
فيصل: وش فيك معانديه ترى بأرميك في المسبح..
فجر: خذ..
عدل شعره ولبس الكاب...
فيصل: فجروه تصدقين وحشتني عيونك..وضحكتك وابتسامتك..
فجر: وانت كمان وحشتني..
فيصل: وش بعد..
فجر: وفقدتك واشتقت لك..
فيصل: وش بعد..
وحط ايده على كتفها وفجر حطت راسها على صدره..
فجر: وبس.
فيصل: بس!!!!!..
فجر: وانت؟؟
فيصل: انا ولا شي من اللي قلتيه..انا اكثر بكثير واضعافه ومضاعفه.انا بالعربي اتنفس هواك..
فجر: هههه تر بقلدك..."وصارت تصارخ" يا ناس احبه...
فيصل يضحك: والله تنفعين تقلدين..
فجر: صدق...!..
وحست ان احد دخل ناظرته بطرف عين وعرفت من هو الشخص.....

@@@@@@@@@@@@@@@@@@@@@@@@@@@@@@@@@@@@
" نهاية البارت "

[center]الجزء الثالث والثلاثون...

فجر حست ان في احد دخل ناظرته بطرف عين..عرفت انه طلال..

اشر طلال لفجر انها تبعد عن فيصل وبعدت عنه وهي ما تدري وش بيسوي..
فيصل وهو لاهي مع قلبه: تكفين فجوره عيديها..
طلال من وراه بالضبط: تعيدها هاه..."ورماه في المسبح"
طلال: ههههههههه وربي شكلك تحفه هههههه..
فجر تضحك على فيصل: ههههه حرام عليك طلول..
طلال: اسكتي لا الحقك اياه..
فيصل وتوه يطلع راسه: هين اوريكم تضحكون علي .."وصار ياخذ المويه ويكبها عليهم"
فجر قامت: فصول مالي دخل..كله من طلول..
فيصل اشر لها انها تدفه..هي خافت بس عشان فيصل كل شي يهون..
جات من ورى طلال اللي لاهي يضحك..ورمته..وصارت تضحك عليهم..
فيصل راح على طول عند طلال اللي توه مطلع راسه يتنفس..
طلال : هين اوريها..
فيصل قرب من عند طلال وفرق الجسم والطول واضح..صحيح ان طلال جسم وطول بس فيصل غير جسم رياضي حقيقي..
ومسك طلال من رقبته وصار يغرق طلال وطلال يترجاه..
طلال لما طلعّ راسه فيصل: فيصل تكفى خلاص..
ودخل راسه مره ثانيه ولما طلع: خلاص توبه..
ودخل راسه بعد: والله ماعيدها..
فجر: فصول خلاص لا يموت اخوي..
فيصل تركه: عشان خاطرك بس..وطلع من المسبح..
طلال: حشى غوريلا مو زوج وش كبره..
فيصل: سكتيه لا اموته الحين..واخليهم يقولون مات غرقاً..
طلال: انت عيدها بس وشف وش يصير..
فيصل لف عليه: وش قلت؟؟؟
طلال خاف: قلت جهز لي ملابس معاك ههههه..
فيصل: اشوا على بالي سمعت غلط..
طلال: انت اللي اذنك ما ادري وش فيها ودها الجراج""المكينيكي"
فجر خافت على فيصل وطلال انهم يمرضون: بروح اجيب لكم مناشف واجي اوكي لا تطلعون..
فيصل ابتسم لها: تسلمين يا قلبي..
طلال وهو في المويه: يا اخي احترم وجودي..
فيصل: ما تستاهل..
طلال: ترى اطلقك الحين من اختي..
فيصل: شكلك ما تبت..
طلال وهو يسبح سباحة الفراشه: شكلي هههههه ترى امزح هاه..بعد الحين يستقوي علينا..
جات فجر ومعاها المناشف وعطت فيصل وحده..
فيصل: مشكوره يا احلى وارق زوجه في الدنيا..
فجر ابتسمت له وراحت عند طلال اللي طلع من المسبح..
طلال يقلد فيصل: مشكوره يا احلى وارق زوجه اقصد اخت في الدنيا"ويطالع فيصل"
فيصل فسخ الكاب اللي انغسل..وفسخ القميص اللي عليه..
فجر ماتت حيا وهي تطالعه وصدت عنه..
طلال نفس الشي فسخ القميص اللي عليه وصار ينشف شعره بالمنشفه..
دخلوا عليهم البنات وما انتبهوا لوجود طلال..
العنود وهي داخله: شكل فجر عصبت من فيصل ورمته..
والبنات فقعوا ضحك..
شجون: اجل الله يعينك يا اخوي ..اذا هذا اولها..
عبير: لا مسكين اجل ما شاف ش
انتبهوا لطلال ولشكله الجذاب وهو قاعد ينشف شعره ونصه جاي على وجهه..
طلال وقف تنشيف وصار يطالعهم..كلهم يطالعونه..
البنات يطالعونه اول شي وش جابه عند فيصل وفجر وثاني شي على شكله الساحر..
طلال : وش فيكم تطالعوني فيني شي غلط"وقعد يطالع نفسه".ههه عشاني فاسخ القميص..
العنود ذايبه في مكانها وهي تشوف عضلات جسمه وشعر صدره ..ووجه والخصلات المنتثره على وجهه..
عبير حمرت خدودها وهي تطالع طلال مبستمه وخاااااقه..
مر طلال من عندهم ووقف عند الاختين..
طلال: فاتكم سويت مقلب بفيصل طاح وجهه عند زوجته..
عبير والعنود ساكتين بس يطالعونه كيف يتكلم ويحرك شفايفه..
طلال يطالعهم: هيه انتوا اتكلم انا..ولا معجبين بعضلاتي"وصار يستعرض عضلاته"
ريم: ما اقول الا مالت عليك من زينك انت وعضلاتك.كأنها عضلات بباي قبل لا ياكل سبانخ..
نوف:حشى تعبير مو تشبيه"وتعيده مثلها" كأنك بباي قبل لا ياكل سبانخ..
طلال: هههه ما تعرف تذب..وبعدين من كلمك..
ريم: يا رمز الشقا ابعد عن وجهي ترى ماني رايقه لخفة دمك الزايده..
طلال: ما كلمتك..اكلم الحلوين اللي قدامي.."ويطالع عبير والعنود وهو مبستم"
وكأنه قاصد يذوبهم زياده..
العنود تاخذ نفس: اوووووه..اقول طلال ..الله يعافيك ويجزاك خير اطلع الحين<<تعبت نفسيتها..
عبير: صادقه العنود..ممكن تطلع ودنا نسبح<<ما تقدر تتحمل...
طلال: وش معنى انا وفيصل..
فيصل: لا تقارن نفسك فيني انا متزوج..
طلال: مالت عليك وعلى زوجتك..انت اصبر عشان تشوف زوجتي اللي تسوى زوجتك...
فجر: طلالوه انا اختك شكلك نسيت..
طلال: صح انتي اختي على بالي زوجة فيصل.
فجر: طلالوه بلا لحس..
طلال: هههه طيب خلاص بطلع..ما ادري ليش كارهيني..
ريم: بسم الله عليك من خفة دمك..
طلال: ما علي منكم ..اكيد شجون تبني اجلس صح..
فيصل: ما عليك من اختي..
طلال: وحده بوحده والبادي اظلم.من قالك تاخذ اختي باخذ اختك..
شجون دوروها ما تلاقوها ..ذابت هي حيويه خلقه ولا يجيب طاري الزواج قدامها خلاص تختفي..
فجر: طلال شارب شي ولا شكل يوم غرقك فيصل فقدت الذكره..
العنود منقهره منه لما قال اتزوج شجون: وعلى باله مستقوي.
عبير نفس الشي: مسكين تفشل..
طلال: اطلع بكرامتي ازين لي"وطلع"
فيصل: حتى انا فجوره قلبي ..باي اشوفك بعدين..
العنود وريم مغطين عيونهم: هيه هيه..
ريم: عيب تونا صغار..
العنود: استح عل وجهك في بنات بريئات..
فيصل يسوي نفسه منصدم: ومن البريئات؟؟؟
العنود وريم وخروا ايديهم عن عيونهم ..والعنود تأشر عليهم..: انا وهذي اللي جنبي..
فيصل: اذا انتي واللي جنبك بريئات اجل على البرائه السلام..
عبير: فجر لو سمحتي طلعي زوجك..تراه قاعد يغلط على اختي وبنت عمي..
فجر: ههه فصول اوكي اشوفك بعدين...
فيصل ارسل لها بوسه في الهوا..وطلع..
العنود: فجير والله ما انتي هينه..
ريم: قولي لنا وش صار بالضبط..
فجر تصرفهم: بتسبحون ولا لأ..
عبير: اعوذ بالله ما قد قالت لنا شي..
ريم تدور رغد: اقول وين اختي رغوده ما شفتها..
الهنوف تدور معها في وجيه البنات: وينها صار لي ساعه ما شفتها..
ريم: بروح اناديها واجي..
راحت ريم ونادت رغد اللي كانت تسولف مع بدور..
ريم: رغيد وينك صار لي ساعه ادورك..
رغد: ليش وش تبين؟؟
ريم: البنات بيسبحون..
رغد: خلاص جايه..بدوره تعالي معانا وفليها..
بدور متردده: ما ادري..ودي اجلس..
ريم مستغربه قعدت رغد مع بدور تتذكر اخر مره جلست معها او سولفت معها صار لها وقت..
ريم: بدور تكفين تعالي والله واحشتني..
بدور ابتسمت لان في احد يفكر فيها ويشتاق لها: اوكي عشانكم والله..
رغد انبسطت: والله بنفلها وبتنبسطين معانا..
بدور: اوكي اجيب لبسي واجي معاكم..
وبعدها راحوا للمسبح..
العنود: واخيرا جيتي....مين بدور يا هلا والهن وغلا..
عبير تصفر: احلى احلى بدوره معانا مين قدنا..
فجر: مرت اخوي معنا لالا ما اصدق..
نوف راحت وضمت بدور لان من زمان ما شافت الابتسامه لى وجهها: بدوره قلبي وحشتيني...
بدور مره انبسطت انها جات معاهم حسوسها بقيمتها وقدر غلاها عندهم..
وبعدها كلهم لبسوا لبسهم وطبوا في المسبح مره وحده بعد ما عدت لهم العنود..اشكالهم كانت تجنن واللي يشوفهم ينبسط لفرحهم.
العنود بعد ما طلعت راسها تتنفس: بنات ..بنات بعد ما نتدرب شوي بنسوي سباق..
البنات: اوكيه..
وانتشروا في المسبح..اللي تسبح .واللي وافقه..واللي جابت استك على شكل كرسي وجلست عليه واللي تطلع وتدخل..واللي تسوي حركات وهي في الهوا ..وريم ورغد يسون حركات استعراضيه...
نوف كانت فوق الاستك..
فجر: نوف انزلي اسبحي..
نوف: ابقعد شوي..
فجر: قلت انزلي جايه تجلسين..
نوف: خلاص فجوره لا تحنين فوق راسي..
فجر: هين اوريك.."وقلبت الاستك فوقها"
والبنات ميتين ضحك على شكلها..
نوف: هين اوريك"وصارت تحاول تغرقها بس هي وين وفجر وين..فجر عربجيه متعوده .وانقلبت الايه على نوف"
عبير والعنود وريم تذكروا يوم الشاليه في الشرقيه..لما كانوا في البحر...
ولفوا على شجون ومها والهنوف وانقضوا عليهم وهم ينحاشون منهم ...ورغد وبدور خلاص ماااااتوا من الضحك..
رغد: تكفون خلاص وقفوا بطني صار يعورني من الضحك..
بدور: خلاص لا يصير فيهم شي..
الهنوف وهي تنحاش من عبير: تعالي ساعديني بدال ما انتي وافقه..يمه"مسكتها عبير"..عبير والي يعافيك مالي خلق..
عبير: تعالي يا بعد قلبي والله ..تعالي"وتمسك راسها وتدخله ..وتضحك..وبعدين تطلعه":هاه تتوبين..
الهنوف تاخذ نفس: عن ايش اتوب..
عبير: ما ادري بس قولي التوبه..
الهنوف: ما راح اقول...
عبير: اجلي تحملي ما يجيك " وتدخل راسها مره ثانيه وتطلعه: هاه توبه ولا بعد..
الهنوف: خلاص توبه بس فكيني..حشى مو بنت هذي.. هذي اكيد صعيده على قولة ميشو..آآآآآآآآآآآآآ"ودخلت راسها"
عبير: صعيده هاه..
العنود ومعها مها: هاه مهاوي تزوجيني اخوك ولا ..
مها: ابشري ..بس اخاف ما تعجبينه..
العنود تدخل راسها: ما علي منك..تزوجيني ايها..
مها: خلاص خلاص موافقه بس فكي شعري..
ريم ومعها نوف
ريم مقهوره: اخطبيني لطلال..
نوف: ابشري من عيوني..
رغد: خلاص عاد فكوهم..
ريم راحت عند العنود..
ريم معصبه: قولي لها انك تمزحين..
العنود: اذا قلتي لنوف قلت.
ريم: اصلا انا واثقه من ان سليمان يحبني...
العنود لفت عليها وعيونها يطلع منها شرار: وش قصدك ان طلال ما يحبني هاه..
ريم: انا ما قلت شي..
العنود: اقول وخري عني ولا عاد اشوفك مكلمتني فاهمه..
ريم: هذي الساعه المباركه اللي ما اكلمك فيها..
بدور وهي تضحك: بنات...اشكالكم من شوي تحفه..ان شا الله دايما كذا..
رغد: ما شفتي شي...
مها وهي ماسكه شعرها يعورها:..أي...دايم احنا الضعيفين رايحين فيها..
شجون: انا من اليوم ورايح ما راح اسكت..
العنود قربت من شجون: وش قلتي؟؟؟
شجون خافت: اقول من اليوم ورايح ما راح اتكلم ابد..
العنود: ايه اشوا على بالي شي ثاني..
الهنوف: اقول خلونا نستهبل ونرقص..
البنات: يله..
وصاروا البنات يصفقون ويرقصون..
حبيبي ارب بص وبص بص
زعلان ازعل ازعل نص نص
لاحسن حابعد ابعد اه ونص وحتبئا انت اكيد خسران
وطلعت نوف من المسبح ووقفت عنده وصارت ترقص بلبسها الوردي اللي لازق بجسمها وبشعرها المبلول وتهز بدلع..

&&&&&&&&&&&&&&&&&

[/center]

عند العيال...

مشاري: انا عن نفسي طفح الكيل..ابي اطلع.
طلال: يله اطلع وطلعنا..
وليد يحمسه: مشاري قم انت قدها..
مشاري تحمس: ايه وانا قدها"ووقف وراح عند الرجال" يله عن اذنكم..
ابوماجد: على وين؟؟
مشاري وهو ما يطالعهم: بنطلع شوي..
ابو مشاري: لالا تتأخرون عشان العشاء..
مشاري فرح: ابشر..
والعيال ما صدقوا على الله وطلعوا كلهم ..اكيد تقواون ليش الرجال ما يخلونهم يطلعون طبعا اولا لعانه وثاني شي عشان يجلسون شوي معاهم هههه وبس..وهذا السبب..
نرجع لعند العيال..
فواز: احس ان السجن ارحم لي..
ماجد: انت صادق..
نواف: يعني ممكن اسأل سؤال..
مشاري: اكيد بتقول ليش ما نقدر نطلع من عند شيابنا..؟
نواف: ايوه ليش؟؟
مشاري: هذا السؤال الوحيد اللي ما لقيت له جواب..
طلال: اتوقع انهم ما يقدرون يفارقونا وخصوصا انا..
وليد: ايه هين..
ومروا من عند المسبح وصدوا عن البنات لان اشكالهم واضحه من ورى الزجاج..الا اثنين تعلقت عيونهم..
الاول فواز عيونه متعلقه ببدور زوجته..شافها تضحك وتصفر وتستهبل..قعد يطالع حبه القديم والجديد وحياته كلها..من زمان ما شافها كذا..حس بتأنيب الضمير لانه هو اللي حرمها الضحكه من اسلوبه وطريقة تعامله بس من جواة نفسه مقتنع تماما ان هذي الطريقه الوحيده اللي تقوي شخصيتها..
الشخص الثاني متعلقه عيونه بنوف وهي تتمايل وتستهبل كله بدلع وغنج وشعرها جاي على وجهها واللون البينك او الوردي عاكس على بشرتها...وجسمها الممشوق اللي البنات كلهم منهبلين عليه..الشخص هذا فاتح فمه عليها ما قدر ابدا يشيلها ونسى ان اخوانها حوله ولو شافوه قطعوه ودفونه بالشاليه وسرح بعالمه الجديد..عالم نوف.نوف وبس..
فواز وهو يطالعه يطالع اخته...صار وجه فواز احمر من العصبيه وصرخ فيه..
فواز: نوااااااااااف..
نواف صحى من اللي كان فيه ولف على فواز واستوعب ان اللي قدامه فواز مو حيا الله..
فواز: اتوقع من الادب تغض عيونك عن بنات الناس ولا يا متربي..
نواف يحاول يبرر موقفه: معليش فواز..انا ما كان قصدي اقعد اطالع فيها ووو.....
فواز وهو ما يتحمل يشوف وجهه: امش قدامي وانت ساكت..واحمد ربك اني لاحد الان ساكت لك وما ذحبتك..لانك ما تستاهل العيش واللي يخون الاهل اللي وثقوا فيه ما يستاهل غير الذبح..
نواف: والله فواز اني ما كان قصدي شي..ولا كان في نيتي على أي وحده أي شي..
فواز موصله معاه ويطالع نواف بنظرات احتقار:قلت لك امش ولا انت ما تفهم..
مشى نواف مسكين ما كان بيده شي..نوف تسحر اللي ما ينسحر ..جمال ودلع وترقص بعد..اتوقع هذا الشي بحد ذاته عذر له..
نوف الي انتبهت لنظرات نواف دخلت على طول في المويه وهي ميته خوف من نواف وفواز اللي كان واقف جنبه..
البنات كملوا رقص واستهبال وسباقات بينهم ومنافسات وما طلعوا لما قالوا لهم ان العيال بيسبحون..
&&&&&&&&&&&&
العيال بعد ما لعبوا طائره وبلياردوا وكرة قدم ..قرروا انهم يسبحون..
مشاري: ليون تعالي حبيبتي..
لين: نعم...بعدين لا تقول حبيبتي...
مشاري: ليش يا قلبي...
لين: لا تقول بعد..يا قلبي..
مشاري:اجل وش اقول؟؟
لين: لا تقول شي عشان ما يزعل عليك مشعل لانه يغار علي مووووت..
مشاري: ابشري طال عمرك..اسمعي روحي للبنات داخل وقولي لهم ان العيال يبون يسبحون يا السمك الخايس...
لين: اقول يا السمك الخايس..
مشاري: اهم شي...شاطره حبيبتي..
لين حطت يدها على خصرها: وش قلت؟؟
مشاري: اسفين بس روحي..
وراحت للبنات...
مشعل: وش رايك فيني مربيها عدل صح..
مشاري: ايه مشا الله عليك الله يرزقنا بوحده تموت علي مثل لين..
مشعل بوثوق: لالا تحاول ما راح تلقى ..اصلا من زينك..
مشاري ضرب مشعل من رقبته لما بغى يطيح منها: اقول انقلع زين..
محمد: ههههه تفشل مسكين...
مشعل : عادي عادي تصير في الدول المتطوره عادي...
وبعد دقايق جاتهم لين وقالت لهم ان البنات طلعوا..
وراحوا العيال لعند المسبح واعجبهم شكله وعلى طول اسبحوا
&&&&&&&&&&&
عند البنات...

كانوا داخل غرفه في الشاليه يبدلون ملابسهم وينشفون شعورهم..
العنود وهي تنشف شعرا: اقول ريوم خلينا ننروح نقز العيال وهم يسبحون..
ريم: يله شوي وجايه..
رغد: على وين انتي وياها؟؟
ريم: انا عن نفسي بروح اقز سلومي..
رغد: وانتي يا العنود...
العنود: انا بروح اقز........اقز هذولا العيال الجديدين ما شفتهم زين..تعالي معانا..
رغد: خلاص اوكي...
الهنوف: انا جايه معاكم مع اني ما ادري وين بتروحون..
ريم: العنود ما تلاحظين ان كل شوي وحده قاطه..
العنود: بنادي البنات اللي تبي تجي تجي واللي ما تبي كيفها..
ريم: احسن بعد..
العنود بصوت عالي: بنات اسمعوا ..بنروح نتفرج على العيال وهم يسبحون اللي تبي تجي حياها الله واللي ماتبي بالطقاق اللي يطق راسها..<<الاسلوب من على جنب
وقرروا البنات كلهم يرحون وكمان بدور جات معاهم عشان تشوف فواز مع العيال على قولته..
راحوا البنات لعندهم وقعدوا يطالعونهم وهم ورى الشجر..
العنود: تتوقعين كانوا يشوفونا؟؟
عبير: لالا ما اظن عيالنا محترمين..
ريم: مين المحترمين..عيالنا ايه هين قابليني..
وبعدها فتحوا فمهم وطلال يتقلب في الهوا بعدين طب في المويه والعيال يصفقون له ويصرخون..
عبير والعنود خلاص ذابوووو في اماكنهم..
عبير: العنود شفتيه ما شا الله عليه.
العنود: الله يحفظه لعين ترجيه..
عبير وهي تتنهد: امين..
ريم تكلم نفسها وهم ماحسوا فيها: والله انهم قاضيات..
وبعد طلال جا دور مشاري وسوى حركه ثانيه..العيال والبنات انهبلوا عليه..
ريم: سموا على اخوي..
الهنوف وهي فاتحه فمها: بسم الله عليه من الحسودين..
ريم: انتي وش قططك هاه؟؟
الهنوف ارتبكت وبان عليها: هاه....هذا جزاي اني دعيت له..
ريم بنظرة خبث وتقرب جنبها: هنيف قولي انك تحبين اخوي..
الهنوف تبعد عنها: وش اقول..انا ما احب احد ولا افكر اصلا..
ريم: طيب خلاص صدقتك بس لا تبكين علينا..
الهنوف عصبت: ريم........
ريم: طيب خلاص اذني واله ابيها...
رغد: اعقلي عنها وطالعي طالعي...من هذا؟؟؟
بدور طيرت عيونها في فواز اللي كانت الضحكه شاقه خشته وعيونه وملامحه غير بالمره اذا كان معاها..يضحك ويستهبل ويلعب عياله وكل هذا وكأنها اول مره تشوفه بحياتها,,توقعته ثقل شوي..عصبي معاهم شوي على الاقل....اكتشفت ان معها بس...بس معاها..
"طيب ليش؟؟ يش انا؟؟ ..انا وش سويت له...وش سويت له...دايما احاول ارضيه بكل الطرق والوسائل بس ليش ما يبين في عيونه..ليش ما احس اني زوجته..واهم سؤال واللي ابي اجابته بأسرع وقت ويرحني من اللي انا فيه...ليش يعاملني كذاااااا؟؟؟؟؟"
نوف: والله فواز خطير..
فجر: هههه هذا هو فواز من صغره وهو فنان في كل شي..
جا بعده فيصل..
العنود: فيصل فيصل فجير فيصل..
فجر وهي جنبها: احلفي واصدقك..طيب خلاص شوفيني جنبك واطالع..
عبير تستهبل تنغز ظهر فجر: فجر فجر ..فيصل والله فيصل..
فجر وصلت معها شوي: والله دريت من اختك..
عبير اشرت على ريم تهبل فيها..ريم جات مسرعه وتصقع فجر..
ريم: أي..فجر فجر شوفي شوفي فيصل أفرحي يله افرحي فيصل قدامك..
فجر انفجرت منهم: خلااااااااااااااااص عرفت والله عرفت..
جات رغد ما تدري عن السالفه بس تبي تعرف وش ردة فعلها: فجوره شوفي فيصل قدامك يله انبسطي..
فجر تصارخ: فهممممممممممممت وربي وربي فهمت خلاص حامت كبدي.دريت انه فيصل والله دريت ..وبعدين اذا صار فيصل ماله داعي كل هذا انا قاعده ماله داعي الحلفه اللي انتوا مسوينها عشانه...
جاتهم نوف: فجر شفتي حركة فيصل...
فجر بتكبي خلاص:يارب يارب صبرني بس..
رغد ونوف: وش فيها...؟
العنود وعبير وريم متسدحات من الضحك عليها..
وبعدها ريم سكتت على طول..جا سليمان وبعدها سكتوا العنود وعبير وتقدمت رغد لعندهم وفجر ونوف جنبهم انهبلوا من جمال سليمان..شعره مبلول فيه كم خصله على وجه ويضحك وبانت غميزاته وذابوا على جسمه جسم صح..ريم طاحت على العنود..
ريم بصوت واطي: الحقيني..الحقيني يا العنود قلبي بيوقف..
العنود مطيره عيونها: والله ما تنلامين..
ريم ضربتها: وانتي لا تطالعين..
العنود: شوفي شوفي كيف الحركه ما شا الله عليه..
ريم: يارب اوعدني الصبر خلاص ما تحمل يذبح والله يذبح..
العنود: يعني وش بتسوين..
ريم: لالا بروح انتحر وافتك..
عبير: العنود شفتيه شفيته يهبل يجنن يقطع القلب..
ريم والنار تطلع من عيونها: هيه هيه انتي عيب استحي على وجهك..
عبير: وش فيك عسى ما شر.. ولا تعالي قولي لي لا تطالعين احد احسن..
ريم: يكون احسن ماله داعي تقزين الولد قز..
عبير: لالا حلال عليك وحرام علينا..
ريم توهقت: لا مو كذا على الاقل انا اطالع وانا ساكته مو انتي يا المشفوحه..
رغد: اقول انتي وياها طالعوا وانتوا ساكتين..
بدور: من هذا ولده ما شا الله..
ريم: هذا اخوا مها..
بدور: ما شا الله..الله يخليه لامه..
ريم بصوت واطي: احسن شي انك متزوجه..
بدور: ايش وش قلتي ما سمعت..
ريم: اقول امين الله يخليه لاحبابه..
بدور: امين..
بعدها جاء دور تركي بس معها واحد اخر واحد ممكن يكون معاه...
وليد وتركي مع بعض بيسون نفس الحركه..
ريم طالعت رغد تبي تشوف ردة فعلها وما لقت الا الحيره بعيونها..
رغد في نفسها" حتى الحين مع بعض..مع انهم ما يحبون بعض بس ليش كذا...عشان يحيروني زياده.. ولا يحسسوني بتأنيب الضمير...يارب لا تزيد حيرتي حيره..يارب اللي فيه الخير قدمه لي واللي فيه الشر لي ابعده عني يا رب.."
شجون: شوفي وليد وتركي وكأنهم اخوان..
مها: يمكن في شي مشترك بينهم..
ريم تطالعهم وتقول في نفسها"اختي هي القاسم المشترك بينهم..الحين تحسون كأنهم اخوان..وانا عارفه بعدين بيكونون اكبر اعداء..وبتكون السبب فيه رغد..صحيح مالها دخل بس هي اللي تحدد مصيرهم..والله حمل كبير عليك يا رغد ترضين ولد عمك ولا ترضين ولد الناس والمشكله كلهم يحبونك بجنون...الله يعينك يا اختي...
رغد وتغير حالها: بنات انا رايحه احس اني تعبت..
ريم: وحتى انا...
بدور: وان كمان..
البنات: يله كلنا بنروح لداخل..
وبعدها دخلوا داخل وبعد حاولي ساعه طلعوا العيال من المسبح وتعشوا وريحوا..والبنات نفس الشي تعشوا وقعدوا يسولفون...

&&&&&&&
عند العيال..
نواف: اقول لك شافني وانا مطير عيوني في اخته..
سعود: طيب مافي الا هي قول انك تطالع وحده ثانيه..
نواف: هذي المشكله ان هي الوحيد اللي طالعه والباقين في المويه حتى انهم ما بينوا..
سعود: وش بتسوي الحين؟؟
نواف: ابي ارجع للرياض..
سعود: اخاف تشككه زياده..
نواف: انا راح احلها بعدين بس الحين ابي اروح عن نظراته يحسسني اني خاين..صح اني غلطان سواء كانت اخته او لأ واني مفروض ما اطالع..بس والله شي غصب علي..وبعدين اقسم لك ان ماكان في نيتي عليها شي او أي وحده ثانيه...انت فاهمني صح..
سعود: انا اكثر واحد فاهمك وعارفك وانت يا نواف ولد ماشي مستقيم وعارف هذا الشي وكمان انت مو راعي سوالف بنات وسوالف بطاله..وواثق من هذا الشي..بس موقفك صعب..
نواف: زين ما صرخ علي وفضحني عند سليمان..سليمان بيذبحني لو عرف وتركي بعد..
سعود: اوكي قول لهم ان جاتك ظروف ولازم ترجع للرياض وخذ اغراضك وعلى اول طياره.ويمكن ارجع معاك..
نواف: ايه تكفى ارجع معاي..
سعود: اوكيه برجع معاك..تعال نقول للعيال الحين عشان نحجز على الصباح او الظهر..
نواف: اوكي..
&&&&&&&
عند البنات...
رغد مجتمعه هي وريم والعنود وعبير بس...
رغد: ايوه وابيكم تساعدوني وتساعدونها بدون ما تحس اوكي..
ريم: يا حرام يا بدور يا عمري عليك..
عبير: تصدقون كرهت فواز..
رغد: يمكن له اسبابه...
عبير: تكفين وش سبابه اللي تخليه يعامل وحده مثل الجوري.مثل الورده الناعمه بالطريقه هذي..
العنود: الا انتي يا رغد وشلون عرفتي السالفه..
رغد ارتبكت: عرفتها...عرفتها وهي تكلم اختها بالموبايل وتشكي لها..
العنود: اها...طيب وش راح نسوي..
رغد: عشان كذا انا قلت لكم السالفه..اول شي لازم نعرف السبب ..واذا عرفناه عرفنا نحل المشكله كلها ولازم تفكرون صح عشان خاطر المسكينه بدوره..
ريم وهي تفكر:طيب..اول شي كيف نخليه يتكلم..
العنود: لا قبل من اللي راح يكلمه إحنا ولا واحد من العيال..
عبير: نخلي ماجد يكلمه..
رغد: ايوه صح جبتيها..نخلي ماجد اقرب واحد له يكلمه..
ريم: بس كيف يقول له ماجد..وكيف نخلي فواز يتكلم عن حياته الزوجيه..
العنود: نقول لماجد وهو يتصرف..
رغد: واكيد راح يتصرف؟؟؟
عبير: ماجد اخوي عقله يوزن بلد ما شا الله عليه...
ريم: وليش ما طلعتي عليه...
عبير: والله خلصت التذاكر...
ريم: ه ه ه بايخه..
رغد: الحين خلونا في الجد..
ريم جاتها الحاله: في الجد ولا في المزح ههههاي..
العنود: ريم تكفين لا تبدين..
ريم: أبدا ولا انتهي ههههاي..
رغد: بلا سخافه..
ريم: سخافه ولا سماجه ههههههاي..
عبير ضربتها من راسها لما وصل للأرض: اسكتي..
ريم:آآآآآآآه"وتصرخ بقوه"آآآآآآآآآآآآآآآآآآآآآآآآه..حسبي الله على إبليسك والله سخيفه..
عبير: مو اسخف منك...الحين احنا في ايدينا اكبر مشكله مرت علينا وقاعده حضرتك تنكتين ولا يا ليته شي صاحي سماجه في سماجه..
ريم: آآآآآه يا راسي..جعل ايدك الكسر حشى ولا عجرا تسوي كذا.."ولفت على رغد" وانتي كملي بعد..
رغد: لا تنافخين لا ااشوتك واوصلك للرياض الحين..
ريم: لالا الرياض خلاص بأسكت..
رغد: يعني المهمه هذي على ماجد اكيد..
العنود: اكيد..
رغد: طيب وش راح تقولون له..
عبير: انا اقول نقوله السالفه كامله عشان يتحمس..
رغد: اوكيه مو مشكله بس نبهوه انه ما يطلع الحكي لا يمين ولا شمال اوكيه..
العنود عبير: اوكيه..
رغد: بنقول له السالفه اليوم عشان نخلص موضوعها قبل لا نرجع الرياض..
ريم: ما راح يخلص الا في الرياض عشان يقابلون بعض اما هنا هو راح يتهرب منها..
رغد: اذا عرفنا السبب ..قدرنا نعرف كل شي..الحين خلونا في الخطوه الاولى..يله اتصلي عليه يا عبير..
عبير: اوكي.."واتصلت"...الووو ماجد..
ماجد: هلا والله..
عبير: اهلين..مجودي اذا كنت مع العيال اطلع ابيك انا والعنود في موضوع ضروري وخطير..
ماجد: جد فيه شي ولا تستهبلين ولا مسوين فيني مقلب ترى اعرف سوالفكم..
عبير: والله يا ماجد الموضوع جدي ما يتحمل التأجيل..
ماجد: اوكيه تعالوا عند النافوره...
عبير: يله جايتك.....باي..
ماجد: باي...
&&&&&&&&&&&&
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
سليمان: ترجع للرياض ليش؟؟؟
تركي: وش فيك وش صاير هناك؟؟
نواف: اهلي متصلين علي يقولون لي ارجع..
سليمان: يعني فيهم شي...؟؟
نواف: لالا ما فيهم شي ا نشا الله..
سعود: وانا راح اروح معاه..
تركي: ماله داعي تروح معه..
سعود: صديقي لازم اوقف جنبه..
تركي: اكيد عشان الاهل..يعني محد ضايقك بشي .لا بكلمه ولا بنظره ولا أي شي ثاني..تكلم يا نواف..
نواف رتبك والعرق يصب: لالا محد قال لي شي انا كذا برجع..
تركي: براحتك بس خساره ما طولتوا..
نواف: ما عليه الجايات اكثر..
سعود: اكثر ما اكثر الله عندنا الاجازات اول اجازه نجي هنا..
سليمان: ومتى راح تروحون؟؟
نواف: الحين بنحجز التذاكر ..
سعود: انا حاس انه اليوم الفجر او الظهر...
تركي: والله بنشتاق لكم..
نواف: وانا اكثر والله بس وش عندك راضي علينا..
تركي: عشان اذا متوا اكون راضي عليكم وانتوا راضين علي..
سعود: فال الله ولا فالك..

" نــــهــــــايــــــة الـــــــــبـــــــارت "

الجــــــــزء الرابــع والثــــلاثون

ماجد: معقوله فواز يسوي كذا بدون سبب..
العنود: ايوه بدون سبب..
ماجد: بس اكيد فيه شي..
عبير: وهذا اللي نبيك تعرفه..
ماجد: صح تذكرت اليوم قال لي شي عنها..
العنود: وش قال..؟
ماجد: كنت اقوله اذا ما تحبها طلقها هو انصدم ..وقال لي اطلقها؟؟؟..قلت له احسن من انك ترميها ..قال ومن قال اني انا راميها..قلت اجل اللي انت تسويه شنو قال اربيها..
عبير عصبت: وش يبريها هي بزر عنده..
ماجد: سألته نفس السؤال قال اذا تزوجت هذيك الساعه بتعرف..
العنود: بدور متربيه قبل لا تعرف وجهه...شايف نفسه هذا على ايش..والله فقع مرارتي..
عبير: انت اقعد معاه اليوم .ولازم تعرف وش قصته ..وتكلم معاه بأسلوب يخليه يفضفض لك..
العنود: والله ما يعرف هالحركات الا وحده..
عبير: رغد..
العنود: ايوه رغد ما شا الله عليها تعرف هالحركات..
عبير: اتخيلك ماسكه فواز من شعره وتقولين له تكلم احسن لك اعتربني وحده من خواتك ولا ترى بتشوف رقبتك قدامك..
ماجد: حشى الــvip مو العنود..
عبير: هذا الحين بأسلوب لو مو اسلوب كان الحين هو في المقبره..
العنود: تطنزوا تطنزوا..عاد انتي يا ام الاسلوب..
ماجد: بتقعدون تتهاوشون الحين..ترى بروح..
عبير: لا تنسى ضروري اليوم تقول له وبكره بينا لقا اوكي..
ماجد كشر: يعني بشوفكم كثير..
العنود: خواتك تحمل..
ماجد: الله يعين ازواجكم..ما ادري وش بيصير فيهم..
العنود: بيكنون اول حالات انتحار في المملكه...
عبير: ههههههه بس هذا زوجك..
العنود: لا انتي زوجك بيقولون عنه اشعل في نفسه النار ورمى نفسه من الفيصليه هههههههههه..
عبير: بسم الله عليه..
ماجد: من هو؟؟
عبير: وانت وش عليك ..رح بس ولا تنسى هاه..
ماجد: راح اوكي..
العنود تتمليح عند عبير: عبير مين تكفين مين اللي تفكرين فيه..
عبير: واحد ما تعرفينه..
العنود: كذابه..
عبير: كيفك لا تصدقين..."ومشت"
العنود: يعني ما في امل تقولين..
عبير: ولا خديجه ختى..
العنود: يا شينك..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
محمد جالس مع لين ...ومشعل عند ابوه يكلمه....
محمد: ليونه..
لين بدون ما تطالعه تطالع مشعل: نعم..
محمد: ما دريتي...
لين لفت عليه وتناظره بنظرات استحقار: عن ايش..؟
محمد: عن مشعل..
لين بدى الاهتمام عليها:وش فيه..؟
محمد:مشعل شايفه كم مره جالس مع وحده..
لين بصدمه: وحده..
محمد: ايه وحده اجل واحد..
لين: ومين هي؟؟
محمد: وحده تعرفينها بالمررررررره..
لين: اعرفها انا؟؟
محمد: شكلك صقهى وما تسمعين..
لين: من هي؟؟
محمد: فكري انتي فيها...
لين: مافي غيرها..انا كنت حاسه والله كنت حاسه..
محمد استغرب: مين هذي اللي كنتي حاسه فيها..
لين بكل حقد: شهد بنت فواز..
محمد مات ضحك:شهد هههههههه شهد مره وحده هههههه..
لين: يعني مواهي..
محمد: لالا راح بالك بعيد..هي وحده عمرها حول 12 و11..
لين بتفكير: عمرها 11و 12...اعرفها زين؟؟
محمد: ايه زين..
لين: ما فيه وحده بالعمر هذا..طيب تعرف اسمها..
محمد: اعرف اسمها..
لين: وش اسمها..
محمد: اسمها...اسمها "وكتم ضحكته"..اسمها لين ههههههههههههههههههه..
لين عصبت: صدق انك بايخ وسخيف وسامج وما عندك أي ذرة من خفة الدم يا ثقيل الدم..
محمد: احسن تستاهلين هذا اللي ما يثق في حبيبه..بأعلم مشعل عليك<<يبي يرفع ضغطها.
لين خافت: لالا تكفى لا تعلم..
محمد: الا بعلم..
لين: محمد تكفى لا تعلم..
محمد: بشرط..
لين: لك اللي تبي..
محمد: جيبي البلاي ستيشن المحمول حقك والجيم بوي ..وامممممم وسوي لي بوب كورن يله بسرعه ولا علمت عليك..
لين: ا نشا الله هذا انا قايمه"وراحت"
محمد: يا حليلها خبله ا نشا الله تحبني وحده مثلها خبله وتموت فيني..
جاء مشعل: وش فيك انت ولين هواش...
محمد: أدبتها لك..الحين بتسوي كل اللي نبيه..
مشعل: ليش وش سويت..
محمد: هبلت فيها..بعدين اقولك بس الحين تأمر عليها وهي تنفذ..
مشعل: لا حرااام عليك اذا تحبني حرام اللي اسويه فيها وتراني اغليها..
محمد: اترك عنك حركات المراهقه ووسع صدرك وخلك معاي والله تنبسط..
مشعل: يله وش ورانا..
محمد: كفو والله..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
رغد واكبر علامة تعجب فوق راسها: قال اربيها؟؟؟؟
ريم: يبربيها ليش هي وش مسويه له...؟
العنود: علمي علمك..
رغد: غريب مره غريب مستحيل تسوي بدور شي يضره او يأذيه او حتى يزعله..
عبير: وهذا اللي قاهرني بدور ما تزعل نمله تخاف عليها وشلون زوجها وحبيبها...
العنود: انا متأكده انه شايف نفسه عليها لانها معطيته وجه...
رغد: احتمال جائز..
ريم: بس مهما كان ما يعاملها بالاسلوب هذا اكيد في شي اكبر..
عبير: بنعرف ا نشا الله كل شي الليله..
العنود وريم بصوت واحد: وش يبصبرنا؟؟؟؟
رغد وهي تضحك: روحوا دوروا لكم شي يسليكم..
العنود: اقول خلونا نتمشى عند البحر...
رغد: أي والله خلونا نروح البحر وافضفض له عن همومي..
عبير: الله واكبر وهمومك الحين اللي يسمعها يقول مطلقه وعندها 12 بزر وما عندهم بيت ولا تدري وش تعشيهم..احمدي ربك بس..
العنود: وبعدين وش همومك تكفين...
رغد: انتي واختك اول هم بحياتي وبعدكم تجي هذي النشبه"وتأشر على ريم"
ريم تتمسكن: افا انا هم ما عليه يا اختي مقدره حالتك النفسيه وما راح ازعل..
رغد: امزح يله بس خلونا ننروح ننادي البنات ونطلع..
ونادوا البنات وطلعوا الامهات..
رغد: ريم اتذكر اني قلت البنات فجأه صاروا حريم..
ريم: كل شي جايز بهالدنيا..
العنود: وش جابهم ذولي...
عبير: استحي على وجهك امك معاهم..
العنود: ايه امي وش جابها..
ريم : عنيد اسكتي فشلتينا..
ام مشاري: بنطلع معاكم..
رغد: حياكم الله..وين البنات؟؟
ام ماجد: بيلبسون عباياتهم ويجون..
ريم: يله مشينا..وهم بيلحقونا..
ومشوا ومروا من عند مجلس الرجال وهم يشوفونهم والبنات ما يشوفونهم عشان الزجاج عاكس..
مشاري: مشا الله كبروا بناتنا بسرعه...
وليد: ما سمعت باللي يكبرون كل ساعه..هذولا خواتنا..
طلال: مشا الله كلهم بنات عماني..
مششاري: وخواتك بس انت اذكر الله...
طلال: مشا الله..
سليمان يطالع ريم: طالع الزين كيف يمشي..
تركي: في احد يطالع البقره ويترك الغزال...
سليمان: ما في ثور الا انت ومرتك البقره.
نواف صاد وجه عن القزاز بالمره ولاهي في جواله عشان فواز اللي كان يطالعه هو بالذات...
نواف يهمس لسعود: سعود..سعود شوف كيف يطالعني..
سعود: لالا خلاص بعد شوي بنطلع هذا ما راح يتحملك ولا ثانيه..
نواف: المشكله شوف تريك وسليمانوه ما قال لهم شي وانا بالذات قال لي ليش؟؟
سعود: تركي وسليمان صاروا حسبت اهلهم وانا وانت ما زلنا اغراب عنهم..
نواف: يا ليتني ما طالعت بنتهم وافتكيت..
سعود: معليش..بعد عشر دقايق راح نطلع حتى لو ما سافرنا بنحجز بفندق ثاني..
نواف: ايه يكون احسن بعد..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
وصلوا الحريم مع بناتهم للبوابه اللي تطلعهم للبحر وفتحوها كان منظر البحر شي خطير كانت الانوار الصفراء حوله مع صوت البحر وهواه الرطب يحسسهم بالانشراح..راحوا الحريم يتمشون البنات كانوا مجموعه ولما لحقوهم البقيه افترقوا مجموعات مثل كل مره بس اللي تغير ان مها جالسه مع ريم لحالهم وبدور والهنوف وعبير ورغد والعنود مع بعض وفجر ونوف وشجون مع بعض ..كانوا حول بعض..هم كذا يحسون ببعضهم وهم بعدين بالمسافات لكن بالقلوب قراب بالمره..كلهم روح وحده وقلب واحد في اجسام كثيره..صحيح هواشاتهم كثيره وشخصيتاهم مختلفه لكن مع هذا كل وحده تكمل الثانيه ولو تنقص وحده منهم حسوا بالفراغ...
ريم جالسه مع مها وتحس انها لغز كبير وفي داخلها اشياء كثيره ودها تكتشفها..
ريم: متى نجلا اختك تزوجت..؟
مها: من يوم كنت بثالث متوسط..
ريم:يا عمري والحين لحالك..
مها: ايوه لحالي بس تعودت..سليمان ومحمد وعبودي اخوي الصغير مالين علي حياتي..
ريم: كيف نظامكم في البيت ومعليش على القافه اذا في سؤال ما عجبك ترى عادي ما تجاوبي عليه..
مها: هههه لا عادي اصلا انا ودي اسولف..
ريم: اجل مادمك ودك تسولفين ابشري بخليك تقولين لي سيرتك الشخصيه كلها..
مها: ههههه ابشري مع اني احس انها ما راح تهمك..
ريم: بالعكس يا قلبي الحين انتي وحده منا وفينا وربي اني اعدك بحسبة اختي رغد..
مها: تسلمين يا قلبي حتى انا ما اعدكم الا خواتي.
ريم: تسلمين..المهم تكلمي عن نفسك عن اهلك ..كل شي..ترى احب هالاشياء..
مها: اممممممم انا من يوم صار عمري خمس سنوات تيتمت"سكتت شوي تبلع عبرتها بعدين كملت وهي تطالع البحر" امي كانت ماخذه دور الام والاب والاخت وكل شي بالنسبه لي..كبرت انا وكبرت نجلاء اختي وسليمان اخوي...نجلاء شالت جزء كبير عن امي..مثلا شغل البيت واحنا البزارين ..وامي كانت تشتغل تبيع اكلات شعبيه لان راتب ابوي ما يكفينا وترفض ان سليمان يلهى عن دراسته بالشغل...لحد ما كبر سليمان وصار بالمتوسط وصارت امي تعتمد عليه اكثر من اول...صار يسوق يجيب لها اغراضها ويودينا ويجيبنا ويطلعنا..تحمل مسؤليتنا من يوم كنا صغار..صح اني اكبر منه بسنه بس احس اني طفله.. وهو على طول صار رجال وكأنه اكبر مني بسنين...وصل للثانويه وصار يدرس الصباح ..ومن العصر لما الليل يشتغل..طبعا امي ما اقتنعت انه يشتغل لما دخلت المستشفى من التعب والشغل...سليمان ما سكت وقال لها انه صار رجال ولازم تعتمد عليه وترتاح...تزوجت نجلاء اختي وتركت فراغ كبير بحياتي بس ما كانت تفارقني ابد..اذا ما شفتها تتصل..وترسل لنا دايما فلوس مع ان محنا في حاجتها .واذا احتجنا أي شي توفره لنا..وزوجها مره حبوب وحسبة اخونا الكبير بس سليمان ما يرضى ياخذ منه ريال واحد...
ريم تذكرت سليمان يوم كانوا في المدرسه وابتسمت..
والحين تحسن وضعنا كثير عن اول ..سليمان اشتغل في شركه راتبها مره حلوا وينفع وانا دخلت الجامعه وصرت ادّرس في معهد كمبيوتر ويدخل علي كويس...
ريم راح صوتها لانها كاتمه العبره: ما شا الله عليكم اخاف احسدكم على طموحكم وتحديكم واصراركم الي ممكن يكون معدوم عندي...
مها: كذا الحياة على ما تعودك...
ريم: طيب بسألك سؤال ترى مو ضروري تجاوبي عليه..
مها ابتسمت: قلت لك خذي راحتك..
ريم: كيف علاقتك بأبوك..يعني اشتقتي له وودك تشوفينه...تتخيلين لو كان عايش وش راح تكون حياتكم..
مها: اكيد فكرت في هذي الاشياء في البدايه كنت اكره ابوي لانه راح وتركنا ما كنت افهم..كنت لما اشوف امي تتعب في البيت والشغل اكره زياده..لما اشوف نجلا يغمى عليها كثير عشان عندها انخفاض بالضغط ومن التعب على طول يغمى عليها كنت اكره اكثر .ولما كنت اشوف سليمان اخوي يطلب من امي شي بسيط وما تقدر تحققه له اكره اكثر واكثر..بس الحين اتمنى انه عايش الله يرحمه..اتمنى اني اقول بابا..نفسي اقول بابا ودني الملاهي..بابا اشتري باربي...بابا شوف محمد يضربني..حتى لو اني كبيره بس هذا الاحساس معاي من يوم كنت صغيره..شي محرومه منه وموجود عند الكل حاولت اعوض فقدان ابوي كثير بس ما لقيت احد يحل مكانه الا شخص واحد صار لي ابوي واهلي كلهم بعد امي..
ريم: سليمان صح...
مها: ايوه سليمان...لو يصير له جرح بسيط اخاف عليه..واخاف اني افقده..اخاف اني ما عاد اشوفه مره ثانيه....اخاف انام وبكره اصحى وما احصله ..ما ادري ليه افكر كثير بهذا الشي..بسم الله عليه الله يحفظه ويخليه لنا...
ريم: امين...
مها: سليمان حبيبي عوضني عن اشياء كثيره بحياتي يسأل عني ويهتم فيني يحبني ويدلعني وما يرد لي ولا طلب لو اطلب عيونه...
ريم: عشان كذا انهرتي لما صار له الحادث..
مها: مو انهرت بس حسيت اني بموت..تصدقين يا ريم وادري بتقولين مجنونه..فكرت لو مات بروح ارمي نفسي لسياره والحقه...
ريم: لا صدق مجنونه..
مها: ترى الشين فيني متعلقه فيه بزياده يعني الله يعين زوجته بنشب لها..
ريم: زوجته بتحطك بعيونها ان شا الله..
مها: وش دراك يمكن تكرهني..
ريم:متأكده ان اللي تعرفك مستحيل تكرهك..
مها: والله ان كلامك عسل..اجل ليش نوف دايما تحشك وتقول ما عندك اسلوب..
ريم: نويف الشينه قايله عني كذا هين اوريها..
مها: لالا خلاص هونت امزح..
ريم: لا ادري انها تقوله..قولي لها مخليه الاسلوب لك..
مها: هههههه تصدقين حبيتكم وتعلقت فيكم...
ريم: وحتى احنا كمان تعلقنا فيك... خلاص من اليوم ورايح..من يوم نرجع للرياض بتروحين وبترجعين معنا...انتي مو نفس جامعة عبير..
مها: امبلا معها بنفس الجامعه بس ما اشوفها كثير..
ريم: اهم شي انك معها..يعني بترجعين معها لبيتنا..
مها: من الحين خططتي وخلصتي.
ريم: انا كذا احب اخطط لكل شي...
مها: واضح عليك انتي والعنود شخصياتكم قياديه..
ريم: انا والعنود تقربيا نفس الشخصيه بس هي قساها زمانها..صار لها موقف يوم كانت صغيره اثر عليها لحد الان...
مها: العنود؟؟؟...يعني ما كانت كذا..
ريم: لالا ما كانت كذا..
مها: ممكن اعرف وش الموقف اللي صار لها...
ريم: الموقف لما كانت بأول متوسط..كانت مره دلوعه وكيوت وشعرها نفس الحين قصير بالمره بس كان مقصوص بدلع...في يوم من الايام تعرضت للتحرش في دورات المياه الله يكرمك..وقعدت تصارخ وتنادي احد يساعدها بس لا حياة لمن تنادي..كانوا بنتين يراقبونها من ايام لما جا اليوم اللي طلعت من الحصه لدورات المياه وحجروها في زاويه ومثل ما قلت قعدت تصارخ وتستنجد باللي حولها بس محد سمعها ولا سمع دموعها وصرخاتها..كانوا خلاص ناوين ينهونها الا دخلت وحده من طالبات ثالث...هم اخترعوا ما توقعوا ان احد راح يدخل عليهم قامت البنت طلعت وصارت تصرخ لما جاوا الإداريات ..اخذوهم واخذوا العنود...قعدت العنود بعدها شهر ساكته من الصدمه..وما صارت تروح المدرسه...خالتي سحبت ملفها من المدرسه وقررت تنقلها وحده ثانيه..والبنات فصلوا وما عاد تقبلهم أي مدرسه ثانيه...وهذا الموقف اللي حصل لها ..وتغيرت من بعده...العنود بعد فيها ميزه انا اوقف وادق لها تحيه..العنود دايما مضحيه..ياما مواقف صارت لنا ومشاكل نتورط فيها..تدافع عنا وتقول انا السبب فيها قدام الكل وبجرئه عشانا احنا ..عبير ورغد وانا ما يصير لنا شي..بصراحه دايما وابدا احيي شجاعتها حبيبة قلبي والهر..
مها: ومن بعد هذا الحادث صارت كذا...
ريم: ايوه تحس ان الدلع والهدوء ضعف وانه ما يمشي بالزمن هذا الا القوي واللي الناس تهابه..ترى هي قويه من برى بس لكن من داخل هشه بسرعه تنكسر وكمان تبكي من داخل لان الدموع على قولتها مو لها..
مها: مسكينه يا العنود ما تستاهلين..
ريم: ايوه مسكينه في كل شي..حتى في حياتها العاطفيه مسكينه..
مها: ليش؟؟
ريم: بقولك بس بليز ما يطلع ولا حرف من اللي بقوله..
مها: اكيد يا قلبي..
ريم: الشخص اللي حبته العنود اكتشفت ان عبير تحبه..
مها انصدمت:وعبير عرفت..؟
ريم نزلت راسها: لا ما عرفت ولا تبيها تعرف.
مها: اكيد بتضحي عشان اختها..
ريم: هذا اللي انا متأكده منه..الحين هي تكابر وتقول انها راح تواجه عبير وتقولها انها تحبه..بس ادري ان هذا الشي مستحيل يصير لو على قص رقبتها..
مها: طيب ليش هي اللي تضحي دايما..ليش ما تدافع عن حبها على الاقل..
ريم: هذي العنود اللي في ايدها وقلبها مو لها...مسكينه بنت عمي..
مها: بس انا من راي ما تسكت..
ريم: يا بنت..العنود بسم الله عليها تدبر نفسها...خلينا نروح نجلس مع البنات ونفلها ونحلل دبي وايامها..
وراحوا لعند الشله..
رغد: ريم ابتسمي للكاميرا..
ريم ضحكت لما طلعت اسنانها اللي ورى: تشيييييز..
رغد: انا قلت ابتسمي مو اكشف على اسنانك..
ريم: هذي الابتسامه دوخت ناس وناس..
العنود: اكيد عميان هههههههههه..
عبير: هههههه حلوه يا العنود اول مره تقولين شي حلو..
الهنوف: ما تلاحظين يا ريم انهم يهزؤنك وانتي ساكته ..
ريم: انا اعلى منهم مستوى فا ما اعطي أي احد وجه.. فهمتي.
العنود: بنت الوزير وانا ما ادري...
ريم: اكبر يا حبيتي اكبر...انا ريم بنت عبد العزيز فاهمه..
عبير: عبد العزيز على العين والراس بس انتي لالا ما اتوقع..
رغد: يا حبكم للمشاكل ودي اشوفكم يوم بدون ما تتهاوشون..
ريم : تصدقين ولا مره صارت..
الهنوف: حتى انا من يوم تعرفت عليكم صرت مثلكم الا طبعا رغد قلبي...
عبير: مسكينه الا انتي اللي من يوم تعرفنا عليك واحنا مشاكل في مشاكل..
مها: تكفون راسي يعورني اسكتوا شوي سولفوا بهدوء..
العنود: بهدوء؟؟؟؟؟ غربيه هالكلمه ماهي في قاموسي..يعني ما نتبعها فهمتي.
مها: اجل انا رايحه لعند البنات يله باي..
البنات: باي...
ريم: عيب عليكم البنت ودها تجلس معانا..وانتي ابعدي هالكاميرا عن وجهي...
رغد: هذا جزاي اقول احلى الشله واصورها..
لفواعليها العنود وعبير والهنوف: يعني وش قصدك..
رغد خافت: العب عليها...عشان اضحك على وجهها بعدين..
الثلاثه: ايوه نحسب..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عنــــــــد العيال..
ماجد: فواز ممكن نطلع انا وياك أي مكان لحالنا...؟
فواز: ايوه اكيد..
ماجد: وش رايك نطلع عند البحر نتمشى...
فواز: يله قدام...
وطلعوا عند البحر...
فواز: يله قل وش عندك يا اخوي..محتاج شي صاير لك شي..؟
ماجد: انا ما احتاج شي بس انت تحتاج..
فواز بدهشه: انا محتاج لأيش...
ماجد: محتاج تتكلم عن نفسك وعن زوجتك وعيالك..يا اخي فضفض شوي...اذا كنت في مشكلها نحلها لك..ترى ما يصلح تجمع هموم على قلبك بالشكل هذا...
فواز: وش تبيني اقول يا ماجد..
ماجد: قول اللي في قلبك..قول لي وش تعاني منه وانا اوقف معك واساعدك..
فواز: انا يا ماجد ما عندي مشاكل ابد..وزجتي مسعدتني في حياتي و موفره كل شي لي..وايامي كلها حلوه..
ماجد: طيب ليش تعاملها كذا وكأنك ما تحبها ولا تبي تشوفها..
فواز: مو عشاني عشانها..
ماجد: يعني هي ما تبيك..
فواز: لالا بالعكس...بس ابي اغير اسلوبها..
ماجد: وش فيه اسلوبها وليش؟؟
فواز: شوف انا ما احب اتكلم عن حياتي الخاصه..بس ابتكلم معاك لانك اخوي وصديقي.. وابي رايك باللي سويته..
ماجد: اوكيه..
فواز: احم..بدور شخصيتها ضعيفه..مانتاقش وما تعترض..ما تقول..لا.... ما لها راي..الراي راي والشور شوري...بعض الاحيان احس وجودها مثل عدمها..اذا استشرتها في شي تقول نفس راي..وغير هذا مالها شخصيه..وهذا الشي ما عجبني....انا وعيالي نحتاج احد يقودنا ما نقودها وخصوصا العيال الصغار..الحين لما تقول لهم شي ما يسمعوا لها كلمه كيف لما يكبروا ..عرفت الحين ليش اعاملها كذا..
ماجد: طيب انت تعتقد ان الطريقه اللي تستخدمها صح..
فوازبثقه: ايه..
ماجد: جابت نتيجه..؟
فواز: بصراحه....لا..
ماجد: يعني غلط...طريقتك غلط .حتى انك ما صارحتها باللي تبيه..ما واجهتها بالحقيقه..مخلي البنت على عماها..
فواز: وش تيني اقول لها..
ماجد: قل لها أي شي بس لا تخليها كذا معلقه وما تدري هي وش سوت ..عشان تسوي فيها كذا...هو انت تكرهها..
فواز: اكرهها؟؟؟ اموت ولا تجي الساعه اللي اكره فيها بدور..ماجد بدور في حياتي شي كبير..تحديت الكل والجميع عشانها وتقول اكرهها..
ماجد: عشان كذا يا فواز لازم تغير طريقتك معاها..
فواز: لازم انا اللي اقولها..خلنا نخلي احد يلمح لها..
ماجد: هذا الغلط..مشاكلكم محد يتدخل فيها..انت لازم تحل المشكله اللي بينكم..ترى بدور ما تستاهل اللي تسويه فيها..كبير عليها بالمر..
فواز:ادري والله ادري بس كل هذا عشاني احبها يا ماجد..
ماجد: ادري..بس عشانك ما قلت لاحد ولا اخذت شور احد وتصرفت من نفسك..هذي النتايج..يمكن زوجتك تعيش حالة اكتئاب..
فواز: وش دراك انت؟؟
ماجد: انت ما تسمع البنات كيف يسولفون عنها..يقولون ما تتكلم ابد ولا تضحك ولا تسولف يا قاعده مع عيالها يا تفكر...
فواز: للدرجه هذي..توقعت اذا جلست مع اهلي تنبسط..
ماجد: كيف تنبسط وانت تصد وتبعد عنها قلي؟؟
فواز نزل راسه : تصدق توني اكتشف اني غبي..
ماجد: هذا درس عشان تستشير احد ..ما يصلح اللي في نفس المشكله يحلها لحاله اكيد بيكون فكره مشتت وبيشوف الموضوع من زاويه واحده..عشان كذا لازم تشارك احد معاك ترى ما فيها شي...
فواز: شكلي بروح لبدور الحين..
ماجد: على طول مشا الله..
فواز: امزح معك بخليها بكره..
ماجد حط ايده على كتف فواز: ترى مو لازم تتغير اهم شي سعادتها اوكي..
فواز: وانت صادق...

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
مشاري: اقول عيال خلونا نطلع مع امهاتنا شوي..
العيال: يله..
في اللحظه هذي طلعوا سعود نواف برى الشاليه للفندق ياخذون اغراضهم وحجزوا لهم على اول طياره للرياض الساعه 8 الصبح..بدون ما يقولون لاحد..
طلعوا العيال شافوا الحريم جالسين مع بعض والبنات منقسمين مجموعتين وجلسوا مع امهاتهم..
ام سليمان: حيا الله عيالي..
العيال: الله يحيك خالتي..
وكل واحد باس راس امه وجلس...وقعدوا يسولفون مع بعض..
رغد: شوفوا العيال لاحقينا حتى هنا..
العنود: اصلا ما يستغنون عنا..
الهنوف: بنات ما تلاحضون ان الجو يجنن..
ريم بخبث: اكيد يجنن والحين زاد حلاه عشان الحلوين صح..
الهنوف ما فهمت: وش قصدك..
ريم وهي تطالع بعيون الهنوف: يعني مشاري موجود وكذا..
الهنوف راتبكت: اقول روحي زين.."ولفت على رغد"..اقول رغد خلينا نتمشى..
رغد: يله..احد بيجي معانا..
عبير: انا عن نفسي مالي خلق ما اشتهيت اتحرك..
رغد: اصلا انا غاسله ايدي منك اسأل البنات..
العنود: وش رايك ريم..
ريم: لا خلينا جالسين احسن..
العنود تهمس لها: عشان حبيب القلب..
ريم: ايوه مثلك عشان حبيب القلب...
رغد كانت تبي تهرب ..ما تحب مكان مجتمعين فيه وليد وتركي..ما تحب تفكر كثير..
ومشوا مسافه وهم ساكتين..
الهنوف: رغد فيك شي...؟
رغد في نفسها"والله ما يحس فيني غيرك": لالا ما فيني شي..
الهنوف: رغد تراني من زمان ملاحظه وساكته واقول مصيرها بتقول بس طولتي..
رغد: الهنوف مافي شي عشان اقوله..
الهنوف لفت على رغد ولفتها لجهتها: رغد طالعيني..مستحيل تخفي هذا الشي عني..انتي فيك شي وما تبين تقولينه لي صح..انا بالذات صح يا رغد..
رغد لفت وجهها عن الهنوف: الهنوف ليش مو راضيه تصدقين..قلت لك ما فيه شي..
الهنوف تركت رغد: براحتك بس لا تنسين اني موجوده..الهنوف موجوده يا رغد..حتى لو كنتي متضايقه مني انا قولي لي..
رغد: لا مو منك ابد..
الهنوف: اجل من اخوي..صح يارغد من تركي..
رغد غرقت عيونها دموع: الهنوف ممكن نمشي..
الهنوف خافت على رغد: رغد تركي عامل لك شي..
رغد: الموضوع مو كذا..الموضوع اكبر من كذا...واخوك تركي ماله دخل في الموضوع...
الهنوف: بس اكيد له طرف بالموضوع..
رغد: الهنوف ما اقدر اتكلم ما اقدر...
الهنوف: ليش ابي اعرف ليش؟؟؟
رغد: محتاره يا الهنوف...محتاره"وضمت صديقتها"...تعبت يا الهنوف والله تعبت..
الهنوف ضمتها بقوه: تكلمي يا رغد..انا معاك وما راح اتخلى عنك مهما صار..
رغد اخذت نفس وهي في حضن الهنوف: الوليد ....يحبني..
الهنوف مصدومه: الوليــــــد؟؟
رغد: ايوه يا الهنوف واعترف لي..واخوك يا الهنوف كمان اعترف لي في نفس اليوم.
الهنوف بعدت رغد وتطالع بعيونها: وكل هذا بقلبك وساكته....
رغد: خفت انك ما ترضينها لاخوك وبتقولين حددي بأسرع وقت يا وليد يا تركي..
الهنوف: صح هذا كلامي وهذا الكلام الصح..بس ما راح اضغط عليك..
رغد: وش اسوي ياالهنوف..شوري علي..
الهنوف: هالمره الشور شور قلبك يا رغد...اسألي قلبك وهو دليلك..
رغد: واذا قلت لك القلب محتار بين الميول والرحمه..
الهنوف: اختاري الميول..الرحمه ما راح تنفعك...
رغد: بس صعب اشوف اللي ارحمه مكسور وحزين والسبه انا..
الهنوف: وحرام اللي تملين له تكسرين قلبه مع انك تميلين له..
رغد: زادت حيرتي حيره..
الهنوف: وما يصلح اعرف من اللي ترحميه ومين اللي تميلين له..
رغد: عاد هذي اسمحي لي يا الهنوف..
الهنوف: لا تفكرين فيني اوكي ولا حتى في امي احنا راضين بقرارك وراح نظل صاحبات طول العمر يا قلبي..
رغد ضمت الهنوف: الله يخليك لي ولا يحرمني منك ولا يفرقنا..
الهنوف: امين..
رغد بعدت عنها: ما تلاحظين قلبناها عزاء ..
الهنوف: خلك مره ثانيه تسوينها وتخبين عني شي..
رغد ابتسمت: لالا التوبه..
وحسوا ان في احد وراهم يمشي..
الهنوف التفتت: رغد كأنا احد ورانا...وما ودي التفت..
رغد: يمه لا تخوفيني..اكيد وحده من البنات...
الهنوف: لا تلتفتين..
رغد: خليني اشوف..
الهنوف: اخاف جني..
رغد خافت: جني لالالا وش جني لا تخوفيني...
الهنوف: خلينا نسرع احسن..
رغد: يله...
وصاروا يسرعون واللي وراهم يسرع وهو ساكت....

" نـــــهــايــــــــة الـــــــــبـــــــارت "

الجــــــــزء الخامس والثــــلاثون
وصاروا يسرعون واللي وراهم يسرع وهو ساكت...
واذا اسرعوا مره اسرع واذا هدوا شوي هدا معاهم..
الهنوف ترتجف: رغد وربي خايفه..الى اللحين وهو ورانا..
رغد ميته خوف: يارب يارب...اقول الهنوف انتي متأكده انه جني...
الهوف وهي تاخذ نفس: وش يدريني انا..
رغد: انا عندي تحساس انها ريم ولا عنيد..
الهنوف التفت لورى: لا شكله اختفى..
رغد التفت: ايه مافي احد خلينا نرجع..
وأول ما لفوا..
الشخص من وراهم مسك الهنوف..
الهنوف: واااااااااااااااااااااااااااااااااا يمــــــــــــه..
رغد التفت تطالع الشخص: مشـــــــاري!!!!!!
مشاري: مين انتي ومين اللي معاي..
رغد تضحك: هذي الهنوف...
مشاري رمى الهنوف وكأن احد قارصه: معليش..Im sory..
الهنوف تمسح دموعها وضربت مشاري: صدق انك سخيف..ترى من جد خرعتنا ..والله كان قلبي بيوقف من الخوف.
مشاري: الحين ابي أكلمكم تسرعون ..واذا هديتوا هديت اخذ نفس..وبعدين ترجعون تسرعون..
رغد ميته من الضحك ما قدرت تتكلم..
الهنوف: بصراحه توقعناك....جني...
مشاري فقع ضحك: جني هههههههههه والله انكم مخفات..
رغد: وربي اشكالنا ههههه تموت من الضحك هههههه والهنوف تقولي اسرعي وانا اسرع معاها..هههههههه
مشاري: خلاص اهدي يا الهنوف تراك لحد الان ترتجفين..
الهنوف: اصلا بأبكي بعد شوي....
مشاري قرب منها وبحنان: ترى دموعك غاليه"وكان بيمسح دمعه واقفه على هدب عيونها"
رغد: هيه هيه ممنوع اللمس والأقتراب ..خير وينى فيه..
مشاري: انتي وش جابك اصلا..
الهنوف ثابته في مكانها من الخوف والحيا:..............
رغد: الهنوف.......الهنوف....
الهنوف: ..............
رغد: شفت جبت الصقهه لصديقتي..الله لايحللك لادنيا ولا أخره..
مشاري خاف: وش الله لا يحللك انتي بعد"ونغز الهنوف" هنوفه..
الهنوف صحت: سم..
مشاري ابتسم: ما ترد الا علي بس..
رغد: الهنوف وش فيك.
الهنوف: لالا ما فيني شي...خلونا نرجع ابي ارتاح...
رغد: يله..
وراحوا وتركوا مشاري واقف في مكانه..جاء بسرعه يلحقهم..
مشاري: خير انتي وياها صافطين علي...
رغد: الا انت وش جابك..؟
مشاري: كذا جاي اتطمن عليكم..
رغد: خلاص تطمنت..يله رح..
مشاري: يعني طرده..
رغد: ايه طرده...شوف صديقتي تعبانه ومالنا خلقك..
مشاري: عشانها بجلس معاكم..اخاف يصير شي بهنوفه..لازم اكون جنبها..
رغد: ومن متى الميانه"وتقلده" هنوفه...وبعدين لا تفاول على صديقتي..وروح عند العيال...
الهنوف ساكته ما علقت ولا بأي كلمه..
مشاري حس ان مافي امل يكلم الهنوف وفيه رغد النشبه..
مشاري/ اجل يله مع السلامه...بس ترى زعلت منك يا رغد..
رغد: شفت البحر اللي جنبي رح ارمي نفسك فيه..
مشاري: يعني ما فيك فايده..
رغد: لااااااااا..
مشاري: اجل يله سلاااام....
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
العنود مقهوره: رويم ممكن تطالعيني شوي..
ريم وهي تطالع سليمان: انتي بعدين..الين خليني اطالع القمر...
العنود بغيره: شوفي عبير وش تطالع..
ريم لفت على عبير لقتها مبتسمه وتطالع طلال..رحمت العنود وسوت نفسها ما فهمت وش تقصد العنود: وش فيها عبير...
العنود بحزن: شوفيها كيف تطالع طلال وتضحك على حركاته..
ريم: العنود...حددي موقفك الحين..
العنود عقدت حواجبها: كيف ما فهمت..
ريم: يا أنك تدافعي عن حبك..او خلي اختك تدافع عن حبها ...
العنود: وتتوقعين بأبدي نفسي على عبير..
ريم: في هذي فكري زين..
العنود: مستحيل اخلي اختي تنحرم من طلال اذا كانت تحبه..تحبه مو اعجاب..
ريم: طيب انتي عرفتي انتي..هي تحبه ولا لأ..؟
العنود: المشكله انها ما تعطيني وجه..
ريم: الله يعينك يا العنود..
العنود وهي تناظر اختها: امين...
وقعدوا شوي ساكتين..وكل وحده لاهيه في تفكيرها..جاء وليد ومعاه تركي وسليمان...
وليد: ياهووووه نحن هنا..
العنود:هاه...هلا وليد..
وليد مستغرب: رويم وش مسويه بأختي...
ريم كانت لاهيه توزع ابتسامات مع سليمان...
وليد: رويـــــــــم..
ريم لفت عليه مكشره: نعم...
وليد: وش فيها اختي وش مسويه فيها..
ريم ناظرت العنود بعدين رجعت تناظر وليد: وش دراني عنها...
تركي: اكيد انك مهبله فيها ومطلعه ريحتها..
ريم: ممكن اعرف بكم القطيه...
سليمان: مســـــــكين تفشــــل..
تركي: ما راح ارد عليك لان مستواي عالي..
ريم: مالت عليك وعلى مستواك..
وليد: لا جد جد ريم وش فيها العنود..
ريم :شوفها قدامك اسألها...
وليد جلس جنب العنود وهو مستغرب حالتها اول مره يشوفها كذا: العنود...فيك شي..
العنود: لا ..مافيني شي...
وليد: لا اسلوبك المؤدب يدل ان فيك شي..
العنود بتعب: وليد بليز اتركني لحالي شوي...
وليد: العنود انا اخوك قولي لي وش اللي مضايقك..
العنود رفعت راسها وطالعت بوليد وعيونها مليانه دموع...من حبت طلال والدموع صارت معها دايما: وليد اذا تحبني وتخاف علي اتركني لحالي..
وليد يطالع في عيون العنود منصدم ومسك وجهها: العنود.....انتي تبكين...؟
العنود ما صدقت على الله ان احد حن عليها وعلى طول رمت نفسها في حضن اخوها..الموقف كان مؤثر على الجميع..عبير صحت من اللي كانت فيه وانتهبهت لاختها اللي لاهيه عنها بطلال وتدري ان دموع العنود مستحيل تنزل على شي الا شديد وقوي..
ريم حست بتأنيب الضمير لان العنود جنبهاوضايق صدرها وهي تدري وما حاولت تخفف عنها لانها لاهيه مع سليمان..
العنود تبكي بصوت عالي وتشاهق: وليد خلاص تعبت والله تعبت..
وليد وهو مازال مصدوم: من أيش تعبتي...
العنود: من كل شي...من كل شي...
وليد: انتي اهدي واذكري الله...
العنود اخذت نفس: لا اله الا الله...
وليد وبعد وجهها عن صدره ومسكها من اكتافها: والحين قولي لي وش فيك؟؟ ...ولا تبين نروح مكان بعيد..
سليمان وتركي يطالعون بعض مصدومين ما توقعوا ردة فعل العنود بهذا الشكل..
العنود مسحت دموعها: لالا ما يحتاج..خلاص الحين انا زينه...
عبيرمسكت ايد العنود: العنود قلبي الحين اهدي وبعدين نتفاهم..
في نفس الوقت وصل مشاري وبعده بعشر دقايق وصلت رغد والهنوف..وشافوا الكل مجتمع..
رغد دخلت من بين الزحمه: العنود!!!!!...وش فيك يا قلبي..
العنود ابتسمت: لهدرجه انا مهمه...
دخلت الهنوف: عنوده قلبي وش فيك تبكين؟؟؟
عبير: عرفتي غلاك الحين ارتحتي..
العنود تضحك من بين دموعها: ليه غيرانه..
عبير تبوس اختها: فديتك والله..تهبلين ووجهك احمر من الصياح..ابكي كل يوم..
العنود ضربتها: نذله...
ريم تضحك: طالعه عليك....
رغد حست ان في احد يطالعها مو شخص واحد...شخصين وما ودها ترفع راسها وتنصدم..
الهنوف حست فيها: يله يا عيال انقشعوا"مصطلح جديد لي انقلعوا"..عنا خلونا ناخذ راحتنا..
رغد طالعت الهنوف بنظرة شكر وحمدت ربها ان عندها صديقه مثل الهنوف..
وليد: رغد...وين كنتي من شوي؟؟
رغد هذا اللي كانت خايفه منه..طالعته وبعدها طالعت تركي اللي جنبه وبعدين رجعت تطالع وليد...
رغد: رحت اتمشى انا والهنوف...
وليد: اهااا...
تركي عامل حاله مو مهمتم للموضوع ابدا ..ومن داخل يغلي..عارف ان وليد قاصد الحركه بس ما يقدر يقول شي...
جاء طلال لانه شاف العيال طولوها وهي قصيره..
قرب منهم: وينكم؟؟؟...ساعه....وش فيكم؟؟؟؟
وليد: أي سؤال تبيني اجاوب عليه...
طلال ابتسم: ولا واحد ههههه لا جد وش فيكم وطالع في وجيه الكل واخر وحده العنود..
طلال: العنود وش فيك....مين زعلها؟؟
العنود في نفسها" هو في غيرك يفرحني ويضايقني..يبكيني ويضحكني..انت يا طلال انت"...
ريم: ما فيها شي دلع بنات..
عبير تغني: ترى كل هذا يا روحي دلع بنات...
العنود لفت عليها معصبه ليش تغني لطلال..بس عبير عقدت حواجبها ما فهمت ليش هي معصبه..
ريم خافت ان الوضع يسوء اكثر: ياهوه...ياعيال خلاص عاد ما تنعطون وجه...فكونا شوي...
طلال بجد: ريم تعالي شوي..
العنود تأشر لريم لا تروحين..بس ريم ما تقدر تقول لطلال لا ..وراحت معاه..
سليمان في اللحظه هذي عصب ورجع هو وتركي اللي موصله معاه داخل الشاليه..
طلال: وش فيها العنود بسرعه تكلمي...
ريم: وانا وش دراني...
طلال: ريم مو علي هالحركات..ماتمشي علي..قولي وش فيها العنود...
ريم: وش تبي تعرف انت....
طلال: ابي اعرف وش فيها بنت خالي...
ريم: ضايق صدرها شوي...بس هذي السالفه...
طلال: وش اللي مضايقها..
ريم: حركات بنات مالك فيها...
طلال: العنود ماهي من هالنوع اللي يبكي على توافه الامور.."وطالع قدام ويكمل"العنود كبيره بعقلها..كبيره بتفكيرها...انسانه غريبه..مضحيه حنونه قويه..كل شي فيها...
ريم منصدمه من كلام طلال: ايوه...وش بعد..
طلال يكمل: بصراحه اكتشف فيها اشياء حلوه نادر ما تكون في بنت..اول كنت ماخذ فكره عنها بس الحين الايام بينت لي ان الشكل يختلف عن المحتوى...شفت بعيونها الحزن قريته بعيوني وحسيت فيه...بس ما عرفت وش سببه..والحين ابي اعرفه...
ريم زادت حيرتها...معقوله طلال يحب لعنود...وعبير وين راحت...
ريم: بصراحه يا طلال ما اقدر اقوله لك...هو شي خاص فيها...اذا حاب تعرفه روح اسألها بنفسك وهي تجاوبك..اما انا اقولك اسمح لي يا طلال.. ما اقدر اقول ولا حرف..
طلال: طيب اقدر انا اساعدها..
ريم بتفكير: اممم..ممكن..
طلال: اجل قولي لها ان طلال يبي يشوفك الليله في صالة الفندق اوكي...
ريم بفرح: اوكي..
ورجعت لعند العنود..
العنود: وش يبي منك...
ريم وهي تطالع عبير: يبيني في موضوع خاص مالك شغل فيه"وغمزت لعنود"
العنود فهمت: اوكيه براحتك..
عبير: لا وش براحتها قولي لنا...
ريم: في الحلم يا ماما في الحلم..
رغد: اقول بنات خلونا نروح عند فجر ونهبل فيها.
ريم: غربيه رغد تهبل في فجر..
رغد: بصراحه ودي اضحك شوي..
البنات: يله...
راحوا لعند فجر حصولها قاعده مع فيصل وتسولف..
فجر: فصول خلاص قلت لك سوري...
فيص: سوري!!..وش اسوي فيها....
فجر: طيب وشلون اراضيك..
فيصل: جزاء لك لانك ما خليتني اشوفك نص يوم تجلسين معاي من الحين لما نرجع الفندق وتسوين اللي بقوله لك..
فجر خافت ما تدري وش ممكن يقول لها لانه متهور: شوف حبيبي..باجلس معاك اوكي..بس اسوي اللي تقوله على حسب..
فيصل: طيب معليش راضي..
فجر: هههه ايوه هذا فصول الشاطر.."وصارت تغني"
اللي بيسمع كلمة خطيبته شو بنؤله..
فيصل: شاطر...شاطر..
فجر: هههه فديتك والله...
فيصل: والله انا اللي فداك..
فجر: صوصو حبيبي..
فيصل مستغرب: صوصو...وش هذي...
فجر: هذا النك نيم الجديد لك...عجبك؟؟
فيصل: اكيد يا قلبي كل شي منك سكر وعسل ويخبل بعد..
فجر: تسلم لي والله...اقول صوصو ما عندك قصيده جديده ولا كم بيت جديدين..
فيصل: لعيونك ازرع قصيده..
فجر: تزرع قصيده!! ههههه يله قول..
فيصل: امممم عندي خاطره حلوه ينفع.
فجر: كل شي منك حلو يا بعد عمري انت...
فيصل: أجل اسمعي..
حطيني لرمشك هدب...او نومتك بعد التعب..
خليني فكرك لا شرد..خليني مهما اكون بس بحياتك للأبد...
خليني شمسك بالوجود..خليني همسك والحدود..تدري خليني سهر اداعبك للفجر..احاكي رمشك واقول اهواك يا كل العمر...خذني نغم..غنه على عذب الاحساس..خذني دوى للجرح لا صار دامي...خذني رساله حب لا هب نسناس واطرق حديد الحب لا صار حامي..مدري لحالي صرت ما بين الاقواس ولا معي عشرة اسامي...
فجر: تسلم..تسلم يا بعد كلي والله...والله وحدك..وحدك مو عشره..انت الاول والاخير والله..
فيصل: ممكن اقول شي...
فجر: قل يا بعد عمري..
فيصل يصارخ: احـــــــــــــبــــــــــــــــــك...
فجر تضحك: اوووووش فضحتني عند امي واخواني..
فيصل: زوجتي حلالي..
فجر: بس استحي..
فيصل: وانا ما ذوبني الا هالحيا..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
العنود: شوفيهم حرام نخرب عليهم..
عبير: العنود شكلها بكت ودموعها غسلت الذاكره عندها..
ريم: هاه وش رايكم نخرب عليهم ولا لأ..
رغد: انا عن نفسي هونت..
وسمعوا صرخة فيصل..
الهنوف: لالا حرام عليكم عايشين الجو..
العنود عناد: لا الحين نخرب عليها ..احسن تستاهل هالمراهقه فجير..
ريم معها: يله يا العنود..
عبير: وانا معاكم..
رغد: انا مالي دخل فيكم..
الهنوف: ولا انا..
ريم: ما عليكم منهم خلونا نروح.."وراحوا عندهم"
العنود ورى فيصل:احلف بقوه ونصدق..
لفوا عليهم فيصل وفجر..فجر استحت منهم..
فيصل: وش تبين انتي وياها الحين..
عبير: نبي فجر..
ريم: بنت عمتنا..
فيصل: احلفي انتي وياها..وما حلت بعيونكم الا يوم صارت معي..
ريم: والله كيفنا..بنت عمتنا ونبيها الحين..
العنود: الحين..الحين..
عبير: يعني الان..والانجليزي..NOW..
فيصل : وبالسيلاني وشي..
ريم: الحين بالغصب..
فيصل: واذا ما عطيتكم اياها وش بتسون..
العنود: الله يطول في عز وزارة الماليه..
فيصل ما فهم بس فجر فاهمه..
فجر: خلاص صوصو بكره اشوفك او بأخر الليل ..
عبير: صوصو بعد...ما يستاهل الدلع فيصلوه ويخب عليه..
فيصل: الحين انتوا حاطين روسكم براسي ليه..
العنود: اذا جاء عرسك..حلال عليك بس الحين هي ما بعد صارت من املاكك عشان تصك عليها..
فجر: خلاص صوصو مثل ما تفقنا..
فيصل: بس يا فجر...
فجر قاطعته: فصول ما عليه بيبي بعدين..
ريم: بعد بيبي..
فجر موصله معاها منهم بس ما حبت تبين عند فيصل..
فيصل بأنكسار: اوكي براحتك...بااااي..
فجر: بااااااي..
وراح فيصل داخل الشاليه مع العيال..
فجر على طول صرخت: خير نعم وش تبون..
العنود: انتي ما تستحين يا المراهقه على وجهك مسويه جولييت زمانك...
عبير: ولا روميوا الثاني يصرخ" وتقلده" احبـــــــــك..
ريم: وبعد تدلعه صوصو وتناديه بيبي..
فجر معصبه: وانتوا وش عليكم مني..انا وزجي حريين..
العنود: من قاله ..من قال انكم حريين..اهالينا موصينا عليكم.
عبير: قالوا راقبوهم..
ريم: وتابعوهم..
العنود: وانتبهوا عليهم..
فجر تكتفت: قولوا قسم واصدقكم..اهلي موصينكم انتم..ليه خصلوا البنات..
العنود: وش قصدك..
عبير: احنا موبنات..
ريم: ولا ما ملينا عينك..
فجر: تصدقون كأنكم في مسرحيه وكل وحده تقول دورها...خير وش تبون مني الحين..فيصل وراح وش تبون..
العنود: اجلسي معانا..
عبير: وسولفي معانا..
ريم: واضحكي معانا..
فجر: مالت عليكم.الا انهبل معاكم.بروح عند بدور انا ما اقعد الا مع متزوجات..حريم عاقلات مو مراهقات..
العنود: كيفك..بس فيصل لا..
عبير: انسي..
ريم: ما دامنا موجودين..
فجر بتنفجر: هالمره بس سكت المره الثانيه بخلي فيصل يوصلكم الرياض على طول..
وبعدها راحت فجر مقهوره وجلست جنب بدور وصارت تشكي لها الحال...والبنات راوحوا عند رغد والهنوف يضحكون..
رغد: ارتاحتوا الحين..
الثلاثه: ايوه..
الهنوف : حرام عليكم...
الثلاثه: تحرم عليك عيشتك..
رغد: كأنهم في مدرسه..
الثلاثه: شكراً يا ابله..
الهنوف:انهبلتوا..؟
الثلاثه:لا استخفينا...
رغد: الهنوف قومي واللي يعافيك قبل لا يجي قلبي شي بسبتهم..
الهنوف يله يله صدق مجانين..
الثلاثه: طالعين عليك..
وراحوا رغد والهنوف..
والثلاثه ما توا ضحك على طول..
العنود:آآآآه يا قلبي والله هبلنا فيهم..
عبير: ههههه اما فيصل مسكين طلعنا له قرون..
ريم: هههه فجر ههههههه فجر مسكينه وصلت معاها..
العنود: الحين وش نسوي..
عبير: خلينا نروح نطفر الامهات..
ريم: يله.
العنود: يله..
وراحوا عند الامهات وطلعوا الشيب في راسهم لما دخلوا الشاليه...وبعد\ها دخل الكل للشاليه وقعدو فيه لما طلعت الشمس و رجعوا للفندق..
قالت ريم للعنود عن طلال بس العنود طنشت طلال وما ودها تقابله ما تدري ليش....ونام الكل على طول...
في اليوم اللي بعده حصل مثل كل يوم من الظهر لما المغرب سوق..في السوق حاول طلال يقابل العنود بس العنود ما عطته فرصه..سليمان منقهر من ريم كيف راحت مع طلال وليش ما قالت له ما اقدر...
تركي ماكان زعلان من رغد بس منقهر من وليد ولا يدري وش يسوي فيه وفي رغد اللي ما يدري هي تحبه ولا لأ..
مرت ايام دبي سريعه...راحوا لكل مكان فيها..راحوا كمان لابو ظبي يوم واحد ورجعوا لدبي مره ثانيه..ما خلوا مجمع ما راحوا له...ما خلوا مهرجان ما حظروه ..ما بقوا حاره ما دخلوا فيها..كانوا يستهبلون ويستعرضون ويضحكون ويبكون ويفرحون ويحزنون مع بعض..
هذي هي حياتهم ما يتم شي على حاله..
بس في شي وده اذكره حلو في سفرتهم..او موقف معهم..
مره كانوا ماشين بسيارتهم الجمس فيه مشاري مع ماجد والبنات والعيال البايقين في سياراتهم الصغار الكسزس والمرسيدس كلهم موديل 2007..وكانوا رافعين على صوت المسجل اغنية بنت السعوديه .ومفتحين الشبابيك..ويرقصون ويستهبلون على انغمها...

والبنات اللي برى يطالعون فيهم مكشرين ومروا من عند شلة عيال خلجين كشوا عيلهم وقالوا بصوت عالي ووووووع مالت علهيم..
بصراحه انقهروا البنات كثير ..بس اللي فرحهم مروا من عند بنات إمراتيات وأشروا لهم وانبسطوا..
وفي عيال سعوديين يصفقون لهم..
كان بجد يوم لا ينسى وكان اكيد مسجل في كاميرا رغد اللي مصوره تقريبا كل شي..
احب ابشركم بموضوع بدور ..خلوني اقول لكم وش صار..
تتذكرون اليوم اللي كلم ماجد فيه فواز بعدها اجتمع مع عبير والعنود ورغد وريم..
ماجد: وهذي السالفه من طق طق للسلام عليكم..
عبير: يا عمري يا فواز..واحنا ظلمناك..
العنود: بس غلطان..ما لقى غير هذا الحل..
ريم: يمكن ما فكر كثير بالنتايج..
رغد: بس الحمد لله اهم شي عرفنا وش السالفه...عشان نحلها بأسرع وقت..
ماجد: ترى فواز مستعد يصلح غلطته..
رغد: لا اجل سهل علينا السالفه..
العنود: وش بتسوين الحين...
رغد: نجمع فواز وبدور ونخليهم يتفاهمون على راحتهم..
عبير: الها وناسه واحنا نحظر معاهم..
رغد: بصراحه خلصت التذاكر ما في الا لشخصين..اللي هم فواز وبدور وبس..
ريم: يعني بيفوتنا الفلم الهندي اللي بيصير...
العنود: الا قولي الفلم المكسيكي...
عبير: يا الوسخه استحي على وجهك...
ماجد كاتم ضحكته بس مسوي حازم: احم احم..تراني ما زلت موجود..
البنات استحوا على وجيهم..
ماجد وهو قايم: خلوا عنكم اللقافه...وخلوا الناس في حالها..كفايه فيصل..
العنود: ليه شكى لك...
ماجد: اصلا في احد ما شكى منكم..امي وهي امي تشتكي...
عبير: ما سوينا شي هم يحبون يبالغون..
ماجد: خلي امي على جنب...ابوي بنفسه مشتكي منكم..
ريم: ههههه استحوا على وجيهكم ..عيب اللي تسوونه والله عيب..
ماجد: عاد من تكلم مصرقعة الشله..ترى انتي اولهم..عمي بس يتشكى منك ومن طلباتك"ويقلدها" بابا نبي نجلس 15 يوم بابا...انتي حدك يومين وترجعين ويالله بعد..
رغد: والله حشرتهم..ماعاد تكلموا..
الثلاثه طالعوها بتهديد.
رغد: لالا امزح امزح..
ماجد: يله سلام وقولوا وش اتفقتوا عليه اوكيه..
رغد: اوكيه...
ريم: جعلك تطيح وتنكسر ايدك ا نشا الله..
عبير: جعل ابوي يهزئك في عزيمه ا نشا الله..
العنود: جعلك تكب على واحد من المعازيم فنجان قهوه وتتفشل..
الثلاثه: اميــــــــن...
رغد: يا الله يا انكم نحيسين بشكل مو طبيعي..
ريم: احسن..اجل يهزئنا ونسكت...
رغد: كان قلتي هالكلام في وجهه..
ريم: كنت بقول بس احترمت نفسي ولأول مره..
رغد: والله الخوف..
العنود: فكينا منه الحين..متى نحدد موعد غرامي لهم..
رغد: وش رايكم بكره الساعه تسعه بالليل...
الثلاثه: حلو...
رغد: اوكيه..يله العنود اتصلي على ماجد وقولي له يقول لفواز بكره الساعه تسعه..
العنود: وليش المشوره اتصل على فواز على طول..
رغد: يا الغبيه كأنك ما تدرين وش السالفه..
العنو تضرب راسها بخفيف: ايوه صح نسيت"واتصلت"
العنود: الوو اسمع من الاخير ..ماودي اتكلم معاك لانك ما تستاهل تسمع صوتي الشجي..اسمعني قول لفواز يقابل حرمته الساعه تسعه بكره بالليل .وبكره بنحدد المكان اوكي باي ..لالا هونت مو باي وسكرت السماعه في وجهه بدون ما تسمع منه كلمه..
ريم: حشى.. حشى ولا مسجل حاطينه على السريع..كم قلتي من كلمه في الجزء من الثانيه.
العنود تقرص خد ريم: قولي مشا الله جعل عيونك البط قولي امين....
ريم: آآآآه وجع يا الدوبه..حشى حديد مو اصابع..
العنود تصارخ: قولي مشا الله...
ريم: ما شا الله اذتنا من زينها عشان ننضلها...
رغد: خلاص خلاص هدو هدوووو..
عبير: هذولا ما ينفع معاهم الا وليد ولا ما يسكتون..
ريم: لا تجبين طاريه ترى يجيني غثيان..
العنود: وانا يجيني اكتئاب حاد ومزمن بعد....

المهم اقول لكم وش صار بعدين جات الساعه المنتظره..وتقابلوا فواز مع بدور في جو رومانسي من بعد شهور على هالجو...راحوا لمطعم مرره رومانسي"للعشاق"
فواز سحب كرسي لبدور وجلست فيه..وهي ميته حيا من فواز..
وجلس فواز قبالها ..ويحس انه متحسف على الايام اللي راحت من غبائه..
فواز: وش تشربين يا قلبي...
بدور في نفسها" يا قلبي من جد وحشتني هالكلمه": أي شي..
فواز: أي شي نفس الكلمه ما تتغير...طيب راح اطلب لك على ذوقي..
ونادى الجرسون وطلب...بعد لحظة سكون بدى فواز بالكلام..
فواز: بدور..اكيد في راسك الف سؤال وسؤال ..ليش انا عازمك وليش متغير ليش وليش صح..
بدور هزت راسها بالإيجاب:صح..
فواز: بصراحه انا ماني عارف كيف ابدا..بس حاب ابدأ من البدايه...عندك استعداد تسمعيني وبعدها نفتح صفحه جديده مهما كان اللي بقوله لك..
بدور: اوعدك...
فواز: بصراحه يا بدور انا................وكمل السالفه لبدور..نفس الكلام اللي قاله لماجد مع زيادات ما قالها لماجد ولا يقدر يقولها الا لبدور نفسها..
بدور في البدايه تفاجأت من عذره في طريقة تعامله معاها يعني في الف طريقه وطريقه واقلها واسهلها صارحها باللي يبيه..بس بعدين تفهمت موقفه انه ما حب يحرجها ويقول ان طريقتك ما عجبتني.صارت تسمع فواز وعيونها مليانه دموع بس دموع فرح.اهم شي عندها رضى فواز عليها..بتسوي الي يبيه لو يطلب المستحيل.لانها جربت قربه وجربت بعده..وكانت ناربعده تكويها فا ما حبت تجربها مره ثانيه...قررت في ذاتها انها تحاول تغير نفسها اول شي لفواز وثاني شي لنفسها وثالث شي لعيالها..
اتفقوا على كل شي وختموها بقلبة زوجين...
فواز: وش رايك نسوي شهر عسل ثاني..
بدور: على راحتك..
فواز: رجعنا...
بدور ضحكت: لالا خلاص...خلاص موافقه..
فواز: وين حابه تروحين..
بدور ودها تقول أي مكان بس خافت يعصب: وش رايك نروح ايطاليا وبالذات روما مدينة العشاق..
فواز: هههه تهبلين ورايك كمان يهبل عليك..اعرفك ذوق..
بدور حمرت خدودها: هههه تسلم..
فواز: لحد الان تستحين...
بدور: فواز خلاص...
فواز: يا قلبي وشلون قدرت تترك هالقمر....
************************************************** ******************************************
حبي لك...
حبي لك.. هو الكلام الذي ينطقه لساني فيصبح اغاني...
حبي لك..هو الحروف التي يخطفها قلبي ليعبر عما اعاني.
حبي لك...هو الاحساس الدافئ الذي احسه قلبي..واشعل النيران في وجداني..
حبي لك..هو الشوق الذي يحتويني..هو الحنين الذي يمتلكني..هو الماء الذي يرويني..هو وله روحي..
فحبي لك..ينمو بداخلي ولن يفارقني حتى مماتي فدعني اتحلى بحبك حتى اشد اللحظات..
لان حبي لك..هو اجمل ما في الحياة..
احبــــــــــك.....
************************************************** ******************************************
وقبل لااختم نهاية رحلتهم اللي عاشوا فيها كل الحالات..من امل ويأس.لقاء وفراق..حب وكره..حزن وفرح..كل الحالات عاشوها ابطالنا من اكبرهم الى اصغرهم..
بس احب اذكر اخر يوم لهم في دبي..اللي هو اليوم العاشر وكان الوقت المغرب...
رغد خانفقتها العبره: بصراحه تعودنا على الامارات وجوها...
الهنوف: وعلى ايامها..بصراحه تعودت عليكم..كل يوم اصبح بيوجيهكم...
ريم: تكفون لا تذكروني ولا بأبكي الحين..وخصوصا كل ما تذكر ان رحلتنا بعد ساعه..
نوف وشجون ومها يبكون وهم حاضنين بعض..
مها: والله بفقدكم..
نوف: واحنا كمان..
شجون: لا تقطعين فينا تعالي لنا كل يوم...
مها: ابشروا..
العنود: يا لليل اللي يسمعهم ويشوفهم يقول ما كأنهم بيركبون طياره وحده...
فجر: وش عليك منهم..
عبير: حشر مع الناس عيد...
اخذوا شناطهم واغراضهم وودعوا السويت حقهم...بعدها جاوا العيال واخذوا شناطهم وركبوها السياره...وطلعوا من الفندق وعيونهم متعلقه فيه..وصاورا يشفون كل مكان مروا من عنده ويتذكرون مواقفهم في كل مكان ويودعونه..
مشاري كان يسوق وما يسمع الا صياح..
مشاري: ان لله وانا له لراجعون..خير من مات...
رغد وهي تبكي: محد مات..
مشاري: اجل ليه تبكون..
ريم: بنودع ايام الفله الوناسه ونرجع لجوا الهم والكائبه ..
مشاري: الحمد لله والشكر بس..بالاجازه الصيفيه..صيفوا هنا...
رغد: بس وش يضمن نكون مع بعض...
مشاري بأبتسامه: انا اضمن لك ان الهنوف تكون معاك..
الهنوف انصدمت: أيــــش؟؟؟
مشاري يطالعها من المرايه: اقول اضمن انك الصيفيه تكونين معانا..
الهنوف فهمت قصده وسكتت..
رغد تطالعهم: خير وش السالفه..
مشاري يصرفها: انتي مو كنتي تبكين يله كملي...
ريم: عاد يا رغد ما يبي لها ذكاء..
العنود وعبير: واضحـــــــه..
الهنوف ذابت من الحيا عشان البنات فهموا قصد مشاري..
رغد ابتسمت: مبروك مقدما..
الهنوف تصرخ من الحيا: رغــــــد صدق انك سخيفه..
مشاري: هنوفه لا تصارخين تراني اخاف على احبالك الصوتيه لا تتعب..
الهنوف سكتت وودها ترميهم كلهم في الشارع وتفتك...
وصلوا مطار دبي وبعد ربع ساعه انتظار طلعوا للطياره..وجلس كل واحد مكانه..بس تغير ان فجر جالسه مع فيصل هالمره..وعبير ماخذه مكانه جنب العنود وريم..والعيال قدامهم...
ريم كان ودها تقوم وتشوف سليمان..خمس ايام ماعطها وجه ليش ماتدري حاولت معه بس ماعطاها وجه ..
ريم تهمس للعنود عشان ما تسمعها عبير مع انها كانت نايمه:العنود دبيريني..ابي اشوف سليمان..
العنود: هو مايبيك وش اسوي افيك..
ريم: لازم اتفاهم معاه ما يصير كذا...
العنود: مو انتي معاك رقمه دزي له مسج وقولي له ودك تتفاهمين معاه وشوفي وش يقول لك..
ريم: هذا رايك؟؟
العنود: والله هذا اللي عندي...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
سليمان: انا غبي يوم اني ما كلمتها..
تركي: ناس تتغلى وناس بتموت عشان تحاكيهم..
سليمان: تقصد رغد..
تركي: ليه فيه غيرها في حياتي معذبني..
سليمان: وش فيها بعد..
تركي: خمس ايام ساحبه علي حتى على وليد ماتحاكيه..
سليمان: والله بعد حالتك صعبه ما تقل عن حالتي..
تركي: على الاقل انت ضامن انها تحبك ومحد يشاركك فيها..وينغص عليك عيشتك..مثل وليدوه النشبه..
سليمان: أي والله..الحمدلله...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
ريم بتطلع موبيلها..
ريم: صح يا الخبله ممنوع الموبايلات وشلون ادز له مسج..
العنود: صح نسيت..
ريم: ما علي منك دبيريني..
العنود: امممم ..شوفي انتي روحي دورة المياه(الله يكرمكم) اذا يبي يكلمك بيلحقك واذا ما يبي ما راح يلحقك..
ريم: وش يضمن لي انه يحلقني..
العنود: هذي عاد ما فيها ضمانات..حضك ونصيبك..
ريم قامت: ادعي لي..
العنود: يارب...
ريم مرت من عند سليمان...سليمان عرفها قبل لا تجي من ريحة عطرها..وابتسم لما شافها..
سليمان متشقق: تروك شوف ريم..
تركي يستهبل:احلف بقوووووه..
سليمان طايرمن الفرحه: والله والله ريم..
تركي: رح بسرعه قبل لاتطير منك..
سليمان قام على طول ولحقها..
تركي: تعال انت هيه...ههههههه خبل ما صدق على الله احد نغزه..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
ريم في داخلها تدعي ان سليمان يجي بعدها...وفعلا ربي استجاب دعوتها على طول..جاء سليمان وهو مبتسم..
ر يم ردت الابتسامه: اهلين سلوم..
سليمان يطالعها ومشتاق لها: هههه اهلين رورو..
ريم: طيب ليش تضحك...
سليمان: هههههههه..
ريم: سلووووم...ليش تضحك؟؟
سليمان يحاول يسكت: احم..لاني...لاني اشتقت لك..
ريم فرحت: جد اشتقت لي..
سليمان يتسعبط: مثل ما اشتاق لاختي مها..
ريم ضحكت من قلب تدري ان سليمان يستهبل: هههه حتى انا اشتقت لك مثل ما اشتاق لمشاري اخوي..
سليمان: اهم شي مثل اخوك..
ريم بجد: سليمان خلنا من الهبال الحين..."وحطت ايدها على خصرها" ليش كنت تتجنبني في دبي..
سليمان: تبين الصدق ولا ولد عمه.
ريم: لا الصدق..
سليمان: بصراحه زعلان منك يوم تروحين مع طلال لما كنا بالشاليه..
ريم ابتسمت: بس هذا اللي مزعل سلومي..
سليمان يسوي نفسه بزر: ايه...انا ما احبك..
ريم: هههه تهبل وانت كذا..خلك ابي اصورك..
سليمان تعدل: مجنونه انتي اعقلي بس...
ريم: ليه ما خليتني اصورك..
سليمان:صوريني كذا..
ريم: يله سلوم تشيييييييز..
سليمان ابتسم واول ما ضغطت الزر حق الكاميرا سوى نفسه وكأنه يبوس احد<<فهمتوا الحركه..
ريم تطالع الصوره واستحت: شفت خربت الصوره انت وجههك..
سليمان: هذي من اخو لاخته..
ريم: يسلموووو
سليمان: يله روحي ارجعي مكانك عشان ارجع بعدك..
ريم: اوكيه باي..
سليمان: باي...
ورجعت ريم غير عن ريم اللي راحت..رجعت ريم قلبها يرفرف بالحب والدنيا من حولها مو سايعتها وكل شي بعيونها حلو..وجلست مكانها..
العنود: وجهك يبشر..
ريم مدت ايدها: كفك..
وصقعت ايد العنود...
العنود: ههههههه يا حليلك يا بنت عمي يله قولي لي وش صار..
قالت ريم وش صار للعنود وجلسوا يضحكون على الصوره..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
الهنوف: اثنينهم مره وحده..
رغد: ايوه ما بيهم اثنينهم..
الهنوف: هههههه مره وحده..
رغد ابتسمت لانها تدري اللي تقوله كلام صعب تنفيذه: ههه شفتي عاد..
الهنوف: انا اقول خذي طلال وفكي عمرك..
رغد: كان اصير بالمقبره..
الهنوف: ليش؟؟؟
رغد: عليه طلبيه ومعجباته كثار...
الهنوف: بجد....
رغد: ايوه..دوري غيره..
الهنوف: خذي ولد خالي..
رغد: والله فكره...تصدقين ماهي شينه..
الهنوف: كان يقرا على نفسه الفاتحه لان اخرته بتكون على ايدين تركي..
رغد: تصدقين يا الهنوف اني اكتشفت ان وليد وتركي عندهم حب تملك فضيع..
الهنوف: تركي اخوي ايوه عنده حب التملك بس وليد ما ادري عنه..
رغد: نفس تركي بالضبط..
الهنوف: ما اقول الا الهع يستر..ما ادري وش بيصير.
رغد: ايه والله..الله يستر...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
مشعل من لما جلس مع محمد وخلاه يقلب على لين 190 درجه..ما عاد صار يعطيها وجه..صح يحبها بس يحس انه مل منها 24 ساعه في وجهه..كانت جالسه معاهم هالمره..بس محمد في الوسط..
لين: مشعل تتذكر يوم كنا.......
يقطع عليها محمد: اقول ابو عبد العزيز وش اخبار الشله..
مشعل: والله تمام..
لين: مشعل كنت اقول تتذكر يوم...
وقطع عليها مره ثانيه محمد: اقول لين نادي المضيفه...
لين خانقتها العبره: نادها انت...
مشعل: هالمره دورك عشان ما تعصب علينا...
لين: طيب عشانك بس ..."ونادتها.."
المضيفه: امري..
لين: يله تكلموا..
محمد يتميلح: احم احم ..وش عندكم يا حلوه..
المضيفه: اللي بدك ياه ..بتأمر شي...
مشعل: تسلم عيونك..نأمر بثلاثه كابتشينوا..
محمد: مين الثالث..؟
مشعل: لين..
محمد: لين شبعانه ما يحتاج..جيبي اثنين بس...
وراحت المضيفه...
لين: على كيفك انت..
محمد: اجل على كيفك..
لين تطالع مشعل بترجي: شعول بليز حط حد للمهزله للي يصير..
مشعل سكت ما يقدر يقول شي لمحمد صديقه ولا يقدر يقول لين شي فا سكت ازين له...
لين: تكلم ليش ساكت...
محمد: ليه تحسبينه يمشي ورى كلام الحريم..ما بقى الاهي..
لين: محمد تصدق انك انذل واحد مر علي بحياتي..
محمد: احفلي بقوه واصدقك..بصراحه اثرتي فيني..
لين: انا اتكلم معاك من جد..
محمد: وانا اتكلم معاك من خال...اقول روحي زين..اخبر اللي كبرك يجلسون مع البنات مو العيال..
لين بتبكي: محمد بليز اسكت عني..
مشعل رحمها: محمد خلاص خلها في حالها حرام عليك..
محمد: لا تهزك هذي هي ودموعها...دموع البقر..
لين تصارخ: اكرهـــــــــــــــــــــك
محمد بعد يصرخ: وانا بعــــــــــــد..
مشعل قام: انا رايح تعبت منكم...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
فيصل : اقول فجوره..
فجر:..............................

" نـــــهـــــايــــــــة الـــــــــبــــــــــارت

الجــــــــــــــزء الســـــــادس والثــلاثـــون

فيصل: اقول فجوره..
فجر: هلا..
فيصل: متى ودك يكون زواجنا..؟
فجر استحت من طاري الزواج: آآآآ...ما ادري...اللي تشوفه..
فيصل ابتسم بخبث: لو علي ترجعين معاي البيت الحين..
فجر بسرعه: لالا اجل انا اللي بقرر..
فيصل بترجي: بس عاد لا تطولين...
فجر بتفكير: فستاني بعد اسبوعين راح يخلص..يمكن الاسبوع اللي بعده...بس هاه قلت يمكن..
فيصل: ثلاث اسابيع والله ماهي شينه..
فجر تبي تغير الموضوع: وش رايك احول منازل..
فيصل: والله شوفي اللي يريحك..
فجر: والله محتاره وما ادري وش اسوي..وبعد انت مستعجل..
فيصل: ما علي منك..وعلى الدراسه عادي كملي بعدين..
فجر: لا والله اهم شي دراستي..
فيصل يسوي نفسه منصدم: يعني اهم مني؟؟؟
فجر: صوصو..وانت في اهم منك يا قلبي..
فيصل: ايه اشوى احسب بعد..اقول لازم زواج وصيحه..انا اقول ارجعي معي البيت وخلصنا<<يبي ينرفزها..
فجر طالعته وبعدين طالعت قدام وما ردت عليه:.............
فيصل يقرص خدها: يا قلبي على الزعلانين..
فجر ابتسمت غصب عنها حركاته تجبرها على الابتسامه: صوصو..اعقل عني..
فيصل: فديتك والله...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
الهنوف: يا الله ماودي اخذ شهادتي ولا اعرف كم نسبتي..
رغد: حتى انا..بس مصيرنا ماخذينها ماخذينها...
الهنوف: وش رايك ندوام بكره..
رغد: على رقبيتي ادوام بكره...الا تعالي ليش ماتنامين عندي اليوم..
الهنوف: كان تروك يعطيكم الجسم وياخذ الراس...
رغد تضحك: هههههه اتخيلك بلا راس..
الهنوف:ههههه يسويها..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
نوف: الله يعيني على زواج فجر..
مها: وين راح تسوين شعرك ومكياجك..
نوف: لحد الان ما ادري...انتي وش رايك..
مها: انا اعرف وحده شغلها اوكي وش رايك نخليها تسوينا..
نوف: اكيد مضمون..
مها: تسوي لنا بروفه وانتي احكمي..
نوف: كذا حلو...واكيد شجون معانا.
مها: اكيد بعد قلبي شجونه..
نوف: مها تتذكرين اول ما ركبنا الطياره ذوليك الاثنين..
مها: الله لا يعيدها...بصراحه بغى يطيح قلبي..
نوف: هههه بس كلوا تهزيئه محترمه..
مها: ههههه احسن يستاهلون..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
شجون جالسه جنب ولد عمره حوالي 14 سنه ومسوي نفسه شي.وجنبه الخدامه او المربيه..
شجون تقرص خده: وش اسمك يا شطور..
الولد يبي يعض ايد شجون بس بسرعه بعدتها..
شجون: يمه هذا وحش مو ولد...بس ما راح اخليك...يله قل وش اسمك يا حلو انت..
الولد: واذا قلت لك اسمي وش راح تستفيدين..
شجون: راح نصير اصدقاء لما نوصل الرياض..
الولد: صدق راح نصير اصدقاء..
شجون بأبتسامه: ايوه...
الولد: اسمي فهد..
شجون: فهد..الله اسمك مره حلو..
فهد: الحلو انتي والله..
شجون خافت منه بعدين طردت هالافكار من بالها..قالت في نفسها" ولد صغير لالا صغير": طيب يا فهد بأي صف انت..
فهد: انا بثاني متوسط..
شجون: طيب حلو يعني كم عمرك..
فهد: عمري والهع ما ادري..لحظه خليني اسأل ليزا<<المربيه...
شجون: خلاص ماله داعي..طيب وش هواياتك..
فهد يفكر: اممم احب السباحه..وكرة القدم ومغازل البنات..
شجون طيرت عيونها: ومغازل البنات...؟؟؟؟؟
فهد: ايوه ..يعني اللي مثلك..
شجون خافت جد: بس انت صغير..
فهد: بس عقلي كبير..
شجون: طيب البنات يعطونك وجه...
فهد: البنت اشحني لها موبايلها واعطيها ورده بيوم ميلادها وتصير معاك كذا...
شجون وكل شوي تنصدم من شي..بعلت ريقها: وانت تسوي لهم كل هذا..
فهد: ايوه..
شجون: طيب وين اهلك..
فهد: انا وحيد امي وابوي..
شجون: ومين جاي معاك..
فهد: امي..
شجون: وينها...
فهد: لاهيه مع وحده مثلها...
شجون: كيف مثلها...
فهد: يعني businss woman..
شجون: اها..طيب وين ابوك..
فهد: بابا في باريس...
شجون: يشتغل هناك...
فهد: يشتغل ويلعب بعد..
شجون: عيب تقول عن ابوك كذا..
فهد: بس امي تقول عنه كذا..
شجون ما توقعت ان في ناس كذا...مهمله عيالها للدرجه هذي..رحمت فهد في نفس الوقت لان ماله ذنب باللي يصير هذا..وحتى باللي يسويه ماله ذنب فيه..لان اهله تاركينه على راحته..وقررت تساعده بس بطريقتها..
شجون: طيب ممكن تتقبلني كأخت لك..
فهد انبسط: اكيد..اصلا انا تمنى ان يكون عندي اخت..وبعد حلوه مثلك..
شجون"هالولد خبيث وبرئ في نفس الوقت..الله يهدي اهلك ويهديك بعد": خلاص..اتفقنا كذا..بس انا عندي شرط بسيط..
فهد: تدللي انتي...
شجون: تسمع كل كلمه اقولها لك مو انا اختك..
فهد يأشر على عيونه: من عيوني الثنتين..
شجون: عطني رقمك..
فهد: عندي رقمين أي واحد فيهم..
شجون: ما ابي حق البنات..ابي حق العائله..
فهد: اوكيه سجلي عندك********** ..
شجون: انتظر اتصالي اوكي..
فهد: اكيد..
وكملوا سوالف طوال الرحله وشجون بالمرررره متعاطفه مع الولد ..وقررت في ذاتها ما تتركه الا وهي مخلصته من تفكيره وحياته اللي عايش فيها وتخليه يعيش طبيعي..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
طلال طول الوقت مشغول بسالفة العنود..اللي لحد الان ما عرفها..مع انه حاول معاها بس هي ما عطته فرصه..بس طلال ما ستسلم وما راح يتركها لحد ما يعرف وش فيها ويكتشف سر الحزن اللي هي عايشته..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
وليد: لو خيروك بين البعيد والقريب وش راح تختار..
مشاري: اكيد القريب ليش السؤال اللي ما ادري وش محله من الاعراب..
وليد: لا يعني افرض ان جاء اختك واحد تعرفه ويقرب لك وواحد تعرفه بس ما يقرب لك وش تختار..
مشاري: انا عن نفسي.......ما راح اختار..
وليد انفعل: لــــــــيه؟؟؟؟
مشاري: لان اختي هي اللي بتختار..
وليد: اهااااااا..
مشاري: بس ليش تسأل..
وليد: واحد من الشباب محتار بين ولد عمه وصديقه..
مشاري: وش اختار..
وليد وبكل اصرار: ولد عمه اكيد..
مشاري: ما تلاحظ انك متحمس بزياده..
وليد: عشانه قهرني..لانه ما يحتاج تفكير..مفروض على طول عطاها ولد عمه..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
فواز ماسك ايد بدور ويتكلمون برومنسيه وكأنهم طيور الحب تغرد في الجو..
فواز: بدور احبك..
بدور: لا انا اللي احبك..
فواز: طيب انا اعشقك..
بدور: وانا متيمه بحبك..
فواز: وش رايك نتطلق عشان نعرف من اكثر واحد يحب الثاني..
بدور تضحك: ههه تسويها...
فواز: ما ادري عنك..قلت لك انا احبك اكثر..
بدور: خلاص ولا يهمك انا احبك كثر ما تحبني..
فواز: ههههه طيب متى ودك نسافر..
بدور: بعد اسبوع..
فواز: ولا بعد زواج فجر..
بدور: اوكيه عادي ما عندي مانع..
فواز: على بالي عندك دواس ههههه
بدور: ههه ابضحك عشانك بس..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
واخيرا لمحوا ارض الوطن...وطنا الغالي السعوديه..اللي كل شعبه يفتخر فيه ورافع الراس به...تصدقون جاني شعور ودي اكتب النشيد الوطني..فا اسموحي لي...

سارعي للمجد والعلياء ..
مجدي لخالق السماء..
وارفعي الخفاق اخضر..
يحمل النور المسطر..
رددي الله اكبر.. يا موطني..
موطني قد عشت فخر المسلمين ...
عاش المليك للعلم والوطن...

ادري بتقولون وطنيه بزياده بس ما عليه..
هبطت الطياره..لمطار السعوديه وتحديدا بالرياض...نزل كل الركاب نزلوا ابطالنا عائدين لحياتهم الطبيعيه اللي يتخللها الروتين الدائم..وبعدها راحت كل عائله لبيتها وتحديدا كل واحد على فراشه عشان ينام...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
يوم السبت اللي مفروض يكون دوام..بس عندنا غير السبت شي اكيد اجازه وغير هذا انهم لسه واصلين وتعبانين..على فكره حتى الرجال ما راحوا الشركه..
ريم بعد ما طلعت من دورة المياه(الله يكرمكم): الله يا زين غرفتي..
رغد: أي والله اشتقت لبيتنا..
ريم فتحت الدولاب وطلعت الثوب: رغد هذا وش يذكرك فيه..
رغد تطالع الثوب: هذا يذكرني بأفكارك الغبيه..
ريم : هههه يا حلو ثوب سليمان"وتشمه" ويا حلو ريحته بعد..
غد: وش اخر اخبارك معاه.
ريم: والله اخر شي يوم الصوره..
رغد منصدمه: أي صوره..؟
ريم: ما قلت لك....
رغد: وصرنا نخبي على بعض..
ريم ما اخبي ولا شي..اسمعي السالفه....
"وقالت لها السالفه"
رغد: ههههه والله انه يهبل..
ريم: حدك عاد لا تغلطين على محارمنا..
رغد: ما شاالله عليك يا ريم اخاف احسدك..
ريم: على ايش يا حظي..الا اخاف احسدك انتي ما شا الله محوشه على الكل<<تبي ترفع معنويات اختها شوي..
رغد: تكفين لا تذكريني تراني ناسيه الموضوع..
ريم: ما قررتي..
رغد: وماني مقرره حتى اشعار اخر..
ريم: هههه حلوه هذي اشعار اخر..
رغد: والله هبلوا فيني صرت اقط خيط وخيط..
ريم: صح تذكرت شي مهم..
رغد: اللي هو...؟
ريم: ترى احتمال زواج فجر قريب..
رغد: وانتي وش دراك..
ريم: شكلك نسيتي اني ريم..وبنت عمي العنود..
رغد: صح مفروض هذي ما تروح عن بالي..
ريم: وش بتسوين..؟؟
رغد : والله انا شريت فستان من هناك واذا لقيت واحد احسن منه اخذته..
ريم: وانا وش اسوي وبنات عمي وشجون بنت خالي...
رغد: والله اقترح ان نروح عند مصممه..ولا اقولك نرسل لزهير مراد وش رايك...
ريم: زهير مراد..والله فكره ماهي شينه..
رغد: اوكي ارسلي له..ونتفق معاه واتصلي على بنات عمك وشجون..
ريم: تسليمن يا قلبي على مخك الذهبي هذا..
رغد: هههه طيب يله روحي...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
ريم مسكت سماعة التليفون بدت فيهم وحده وحده واولهم العنود...
ريم: وقالت رغد نتفق مع زهير مراد..
العنود: والله رغيد ماهي سهله..
ريم: اختي اكيد راح تطلع علي..
العنود: المهم بجي عندك اليوم ونشوف اوكي..
ريم: اوكي استناك..يله باي..
العنود: باي..
&&&&&&&&&&&&&&&&&&&&&&&&&&&&&
وليد: رغد وش فيها...
العنود: وانت اذنك عندنا ليش..
وليد: انا اسألك..
العنود: وانا اقول وش لقفك..يله بس قم ودنا بيت عمي...
وليد: شايفتني حاط زيت في شعري واقول ايس فيه..هاه..
العنود: يا لليل بتوديني ولا اقول لماجد...
وليد: لا انا اللي بوديك وبالمره اسلم على عمي..
العنود بخبث: وبنات عمي بعد..
وليد: قومي البسي احسن لك لا البسك الكفن...قومي له..
العنود:زين..زين لا تصرخ"وقامت"
وليد: يارب اشوف رغد قلبي.."وقام يتكشخ"
ريم دقت الرقم وحطت السماعه في اذنها..
ريم: الووو..
فيصل: هلا..
ريم: وانا كل ما ادق ترد علي ليه..
فيصل: تبين شجون..
ريم: يعني تسكتني هاه..
فيصل: والله ما عرفنا لك...اذا صرفنها قالت تصرفني واذا عطيناها اللي تبي قالت تسكتني والله ما عرفت لك يا بنت خالتي...
ريم: اقول عطني شجون...وترى فجر تسلم عليك..
فيصل: الله يسلمها بس توني مسكر منها..
ريم: حشى ماتملون من بعض..
فيصل: لالالا لازم اليوم اروح الشيخ واقرى علي وعلى زوجتي لا يجيها شي بسبتك..
ريم: يله خلصني وعطني شجون..
فيصل: زين.."وحط السماعه"..شجون ريم تبيك على التليفون..
شجون رفعت السماعه :هلا والله وغلا..
ريم: اهلين شجونه بعد قلبي..
شجون: هلا فيك..كيفك..
ريم: مادام اللي رد علي اخوك اكيد ماني بخير...
شجون: ليش وش سوى لك..
ريم تسوي نفسها مسكينه: تخيلي يصرخ علي ويتهمني بأني بصكه بعين وانا بريئه وما سويت شي..
شجون عارفه حركات ريم بس حبت تجاريها: ما عليك منه...هين بوريك فيه..
ريم: الله يخليك لا تقصرين معاه..
شجون: ابشري عاد كل شي ولا الغاليه ريم..
ريم: ادري تسلكين لي بس حبيت اقول لك ان البنات بيجتمعون عندنا وابيك تجين معاهم..
شجون: ليه وش عندكم..
ريم: والله راح يختارون فساتين لزواج فجر..
شجون: يعني زواج اخوي..
ريم: تصدقين نسيت عاد...تستهبلين انتي ادري انه زواج اخوك اجل ولد الجيران..
شجون: خلاص خلاص لا تعصبين بأجي الحين..اوكيه باي..
ريم: باي... يالله هالبنت ترفع الضغط..خليني اتصل على فجير واشوفها واتصلت..
ريم بصوت عالي: الووووووووووووووو..
نوف: أي اذني...رويم بشويش على اذني يا المصرقعه..
ريم: ههه معليش تحمست..
نوف: مره ثانيه لاتحمسين..
ريم: كيفك وكيف العروسه المراهقه..
نوف: انا تمام..والعروسه توها مسكره من المواهق..
ريم: ايه ادري..
نوف منصدمه: وش دراك..
ريم: لا تنسين معاك ريم على سن ورمح..
نوف: هههه عاد هذي غابت عن بالي..
ريم: مانقبل الا عذر طبي..
نوف: ههه الله يرجك..وش عندك متصله..
ريم بعربجيه: متصله اعزمك انتي واختك في بيتنا..
نوف: ما تعرفين اسلوب ارقى من كذا....
ريم: لا والله ما اعرف ما بعد حصلي الشرف.المهم تعالوا اوكيه..
نوف: بشوف طلال..
ريم: دبري عمرك ولازم تجين اوكي..
نوف: اوكي باي..
ريم: باي...
واتصلت على مها والهنوف وعزمتهم وبعدها راحت تبدل ملابسها..
دخلت الغرفه حصلت رغد تحط اخر لمسات الميك اب حقها ..الخفيف المكون من كحل وجلوس وبلاشر..
رغد وهي تطالع نفسها بالمرايه كا نظره اخيره: دقيتي عليهم..
ريم: ايوه كلهم..
رغد لفت عليها: مين كلهم..
ريم: العنود ونوف وشجون ومها والهنوف..
رغد: حتى في صديقتي قاطه فيها..
ريم: عشان ما تعبك يا الخبله..
رغد عصبت: وش عليك انا ابي اتعب مره ثانيه لا تدخلي فيني وفي صديقتي فاهمه...
ريم سوت نفسها انها زعلانه عشان تكسر خاطر رغد وتسكت عنها: خلاص اوكي..ماراح اتدخل فيك ابد..اصلا غلطتي اللي قلت انا واختي واحد..وان كلنا شله وحده واكثر من خوات بعد..وان الهنوف اختي الثانيه..بس يله لنا الله..وحقك علي ..
رغد رحمتها: خلاص عاد ريوم والله ما كنت اقصد اني ازعلك..
ريم ابتسمت بس على طول رجعت وكملت التمثليه: لالا يا رغد لا تحاولين..الحين عرفت ان بينا حواجز وجدران تفرق بينا...
رغد: أي جدران واي بيبان الله يهداك..يله عاد ابتسمي عشان تلبسين الحين بيجون البنات ولا ترى بزعل انا عاد..
ريم ابسمت: خلاص رضيت عشانك اختي رغد الغاليه اللي مقدر على زعلها..
رغد: ادري انها حركات مسلسلات بس يله خلصيني..
ريم: اوكي...يله روحي جهزي كل شي على ما انزل..
رغد: اوكي..
ونزلت رغد عند امها وتبلغها ان البنات راح يسهرون عندهم...وبعدها جهزت كل ما تحتاجه جلست البنات من اكل واستريوا والتلفزيون والتليفون للاستهبال وكل شي صار جاهز..وبعد دقايق وصلوا البنات وحده ورى الثانيه لحد ما اجتمعوا..

العنود: فجير صدق زواجك قريب..
فجر: ايوه احتمال..
العنود: واحنا اخر من يعلم..
فجر: انا امس قلت الكلام لفيصل..ترى لحد الان امي ابوي ما عندهم خبر..وتقولين اخر من يعلم ودي اعرف بس كيف عرفتي..
العنود: انا العنود مو أي شي..
فجر: صرت اشك انك حاطه سماعات في ملابسي ولا جسمي.
ريم: مو عاد لهذي الدرجه..اذنها تكفي..
وما حست ريم الا وهي طايره في الهوا من رمية العنود لها..
العنود: قولي ما شالله جعل عيونك العمى..
ريم واخير اهبطت على الارض وقعدت خمس دقايق ساكته..
رغد: يمه اختي لا يصير فيها شي"وراحت عندها"...ريم....ريم قلبي فيك شي..
ريم: لا بس صرت اشوف عصافير فوق راسي..
رغد خبطتها: تراك خرعتيني يا الدوبه..
ريم قامت: والله مافي دب غير هذي الغساله الأوتوماتك عنيد..
العنود مطيره عيونها: انا غساله أوتوماتك.يا دباب ابو اربع كفرات..
ريم: انا دباب ابو اربع كفرات...يا جمس العائله..
العنود: لالا عاد يا التريله..
البنات بصوت واحد: بـــــــــــــــــــــــس..
رغد: اسكتوا عورتوا راسي والله لو تقعدون من الحين لما بكره ما راح توقفون...على الاقل ارحمونا..
العنود: اجل تحشني واسكت..
رغد: لا تسكتين قومي طقيها احسن..
العنود قامت: وهذا اللي راح اسويه..
رغد: الخبله صدقت..امسكوها امسكوها لا تذبح اختي..
والبنات مسكوا العنود قبل لا تقضي على ريم..
ريم: مسويه بخاف منك تراني ما خفت..
رغد: ريم خلاص عاد انتي الثانيه...اقول روحي جيبي اللاب توب حقي .يله روحي..
ريم:طيب "وراحت"
العنود لما راحت ريم: فكوني عليها ..خلوني اعلمها..
فكوها البنات..
العنود بأعتراض: كله منكم..ما خليتوني اخذ حقي منها..
فجر: واللي يعافيك يكفي صراخ ترى راسي بدى يعورني..ولا تنسين اني مقبله على زواج..
عبير: ههههه حلوه هذي مقبله على زواج...لبس وش دخله في السالفه..
فجر: لا بس اذكركم اني عروس..وانتوا عوانس وخطين تحت هالكلمه..
قطع عليهم نغمة موبايل شجون..
واللي بيسمع كلمة اهله شو بنألوه..
شاطر شاطر..
واللي بيقعد عاقل وحده شو بنألوه..
شاطر شاطر..
ردت شجون: الووو..
المتصل: اهلين..
شجون :من معي.؟؟
المتصل: بسرعه نسيتي...انا فهد..
شجون فرحت: فهودي,....هلا والله وغلا..
طبعا كل البنات نصدموا..ولا بعد عيني عينك..
قامت شجون عن البنات وراحت بعيد..
فهد: كيفك يا....الا اقول وش اسمك..
شجون: اسمي شجون..
فهد: بصراحه اسمك مره حلو ويناسبك لانك حلوه بعد.
شجون:تسلم يا قلبي..
فهد: ايوه كيفك يا شجون لا يكون اشغلتك بس.
شجون تحس ان اسلوبه اسلوب واحد كبير ومستغربه من وين تعلم ها الاسلوب
شجون: الحمدلله بخير وبعدين مافي شي راح يشغلني عنك..
فهد فرح: من جد تتكلمين يا شجون..
شجون: ايوه من جدي...الا اقول يا فهد مين اللي تجلس معاهم ناس في سنك ولا اكبر..
فهد: لالا انا ما احب اجلس مع صغار ..احب اجلس مع كبار..
شجون هذ اللي توقعته: اهااا ..كبار يعني كم اعمارهم..
فهد: في الجامعه..في الثانوي يعني مو عمر محدد..
شجون فكرت لو قالت على اتركهم راح يتركها هي..بس حبت ا ول شي تقوي العلاقه اللي بينهم..بعدين تخليه يترك البنات اول بعدين العيال...واخر شي راح تمشيه مستقيم..
وصارت تسولف معاه حوالي ساعه ونص وعرفت تقريبا كل شي عنه بدون ما يحس انه جالس في مجلس تحقيق..كانت تدرجه بالحكي عشان ما ينفر منها..عرف ان امه ما تسأل عنه ولا تهتم له وانها ما تحب ابوه وما تحبه هو عشان ابوه اللي راميها ومخليها معقله وما تقدر تعيش حياتها....سبحان الله بعض الناس فيهم سخافة في التفكير لابعد درجه..والضحيه دائما يكنون عيالهم...صحيح ان ابوه غلطان لكن الغلط الاكبر من امه اللي مفروض تعوضه عن ابوه...لكن المسكين حصل ام انانيه ما تهتم الا بنفسها وبمظهرها وكشختها ونست الاهم والمهم ولدها وحيدها...فهد....اللي ضاع من بين ايديهم..ما عاش حياته طبيعي..مشتت بين ابوه الي ما يسأل عنه وبين امه اللي تبين كرهها له بين فتره وفتره...ناس قلوبهم حجر ما ترحم دمعات الولد اللي في بداية حياته احتضنه الخدم وبعدهم احتضنه عيال اكبر منه بكثير ..وصار لعبه بين ايديهم..يصرف عليهم ويعطيهم سيارات..وهم بالمقابل يعلمونه اشياء المفروض ما تخطر على باله في السن الحرج هذا..سن بداية المراهقه...شجون كبر اصرارها في مساعدته بعد اللي سمعته وراح توقف امه وابوه عند حدهم بس ما تدري كيف..هذا الشي ما ينسكت عنه واذا كانوا ما يبون ولدهم قررت تاخذه هي بنفسها وتربيه في بيتهم..
بعد المكالمه رجعت عند البنات اللي ما انتبهوا لرجوعها..لان عيونهم على اللاب توب يختاورن فساتين لزواج فجر..وجلست معاهم وبالها مو معاهم مع فهد اللي اخذ قبلها وعقلها وتفكيرها...
نوف: شجونه وش رايك في هذا..
شجون سرحانه:........
مها: شجون قلبي" ونغزتها" وينك ..وين رحتي؟؟
شجون :معاكم وش تبين...
نوف: كنت اقول لك وش رايك في هذا...
العنود: اخلصي علينا ولا خلينا نغير الصفحه...
شجون: يهبل... وش رايك فيه نوافه..
نوف: والله يجنن..اذا ما عجبك ترى راح اخذه...
شجون: لالا عجبني..
رغد : اكيـــــد؟؟
شجون: اكيد..
وكملوا البنات اختيار فساتين ما راح احكي عنها الحين في الزواج احسن...وطلعوا بثمان فساتين وارسلوها واتفقوا انها تكون بعد اسبوعين...
وصاروا البنات يتكلمون عن الزواج ويخوفون فجر...ويقولون لها مواقف محرجه عن العرايس في اول يام زواجهم...
فجر: خلاص هونت ما عاد ابي اتزوج واتفشل...
ريم: شجون الحقي على اخوك...فجر تبرت منه..
شجون:...................
الهنوف: وش فيها...
ريم: شجون وش فيك ..من يوم خلصتي مكالمه وانتي حالك انعفس فوق تحت..
شجون: بقولكم سالفه بس ابيكم تساعدوني..
البنات: قولي ولك اللي تبين..
شجون: يوم كنت بالطياره..كان جنبي ولد اسمه فهد...........
وكملت لهم السالفه الى نهاية المكالمه من شوي...
رغد:زين سويتي انك اخذتي رقم الولد..
ريم: يا عمري والله ما يستاهل..
نوف ومها يبكون: حرااااام هالأم يكون عندها عيال ولا يكون عندها قلب حرام فيها..
العنود: والله لو انها قدامي كان توطيت في بطنها..
عبير:وش رايك نروح لبيتها ونهجم عليها..
الهنوف كانت بالمره متأثره من الوضوع..وتحس ان فهد مثلها بس هي عندها ام واخو ما يتعوضون بكنوز الدنيا..لكن ابو هذا اللي فاقدته وعندها لو انه ميت ارحم من انه مطنشهم ولا يدري عنهم..وصارت تبكي بصوت عالي..وبأنفعال مجنون تصرخ: اكرهه.....اكرهه......خلاص اسكتوا لا تجيبون طاري السالفه هذي مره ثاااااااااااانيه...
كانت دموعها ماليه وجهها وصارت تضرب وجهها وتحوس شعرها وتصرخ بصوت عاالي اكرهه..الكل انصدم من ردة فعلها محد يدري بالسالفه الا رغد ..كانت متوقعه فعل اقل من هذي بكثير...راحت بسرعه لعندها ووحضنتها بأقوى شي عندها عشان تهدى..
رغد: هنوفه بعد قلبي اهدي عشان خاطري..
الهنوف تمسكت برغد بقوه: رغد لا تتركيني..لا تخليني لحالي..الله يخليك كفايه هو والهب كفايه هو...
رغد: ماراح اتركك يا بعد عمري والله"وتمسح على شعرها" بس انتي اهدي يا بعد قلبي..
الهنوف فجأه سكتت: مفروض اكون قويه صح...
كان سؤالها طفولي بس رغد ابتسمت وجارتها بالي هي فيه: مفروض تكونين قويه..الهنوف القويه..
الهنوف مسحت دموعها ورتبت شعرها وقامت: معليش بنات..عن اذنكم..وطلعت برى تاخذ نفس تحس الجو مخنوق داخل....
**********************************************
العنود: وش فيها الهنوف...؟
رغد قلقانه عليها: ما فيها شي..يكمن تأثرت بالسالفه..
عبير: ومين اللي تكرهه...لا يكون اخوها تركي..
رغد بسرعه: لالا ماهو تركي.........ابوها..
مها: ليش تكرهه هو عايش ولا ميت..
رغد: لا عايش...بس اسمحوا لي بنات ما اقدر اتكلم في السالفه...وبعدين خلونا في سالفة فهد..
شجون: لازم نلاقي له حل بس خطوه خطوه..
عبير: ما تلاحضون صايرين حلالين مشاكل هالايام..
العنود: اكيد لان عقلي يوزن بلد..
ريم:ايه بسم الله عليك..ليه هوفيك عقل اصلا..
العنود: ماودي اتجادل معاك لان عندي قضيه اهم منك الحين..
ريم تكش عليها: ما اقول الا مالت ثم مالت ثم مالت عليك..
رغد: وبعدين معاكم..شوفوا انتوا فكروا بحل وانا بروح اشوف الهنوف تأخرت ما رجعت..
************************************************** ******************************************
الهنوف اول ما طلعت اخذت نفس وتذكرت ابوها والماضي القديم واللي تقريبا نسته وكانت سيرته محرمه في بيتهم..بس سالفة فهد وابوه فتحت الجروح عندها...بس حمدت ربها ان امها حنينه معاها وحتى تركي عوضها عن غياب ابوها....وهي سارحه بأفكرها سمعت صوت كله حنيه وعطف وتعرفه زين وله مكانه بقلبها وينده بأسمها
........:الهنــــوف...
الهنوف لفت عليه.....

" نـــــهـــايــــــــة الـــــــــبــــــارت "

رجعت لكم حبايبي
وهذه التكملة ههههه رجعت معي

تفضلوا

الجزء السابع والثلاثون...
""الفصل الاول""

وهي سارحه بأفكارها سمعت صوت كله حنيه وعطف وتعرفه زين..وله مكانه بقلبها وينده بأسمها..
...............:الهنوف..
الهنوف لفت عليه وهي مبتسمه من بين دموعها: مشاري..
مشاري قرب منها وحس فيها: الهنوف...فيك شي؟؟
الهنوف تطالع عيونه وقرت الخوف فيها: لا ما فيني شي....
مشاري يطالع دموعها: لا الهنوف فيك شي احكي لي يا...ياقلبي..
الهنوف ابتسمت وما حبت تضيق صدره: سلامتك ما فيني شي..بس تذكرت ان فجر راح تتزوج وتتركنا وضاق صدري..
مشاري ابتسم بخبث: بس هذا اللي مزعلك..ترى حتى انتي راح تلحقينها...
الهنوف سكتت مو حيا ولا خجل ..لا ...لأنها شافت رغد وافقه ورى مشاري ومكتفه ايدينها وهو ما انتبه لها..
مشاري: الهنوف انا راح اعترف لك بشي..
الهنوف ودها تقول له أجل اعترافك بعدين..بس وين تقدر تتكلم وقدامها رغد..
مشاري يكمل: انا يا الهنوف من اول يوم شفتك ما اقول حبيتك ..لاني ما أؤمن بالحب من اول نظره..بصراحه اعجبت بشخصيتك ودلعك ودلالك..
ورغد تسوي من وراه حركات للهنوف..والهنوف ودها تفقع ضحك..
مشاري ما زال يتكلم وما حس بأحد: شفت انك غير البنات..غير عن رغد وريم العربجيات اللي ما عندهم ذوق...
رغد طيرت عيونها...وتحرك ايدها تتوعد فيه بس لما يخلص كلامه..والهنوف محتاره وما تدري وش تسوي ودها تقول لمشاري ان رغد فيه بس اكيد رغد راح تفجر فيها..
مشاري: بعدها شفتك مره ثانيه اكتشفت اني حبيتك وصرتي هاجسي وكل تفكيري"وقرب من الهنوف" بس وش اكون انا بالنسبه لك؟؟؟
مشاري ينتظر شفايف الهنوف تتكلم بس سمع صوت..بس الشفايف اللي قدامه ساكته....
رغد تقلد صوت الهنوف: حتى انا يا بعد عمري اموت فيك...احبك..احبك...احبك..
مشاري لف وجهه بشويش وهو ما وده: مين......رغد...
رغد ما زالت تقلد صوت الهنوف: ايوه يا عمري..يالرومنسي رغد.."ورجعت لصوتها" الحين انا يا اللي ما عندك ذوق تقول عني عربجيه..
مشاري مرتبك: انتي من متى وانتي هنا...؟
رغد: من يوم قلت....."وتقول بحالميه"انا راح اعترف لك بشي..
مشاري: تصدقين يا رغد تذكرت شي بروح اسويه الحين..
رغد: صدق..احلف عشان اصدقك بس..
مشاري وهو حاط رجله: يله حبايبي سلام...
وراح بسرعه وطلع من البيت كله...
رغد: احلى يا الغراميات انتي وياه وش عندكم هاه..ومتى شافك اول مره عشان يشوفك مره ثانيه..
الهنوف مرتبكه: ليش انا ما قلت لك؟؟؟
رغد: تصدقين عاد انك ما قلتي لي..؟
الهنوف: اكيد اني ناسيه..
رغد: الحين ادخلي وبكره بالمدرسه بأوريك الويل..
الهنوف: يله ..والله يعينا على بكره...
ودخلوا عند البنات...
شجون: تعالي رغوده...عندي اقتراح وابغى رايك فيه..
رغد جلست: نورينا..
شجون: وش رايك نجيب فهد عندنا ويشغل وقته معنا..
رغد:والله فكره حلوه..
عبير:ونصير نشغله عن البنات اللي يكلمهم ويكلمنا احنا..
العنود: لما ينساهم ونتركه احنا بالتدريج..
ريم:وبعدها نجلسه مع عيالنا ويصير صديقهم ونحببه فيهم واللي بسنه...
رغد: خلاص اتوقع كذا حليناها ولا يا بنات..
البنات: الا...احنا قدها...
وصاوا يضحكون على اشكالهم ..
ريم: الله وناسه كذا اكشنات وقضايا..
العنود: وش رايك ندخل علم اجتماع او علم نفس في الجامعه..
ريم : خلينا نجيب نسبه بعدين قرري...
الهنوف: يا الله ليش تذكروني بالنسبه والله اني خايفه..
العنود: عاد انتي يا الدفره مفروض ما تخافين..مقطعه الكتاب تقطيع..
رغد: قولي مشا الله لا تنضلين صديقتي..
العنود: حتى انتي معاها..
رغد: قولي مشا الله لا تجيك علبة الكلينكس على عينك..
العنود: ما شا الله...اعوذ بالله تحب نفسها..
وقعدوا يسولفون ومن بين السوالف...
شجون: بنات تتذكرون بنت جيرانا نادين..
ريم: وووووع ذيك اللي تلوع الكبد..
رغد: هذيك الماسخه وش فيها..
العنود: مين ذي نادين..ما اعرفها..
ريم: بنت جيران شجون..
رغد: ايوه وش فيها..
شجون: ما قلت لكم وش سوت يوم درت ان فيصل تملك..
فجر وقف شعر راسها يوم درت ان في بنت تحب فيصل من زمان..
ريم: ايوه وش سوت عشان نتشمت فيها المغروره..
شجون: جات لعندي وصارت تصرخ علي وتقول لي انتي خاينه واني وعدتها اني اخلي فيصل ياخذها واخلفت بوعدي واني ماني بقد الصداقه ومن هالكلام..
رغد: وانتي صدق وعديتها..
شجون: اصلا ما احبها تسولوف عن اخوي..كيف اوعدها..
فجر بأستحقار: وفيصل يدري عن هذي نادين..
شجون بعوفيه: يدري انها تحبه لانها دايما تلزق فيه..
فجر وصلت معاها: وليش ساكت لها؟؟
شجون: ما يعطيها وجه..بس هي تحب تذب وجهها عليه..
فجر سكتت وجواها يغلي من القهر والغيره على فيصل ومعصبه لان فيصل ماقد حكى لها عن الموضوع..
عدّت السهره على خير...وراح الكل على بيته وكل واحد راح بأفكاره..الهنوف راحت لبيتها بحب متجدد معاها من لقى مشاري..رجعت وهي تحس نفسها عصفور ودها يطير في السما بدون حدود بدون قيود تكتمها...شوفت مشاري ردت لها الروح وكلامه اللي رد لها الدم يمشي بعروقها بعد ما جمده الزمن ومن قسوته..
فجر رجعت بقهر مو طبيعي..تحس ان فيصل صار من حقوقها وحدها ومحد يشاركها فيه...فيصل لها وما راح تسمح لاي احد كان.. ممكن ياخذه منها لحظه وحده...وعندها اصرار انها ما تخلي فيصل يطالع غيرها ولازم تبعد هذي نادين اللي ما تدري من وين طلعت لها..
شجون رجعت وهي فرحانه انها لقت حل لفهد.
شجون من النوع اللي يتعلق في الشخص بسرعه وهذا اللي صار معها لفهد....حست انه اخو صغير لها..هي ما عندها اخوان اصغر منها عشان كذا على طول تعلقت فيه وانبسطت انها راح تخليه يزورها ويجلس معاها..وقبل لا تنام كلمت فهد واتطمنت عليه ونامت على امل ان بكره راح يكون احلى لفهد ولها كمان..
العنود وعبير ما يحتاج اقول لكم وش كانوا يفكرون فيه لانه اكيد طلال..العنود تفكر فيه لانه داز لها مسج يقول فيه" العنود بليز ابيك ضروري" وهي خايفه..ما تدري وش يبي منها من يوم كانوا في دبي..
عبير تفكر فيه وتحس انها كانت بعيده عنه في الفتره الاخيره..
نوف ومها كانوا مشغولين بسالفة فهد الجديده وبعائلته الي ممكن تكون اول عائله تمر عليهم بهذا الشكل وما تخيلوا ان الدنيا ممكن تقسى على طفل مثل فهد..

ريم ورغد ما يحتاج احكي اكثر عنهم ريم تفكر بسليمان..ورغد مازالت بدوامتها اللي خايفه تغرق فيها اذا ما طلعت منها بسرعه...

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&

يوم السبت..
في مدرسة ريم...
ريم تحضن ساره لما خنقتها..
ريم: سوير وحشتيني..وحشتيني..وحشتيني..
ساره وهي مخنوق صوتها: حتى انا والله مشتاقه لك..
ريم بعدت عنها: والله محلوه..."وضمتها مره ثانيه"
ساره: تسلمين يا قلبي عيونك الحلوه..بس فكيني لاني بموت..
ريم بعدت عنها: يالله ما عندك ولا ذرة رومنسيه..
ساره: والله مخليه الرومنسيه لك..
ريم: يا ان عندي لك سوالف ..قد غبائك..
ساره: ما في غبي الا انتي..وبعدين تعالي خلينا نجلس وقولي لي كل شي بالتفصيل..
ريم: ابشري تعالي...اول شي لما رحنا المطار...........
وقالت لها سوالفهم طول الدوام وساره مبسوطه لها....
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
في مدرسة رغد..
رغد: ليش ما قلتي لي كل هذا..
الهنوف: والله استحي اقولك..
رغد: يعني انا لما اقول لك ما استحي..
الهنوف: لا والله ما اقصد كذا...بس انتي تعرفين اني حيويه...
رغد: بعدّي الموضوع.....احلى يا مرت اخوي..
الهنوف: ترى ما بعد صار شي..
رغد: كل هذا وما صار شي...ما ادري وش تستنين يصير "وغمزت لها"
الهنوف حمرت خدودها: رغد والله سخيفه..
رغد: ههههه نمزح..نمزح..
ابشركم .........
الهنوف جابت نسبه 97%..
ورغد جابت 98%...
يله زغرطوا لهم شووووووووويه..
كللللللللللللللللللللللويش..
&&&&&&&&&&&&&&&&&&&&&&&&&&&

العنود لما رجعت من المدرسه رمت نفسها على سريرها.. قررت تحس على طلال و تتصل عليه..
العنود بهدؤ: الووووو..
طلال ما صدق: واخيرا يا العنود سمعت صوتك..
العنود: كيفك وكيف عمتي والبنات؟؟؟
طلال فرحان: كلهم بخير....بس انتي كيفك..
العنود: انا بخير ..الحمدلله...
سكتوا فتره...العنود ما حبت هذا الصمت يوترها..
العنود: طلال بغيت شي...
طلال: طيب اذا قلت اللي عندي راح تقولين اللي عندك..
العنود: انت قول اللي عندك وما عليك مني..
طلال: لا ما يصلح...لازم نتفق..
العنود ودها تعرف وش يبي فا رضت للأمر الواقع: اوكي...
طلال: اول شي ابي اعرف ليش كنتي تتحاشيني وتتهربين مني؟؟؟
العنود بثقه مهزوزه: انا ما اتهرب من احد...بس انشغلت شوي..
طلال: طيب الحين ممكن اعرف وش فيك...ليش الحزن اللي بعيونك..ولا تقولين لي ما فيني شي...لان فيك شي ومستحيل يخفى علي..
العنود:انت وش ودك تعرف..
طلال: ابغى اعرف مين اللي مسبب لك الحزن هذا كله..
العنود بتتهور: وانت مستعد تسمع الجواب..
طلال تحمس: ايوه...بس انتي تكلمي..
العنود: انت..........
طلال بصدمه: اناااااا.....ليش وش سويت لك..
العنود تحسفت على تهورها وتبي تدارك الموضوع..:يعني انت ومو انت..
طلال عقد حواجبه: ممكن توضحين اكثر...
العنود وهي تبلع عبره خنقتها على الخطوه اللي راح تسويها وما تدري هي راح تندم عليها اولا بس هذي اللي املاه عليها ضميرها: اقصد انت وعبير..
طلال بتعجب وبصدمه ما تقل عن الاولى: العنود بليز وضحي كلامك...تراني تعبت...
العنود اخذت نفس: اقصد علاقتك انت وعبير..
طلال بحنان: العنود..مابيني انا وعبير......
قطعته العنود بالقصد: طلال انا عارفه كل شي..
طلال بأنفعال: وش عارفه يا العنود..؟
العنود: ادري انك تحب عبير..
طلال: بس انا ما........
العنود تضغط على مشاعرها لا تفضحها عشان اختها: انا زعلانه عشان علاقتك انت وعبير شوي متوتره..
طلال يحاول يفهمها:العنود اسمعيني شوي..
العنود: خلاص ولا تزعل انا راح اصلح بينكم..
طلال وده يفجر فيها لانها ما عطته فرصه يعبر عن مشاعره فا صرخ..: العنود..
العنود خافت وسكتت....
طلال رجع لهدوئه:.. انا احبك يا العنود...
العنود انصدمت وقفت كل خلايا جسمها عن العمل...مخها وقف..كل وحواسها وقفت الا قلبها زادت دقاته...وصارت بس جمله وحده تدور في راسها"طلال يحبني...يحبك يا العنود"
وفجأه صحى ضميرها" بس اختك تحبه..بس هو يحبك وانتي تحبينه..وعبير وين راحت..العنود بسرعه قررت وبالسرعه نفسها قالت: بس انا... ما احبك يا طلال..
قالتها بكل بساطه مع انها تتقطع من داخل..كل هذا عشان عبير..هي ما صدقت رجعت علاقتها مع اختها..واحساسها بأن كل شي ممكن يتعوض..الحبيب بداله حبيب..والزوج بداله زوج...بس اختها مستحيل تلقى لها بديل..
طلال سكت الكلمه ثبته في مكانه..وما قدر يتكلم...كان متأكد من ان العنود تحبه..كان شايف هالشي بس ليه قالت له هالكلام...
العنود بصوت مهتزوهادي وعيونها بدت تعلن الانهيار :معليش يا طلال قلتها بقسوه..بس لا تنسى ان عبير تحبك..
طلال بينجن: انا وش علي من عبير..انا علي منك..
العنود مغمضه عيونها بقوه عشان ما تلين وتقول له انا اللي احبك وانا اللي حفيت عشان حبك.. وانا اللي بكيت الليالي كلها عشانك..انا اللي انجرحت منك مية مره وارجع اداوي نفسي عشانك..
العنود راح صوتها: احم..اتوقع انك ما راح تلقى فيني نفس المشاعر اللي تملكها انت..انا ما اعتبرك غير اخ لي..طلال بليز افهم موقفي..اختي تحبك..
كأنهل تفهمه اللغز اللي ما لقا حله..والحين عرفه..العنود صدته عشان اختها..كبرت في عينه مليون مره..
طلال: ليش يا العنود تسوين كذا ما انتي مضطره..
العنود هنا صار الانهيار صارت تبكي بصوت عالي غصب عليها: طلال اذا كان لي مكانه بقلبك..لا تكسر بخاطر اختي..
طلال: وخاطري انا من يلمه..
العنود: عبير راح تعوضك..وانا اضمن لك انك راح تلقى السعاده معاها..
طلال: يعني انتي متأكده من قرارك..
العنود: ولا راح اتراجع فيه او حتى افكر فيه..هو عندي واضح من البدايه..
طلال وبدت العبره تخنقه : مع السلامه يا العنود...مع السلامه يا بنت خالي..
العنود سكرت السماعه وهي تدري ان مع نهاية المكالمه هذي..نهاية حياتها..نهاية املها..نهاية حبها..نهايتها..ودخلت في بحر دموعها وهي تتمنى من كل قلبها انها قدرت تسعد اختها.. وان عبير تقدر لها الموقف اللي تسويه عشانها..
&&&&&&&&&&&&&&&&&&&&&&&&&&&&&&&&&
طلال سكر السماعه منها...بعد ما خانته دمعه ..بعد هذي المكالمه بالذات كبرت العنود بعينه اكثر واكثر...بس حس انه مخنوق..حس انه ما يقدر يتنفس ..يحس جدران غرفته تحاصره...فا أخذ مفاتيح سيارته وانطلق فيها الى ما له نهايه...يحس بالشتات..يحس انه محطم...العنود حطمته..حطمت حبه الوليد.. اول مره يحس ان في شخص بيملك قلبه بس كل هذا راح ادراج الرياح..تمنى ان احلامه تتحقق بس ليس كل ما يتمناه المرء يدركه ودائما تجري الرياح بلا ما تشتهي السفن..اخذته سيارته بعيد..بعيييد مره..حصل نفسه ماسك خط الشرقيه..طالع الطريق قدامه يحس في عيونه ضباب..مايشوف...يحاول يطالع..يغمض عيونه ويفتحها لكن هم بعد ما يشوف..وفرك عيونه بيده لعلى وعسى يرجع له الشوف..لكن ما امداه يبعد ايده الا والتريله داخله في سيارته..اخذت معها واجهة السياره..وابعدت جسد طلال خارجها..وبعد قايق راحت سيارة طلال في نار وحريق مثل اللي كان في قلبه من دقايق....راحت السياره والخوف ان روحه تروح معاها...
&&&&&&&&&&&&&&&&&&&&&&&&&&&&&&&&&&&
العنود وهي ما زالت ترثي قدرها وترثي نفسها وترثي حبها وترثي طلال وترثي حياتها...قطع عليها هذا كله صوت موبايلها...عرفت المتصل من نغمته اغنية راشد الماجد ""وصيه""
هلي وان جارت الدنيا عليا أوصيكم على روحي وصية
أنا مسافر وخلو قليبي عندكم غصب عني ترى لا مو بيديا
اعذروني اذا سالت دمعتي و ذكروني اذا طالت غربتي

عرفت انها ريم اختها اللي ما جابتها امها وحبيبتها وصديقتها وحافظة اسرارها
العنود ردت بسرعه: الووو ريوم الحقي علي"وسكر ت السماعه"
ما كان فيها أي حيل تتكلم..كان ودها بحضن يواسيها ومحد راح يفهمها كثر ريم
&&&&&&&&&&&&&&&&&&&&&&&&&&
ريم كانت حاسه ان في العنود شي عشان كذا اتصلت عليها..وبعد ما سمعت جملتها صدقت احساسها واخذت عبايتها وعلى طول راحت لها..
بعد دقايق وصلت بيتهم وضربت الجرس...
ودخلت سيده على غرفة العنود..وفتحت الباب بقوه...
ريم: العنود......وش فيك؟؟
العنود بسرعه قياسيه قامت على طول لحضن ريم تفرغ كل همومها على صدرها...
ريم خافت عليها ما تدري وش فيها: عنوده تكلمي يا قلبي..خوفتيني عليك..تكلمي...
العنود: خلاص يا ريم انا انتهيت...العنود انتهت ياريم..
ريم بكت: وش تقولين يا العنود....وش فيه طلال..
العنود عرفت ان ريم من جد هي الوحيده اللي ممكن تعرف وش فيها...
العنود: طلال يا ريم طلال..
ريم: العنود اهدي وتكلمي مثل الناس..
العنود صرخت: طلال يحبنبي يا ريم وانا ابعدته"وقامت تدور بالغرفه منهاره" ابعدته بنفسي...قالي احبك..قلت له ما أكن لك إلا الأخوه..عرفتي ش فيني الحين...قالي احبك قلت له اختي عبير تحبك..عرفتي الحين وش فيني "وزاد بكيها" قالي انتي تحبيني قلت بس اختي تحبك...ليش ياريم كذا ليش يصير معاي كذا..
ريم دموعها سيل.. وبصوت اعلى منها وبتأنيب قالت: غبيه يا العنود..غبيه الولد يحبك تروحينه من ايدك ليش؟؟؟
العنود: واختي الي قلبها يتقطع هناك.
ريم بحزم: وقلبك اللي ينزف الحين..
العنود: بس انا ما ابي اخسر اختي.
ريم بقسوه: وهي عندها تخسرك عادي..
العنود بسرعه: لا ياريم..لو ان عبير في مكاني سوت مثلي واعظم..
**********************************
حبيته حب صعب وعسير ..
سلمت له قلبي من غير تفكير ...
قلت يمكن يقدر عله يفيد التقدير ...
ماشفته الا يوم وخانني فيه التعبير ...
بدل ما أقول له تعال قلت له سير ...
زعل علي ورحل وتركني بين همي أسير ...
بعدها سال على خدي دمع غزير ...
بكيت وبكيت وتكون من دمعي غدير ...
خطاي زلة لسان وغلط صغير ...
********************************
في هذا الوقت كان الحديث اللي يدور مسموع من شخص مفروض ما يسمعه..شخص مفروض ما يعرف عنه أي شي...عبير عرفت السالفه سمعت العنود...سمعت كل شي..سمعت ردة فعل ريم..انصدمت تفاجأت ما توقعت ان العنود ممكن تسوي كذا...تدري ان العنود مضحيه وبشكل جنوني بس موالى هذا الحد...معقوله تضحي بحبها عشاني.."وقف كل شعر جسمها..واتهز كل جسمها.."وراحت بسرعه لغرفتها وهي تحس انها وحده انانيه ونرجسيه..وما تفكر الا بنفسها..كيف زعلت اختها من قبل عشان طلال وهذي اختها مزعله نفسها وموته قلبها وطاعنته بأيدها عشانها...كذا يكون جزاها...هذا جزاها يا عبير..تقابلك العنود بالتضحيه وتقابلك بالمعروف..
وجلست في غرفتها مع جلسه في تأنيب الضمير...
&&&&&&&&&&&&&&&&&&&&&&&&&&&&&&&&&&&&&&&&&&&
بيت ابو فواز...
كان الكل جالس على الغدا ينتظرون طلال ينزل عليهم..
ابو فواز: فجر قومي شوفي اخوك تأخر..
فجر: ا نشا الله يبه..
طلعت فوق..فتحت باب الغرفه ما حصلت احد..ونزلت تحت..
فجر: يبه ما حصلته..
ابو فواز:كيف ما حصلتيه..ام فواز انتي شايفته جاي من الجامعه..؟
ام فواز: ايه شايفته...يمه وليدي وين راح..
نوف: ابتصل على موبايله واشوف"واتصلت"
وبعد ثواني....نوف: موبايله مقفل..
ام فواز قامت: يمه وليدي لا يكون صار عليه شي..
فجر قربت من عند امها: يمه اهدي ما فيه الا العافيه ان شا الله..
بدور: خالتي يمكن طلع واحنا ما شفناه..
ام فواز: يعني وين بيروح هالوقت مو من عوايده..
فواز: يمكن عنده شغله وطلع يخلصها...
لحظة سكون مرت على الكل بعدها سمعوا رنة التليفون..
فجر بسرعه راحت: انا بروح أرد...........الووو..
المتصل: السلام عليكم..
فجر نغزها قلبها: وعليكم السلام..
المتصل:هذا بيت ناصر بن عبدالله ال(...........)
فجر: ايوه هذا بيته.."وبلعت ريقها" مين معاي..
المتصل: معاك مستشفى(.......)..ولدكم طلال ناصر عندنا في المستشفى...
فجر صرخت فيه: ايش انت وش قاعد تقول...مستحيل...
سكر المتصل الخط في وجهها لانه متعود على مثل هالحالات..
فجر طاحت منها السماعه ..والعائله تستنى منها ايجابه تريح قلوبهم بس وجهها ما يبشر بخير...
ام فواز قربت لها: فجر انطقي من المتصل....
فجر لفت عليهم وعيونها تسبح فيها الدموع: يمه.....طلال........طلال في المستشفى..يمه يقولون طلال في المستشفى "وصرخت" يمه طلال..
ام فواز انهارت عليهم...نوف ما تحملت الموقف واغمى عليها....فجر وبدور يحاولون يهدون انفسهم عشان يهدونهم..
ابو فواز وفواز انطلقوا للمستشفى اللي قالت لهم فجر اسمه..
بعد ربع ساعه انتشر الخبر عند العائله..الرجال كلهم في المستشفى عند طلال..والحريم جمعوهم في بيت ام فواز....
دخلت العوائل وحده ورى الثانيه واخر عائله كانت عائلة ابو ماجد..
اول ما دخلوا كانت عبير تصارخ بجنون: طلال وينه طلال...
راحت لها فجر: عبير اهدي وش فيك..
عبير: وين طلال يا فجر وينه ابيه.. ابي اشوفه...ابي اكلمه...ابي اقول له اشياء كثيره في قلبي..جيبيه يا فجر جيبيه"وحضنت فجر"
الكل انصدم من كلامها...وش ممكن يكون بينها وبين طلال...
دخلت العنود بعدها بعكس عبير تماما..العنود في هذي الواقف الجبل اللي ما يهزه ريح..الكل يستند ويعتمد عليه..لكن من داخل ما فيه الا اشلاء.بقايا شتات..ما فيه الا دمار والاحساس بتأنيب الضمير..صارت تطالع كل مكان بالبيت كل شي يذكرها بشي..هنا كان طلال يضحك..وهنا كان طلال يمزح معاها..وهناك طلال لما كانوا صغار يلعب معها..ما قدرت تتحمل اكثر من كذا بس الحين اللي حولها محتاج قوه ولازم تصير مصدرها..
دخلت بعدها ريم اللي اقل صلابه من العند ودمعتها على هدبها..
رغد فزت لاختها..وضمتها وهي تبكي..وريم وكأنها صنم ما تحس ما تتكلم ولا أي شعور مثل العنود كانوا يشابهون بعض ويعادون بعض في المشاعر..
رغد لفت على العنود:العنود وش فيك؟؟
العنود: روحي لاختك ما فيني شي..
عبير سمعت صوت العنود وراحت لها: العنود سامحيني الله يخليك..
العنود تطالع بأختها بحنيه: اهدي يا قلبي ما راح يصير فيه شي...
عبير تهمس في اذن العنود: احبه يا العنود احبه..
العنود دخلت هالكلمه مثل السكين في صدرها وطعنت فيه وطلعت..
"ليه تقولينها لي...ليه....انتي ما تحسين....ما تحسييييين"
عبير: العنود لا تخلينه يروح مني..انا احتاجه..
العنود بدت تحس ان الجبل الظاهر لهم راح ينهار..وماودها انه ينهار: ما راح يروح يا قلبي...ما راح يروح راح يرجع لك..راح يرجع لعبير...
عبير تدري انها انانيه بكل الكلام اللي تقوله...بس هي ما عندها القدره انها تكون مثل العنود..ولا تقدر تتحمل مثلها: الله يخليك لي ياالعنود....و.....و...وسامحيني يا العنود..
العنود ما تدري ليش عبير تكرر هالكلمه كل شوي معقوله حست بشي...بس مستحيل..اجل على ايش اسامحها..
قطع عليهم صراخ ام فواز: اتصلوا عليهم خلي احد يطمنا عليه...
فجر: اوكيه راح اتصل...
كان فيه منهم اللي يبكي ومنهم المنهار واللي ثابت..
فجر اتصلت على فواز بس ما فيه شبكه..
رجعت ضغطت الازرار مره ثانيه وبعصيبه وقلة صبر..ومسك معاها.
ردعليها فواز...
فجر: فواز طمنا..
فواز: لسه في غرفة العمليات..
فجر بس تخيلت اخوها بين الاجهزه والالات الجراحه دخلت في عالم من الدموع: اوكي.."وسكرت السماعه ولفت علهم وهي تحاول ترفع صوتها" يقول لسه.....لسه في غرفة العمليات..
ام فواز رجعت تبكي مثل اول...والحريم يهدونها ..
بعد تقريبا ساعتين ونص...رن موبايل فجر......

@@@@@@@@@@@@@@@@@@@@@@@@@
نهاية الفصل الاول

[center]الجزء السابع والثلاثون...
""...الفصل الثاني...""

بعد تقربيا ساعتين ونص دق موبايل فجر..
فجر ردت بسرعه:فواز بشر..
فواز: الحمد لله الحين طلع من الغرفه..طمني اللي عندك..
فجر بصوت عالي ودها الكل يسمع: الله يبشرك بالخير..يله باي..
الكل سمعها..بس ام فواز حبت تتأكد: وش قال؟؟
فجر: قال انه الحين طلع من غرفة العمليات..
&&&&&&&&&&&&&&&&&&&&&&&&&&&&&&&&&&&&&&
في المستشفى الكل على اعصابه وحاط ايده على قلبه...
بعد ساعتين ونص طلع لهم الدكتور...
ابو فواز: بشر يا دكتور...
الدكتور: انت والده..
ابو فواز بقلة صبر: ايوه..
الدكتور: والهو الولد احسن بس ما زالت حالته خطره..
ابو فواز:الحين ولدي وش فيه..
الدكتور: والله طلال عنده جروح طفيفه..و جرح عميق بمنطقة البطن وسوينا له عمليه وبأذن الله راح يتحسن..وعنده كسور في مناطق كثيره بجسمه..واحنا كنا خايفين على الراس والعمود الفقري بس الحمد لله طلعت سليمه..بس مازالت حالته مو مستقره ..
ابو مشاري: طيب ممكن نشوفه..؟
الدكتور: الحين هو مازال في تأثير البنج..وماراح تستفيدون شي فاتعالوا بكره ا نشا الله يكون صاحي...
ابو فواز: بس لازم اتطمن عليه..
الدكتور: بأمكانك انك تشوفه..بس رجاء لا تطولون عنده ولا تدخلون جماعه اوكي..
الكل: اوكي..
دخل ابو فواز واخوه فواز عنده..كان شكله يكسر الخاطر...شاب توه يفتح على الدنيا يكون بين اجهزه مثل هذي..منظر فضيع يوقف شعر جسم الواحد اذا شافه..طلال غالي عند الكل والجميع...وكان منظره مره مؤثر على ابو فواز ما تحمله وطلع.. فواز قرب من عند اخوه وحب راسه بعدين طلع..
دخلوا البقيه اثنين اثنين..تركي وسليمان دخلوا بعد اصرار عليهم ما يتحملون مواقف مثل كذا...
دخل تركي عنده ودمعته واقفه والعبره حاشرته في حلقه..ووقف جنبه..
تركي هاله منظر طلال وصار يكلمه من غير وعي: طلال تسمعني..طلال ابشرك جبت نسبه ترفع الراس..وكسرت راسك "وصار يهزه" طلال رد علي...
سليمان مسكه بتعب ودمعته واقفه على هدب عيونه: تركي اذكر الله..وش فيك..
تركي لف على سليمان: ليش ما رد علي..
سليمان بصعوبه يتكلم: تركي امش معاي..امش...
سليمان طلع تركي معاه..
تركي: سليمان خلني ابشره بالنسبه ..ما قلت له..
سليمان طالعه بأسى ..وبعدها اجتمعوا العيال حول تركي وسليمان..وصاروا يهدون تركي لان الموقف اكبر من انه يتحمله..
***********************************

والله ما يسوى أعيش الدنيا دونك
لا ولا تسوى حياتي بهالوجود
دامك أنت ألي رحلت
وكيف بصبر عالبعاد
وكيف
بنثر هالورود عالبعاد وكيف بنثر هالورود.
ما وعدت إنك تقاسمني المحبة
وتبقالي حب
ولدروبي دليل
بس البعد كان أقرب وأرحم حسب الله وحده نعمة الوكيل.

روح أنا راضي بغيابك يا حياتي
هاذي قسمة لي
وهذا لي نصيب
كل شمعة تضوي وتشرق حياتي
انطفيت ورحت في وقت المغيب...انطفيت ورحت في وقت المغيب..

والله ما يسوى أعيش الدنيا دونك
لا ولا تسوى حياتي بهالوجود
دامك أنت ألي رحلت
وكيف بصبر عالبعاد
وكيف
بنثر هالورود عالبعاد وكيف بنثر هالورود
&&&&&&&&&&&&&&&&&&&&&&&&&&&&&&&&&&
بعد ما رجعوا الرجال وبقوا العيال بالمستشفى عند طلال..
كان الوضع قد هدى عند الحريم والبنات وخصوصا بعد ما طمنوهم وأوعدوهم ان بكره ومن الصباح راح يكنون عنده ..والرجال خلقوا لهم عذر بأن الساعه 8 والزياره ممنوعه..هذي حجه عشان الحريم يفقدون الأمل في زيارته اليوم اللي ماراح يستفدون منها..
&&&&&&&&&&&&&&&&&&&&&&&&&&&&&&&&&
بالليل راحوا الحريم ورجالهم لبيوتهم وبقى البنات مجتمعين...
جالسين في غرفة فجر..اللي في حضنها صورت طلال كانت تطالعها بعدين حطتها على جنب..
فجر: عبير ....ابيك في موضوع..
عبير عارفه الموضوع ومتوقعه هالشي: تكلمي عادي...
فجرتتأكد: اتكلم عادي؟؟؟
عبير: خذي راحتك"وطالعت العنود"
العنود كانت منسدحه على رجل ريم..وريم تلعب في شعرها وتهديها بصمت وبكلام وبلغه ما يفهمها الا هم....لغة العيون...
فجر: عبير اقصد انا على الكلام اللي قلتيه اليوم..يعني انتي صادقه فيه..
عبير بثقه: ايوه كنت صادقه فيه..
فجر: يعني انتي تحبين طلال..
الكل طالع عبير ينتظر الاجابه اللي ابدا ما توقعوا ان عبير ممكن تحب طلال..وليش ما بين من قبل...بس عبير كانت تطالع العنود وكأنها تسألها اجاوب ولا لأ..
العنود فاهمه عبير..فا ارفعت كتوفها بمعنى انتي حره...
عبير وتحس ان بهذي الاشاره ارضت ضميرها: ايوه يا فجر احبه..
نوف مستغربه: عبير انتي تحبين طلال!!!!!طيب ليش ساكته..
عبير: توني اكتشف هالشي اليوم..
اكيد انتوا حاسين بشعور العنود الحين كيف تتألم وتعاني..اختها تحكي بكل ثقه عن حبيبها..وهي اللي لو بغت بأشاره منها حطمت كل هالثقه اللي تتكلم بها..
العنود تطالع البنات كيف تحمسوا مع عبير ويسألونها ..كيف حبيتيه..وش المشاعر اللي تحسينها...وتحس ان كل شي فيها..ضاق عليها البيت..ضاقت فيها جدران الغرفه..والوقت يحاصرها..طالعت بعيون ريم تبي عون ومساعده..
ريم بعصبيه: طيب خلاص سكروها سيره..عبير تحب وبعدين..
عبير ما انصدمت من كلام ريم لانها تدري وش موقفها: ليش ياريم ما انتي فرحانه لي..ماودك تشاركيني مشاعري...
ريم بأستحقار: على ايش افرح لك..على خيبتك..ولا على غبائك...
رغد: ريم وش هالكلام اللي تقولينه...
عبير: ما عليه يا رغد انا مسامحتها..وادري انها متضايقه عشان موضوع طلال..وهي على حق مفروض هذي السالفه مو وقتها..
ريم بتحدي: ولا راح يجي وقتها..
عبير ودها تقول لريم خلاص ارحميني ترى كفايه اللي فيني..طالعت العنود ولا كأن صاير فيها شي..حسدت العنود على اللي هي فيه كيف لحد الان ساكته..ما بكت..وما تحركت ولا كأنها متأثره بالمره..صح عيونها تحكي حزن العالم..لكن من الخارج..جسد بلا روح ..بلا احساس..بلا مشاعر..
رغد: بنات خلونا ننام عشان من بدري نروح لطلال..
الكل وافقها الراي وراحوا في نومه عميقه الا العنود وعبير وين يجيهم النوم..وعبير تدري بالعنود..والعنود تفكر بأحلامها الي طيرتها الرياح مثل الرماد..عبير هي الناراللي حرقت احلامها وهي نفسها الرياح اللي طيرتها بنفسها...
&&&&&&&&&&&&&&&&&&&&&&&&&&&&&&
صباح الاحد,...
رجعوا العيال وراحوا الحريم والرجال بدالهم...
راح ابو فواز واستفسر عن حالة طلال اكثر..
دخلوا الحريم مع البنات لعند طلال اللي مازال نايم من تأثير البنج...
ام فواز تطالع ولدها وتبكي بصمت..قطعت قلوب اللي حولها..البنات كلهم ما تحملوا منظر طلال..والتعب باين عليه والسواد تحت عيونه..والاجهزه حوله...
العنود تتطالعه وتحس ضميرها ياكل قلبها اكل..واحساسها انها هي السبب بالللي صار لطلال ..لانها قست عليه..بس مضطره تقسى عليه عشان ينساها..
وبينما الحريم جالسين والبنات يسولفون سوالف عاديه...
صحى طلال: يمه.....يمه...
ام فواز فزت من مكانها بسرعه وراحت لعنده: سم يا بعد قلبي الحمد لله على سلامتك يا بعد اهلي كلهم..
طلال وعاقد حواجبه من الالم: وش صار..وش فيني..
ام فواز: الحمد لله على سلامتك يمه..
وجاوا الحريم وتحمدوا له بالسلامه وبعدهم البنات..
رغد: الحمد لله على سلامتك طلول..
ريم: ما تشوف شر يا رمز الشقا "وتضحك"
طلال ابتسم: تسلمين..
الهنوف ومها: الحمد السلامه معافى ان شالله..
طلال: الله يسلمكم..
فجر راحت باسته من خده: الحمد لله على سلامتك..خوفتني عليك..
طلال وبصعوبه يتكلم: خليني اشوف غلاي...
نوف راحت لعنده ومسكت ايده وباستها: حسبتك بتروح وتخليني..
طلال:وانا أقدر..
عبير قربت منه: طلال..الحمد لله على سلامتك..وما تشوف شر....
طلال: الشر ما يجيك "ويستنى اللي بعدها لانها اكيد راح تكون العنود"
العنود قربت وعينها بالارض ما تقدر تطالعه: ما تشوف شر يا ولد عمتي..
طلال يطالعها: الشر ما يجيك يا بنت خالي...
وقعدوا يسولفون عليه وهو ساكت لان امه مانعته من الكلام بس يسمعه..دخل الدكتور بعد ما طلع الكل من الغرفه وكشف عليه..
وقال انه تحسن عن اول..
وقعدوا عنده لما العصر...رجعوا الحريم لبيوتهم الا ام فواز والبنات جالسين معاه الا الهنوف ومها راحوا على بيوتهم... ولا طلعوا من عنده الا عالساعه ثمانيه بالليل..وبعد الويل...بعد ما جات الممرضه وطردتهم طرد..بس قبل ما يطلعون كلهم..
طلال: العنود...
العنود وقفت وماودها تقعد مع طلال لحالهم: سم..
طلال: تعالي ابيك بشي..
العنود طالعت ريم وبعدها عبير اللي سوت حالها مو مهتمه..بعدين قربت من عنده: سم..
طلال: سم الله عدوك... بس حبيت اقول لك..سامحيني على الكلام اللي قلته لك وانسيه ولا كأن صار شي اوكي..
العنود رفعت عينها عليه مصدومه..اللحين هو قاعد يعتذر عن خطائه..وخطائه انه حبها..
قالت بسرعه: انا اللي سامحني لاني قسيت عليك..
وطلعت بسرعه قبلا لا تطلع روحها من كلام طلال اللي مثل الملح على الجرح..يألم بالحيل..اكبر من ان يتحمله أي شخص..خصوصا من شخص حبته.يتأسف ويعتذر من انه اعترف للحبيب عن حبه ويطلب منه ان ينساها..
&&&&&&&&&&&&&&&&&&&&&&&&&&&&
جلس طلال في المستشفى اسبوع كامل..صار طلال يتحاشى العنود والعنود نفس الشي..لحد ما انقطعت العنود عن الزياره لانها تعبت..ما تتحمل تشوف طلال يصدها بالقصد...
&&&&&&&&&&&&&&&&&&&&&&&&&&&&

شجون جالسه تكلم فهد...
شجون: فهود وش رايك تجي عندي في البيت..
فهد: صدق!!!
شجون: ترى عندنا عيال يهبلون مثلك..
فهد: اوكي..اجيكم اليوم؟؟؟
شجون: ايوه ليش لأ..
فهد: خلاص ثواني وانا عندك..
شجون: يلا باي..
فهد: باي...
شجون: بأتصل على ريم ولا رغد تدبرني..."واتصلت"
شجون: الوو.
رغد: هلا والله وغلا..
شجون: اهلين..رغوده قلبي انا عزمت فهد لبيتكم .عشان مشعل وصديقه محمد..هم موجودين؟؟
رغد: ايوه موجودين..
شجون: اوكيه دقايق وجايتكم..
رغد: حياك الله يا قلبي..
شجون: تسلمين...باي.
رغد: باي..
راحت شجون لبيت خالتها ام مشاري..وبعد نص ساعه وصل فهد..
شجون فتحت الباب: فهوووووووود..
فهد ابتسم: شجوووونه..
شجون باسته من خده: تفضل يا قلبو..
فهد: هههههه تحسسيني اني بزر..
شجون: لا وش دعوه انت سيد الرجال..
رغد نادت مشعل..
مشعل:مين هذا...؟؟
رغد: هذا فهد اخو صديقة شجون..
مشعل: اهااا... اوكيه رايح له..
دخل مشعل وحصل فهد يسولوف مع شجون..
مشعل: السلام عليكم..
الكل: وعليكم السلام...
مشعل سلم على فهد: هلا والله..انا مشعل..
فهد: وانا فهد..
مشعل: هلا والله حياك الله..كيفك فهد..
فهد: والله تمام..
مشعل: تجي تجلس معانا مع العيال بدال جلسة البنات..
فهد: اوكي...
وراحوا....
شجون: رغد قلبي..تتوقعين بيتغير..
رغد: ا نشا الله..خليه كل يوم يجي...
شجون: ا نشا الله..بس هو تغير كثير..ما عاد صار يكلم البنات وهذا اهم شي ...والعيال اللي اكبر منه احس ان علاقته فيهم خفت كثير..ما عاد صار يتكلم عنهم مثل اول.,...
رغد: الله يتمم عليه ا نشا الله..
شجون: الا وين ريم..
رغد: في بيت عمي عند العنود..
شجون: سلامت وش فيها العنود..لها كم يوم ما جات المستشفى..
رغد: والله تدلع شوي..
شجون: بس اخر مره كان شكلها مره تعبان..
رغد تصرفها: لالا ما فيها شي مثل ما قلت لك تدلع..
&&&&&&&&&&&&&&&&&&&&&&&&&&&&&
ريم: انتي قررتي يا العنود..تحملي نتيجة قرارك..
العنود: ريم لا تحطين اللوم علي..
ريم: محد قال لك تقولين شي وانتي ما فكرتي فيه مية مره...مفروض يوم اعترف لك توقفين هنا وتراجعين حساباتك مليون مره مو ميه...
العنود: طيب الحين طاح الفاس بالراس وش اسوي..
ريم بقسوه عشان تقوي العنود: انسيه...الزمن كفيل انه ينسيك طلال وابوه بعد..
العنود: توقعين بأقدر....!!
ريم: قوي نفسك يا العنود..لا تصرين ضعيفه..خليك القويه..اللي ما يهزها شي بالدنيا كلها..ولا تتعثرين في اول مطب بحياتك....بالعكس هذا يدفعك قدام..كملي حياتك وشوفي مستقبلك ..وربك بعوضك ويعطيك على قد نياتك..
العنود ردت روحها شوي: ابيك تساعديني..
ريم: ابشري يا بنت عمي..ان شا الله مثل ما خليته يحبك راح اخليك تنسينه..اصلا شوفيه كيف الحين يتصدد عنك..
العنود: تدرين يا ريم وش اكثر شي تحسفت عليه..تحسفت اني ما تركته من البدايه..توقعت بقدر افكر بنفسي قبل اختي..توقعت اني هالمره بشوف مصلحة نفسي قبل الكل..بس اكتشفت اني ظلمت نفسي وظلمت الولد معاي.. هو اصلا ما كان منتبه لي.وانا من غبائي قربته بناحيتي...اصلا انا مالي ومال الحب..اصلا انا مفروض اجيب قفل واقفل قلبي...
ريم: صدقيني يا العنود اريح لك..
العنود: خلاص من اليوم ورايح..راح ترجع العنود الاولى..الاولى اللي قبل الحب والضعف..
ريم: بعض الحب ضعف..وبعضه يزيدك قوه..لكن حبك ما زادك الا ضعف والم..
العنود بأصرار: خلاص لا عاد تجيبين سريته..انا قررت انساه او اتناساه..واعيش حياتي..
ريم: بدون تضحيات جنونيه..
العنود تأكد وهي مبتسمه: وبدون تضحيات جنونيه..
ريم قامت وحضنت العنود: هذي العنود حبيبة قلبي..
العنود: والله من دونك ما ادري وش كان بيصير فيني..
ريم: انا وياك كل وحده تكمل الثانيه..
العنود: الله يخلينا لبعض..
ريم: هههه امين..
&&&&&&&&&&&&&&&&&&&&&&&&&&&&&&&&
نسيت ابشركم بشي..تركي جاب نسبة 95%..
وسليمان جاب 98% ما شا الله عليه...
&&&&&&&&&&&&&&&&&&&&&&&&&&&&
بعد اسبوع من الاحداث طلع طلال من المستشفى واعتذر من الجامعه السمستر هذا عشانه مكسر كله...والعيال طول الوقت حوله ما يتركونه الا وقت النوم..

فهد صار صديق مشعل ومحمد وما يفارقهم ابد..

شجون حققت اللي في بالها وارتاحت..ومره فرحانه بفهد وما تناديه الا بأخوي..ومتهمته بكل شي بحياته وكأنها امه..

العنود تناست طلال وتحاول قد ما تقدر ما تفكر فيه وتقنع نفسها ان اللي بينهم انتهى وعدّى..

والبقيه على ما هم عليه...

&&&&&&&&&&&&&&&&&&&&&&&&&&&&&&&&&&&&
فجر ما سكه موبايلها:شجون بأمرك الحين عشان تشوفين فستان زواجي..
شجون: صدق خلص..
فجر: ايوه ..الحين بروح اسوي بروفه وابيك معاي..
شجون: اوكيه استناك..
فجر: اوكيه باي..
شجون: باي..
وصلت فجر بيت ابو فيصل...شافت عند باب بيتهم بنت واقفه تكلم فيصل وتدلع عنده وتتميع ولازقه فيه..وفيصل يسولوف معاها..
فجر تحس ان عقلها طار من راسها..كيف فيصل النذل يقعد يحاكي وحده مثل هذي..
نادين بدلع ماسخ: فيصل انا احبك ..تروح تتزوج وحده غيري...
فيصل يحاول يضبط اعصابه قد ما يقدر: نادين بليز روحي لبيتكم واستري على نفسك ويكفي فضايح..
نادين: انت خنتني وغدرت فيني..
فيصل: تراك ماخذه في نفسك مقلب..
نادين: بس انامتأكده انك تحبني..
فيصل متعجب: انا احبك؟؟؟؟؟
فجر من ورى فيصل وما لحقت الا على اخر كلمه: اذا انت تحبها ليش تزوجتني..
فيصل اخر شخص توقع يسمع صوته الحين..صوت فجر.والتفت عليها مصدوم..
نادين تطالع فجر من فوق لتحت: وان شا الله هذي زوجتك؟؟
فيصل صرخ فيها: نادين... اقول لك روحي بيتكم..
نادين بكت وراحت لبيتهم..
فجر تطنز: حرام كسرت بخاطرها المسكينه..
فيصل برجى: فجر انتي فاهمه الموضوع غلط..
فجر موصله معها: فاهمته غلط؟؟؟؟ وانا سامعتك تقول لها انا احبك..
فيصل: مو لانها قالت.... ..
فجر بعصبيه: لا تقعد تبرر لي..بس ابيك تجاوبني...ليش تزوجتني ما ادمك تحبها...عشان تذلني..عشان تكسر بخاطري..تكلم..
فيصل بحب: فجر انا تزوجتك لاني حبيتك..
فجر: وهذي وش تصير..ابي تفسير..
فيصل: هذي وش عليك منها..
قطع عليهم طلعت شجون من بيتهم وهي مستغربه: وش فيكم؟؟
فجر طالعت شجون بعدين فتحت باب سيارتهم: خلي اخوك يقولك"وسكرت الباب بقوه وراحت"
فيصل يطالع سيارة فجر لما راحت وضرب ايده بكف ايده الثانيه..
شجون مثل الابله..ضايعه بالطوشه: فيصل وش فيكم؟؟
فيصل طالع شجون بعدين دخل داخل البيت..ولحقته شجون.
فيصل راح وجلس على اول كنبه شا فها وسند راسه عليها وحط ايده على عيونه.."كيف فجرتروح مني بالبساطه هذي..ما صدقت على الله تحس فيني ..ترجع تتركني مثل ما كنت..."
شجون جلست حنب اخوها ومسكت ايده: فيصل قول لي وش فيها فجر..فهمني السالفه..
فيصل وخر ايده عن عيونه وتكلم بطفش: شافتني انا والمفعوصه هذي بنت جيرانا..
شجون منصدمه: نادين؟؟؟
فيصل وهو كارهها : ايوه جعل ربي ياخذها وافتك منها...استغفر الله..
شجون: واكيد فجر فكرت انك تحبها..
فيصل: ايوه وهذا اللي صار..
شجون: خلاص فصول انت اهدى وانا راح اتفاهم مع فجر..
فيصل بترجي ومسك ايدين شجون: الله يخليك فهميها السالفه..
شجون ابتسمت بثقه: ولا يهمك..وبعدين فجر قلبها طيب وتراح ترضى بسرعه..
فيصل: ما اظن بترضى بسرعه..
شجون: لا تخاف..فجر ما راح تروح منك..مع انها المسكينه جايه تاخذني اشوف فستانها..
فيصل ضاقت فيه الدنيا وكره الساعه اللي عرف فيها نادين: صدق!!!!..يا الله كله من هذي اللي ما تتسمى وجه النحس..
شجون: مو قلت لك خلاص خلي الموضوع علي..
فيصل قام بيروح غرفته: تراني اعتمد عليك..
شجون: اعقلها وتوكل..
&&&&&&&&&&&&&&&&&&&&&&&&&&&&&&
فجر رجعت بيتهم والدخان بيطلع من راسها..قابلت نوف..
نوف: فجر وش صار على فستانك..وليش ما اخذتيني معاك يا النذله..
فجر والشياطين تنقز قدامه: لان ما راح يصير فيه زواج..
نوف انصدمت: كيف؟؟؟ وش قاعده تخربطين..
فجر: مثل ما سمعتي..
وتركتها وراحت..
نوف: وش فيها هذي انهبلت وقعدت..خلني الحق عليها...
&&&&&&&&&&&&&&&&&&&&&&&&&&&&&&&&&&
شجون: ريم ابيك تساعديني..ادري ان فجر ما راح تقتنع الا بالويل..
ريم: خلاص راح نجتمع اليوم ونقنع فيها..
شجون: تسلمين يا بعد عمري..
ريم: العفو..
شجون: باي..
ريم: باي..
رغد: وش فيها فجر بعد..
ريم: متمشكله مع فيصل وناويه تطلق منه..
رغد طيرت عيونها: طلاااااااااق مره وحده.
ريم: شفتي عاد..
رغد: وش السالفه..
ريم حكت لها اللي صار..
رغد: صدق انها متهوره..
ريم: حكمت باللي شافته عينها..
رغد: يا الله وش هالمشاكل اللي تحاذفت علينا..
ريم: لاحظتي..نطلع من مشكله نجي في ثانيه..
رغد: تصدقين تعبت من اللي احنا فيه..احس اني نسيت ايام الوناسه والفله..
ريم: ما ادري ليه احس الحب هو اساس المشاكل..
رغد: لا هو اسباب السعاده..
ريم: ما اظن ان السعاده في الحب..
رغد: لوما كنا نحب بعض ما صرنا سعيدات..لو ما كنتي تحبين سليمان ما حسيتي بالسعاده معه ...لو ما كنا نحب البنات ما حسينا بالسعاده معاهم..
ريم: ياربيه هالحب غريب يتحكم في كل شي.
رغد: لا حياة بدون حب ولا حب بدون حياة..
ريم: صايره حكيمه..
رغد بثقه:من حيني وانا حكيمه..
ريم: في هذي صادقه..الله يكملك بعقلك..
رغد: ههههههه الله يسلمك...الله يعينا على فجر وش يقنعها..
ريم: أي والله...
&&&&&&&&&&&&&&&&&&&&&&&&&&&
بالليل...
البنات محاصرين فجر وقاعدين يقنعون فيها وهي مصره وما تبي الا الطلاق...

@@@@@@@@@@@@@@@@@@@@@@@@@
" نهاية البارت "

الجزء الثامن والثلاثون..
""الفصل الأول""

البنات محاصرين فجر وقاعدين يقنعون فيها وهي مصره على رايها وما تبي الا الطلاق...
رغد: انهبلتي انتي...على طول طلاق يا فجر؟؟
فجر: اقول لك سامعته بأذني يقول لها احبك..
ريم: طيب انتي اسمعي السالفه اول بعدين احكمي..
فجر معنده: واضحه مثل الشمس ما يبيلها كلام..
شجون: والله يا فجر فيصل ما يحب غيرك..واذا كان يحبها من قبل خذاها هي مو انتي...
رغد: ايوه..صح كلام شجون يعني لو كان يحبها وشوله ياخذك انتي..
فجر: مدري عنه..واللي ادري عنه ابيه يطلقني وبس..
العنود بعصبيه: قسم بالله اذا ما سكتي يا فجير ترى بيجيك ذاك الكف اللي يصحيك..وش هالبهال اللي انتي عايشته..كل كلمه والثانيه طلاق وطلاق..تطلقي وفكينا..
عبير: بس لا تنسين فيصل وحبه لك شوفي كيف بغى يموت عشان يوصلك يا الهبله..
نوف: حتى انتي حبيتيه من كل قلبك..
الهنوف: حرام تضيعينه من ايدك.
مها: كان صادق معاك في حبه ولا يا فجر؟؟
فجر محتاره: ما ادري...ما ادري..بس ونادين..
شجون: نادين هذي وحده فيها مرض نفسي وأسألي ريم ورغد كمان هم يعرفونها..
رغد: ايوه يا فجر هي مريضه..عشان كذا فيصل يعطيها على قد عقلها..
ريم: لا تخسرين فيصل بتهورك يا فجر.
رغد: وعلى شي تافه بعد..
بعدها سمعوا صوت مسج من موبايل فجر..
************************************************** ******************************************
اناحسيت بالغلطه وجيتك اشيل العذربكفوف الخضوعي..
ماينشغل بالي عنك ثواني ولا انساك
اغمض عيوني عليك ومسكنك في وريدي
ياحياتي انا ووقتي وروحي والعمر نرخص ونفدى بسمة شفاك
طلبتك هاتي كفوفك وخلي ايدك بإيدي
~~~~~~~~~~~~~~~~~~~~~~~~~~~~~~~~~
كتبني الشوق في بعدك حروف تصرخ بهمي
وقلب ما نسى عشقك وذاق المر بغيابك
تعال يا شفا جروحي تعال يا جسد روحي
شاب طفل الشوق فيني وأرتكى وجدي وحنيني
تعال أخاف من العمى يصافح عيوني من كثر دمعي
تعال بسألك عني أبي أعرف أنا ويني ؟!
نسيت إسمي وعناويني وذكرتك بس يا نوري
وأنا معذور لو أنسى جميع الكون بفراقك
طلبتك خلي لا تقسى على من يعشق أهدابك
حرام الحزن يرسمني أحد لوحات جدرانه
وحرام الهم يطويني وأعيش بداخل أركانه
متى تحضني طيوفك متى تلملمني كفوفك
تعال بسألك أشياء كثيره حيل تشغلني
وش الشاعر بلا إلهام وش الموطن بلا حكام
وش الكاتب بلا أقلام وش العاشق بلا أحلام
وش الجملة بلا معنى بودي أنتظر ردك
ولكن شوقي مستعجل يقول إكتب إجاباتك
إجاباتي هي إني أنا الشاعر يا إلهامه
وموطن يرجي حكامه تروف بشعبك الهايم
أنا المشتاق وأنا العشاق وجملاتي بلا معنى
إذا ما كنت معناها بخيله هالمعاني
حيل
سقيمه كل كلماتي تعبت أرجيها توصفني
وتكتب ما جرى بحالي وجفت كل أحباري
قبل ما توصل المعنى قلبي ما قدر ينساك
وش أحكي لك وأقول حنين الشوق ذوبني
************************************************** ******************************************

البنات يطالعون فجر وهي تقرا المسج وعيونها مليانه دموع...
شجون: فيصل صح؟؟
فجر هزت راسها بالإيجاب...
رغد: حرام عليك تكسرين بخاطره...تراه يحبك ويموت فيك..
ريم: غبيه اذا تركتيه وخليتيه لغيرك..
العنود: تمسكي فيه يا فجر ولا تضيعينه من بين ايديك..
ريم لفت على العنود..تدري انها متحسفه قد شعر راسها انها ما تمسكت بطلال وحاربت الكل عشانه..
فجر ابتسمت: كأني رضيت..
البنات يصفرون ويصفقون: هووووووووه واخيرا..
فجر: بشرط...يجي ويراضيني..
رغد: لا وش رايكم نسوي حفلة صلح..
ريم: انا موافقه..
العنود: الله يعني في كيك واكل ..ياميييي..
عبير: هههههه وهذا اللي هامك انتي وبطنك..
العنود: احسن منك يا السودانيه..
شجون: متى نسويها؟؟
رغد: وش رايكم بكره في بيتنا..
البنات: اوكيه..
فجر: الله الله بالشي الزين..وانتي يا شجون لا تقولين لاخوك اني رضيت قولي له انه لازم يراضيني..
شجون: اوكيه راح اقوله..اجل تبين تذلين اخوي؟؟
فجر: اجل اذل نفسي..هو الغلطان هو يتحمل..
العنود: عاشت عاشت فجير..ايوه خلك كذا تعجبيني...
فجر: ههههههه اعجبك..
نوف: العنود لا تخربين اختي ترى بتطلق والسبه انتي..
العنود: احسن لها وشوله العرس توها صغيره..
فجر: عناد فيك ..بتزوج وارتاح منك..
العنود: تدرين لو انك ما زلتي مصره على الطلاق كان دفعتك قيمة الفاساتين كلها...
فجر: ههههه اجل الحمد لله ما تطلقت..
وبعدها كملوا البنات السهره ورجعوا لبيوتهم....
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
في بيت ابو فيصل..
فيصل بلهفه: وش قالت..
شجون: هي ما قالت شي بس البنات قالوا ان بكره بيسوون حفلة صلح وانك لازم تجي وتراضيها...
فيصل: طيب بترضى..؟
شجون: ا نشا الله بترضى..
فيصل: تصدقين يا شجون اكتشفت اني اعشق هالبنت..نص يوم وهي زعلانه مني ما قدرت اتحمله..
شجون: هذا الحب وما يسوي..
فيصل: اهم شي ترضى عني ورتاح..
شجون: ا نشا الله...يله انا طالعه انام تامرني بشي..
فيصل: مشكوره يا شجونه..واشكري البنات بعد..وتصبحين على خير..
شجون: وانت من اهله...وما سويت الا الواجب وبعدين انت الغالي ..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&

في بيت ابو فواز..
نوف: واقول لك عنيده تقول خلوه يطلقني..
طلال متحمس: ايوه وبعدين...
نوف: قعدنا احنا والبنات نقنع فيها لما رضت..
طلال بأهتمام: كل البنات...
نوف: ايوه كلهم..
طلال يبي يوصل للي في باله: وش قالت كل وحده منهم..
نوف: والله ما اذكر زين..
طلال: بنات خالي ابو ماجد وش قالوا...
نوف: العنود اتذكر انها قالت تمسكي فيه ولا تفرطين فيه ابد...
طلال: اهااااااا...
نوف: اقول طلال متى راح تفك الجبس اللي عليك؟؟
طلال: والله رجلي بعد اسبوع بس ايدي اتوقع اني مطول...
نوف: ايه الله يعينك...يله تصبح على خير...
طلال: وانتي من اهله..
طلعت نوف الدرج..الا دخلوا فواز وبدور ..توهم جاين من المطعم..
نوف وهي واقفه في نص الدرج: هلا بروميو وجولييت..
فواز: هلا بك نوافه كيفك..
نوف: تمام...كيفك بدوره..
بدور: تمام والله...كيفك انتي وفجوره العروسه..
نوف بتفكير: امممممم والله تمام..
بدور قربت من نوف: ليه صاير شي...
نوف: سالفه طويله اقولها لك بكره اوكي...
بدور: اوكي..
طلال يستهبل: فواز ليش ما اخذتني معاك..؟
فواز: واحد وزوجته طالعين..ياخذ

فجر طلعت ومعاها رغد للمجلس.. فجر تحس الارض ما عاد تقدر تشيلها..ورجولها تتصاقع في بعض..وترتجف كلها وميته من الحيا..
رغد فتحت لها الباب ودخلت فجر وسكرته...
فجر حصلت فيصل جالس وحوله البالونات والانوار الصفراء عاكسه عليه طالع شكله عذااااااب...فاوقفت رجولها..ما عاد تقدر تشيلها اكثر من كذا..
فيصل بس شاف فجر وقف في مكانه..اشتاق لها بالمرررررره..حس ان الدقايق والساعات والثواني بدونها مالها أي طعم..
فيصل: فجر..."وقرب منها.." تعالي اجلسي...ومسك ايدها لحد ما وصل للطاوله وسحب لها الكرسي وجلسها وبعدين جلس قبالها...
فيصل ما يدري وشلون يبدى بالكلام ومرتبك وحالته حاله: احم...فجر قلبي..انتي فهمتي الموضوع غلط يا عمري...اتمنى انك تسمعيني ولا تقاطعيني...
فجر والكلمات تطلع بصعوبه: صوصو...خلاص انسى اللي صار وانا راح انساه ..وماله داعي نذكره ..نبي نعيش يومنا وخلنا من الماضي..
فيصل اراتااااح وابتسم: يعني انتي راضيه علي..
فجر: ايوه يا قلبي...
فيصل مسك ايدينها الثنتين: ما تصدقين يا فجر ان حياتي بس بزعلك انقلبت فوق تحت..كيف لو رحتي وخليتيها يمكن اخلي روحي تخلي جسدي على طول...
فجر اتسعت ابتسامتها: بسم الله عليك..وبعدين انا ما اقدر اتخلى عنك..لانك وبكل سهوله انت روحي وحياتي...
فيصل: فجر وربي اني احبك..
فجر: وانا احبك..
فيصل: انتي سعيده معاي يا فجر..
فجر: السعاده ما تجي الا معاك يا قلبي...
وقف فيصل وقرب فجر منه وطبع قلبه على شفاهها..طاهره ومعبره عن الحب والهيام اللي بينهم...
فجر نزلت راسها من الحيا...
فيصل مسك كاسين عصير ومد لها واحد: يله شربيني واشربك..بس موت تكتينه علي..
فجر: هههه ليه شايفني خبله..
فيصل: والله انا المخبول بك..
ومسك كاس العصير وشربها..وهي نفس الشي..
فيصل: اممممم لذيذ لانه منك..
فجر: تسلم..
طبعا نسيت اقول لكم ان لاشي يخفى على البنات وخصوصا العنود وريم فا كانوا متابعين المسلسل من الاول...
العنود: شوفي....شوفي الوصخ وووووع...
ريم: غطي عيونك حرام تشوفين اشياء مثل كذا..
رغد: استحوا على وجيهكم وانزلوا...
عبير اللقافه ما كله قلبها: وش يسوون الحين..خلوني اشوف...
العنود: توك صغيره يا عبيروه...يؤ يؤ شوفي وش يسوي...
ريم: والله يا فجير ما انتي بسهله..وانتي يا عنيد غطي غيونك بس انا اللي اطالع...
رغد عصبت: قسم بالله اذا ما نزلتوا ..ترى بأتخذ معاكم اجراء اخر..
ريم نزلت من فوق الكرسي: اووف يا الله يا حبك للنذاله..
العنود نزلت بعدها: وووع..فجير ما ادري وشلون تتحمل هالاشياء..
عبير: ليش وش سوى..
العنود: يعني وش بيسوي...انتي افهميها.....
الهنوف: والله عيب اللي تسونه..تخيلوا انكم مكان فجر ما راح ترضونها....
العنود: لو انا مكان فجير ..ما سويت اللي سوته..
نوف: بعلم اختي..
العنود: انطقي بحرف..وشوفي وش يصير لك..
رغد: خلونا نروح الخيمه لحد ما يطلعون..
البنات: يله...
وجلسوا يستنون فجر وفيصل..لحد ما طلعوا..ماسكين ايدين بعض والابتسامه واضحه على وجيهم..فيصل طل في الخيمه...
فيصل: كلها بنات..
فجر: خلاص انت روح وانا بأقعد معاهم ومرني بعد ساعتين..
فيصل: اوكي قلبي باي..
فجر: باي...
ودخلت فجر: هاااااااااي..
العنود: هايااااات..وشو اللي بعد ساعتين..
فجر: فيصل بيمرني ونطلع مع بعض..
العنود: يا ليتنا ما صالحناكم كان ارتحنا..
فجر: وش هالنذاله..
رغد: بشري يا قلبي تمام..
فجر ابتسمت وتذكرت اللي صار وتوردت خدودها: ايوه تمام..
ريم: الله يوفقكم..
العنود تحاكي نفسها: اكيد بعد اللي شفته بيكون تمام..
فجر لفت عليها: ايش وش قلتي..
العنود: اقول من شفته ماسك ايدك وانا ادري انه تمام..
فجر: اهاااا..
نوف راحت وباست اختها: مبروك يا احلى عروس في الدنيا..
وبعدها قاموا البنات يزغرطون وشلغوا الاستريوا وبدى الرقص والهبال...
وقصوا الكيكه مع بعض وكل هذا مصور من كاميرا رغد..
وحضنوا بعض وبكوا وضحكوا ورقصوا وكل شي سووه..
مرت ثلاث ساعات سريعه وجاء فيصل واخذ فجر وراحوا مع بعض والبنات كملوا السهره..لحد ما انتصف الليل ورجعوا لبيوتهم..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
مرت اسبوعين سريعه واعلنت سرعتها قرب زواج فجر..الكل تجهز والكل مستعد لان بكره زواجها من فيصل..
**********************************************
بيت ابو فواز..
فجر: يمه خايفه.
نوف: عادي يا قلبي خوف طبيعي..
فجر: تتوقعين بكره بيكون زواجي حلو..
نوف: انتي اللي راح تحلينه..
فجر: تتوقعين كل شي بيطلع حلو..
نوف: اكيد بتكونين حلوه..
فجر: طيب تتوقعين في الزفه ما راح اطيح؟..
نوف تضحك على اختها: هههه لا ا نشا الله ما راح يصير لك شي..
فجر: اخاف يصير لي موقف محرج..
نوف : ماراح يصير لك شي..
فجر: طيب تتوقعين.......
نوف: خلاااااص يا فجر ما راح اتوقع شي وروحي نامي عشان بكره وراك زواج..
فجر: خايفه وشلون انام..
نوف: انتي روحي لغرفتك وانسدحي.وشيلي الافكار من بالك وراح تنامين..
فجر: طيب تعالي نامي معي..
نوف: اوكي راح انام معاك..
وطلعوا لغرفتهم ونامت نوف وتركت فجر....
&&&&&&&&&&&&

&&&&&&&&
يوم الزواج...
فجر قايمه من صباح ..وراحت قاعة الزواج ومعاها نوف وام فواز..
البنات صحو بدري وراحوا لصالون واحد وسوو شعورهم ومكياجهم وكان بالمره حلووووو..
فيصل مسكين من امس ما نام بس يفكر..طلع لعند حلاقه الخاص وسوى تنظيف بشره وحلاقه ومساج والخ...........
الحريم جابوا لهم كوافيره تجهزهم في بيت ابو مشاري عشانه اقرب شي للقاعه..
القاعه كانت مجهزه وخالصه وشكلها خيالي..كانت الفكره انها تكون كلها كرستالات فضيه كبيره وفي كل مكان..والكوشه كمان كلها كرستالات..وحتى كراسي الكوشه مرصعه بالكرستال..
كان كل شي فوق الخيال..وزواج اكيد الكل راح يتكلم عنه..وخصوصا باين فيه البذخ...
على الساعه ثمانيه خلصوا الحريم والبنات واجتمعوا في القاعه..
دخلوا غرفة فجر...
رغد: هلا والله بالعروسه..
كانت رغد لابسه فستان اصفر كريمي..اكمامه طويله ومسكر من عند الكف..وفي نفس الكم فتحه من عند الكف الى الذراع بعدين فتحه ثانيه من الذراع الى الكتف...ومن الصدردرابيه..ومن الخصر فيه حزام ذهبي ..وطويل وله ذيل حوالي متر..
دخلت بعدها ريم: مبروك يا عروسه..
ريم كانت لابسه فستان لونه احمر واسود مموج حرير.. من الصدرتوب بدون اكمام ..ومخصر على جسمها..وحزام فضي على الخصر..وقصير لحد الركبه من قدام وطويل من ورى..
دخلت بعدها العنود: الله يعينك يا فجر تحت كله ناس ومليان..
كانت لابسه العنود فستان اسود ..لاف على رقبتها ومخصر على جسمها وطويل ..وتحت الصدر كان فيه بروش فضي ويعتبر هادي ورايق..
وبعدها عبير: مبروك يا عروسه زغرطواااا..
كانت لابسه فستان تركواتز لف على الرقبه وفتحت الصدر على شكل سبعه كبيره ومخصر على جسمها وطويل..
وبعدها شجون: هلا والله بمرت اخوي...
كانت لابسه فستان سكري مع وردي..توب من عند الصدر وخصر على جسمها وحزام وردي ونهاية الحزام من ورى على شكل فيونكه..وقصير لحد الركبه..
الهنوف: منك المال ومنه العيال...
كانت لابسه فستان اخضر حرير مرررره نعوم وطويل..
مها: مبروك يا قمر...
كانت لابسه فستان فوشي مره هادي وناعم ومناسبها وطويل...
فجر: الله يبارك فيكم عقبالكم يا حلوين...
البنات بصوت واحد: امين...
فجر: ههههه والله انكم مهبل..
رغد: فجوره طالعه تهبلين..
ريم: ايوه بسم الله عليك قمر...
نوف: حبيبتي اقري على نفسك والله اخاف الناس تصكك بعين...
فجر: الله يسملكم..
وجلسوا البنات عندها يونسونها..
فجر: وربي خايفه..
رغد: ماله داعي الخوف يا قلبي ترى كلها زفه..
فجر: الله يستر بس..
العنود كاتمه ضحكتها: امة محمد تحت الله يعينك..يعني تخيلي العيون بتكون عليك..
فجر وهي بتبكي: العنود تكفين لا تخوفيني..
ريم: العنود خلي عنك فجر وخلينا ننزل ونرقص وننبسط..
العنود: يله..
عبير: جايه معاكم..
رغد: انا بروح لخالتي ام فواز اكيد محتاسه..
نوف: حتى انا بروح مع امي..
فجر: اجل الهنوف ومها يجلسون عندي..
الهنوف: ابشري ما طلبتي شي...
نزلوا البنات...كانت القاعه مليانه حريم وبنات..وكانت عيونهم على البنات النازلين كل وحده تقول الزين عندي..العنود وعبير وريم اتجهوا للمنصه وانواع الرقص والطقاقه تشجعهم وهم يزيدون..
نوف ورغد راحوا لام فواز يساعدونها في استقبال الحريم والاشراف على الصبابات والخدم والتقديم...
جا وقت الزفه..اول شي بيزفون فيصل بعدين فجر..
طفت الانوار وتسلط نور ابيض قوي على البوابه...دخل فيصل وابوه وفواز وطلال..على اغنيه سريعه وطق جامد وسريع..البنات ما يدرون يطالعون فيصل ولا طلال ولا حتى فواز بس عارفين انه متزوج..طلال داخل بكل جماله الذبااااااح واللي محليه اكثر شي ربطة ايده الزرقاء اللي لافه حول رقبته..قعد يتميلح عند البنات..والبنات خاقين عليه لدرجه ان وحده صرخت بقوه"يقطع شكله يجنن"..طلال سمعها ولف عليها وعطاها نظره خلاها تذوب في ارضها...
العنود وعبير محترقات..صحيح العنود تسوي نفسها ما عاد تهتم فيه بس شي غصب عليها..لحد الان ما قدرت تشيل طلال من بالها نهائيا..اما عبير ما تحملت وراحت لعند البنت وشرشحتها لما قالت بس والعنود فزعت معاها..
جلس فيصل على الكرسي وهو متوتر وخايف...ويطالع القاعه كلها حريم..وهو ما يحب مكان مليان حريم..وهذا الشي زاد من حدة توتره..صار يعدل شماغه كل شوي..يعدل البشت..يكح شوي..يحط ايده على فمه يحطها على جنب..بعدين جات لعنده امه وسلمت عليه وباركت له وقعدت تبكي ..وبعدها شجون.
شجون: مبروك فصول منك المال ومنها العيال...
فيصل: الله يبارك فيك..
شجون غرقت عيونها دموع: يا الها قد ايش مبسوطه انك تزوجت..
فيصل: هههه عقبالك..
وجات عبير والعنود ورغد ونوف وسلموا عليه وهم حاطين لثمهم ولابسين عبياتهم..
العنود: مبروك يا الغثه..
فيصل: الله يبارك فيك يا النشبه..
عبير: مبروك فصول وحط فجر بعيونك..
فيصل: الله يبارك فيك..وفجر بقلبي..
رغد: مبروك فيصل والله يوفقكم..
فيصل: امين والله يبارك فيك وبأيامك..
نوف وهي تبكي: مبروك فيصل وترى يا ويلك اذا زعلت اختي...
فيصل: ههههه ان شا الله اقدر اسعدها..
ووقفوا جنب الكوشه عشان بعد شوي راح تنزف فجر..
ريم جايه مسرعه: مبروك يا فيصل يا رمز الشقا..
فيصل: اللي يبارك فيك يا رمز الفقر..
ريم: ان سمعت انك زعلت فجر بكلمه...ترحم على نفسك..
فيصل : لا تحلمين بذا اليوم..
ووقفت ريم جنب البنات....
طلال واقف جنب العنود...والعنود متوتره من وجوده.. ما تقدر تتحمل حبها الاول جنبها..
العنو بهمس: عبير بدليني مكانك..
عبير: ليش؟؟
العنود: بدليني وانتي ساكته..
عبير: اوكيه..
وتبادلوا الاماكن..
طلال انقهر منها..لهدرجه كارهته..فا حب يشوف هي نسته ولا تحاول تتجنبه عشان تنساه..
طلال بصوت هادي: اهلين عبوره كيفك..؟
عبير ابسمت وبتطير من الفرحه: الحمد لله تمام..كيفك انت.؟
طلال: ما دامك بخير اكيد انا بخير..
كان قاصدها يبي يشوف ردة فعل العنود..بس العنود ما تفوت عليها هالحركات وسوت نفسها ولا همها..
طلال انقهر منها لما ماشاف ولا أي تعبير على وجهها.....قعد يطالع عبير.........حس بمشاعر غربيه..بعدين بعد الافكار من راسه..بعدين رجع يطالع بعيونها ..يحس لها مكانه بقلبه من زمان بس كيف قدر ينسى هالمشاعر أو وش اصل هذي المشاعر..
طيب واللي احسه مع العنود وش يصير..حس نفسه بيدخل بدوامه لو فكر اكثر فا راح يستهبل على فيصل لحد ما تنزف فجر...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&

&&&&&&&&
نوف راحت لاختها ودخلت عليها...
فجر اخترعت: يمه ...انزف فيصل...
نوف: ايوه...والحين دورك..
فجر: اقول ودي اهون ا حسن لي..
الهنوف: فجر حبيتي كل شي راح يكون اوكي..
فجر: الله يسمع منك..
نوف: يله حبيبتي وقفي عند الباب عشان اعدلك..
فجر وقفت عند الباب بفستانها الابيض الكبير..كمان كله مرصع بالكرستالات وكأنها ملكة زمانها او اميره من عصر ثاني..توب من عند الصدر بدون اكمام,, وماسك لحد خصرها بعدين يكبر..مسويه تسريحه هاديه وناعمه ونازل شعرها يعني مو كله مرفوع..وحاطه الطرحه عليه بشكل حلو وانيق..
فجر تحاول تسيطر على نفسها..واللي وحويلنها يهدونها..
مها: عدي من واحد لما عشره بعدين خذي نفس عميق..
فجر: اوكي"وسوت اللي قالته لها مها لعلى وعسى يجيب نتيجه"..
بعد لحظات انفتحت البوابه الكبيره...
فجر وقف الدم في راسها..خافت وودها تتراجع بس خلاص الحين هي في الامر الواقع وما تقدر تهرب منه..تقدمت خطوه وحده طلب من المصوره...وبدت النغمات تعلى كان اول شي موسيقى هاديه تعبر عن جمال وروعة العروسه وتصميم الكوشه...وتقدمت ونزلت اول درجه وحولها خدامتين بلبسهم الابيض والاسود يعدلون فستانها ويساعدونها في ترتبيه..والمصوره كل شوي تقول لها طالعي هنا ابتسمي امشي..وقفي ..الخ...
فجر حست ان المسافه بعييييييييده على ما توصل لعند فيصل..
قطعت نص المسافه وعيون الكل عليها ..الكل يطالعها كانت من عصر غير عن كل العصور ..غاليه ثمينه يحسون وكأنها نجمه في السما صعبه احد يوصل لها..
بعد الموسيقى بدت قصيده من تأليف فيصل وصوته..فجر ما كانت عارفه عن هالقصيده شي..بس فيصل قد سمعها مره في الموبايل واخذ رايها..خنقتها العبره وهي تسمع صوت فيصل ومعاه صدى وموسيقى..ويمدح فيها.ويبين كيف انها بعيده بعد السما وان محد قدر يوصلها بس هو وصلها بشوقه وحبه لها ويحمد ربه على النعمه العظيمه اللي اهدها له اللي هي فجر...فجر طالعت فيصل بعيونها ودها تركض له وتضمه..بس اكتفت انها تطالعه وحبه يزداد بقلبها بكل لحظه بكل ثانيه ويزيد اصرارها بتمسكها فيه وتعلقها به...
وصلت واخيرا فجر لعند اول درجه للكوشه ..فيصل يوم شافها تلخبط كيانه..انعفس فوق تحت..كانت جميله روعه خياليه وجهها كله طفوله وبرائه ممزوج بالانوثه والشباب..يراقبها كيف تطلع الدرج وكيف ترفع عيونها علي الكاميرا..كيف متوتره..طالعته ابتسمت له وهو ابتسم لها لا شعوريا..كملت فجر الدرجتين الباقيه..
قرب فيصل منها ومسك ايديها..وقفها جنبه وهو يطالعها من فوق لتحت يبي يشبع عيونه منها.. وكأنه خايف تكون سراب اذا اقترب منها ابتعد..
فجر منزله عيونها وميته حيا وخصوصا قدام الجمهور الغفير من الناس اللي منهم يحبها ومنهم يكيد لها..
فيصل طبع بوسه على جبينها: مبروك يا بعد دنيتي انتي..
فجر: الله يبارك فيك..ومبروك لك بعد..
فيصل: الله يبارك في حياتك وايامك..
وجلسها بعدين جلس..وصورتهم المصوره كم صوره وخلت الباقي بعدين..
جات ام فواز وسلمت عليها وماسكه دمعتها..
ام فواز: مبروك يا قلبي والهو يوفقكم ان شالله..
فجر: الله يبارك فيك يمه..
ام فواز: فيصل حط فجر بعيونك تراها غاليه..
فيصل: ابشري خالتي وانتي ما طلبتي شي اصلا فجر بعيوني..
نوف تبوس اختها: مبروك حبيبتي..
فجر: اللي يبارك فيك..
جاء ابو فواز وسلم على بنته وبارك لها...وفواز نفس الشي..وبدور والبنات وطلال...
بعدين بدى الطق وصاروا نوف وشجون يرقصون ..وطلال وفواز وابو فواز يعرضون..
العنود وعبير وريم ورغد واقفين يتفرجون..
فجر تطالعهم ودها تبكي وشلون بتفارق اهلها وما تصبح ولا تمسي عليهم..
ام فواز..خلت شوط خاص لطلال يرقص فيه..
ورقص طلال وطلع مواهبه والبنات اللي جالسين على الطاولات يصفرون..اخد طلال ايد نوف ورقصه معه..
عبير بقهر: شوفي كيف البنات يطالعونه..
العنود: جعل عيونهم تفقع..ولا يشجعونه وهو يزيد..
ريم مبسوطه: يهبل ولد عمتي والله ياخذ العقل..
رغد: بسم اله عليه لا يصكونه بعين هالمفاجيع..
وبعد ما خلصوا استهبال وطلعوا الرجال وما بقى الا العروسين..
وبعد دقايق طلعوا فجر وفيصل لغرفة التصوير..صورت اول شي العائله كلها بعدين طلعوا وخلوا المعاريس يصورون على راحتهم..فجر تمنت الارض تنشق وتبلعها في ذيك اللحظه وبغت تقوم وتجلد المصوره اللي كل شوي تقول لها سوي حركه العن من الثانيه..وفيصل صح متوتر بس مبسوط...

&&&&&&&&&&&&&&&&&&&&&&&&&&&&&&&&&&&&&&&&&&&&&&&

الهنوف: رغوده طالعه اليوم تهبلين اكيد الحريم خطبوك..
رغد: تكفين لا تذكريني قلبوا كبدي هالحريم..كل شوي وحده سألتني انتي بنت مين..لدرجه بغيت احط لوحه واكتب"انا رغد بنت عبد العزيز"
الهنوف: ههههه والله تسوينها..بس لو يدري اخوي تركي كان ينجلط..
رغد تعكر مزاجها من يوم جابوا طاري تركي: ايوه..
الهنوف حبت تغير السالفه لانها تعرف صديقتها وش راح تفكر فيه: اقول خليني اروح اتميلح عند هالعجايز عسى وحده تعجب فيني وتخطبني...
رغد حطت ايدها على خصرها: ومشاري اخوي..
الهنوف بعفويه: مشاري في قلبي..
رغد: اجل في قلبك وعقلك وحركات..
الهنوف ابتسمت: اقول اروح ارقص احسن لي..
رغد: بجي معاك..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
العنود: ريم والله بغيت اموت قهر وش اسوي..
ريم ببرود تكلم العنود عشان ما تلين: هذا الشي اخترتيه وتحملي نتيجة افعالك..بعدين انتي قلتي بنساه..خلاص لا عاد تفكرين فيه ولا بحركاته..وترى كل اللي سواه يبي يغيضك لانك رفضتيه..
العنود: لو انتي شفتي عبير كيف مبسوطه كان عرفتي ليش انا سويت كل هذا..
ريم: عبير مبسوطه وانتي؟؟
العنود: انا سعادتي من سعادة اختي..
ريم: اجل لا تجين وتشكين لي مره ثانيه..
العنود تنرفزت: ريم ليش تعامليني كذا....؟
ريم لفت عليها: لاني احبك يا العنود وما ودي تعانين مع هالطلال..
العنود: اقول قومي خليني اروح استهبل مع وحده من هالعجز واطلع الشيب في راسها اكثر ما هو طالع واحط حرتي فيهم..
ريم: يله وانا معاك..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
وليد: مشاري وش رايك ندخل عند الحريم ونرقص شوي ونطلع..
مشاري:..........................

@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@ @@@@@@@@@@@@@@@@@@@@@@@@@
""نهاية الفصل الأول""

[size=25]الجزء الثامن والثلاثون...
""الفصل الثاني""
وليد: مشاري وش رايك ندخل عند الحريم ونرقص شوي ونطلع..
مشاري: انا ما عندي مانع بس اسأل الشباب وشف..
وليد: سليمان وتركي وماجد ما راح يقولون شي..
مشاري: اجل يله...ضبطنا مع الحريم..
وليد متحمس: ابشر..."واتصل على عبير"...الووو
عبير: هلا والله..
وليد: اقول وش رايك ندخل عند الحريم ونستهبل..
عبير: والله ناسه يله تعالوا..
وليد: يله جايكم..
وليد: يله يا عيال...
العيال: يله...
عبير قالت لطقاقه ان العيال راح يدخلون عشان اللي تبي تتغطى تتغطى...وبلغت البنات...
ريم مبسوطه: رغيد بيدخل سليمان..
رغد: احلفي واصدقك..
ريم: يا الهو مبسوطه والله مبسوطه..
ثواني ودخلوا العيال كلهم..
دخلوا دخله لها هبيته...مشاري وجنبه وليد ووراه ماجد وسليمان وتركي..
وكل واحد يقول الزين عندي..والبنات بعد ما ارتاحوا من جمال طلال اللي يقطع القلب يجون هذولا ويكملون عليهم..
البنات وافقين على المنصه يستنونهم..
وطلعوا العيال المنصه وبدا رقص على "يا دار"
العيال يرقصون والبنات يصفقون ويصفرون..
مشاري مسك ايد رغد ورقصها معه...رغد دخلت مع مشاري في الجو..وبعدها البنات تجروء وطبوا وبدى الردح على اصوله..
ريم تطالع سليمان اللي يرقص مع اخته مها ومبسوط لها...
رغد ترقص مبسوطه على الاخر..الا صدم ظهرها بظهر شخص..لفت عليه هو لف عليهه..
رغد: وليد!!!
وليد يطالع عيونها وهو منهبل عليه: م ..معليش اسف..
رغد تحس الدنيا وقفت ..الساعه وقفت..الاغاني وقفت..كل شي وقف وهي تشوف عيون وليد تطالعها بحب وشوق..لفت على طول تدور تركي بعيونها..وهو الوحيد اللي ما وقف ويطالعها بعيونه وكيف بتاكلها الغيره..قطع عليهم اللحظات هذي صوت مشاري..
مشاري: رغد يله وش فيك وقفتي.
رغد: تعبت خلاص.."وراحت تطالعهم من بعيد"
رغد تفكر في حياتها كيف انقلبت فوق تحت" ليش الدنيا ماهي قادره تسعدني ..لا بحب ولد عمي ولا بحب ولد الناس..كل ما قلت الفرج قرب لقيت المصايب تزايد علي...كل ما قلت احب تركي يطلع لي وليد ويقول انا..وكل ما لقيت نفسي اميل لوليد يطلع تركي ويقول انا..ليش انا...ليش.."
خلصت الاغنيه ..ونبهها صوت الطقاقه..هذا اهداء خاص من وليد لبنات عمه رغد وريم..
رغد انصدمت تدري انها لها بس ريم كذا تسكيته للكل..طالعت وليد وهو مبتسم لها بحب..لفت على تركي ونفس الصدمه لقته يطالعها ويطالع وليد بنظرة كره..
"ليش يا وليد ..ليش.."
العيال كلهم انصدموا من وليد ومن حركته..وليش يهدي لهم اغنيه..بس ما حبوا يتجادلون الحين...البنات يطالعون رغد ويبون منها تفسير..
*******************************************
هلي لاتحرموني منه..
هلي لاتبعدوني عنه..

مثل ماهوه قطعة مني.....انا تراني قطعة منه...

يقولون: تحبه ..؟

أموت أنا.....أدوخ أنا......والله ميت فيه.......

تحبه....؟ بعقلي و قلبي وروحي ياعلني ماابكيه....

هلي تكفون خلوني معه ولاتلوموني....

هلي ماأريد أنا غيره ولايغني أحد عنه,,,,,

هلي....الله يسامحكم إذا ماكان عاجبكم...هلي مليت ناطركم..هلي تكفون طالبكم.........

أحس بشوفه الجنة,,,,,,,,,,,,

حشا ماكنت له جاحد....ولا أحب من طرف واحد....

شكيت( لراشد الماجد) وبسببكم ياهلي غنى,,,

هلي لاتحرموني منه,,,,
**********************************************
وليد يرقص ويأشر لرغد وعلى نفسه ويغني مع صوت الطقاقه وهو هايم ومبسوط..رغد ما بعد استوعبت اللي صار..كيف يتجرأ..كيف هو جرئ بزياده..وتركي ومشاعره...لفت على تركي ورحمته كيف انكسر خاطره وكأنه وده يستسلم ويفتح الطريق قدام وليد..رغد جوات نفسها ودها تروح تسكت الطقاقه وتوقف ليد عند حده..هو بالحركه هذي قاعد يحدد مصيرها وكأنها مالها غنى عنه..او واثق من انها تحبه..
وليد عارف ان رغد ما تحبه بس يبي يبين لها انه يعتقد انه تحبه عسى ترحمه وتشفق عليه وصدق تحبه..كان حاس بصدمه رغد وكيف قاعده تطالع تركي بعدين ترجع تطالعه وكأنها تقول "ليش سويت كذا"
رغد ما تحملت اكثر..نظرات البنات..نظرة الهنوف..نظرة تركي..نظرة اخوها مشاري..ونظرة الناس..رفعت فستانها بأطراف اصابعها و مشت ونزلت المنصه وقطعت الممر الطويل ووقفت عند البوابه تستنى وليد..
العيال بعد الاغنيه قرروا يطلعون..وريم لحقتهم عشان اختها رغد..
وصلوا العيال عند البوابه اللي وافقه عندها رغد..
وصل ماجد وهومفتشل من حركة اخوه اللي ما ادري وش تبي..ومشاري نفس الشي وطلعوا..تركي قبل لا يطلع..
رغد: تركي انا اسفه..
تركي انبسط لكلمتها معانتها انها ما رضت على حركة وليد ولا عجبها الوضع: لا تعتذرين يا رغد اللي مثلك ما يعتذر..
رغد: تسلم..
وطلع تركي..
جاء وليد بيطلع يتحاشى نظرات رغد..
رغد سكرت الباب بقوه وبحزم: لحظه...
وليد وقف هو ما يطالعها ماله عين: امري..
رغد بأمر: طالعني..
وليد التفت على رغد..
رغد وهي ضابطه اعصابها لاتنفجر فيه: انت بأي حق تهديني اغنيه..وتحدد مصيري..
وليد بأبتسامه واثقه: بحق اني احبك..
رغد عصبت: بس انا....اما ما اح
وليد حط ايده على فم رغد وبترجي: لا تقولينها تكفين يا رغد لا تقولينها..عشان خاطري لا تقولينها..اذا قلتيها ضاع الامل اللي انا حاطه...اذا قلتيها اضيع انا...انا بدونك ما اقدر اعيش.تعرفين يا رغد ما اقدر اعيش..انا عايش بحبك..وراح اعيش لحبك..لا تخذليني يا رغد..
رغد تجمعت الدموع بعيونها..ترحم وليد وما تقدر تقسى عليه..سحبت ايده من على فمها: وليد انا ما اكرهك..ولك مكانه بقلبي بس مو المكانه اللي انت تبيها..افهمني يا وليد..
وليد: انا اللي افهمه انك لي..وما اقدر اتخلى عنك..وانتي ما راح تتخلين عن ولد عمك..
رغد رجعت عصبت هذا بأي حق يحدد اللي يبي: وليد قلت لك لا تتدخل فيني..
وليد: قبل لا تحددين مصيري فكري فيني زين..وتذكري ان عندي مشاعر وقلب مثل ما هو له قلب...
رغد فتحت الباب تبي تطلعه من القاعه ومن حياتها..وطلع وليد...بس ياترى طلع من حياتها..
&&&&&&&&&&&&&&&&&&&&&&&&&&&&&&&&&
سليمان واقف وجنبه ريم اللي كانت جايه عشان اختها بعدين دقتها سوالف مع سليمان..
سليمان: يله ريوم باي وتراك اليوم طالعه تهبلين..
ريم: تسلم وانت بعد تهبل..
سليمان: باي..
ريم: باي..
وبعدها ذكرت ريم رغد وراحت لها...
ريم: وش قلتي له..
رغد: ما قلت له شي هو اللي قال وزاد الطين بله..
ريم: يعني ما استدفتي من وقفتك معاه..
رغد وهي تدق بالحكي:لا بس انت اللي استفدتي..
ريم حست بنغزت اختها بالكلام وصرفت الموضوع: انا رايحه للعنود..
رغد: روحي...ويا اليت روحي تروح...استغفر الله وش قاعده اقول انا...
&&&&&&&&&&&&&&&&&&&&&&&&&&&&&&&&&
فيصل وفجر بعد ما خلصوا تصوير..ركبوا سيارتهم..فيصل وجنبه فجر ..وطلال يسوق فيهم وجنبه فواز..ووصلوهم الفندق وراحوا..
دخلت فجر السويت حقهم وفيصل كان تحت يسوي بعض الاجراءات..طالعت نفسها بالمرايه واخترعت من شكلها..لان البكي لعب فيها..تذكرت كيف تعلقت في امها اللي تبكي وهي تبكي..بعدين جات نوف وضمتها وجلسوا يبكون..وكملوا عليها البنات..اخذت منديل لازالة المكياج ومسحت الكحل السايح على خدودها وضبطت مكياجها..وفسخت عبايتها وجلست على الكنب الموجود على الصاله تنتظر فيصل...
ثواني ودخل فيصل: ها قلبي تأخرت عليك؟
فجر لفت عليه: لا عادي..
فيصل جلس جنبها وهو فرحان ويقول في نفسه" واخيرا صرتي لي"...:تصدقين يا فجر لو لقعد ابارك لعمري بزواجي منك سنين ما تكفي..
فجر ابتسمت ونزلت راسها: تسلم والله...
فيصل مسك ايدها وباسها: ماني مصدق اننا اجتمعنا تحت سقف واحد..
فجر: الحمدلله اللي جمعنا..
فيصل رفع راس فجر ولفه لجهته يبي يكحل عيونه بشوفتها: اليوم طالعه قمر يا قلبي..وخفت من الناس لا تحسدني عليك..
فجر وهي تطالع عيونه: الله يسلمك..
فيصل يستهبل: يعني مطولين كذاا كلمه ورد غطاها..
فجر تفشلت: يعني وش تبيني اقول..
فيصل: اول شي قومي بدلي هالكبير(يقصد الفستان) اللي عليك احس انك ضايعه فيه..
فجر ضاق صدرها: يعني مو حلو..
فيصل يضحك: الا يا قلبي حلو..بس ابيك تاخذين راحتك وذا مشا الله وش كبره..صاير حاجز بيني وبينك..
فجر قامت من الحيا بسرعه: اوكيه راح اغيره..
ودخلت الغرفه وسكرت الباب وقفلته وتسندت عليه..تبي تاخذ نفس..
فجر: يمه قلبي بيوقف...آآآه يا فيصل ذبحتني جننتني يهبل يا ناس يجنن..
تنهدت وراحت لعند الدولاب اللي حاطه فيه كم قطعه لما حجزوا الفندق..اختارت فستان حلو ولبسته..
كان لونه لؤلؤي..لاف على الرقبه وفتحت الصدر كبيره..ومزوم من عند تحت الصدر بكرستاله ذهبيه كبيره..بعدين وسيع وطويل..
فكت الطرحه.. وهي اساسا مسويه تسريحه بسيطه عشان كذا..الميك اب حقها منسب للفستانها..تعطرت..وقررت تطلع بس خافت وجلست على السرير...وفكرت تتصل على رغد ونوف يطمنونها..اول شي اتصلت على نوف...
فجر: الووو هلا نوافه..
نوف مصدومه: وش تبين..
فجر كاتمه ضحكتها: وش فيك؟؟
نوف: اقصد وين فيصل..
فجر: انا دخلت ابدل الحين بطلع له..بس قلت اتصل عليك اخذ طاقه بعدين اطلع..
نوف تضحك على هبال اختها: يله جاااااااري الشحن...
فجر كاتمه صوت ضحكتها: لا تخليني اضحك بعدين يقول عني مجنونه تضحك لحالها..
نوف: طيب يله روحي لزوجك..وخلك ثقل..
فجر: ليش شايفتني خفيفه...
نوف: انتي فاضيه للهواش يله روحي لزوجك..
فجر ابتسمت: سلمي لي على امي والبنات..
نوف: يوصل..
فجر بسرعه: وعلى اخواني..
نوف: انتي بتهاجرين..
فجر: لا اخاف يذبحني هالفيصل من الحب..
نوف: ههههه والله انك مفوته..يله باي..
فجر: باي..
بعدين اتصلت على رغد..
رغد تطالع الاسم مصدومه: اووووو فجيييير..
فجر تضحك: ههه هلا والله.
رغد: وين فيصل عنك؟؟
فجر: حطيت له منوم وافتكيت منه..
رغد: لالا بجد وينه..
فجر: دخلت ابدل بس خايفه اطلع عليه مستحيه..
رغد: هههه عادي يا قلبي اول الايام بس بعدين تتعودين..
فجر: بس هو جرئ..
رغد بعفويه: بس ما هو اجرئ من ولي..."وعضت على شفايفها وسكتت"
فجر ما سمعت: من مين..؟
رغد: الا اقولك لبستي الفستان اللي قلت لك...
فجر: ايوه لبسته وطلع يجنن مشكوره يا قلبي...
ريم مرت من عند رغد: مين تكلمي..
رغد: لحظه...فجوره..
ريم منصدمه: فجر ما غيرها...
رغد: ايه...
ريم: سلم لي عليها وقولي الله الله بمقطع الفديو اول يوم زواجها..
رغد على نياتها: طيب...الوو فجر..
فجر: هلا..
رغد: تقول لك ريم الله الله بمقطع الفديو وما ادري ايش..
فجر: قولي لها في الحلم..
دق فيصل الباب...
فجر اخترعت: يمه هذا فيصل..
رغد: سمي بالله وخلي الوضع عادي واذا خفتي اذكري الله وان شا الله تهدين..
فجر: اوكي باي..
فيصل: فجوره انتي حيه ولا ميته..
فجر راحت وفتحت الباب..:لا عايشه...
فيصل يستهبل يبي يشيل الحيا: على بالي خديجه..
فجر توها بتقول ه ه ه بايخه بس تذكرت انها عروس وسكتت....
فيصل يطل في الغرفه: وش قاعده تسوين..تخيطين الفستان اللي عليك..
فجر:لا ...بس قعدت اعدل مكياجي..
فيصل: تهبلين بلا شي..يله تعالي..
فجرراحت وراه..
&&&&&&&&&&&&&&&&&&&&&&&&&&&&&&&&&&&&&&&&&&&&&&&

في القاعه..
شجون: فهوود انت حاضر الزاوج..
فهد: ايوه انا برى مع مشعل..
شجون: ادخل ابي اشوفك..
فهد: اوكي..
دخل فهد ومعاه مشعل ..محمد ما جاء معاهم ما يحب الحريم..
لين شافت مشعل وبدون محمد على طول طارت لعنده وسلمت عليه وباسته..
لين: شعولتي اشتقت لك..
مشعل مسوي نفسه شي: حتى انا..يا الله مغبره وينك من زمان عنك..
لين: على قولت امي كبرت..
مشعل يتطنز:لاااااا من متى..
لين: ما ادري عنها...
شجون راحت لعند فهد: فهووود قلبي..
وسلمت عليه..
فهد: هلا والله بشجونه.."وطالعها من فوق لتحت" طالعه اليوم باربي كأنك عروسه..
شجون: تسلم يا قلبي عيونك الحلوه..
فهد يستهبل: فيه بنات...؟
شجون: وش قلنا..
فهد يضحك: امزح معاك..
شجون: يا حلوك وانت كاشخ بالثوب والشماغ..
فهد: قعد ساعه مشعل يضبطني..
شجون لفت على مشعل لقت لين شوي وتذوب عليه:مشيعل..
مشعل لف على شجون: هلااااااااا والله..
شجون: بسم الله عليك طالع مزيون..
مشعل: من حيني انا مزيون بس دوري لي مره..
ماحس الا وضربه أليمه في ظهره..
لين: وانا وين رحت...
شجون: ما يمديك..مسوين لك عقد احتكار للأبد..
مشعل يفرك مكان الضربه: أي..شويه عقد احتكار..
فهد: اقول لين اسحبي عليه وتعالي عندي...
لين: انا حطيتك بقلبي وعد...وماني للوعد خوااان...
فهد:على ابيات الشعر انا ما اقدر..مشعل خل لين بعيونك..
مشعل:لا توصي حريص..هي بقلبي وعيوني بعد..
اسحت لين من كلام مشعل..وهي مرتاحه ان محمد مو موجود عشان تاخذ راحتها..بس مافي شي يدوم على حاله...جاء محمد مسرع وجر مشعل معاه وطلعوا اخذوا معاهم فهد..وشجون ميته ضحك عليهم..
&&&&&&&&&&&&&&&&&&&&&&
مشاري بحزم: ممكن اعرف يا وليد سبب اهدائك لخواتي الاغنيه..؟؟
وليد مرتبك: لانهم بحسبة خواتي..
مشاري: طيب كان ماحددت...
وليد: والله ما طرى على بالي..وبعدين انا حبيت اشكر خواتك..ياما وقفوا مع خواتي في كل المواقف..وانا تخيلت انو عادي..
مشاري بتفهم: انا ادري انك تعدهم خواتك بس الناس وكلامهم..
وليد ارتاح من كلام مشاري: وش علينا من الناس.
مشاري: بس الكلام راح يطلع على خواتي...
وليد بجديه: اللي بيتكلم على بنات عمي اقطع لسانه..
***********************
فواز: طلال وش فيك..مانت على بعضك..
طلال تنهد من قلب: ما فيني شي يا اخوي..
فواز: كل هالتنهيده وتقول مافيني شي..
طلال بتعب: بليز فواز خلني على راحتي..
&&&&&&&&&&&&&&&&&&&&&&&&&
العنود جالسه مع وحده من العجايز: اقول خالتي وش رايك اوديك للبنان واسوي لك شد للوجه واسوي لخدودك وشفايفك بوتكس..
العجوز:كلوركس..تبني احط بخدودي كلوركس..
ريم :خالتي بوتكس..بوتكس..
العجوز: وش ذا اللي مدري وش اسمه..
العنود: هذا يا خاله الحريم يحطونه..ويرجعون شباب عشان رجالهم ما يتزوجون عليهم..
العجوز: تقولين هالكلام صادقه..
ريم: ايه خالتي الحقي على زوجك قبل لا يطير منك..
العجوز: وين يجوبون هذا اللي تحكون عنه..
العنود: في البقاله..لا اقصد في لبنان..
العجوز: اروح لبنان ا نشا الله..
ريم: فيه في الرياض تبين اوديك له..
العجوز: بقول لولدي مساعد يوديني له..
العنود تهمس لريم: عندها ولد ولا اسمه مساعد..
ريم: اجل اضمني العرس..
العنود: خالتي وش كبره ولدك مساعد..
العجوز: رجال ينشد الظهر فيه..
ريم: متزوج؟؟
العجوز تطالعهم: ادور له وحده سنعه..
قامت العنود ومسكت الدله وصبت للخاله فنجان قهوه: سمي خالتي..
العجوز: انتي بنت مين...؟
العنود: انا بنت ابوي هههه
ريم: ههههههههههههههههههههه
العجوز: بنت مين..؟
العنود: احم..بنت ناصر بن عبدالله ال(......)
العجوز: ما شالله والنعم فيه..الا منهو ناصر ذا..
العنود: شكلها مخرفه الحرمه..
ريم: العبي عليها..
العنود: ابوي يصير اخو ام العروسه..
العجوز: اخو ام فواز..يعني ابو ماجد...
العنود: ايوه عليك نور...
العجوز: ايه ابو ماجد الله يذكره بالخير يوم كنا بالحاره كنا نلعب سوا..ونمرح مع بعض..وكان ما شاله عليه الزين منه وفيه..
العنود: شكل هذي بتقول قصة حياتها...
ريم: شكل جولييت تحب ابوك..
العنود: لا وين هذي كبر امه..
العجوز: وينه ابوك اسلم عليه...
العنود: في العيد ان شالله تسلمين عليه..اقول مساعد ولدك وينه خلينا احنا نسلم عليه..
العجوز: هاااااو..وش تقولين انتي؟؟
العنود:شكلي خربتها..
ريم: قومي ندور وحده ثانيه .شكل هذي ما منها رجا..
العنود: مع السلامه خالتي ولا تنسين بنت ناصر بن عبدالله..واسمي العنود اذا احتجتي شي..
العجوز: مع السلامه..
وبعدها دخلوا الحريم والرجال للعشا..وبدت القاعه تخف من الناس...جلسوا البنات على طرف المنصه..
عبير: كم جمعتي....
العنود: والله حوالي عشرين وحده.
عبير: مشالله متى امداك..
رغد: وش السالفه وش تحكون عنه...؟
عبير: عن العجايز والحريم..يعني كم حرمه تميلحت عندها..
رغد: ما شالله...وانتي كم وحده؟؟
عبير: انا خمس..
رغد: وان شالله يا ريم معاهم..
ريم: لا انا بس قاطه معاهم..مشاركه وجدانيه..
نوف: صدق انكم مهبل..نسيت اقول لكم فجر تسلم عليكم..
عبير: متى شفتيها؟؟؟
نوف : هي كلمتني...
العنود وعبير بصوت واحد: كلمتك؟؟
نوف تضحك: ايوه وش فيكم.؟
العنود: وشلون.؟؟
نوف: دخلت تبدل وكلمتني..
عبير: والله ماهي سهله هالفجير ابد.
العنود: ريم وصيتيها اللي قلت لك..
ريم: ايه قلت لرغد تقول لها..
العنود: وش قالت لك يا رغد؟؟
رغد: تقول في الحلم يا ماما..
العنود: والله من النذاله.حتى ألبوم زواجها مخبيتها بس هين بطلعها من عيونها وغير كذا صور الملكه..
شجون: وش تحشون في مرت اخوي..
العنود تتمصلح: شجون تكفين اسرقي البوم الصور حقها..
شجون: ليه شايفتني حراميه..وبعدين ماله داعي اللقافه..هذي اشياء خاصه..اذا تزوجتي شوفي صور زواجك..
العنود: اجل ما راح اشوف صور طول حياتي..
شجون: ليش ما انتي متزوجه..
العنود: والله مسويه اضراب حبيبتي..
شجون: وليش ان شالله...
العنود: كذا مزاج ماودي اتزوج..
ريم: واللي تو جمعتيهم.
العنود: مصدقه كذا بس اهبل فيهم..
&&&&&&&&&&&&&&&&&&&&&&&&&&&&&&&&&&&&
بعد ما راح الكل رجعوا البنات كلهم لبيت ابو مشاري بينامون عندهم..كلهم بدون استثناء..الكل في غرفة رغد بعد ما بدلوا من ملابسها وملابس ريم..
رغد: بنات وش رايكم نشوف شريط الفديو كاميرتي..
ريم: لالا خليه لما تجي فجر من شهر العسل..
رغد:مطووووله...خلونا نشفه الحين واذا جات مره ثانيه نشوفه..
نوف وهي خانقتها العبره: والله مو طالع حلو بدون ما تكون فجر قلبي موجوده...
سكتوا البنات شوي....
العنود: احنا جايين ننبسط مو نبكي ونصيح..
عبير: خلونا نسوي شي يسلينا..
رغد: عندي لكم فلم خطييييييير..
ريم: أي واحد؟؟
رغد:توه نازل ..رعب..
العنود: يله طيران روحي جيبيه..
رغد: بروح اجيبه..ريم روحي سوي البوب كورن وخذي وحده من البنات وجيبي البارد اوكي..
ريم: مين تجي معاي...
عبير: والله انا عن نفسي........
ريم قاطعتها: مالك خلق..غيرك..
العنود: اقول عبير همزي رجولي..
ريم طالعت نوف تبكي وما لها خلق..وطالعت مها تستحي تشغل اخت سليمان..وما لقت الا الهنوف: هنيف تعالي معاي..
الهنوف: ريوم والله....
ريم: اقول امشي قبل لا تجي رغد..
الهنوف: يله..
دخلوا المطبخ..وقعدت ريم تجهز البوب كورن والهنوف داخله في الثلاجه تطالع المشروبات اللي فيها..
جاء مشاري وسمع صوت في المطبخ..اخذ بلونه كانت على الطاوله من ايام حفله فجر وفيصل.وتفخها وربطها.. ومشى لحد المطبخ على اطراف رجوله....وفقعها بووووووووووووووووووووووم..
ريم من الخرعه بغى يطيح الصحن الي معاها..
الهنوف كانت داخل الثلاجه فا صقع راسها فيها.. ولفوا عليه...
مشاري مبسوط: هههههه هاه وش راي
وقف يطالع الهنوف اللي طالعه تشق الراس شق لسه ما غسلت مكياجها وتسريحتها على ماهي عليه ولابسه بيجامه ورديه تهبل عليها..
مشاري غمض عيونه وفتحها مره ثانيه يبي يتأكد هو في علم ولا حلم..
الهنوف تطالعه كان لابس بيجامة نوم حرير مفتوح ازارير قميصه نصها..وطالع شكله برئ وجذاااااب في نفس الوقت...
ريم والنذاله اشتغلت عندها..راحت دفت مشاري برى وسكرت الباب..
ريم لفت على الهنوف وتطالعها بنص عين..
الهنوف ارتبكت: وش فيك تطالعيني كذا..."وصارت تحط العلب في كيس بتوتر..
ريم: تحبين مشاري؟؟؟
الهنوف: كم مره اقولك عن المساخه الزايده..
ريم: انواااع الصواريخ..قولي الصدق عادي قولي احبه..سهله..
الهنوف حمرت خدودها: اقول جيبي شي اتغطى فيه ولا شوفي اخوك راح ولا لسه فيه..وبعدين ترى تأخرنا على البنات..
ريم: طيب زين لا تقعدين تبربرين على راسي كانك خدامه سيرلانكيه..
الهنوف خبطت الطاوله بأيدها وعورتها: اأأأي...انا خدامه سيرلانكيه..يا الاندونسيه..
ريم:شكلك ما جربتي علبة بيبسي تجي بسرعة مليون على ر اسك..
الهنوف: يله بس خلينا نطلع عند البنات..
ري: يله ولا تنافخين..
الهنوف: يارب صبرك...
*******************
مشاري طلع لغرفته وهو مفهي بالهنوف..
"اللي شفتها اكيد ملاك مستحيل تكون بشر...ياناس على الدلع والرقه..ولا العيون..العيون تذبح..تشق الراس شق...متى تنجح واروح اخطبها وارتااااح من اللي انا فيه"
&&&&&&&&&&&&&&&&&&&&&&&&&&&&&&&&&
قعدوا البنات يطالعون الفلم وكان رعب شويه عليه..
رغد تلفت يمين ويسار في الظلمه ومافي نور الا نور التلفزيون: اقول ما ودكم نطفيه..
العنود تاكل بوب كورن: اقول طالعي وانتي ساكته...
نوف وشجون والهنوف ياكلون اظافيرهم من الخوف..ومطيرين عيونهم وكل ماجات لقطه مرعبه غطوا عيونهم..
عبيرتطالعهم: ريم لفي شوفي الهبل اللي وراك..
ريم: انا قايله لكم البزارين لا يطالعون بس ما تسمعون الكلام..
العنود: خليهم..شوفي شوفي كيف..
كانت لقطة وحش يقطع عروق رقبتة واحد وهي طايحه لما طاح الراس..
البنات يصارخون ودخلوا داخل البطانيه..
رغد طفت التلفزيون: حشى مو فلم تعذيب..
العنود: شغليه لا اتوطى في بطنك..
رغد: تبين تشغلينه شغليه في غرفة ريم..انا مستحيل اكمله..
عبير: مشكلة اللي معانا دلوعات ودلعهم ماسخ...
ريم: امشوا بس غرفتي...
راحوا غرفة ريم...والبنات اللي في غرفة رغد ناموا وهم جنب بعض الا شجون جاها ارق وما نامت..
واللي عند ريم لما خلص الفلم ناموا وكأن شي لم يكن...
&&&&&&&&&&&&&&&&&&&&&&&&&&&&
فتحت فجر عيونها وطالعت المكان..مكان غريب عليها..
فجر: يمه ويني فيه.."وبعدين لفت يسار وحصلت فيصل نايم" ..يوه نسيت اني تزوجت..
راحت لدورة المياه وتروشت..وطلعت وصلت وقعدت تمشط شعرها,,وحست بحركه وراها...
فيصل يحاول يفتح عيونه: صباح الخير حبيبتي..
فجر: صبحا النور يا قلبي..
فيصل: مشا الله قايمه نشيطه..
فجر احمرت خدودها: ايه...
فيصل راح لدورة المياه..وفجر اخذت نفس عشان ماتموت..
فجر: هذا ناوي يذبحني انا داريه...
طلع فيصل وشعره ملبول ولابس روب ازرق ..فجر على طول وخرت عينها عنه تستحي تشوفه كذا..قرب من عندها وهو ينشف شعره.. ويطالع نفسه في المرايه ويطالع فجر اللي قاعده قدامه وهو وراها..
فيصل: بعد شوي بنروح لعند ابوي..وبالليل مسوين عزيمه,..في بيت ابوي بعد..
فجر: يعني بنروح ونرجع وبعدين نروح مره ثانيه..
فيصل: انا اقول ماله دعاي المشاوير..الا اذا حبيتي كذا انا ما عندي مانع..
فجر: لالا عادي ادبر نفسي...
ووقفت فجر بتروح أي مكان بس ما تكون عنده لان قلبها بيوقف في لحظه وخصوصا ان شعره جاي على وجهه الازرق عاكس عليه..وعلى هالصباح ما تقدر تتحمل اكثر..وتوها بتروح جاء فيصل من وراها ومسكها من خصرها..
فيصل هو يهمس في اذنها:وين بتروحين يا قلبي..؟
فجر تحسفت انها فكرت تقوم: ولا مكان بس قلت اشوف موبايلي ما ادري وين حطيته..
فيصل يضمها وكأنه مبسوط بأحراجها: اهاااا..
فجر ما تدري وش تسوي ودها تقول يا اخي فكني ابي اتنفس..وانقذها موبايلها..
فجر: اممم..فصول.....موبايلي"وتأشر عليه"
فيصل تركها: ومن هذا اللي ما عنده ذوق ومتصل..
فجر وهي تشوف الاسم: هذي قلبي العنود...الووو..
العنود بالمصري: صباحيه مباركه يا عروس...
فجر تضحك: الهب يبارك فيك...
العنود: الشين عندك...
فجر: ايوه..
العنود: وش تسوون الحين..
فجر ماسكه ضحكتها تتخيل انها تقول للعنود وش كانت فيه قبل شوي: وش رايك يعني..
العنود:طيب لمحي للموضوع..
فجر: ان شالله اذا شفتك قلت لك..
العنود: صدق بتقولين لي كل شي...
فجر تلعب عليها: كل شي يا قلبي..
العنود: اجل مع السلامه..
فجر: مع السلامه..
فيصل: وش عندها العنود..
فجر: تسلم بس..
فيصل: والله من اللقافه..
فجر: حرام عليك...
وشوي الموبايل يرن مره ثانيه...
فيصل: هذولي حالفين علينا ما ننبسط..
فجر تبتسم لفيصل: هذي ريم...هلا والله وغلا..
ريم: اهلين بالعروسه بعد قلبي والله اشتقت لك..
فجر: تسلمين يا قلبي حتى انا..
ريم: اهم شي اللي وصيتك عليه سويتيه..
فجر: ابشري بعزك<<والله لاقيتهم مخفات..
ريم: والله اني قايله لهم فجر ما راح تردني بس كذبوني..
فجر: ما عليك منهم..انا اهم شي عندي انتي يا بعد عمري والله..
ريم: سلمي لي على رمز الشقا وتامريني على شي...
فجر: سلامتك...وسلمي لي على رغوده..
ريم: يوصل..باي..
فجر: باي..
فيصل: نطلب لنا يا روحي فطور..
فجر: على راحتك..
فيصل طلع للصاله..وبعد دقايق لحقته فجر وجلست على كنبه بعيده شوي..
فيصل عارف انها منحرجه منه وحب يزيد عليها: احد قايل لك ان فيني جدري..
فجر تضحك: ليش؟؟
فيصل: ما ادري عنك جالسه هناك..تعالي اجلسي جنبي والله ما فيني شي..
فجر قامت وجلست جنبه بس تركت بينهم مسافه: وهذ انا جلست..
فيصل انسدح على رجولها ويطالعها...:فديتك والله

اكمل لكم عن احلى عشاق في البارت الجاي..
@@@@@@@@@@@@@@@@@@@@@@@@@@

نهايه البارت[/size]

الجزء التاسع والثلاثون...
""الفصل الاول""

فيصل انسدح على رجولها ويطالعها: فديتك والله...
فجر ما تدري وش تسوي فيه تذبحه وتفتك ولا وش تسوي فيه..
فيصل: العبي في شعري لا تجلسين كذا..
فجر في نفسها" ياربيه هذا يتعمد يحرجني ولا وش سالفته":من عيوني..
فيصل: تسلم عيونك..."بعدين فز من رجلها ولزق جنبها"......تصدقين جات على بالي قصيده كذا على الطاير..
فجر ابتسمت وهي تحب تسمع له يقصد فيها: قول صوصو وش عندك..
فيصل: امممم..احم احم..
ما عرفت الحب الا لجل احبك واهتويك
ولا كتبت الشعر الا لجل ابين لك غلاك..
عزتي بك وانكساري وجرحي وفرحي بيديك
جرح ولا فرح ما هي فارقه دامي معاك..
يخشع لوصفك قصيدي ويفتخر لانه عليك
وتخضع لحبري القوافي وينتشي حرفي معاك..
ويعجب من الوصف وصفي وتنوزن ابياتي معاك
وينكسر غصب علي البيت لو كان في سوااك..
وتختلف لجلك حروفي منهو الاول اللي يجيك
سبعه وعشرين تبكي والألف فاز بلقاك..
اعشقك..اهواك..احبك ..ارتجيك..
افتديك..انتخيبك..اغتليك وارخص الغالي لغلاك..
وسلامت روحك..
فجر تصفق له: واااااااااو تسلم يا بعد دنيتي وصح لسانك..
فيصل: صح بدنك..يله عطيني بوسه..
فجر من الحماس: تستاهل ثنتين..
فيصل ما تستوعب: ثنتين؟؟؟!!!!!
فجر انتبهت وحمرت خدودها وسوت نفسها غبيه: ثنتين؟؟؟
فيصل: لا تستهبلين انتي قلتي بوستين يله عطينيها..
فجر وبكل برائه: انا قلته ..متى؟؟
فيصل: احسن لك عطينياهم لا اخليك تتحسفين قد شعر راسك..
فجر طلع وجها احمررررر: استحي..
فيصل: تستحين هاه.."وسدحها وصار يدغدها ويبوسها من كل مكان.."
فجر دفنت وجها في الكنب: ههههههه صوصو ابعد عني..
فيصل قام عنها: اوووه عشان ما تستحين مره ثانيه..
فجر طلعت وجها من داخل الكنب وطلت عليه وشعرها منثور على وجها..
فيصل شده شكل فجر وبعد شعرها عن وجها: يله اجلسي ما راح اسوي لك شي..
فجر وترمش بعيونها ببرائه: اكيد..
فيصل: شايفتني دركولا يوم انك خايفه..
فجر جلست زين: ايوه..انت دركولا اللي يشرب من دمي..
فيصل طالع بعيون فجر: اوعدك يا فجر اني راح اسعدك طول حياتك..
فجر: وانا مكان اوعدك اني ما اخيب ضنك ابد..
ووصل الفطور..وافطروا ولبسوا وتكشخوا وراحوا لبيت ابو فيصل...
فيصل فتح باب البيت: وينكم يا اهل البيت..
ام فيصل طلت من المطبخ: فيصل..تعال يا قلبي...
فيصل يبوس راس امه: هلا والله بالغاليه...
ام فيصل: صبحيه مباركه يا وليدي ..وين فجر...
فجر دخلت: هلا خالتي"وسلمت عليها وباست راسها"
ام فيصل: هلا والله ببنيتي.صباحيه مباركه يا احلى عروس..
فجر وردت خدودها: الله يبارك فيك خالتي..
فيصل: يمه لا تتغزلين في زوجتي تراني اغار..
فجر استحت من ام فيصل..
ام فيصل: فيصل شوف احرجت البنت..
فيصل يقرص خد فجر: وانا ما ذبحني الا حياها..
فجر تطالعه بنظره"وبعدين معاك"
نزلت شجون على اصواتهم ووقفت في نص الدرج...
شجون: فجوره..قلبي..
وراحت وسلمت عليها: صباحيه مباركه يا حلوووو انت..
فجر: الله يبارك فيك..كيفك؟؟
شجون: بشوفتك تمام..
فيصل: احم احم تراني موجود ولا علينا غبار ما تشوفين..
شجون لفت عليه: معليش يا قلبي ما شفتك..
فيصل: هههه لهدرجه نور فجر مغطي علي..
شجون: اكيد فجر تغطي على الكل..
فيصل: ما اسمح لك تتغزلين في زوجتي..بس انا..
شجون: مسكين...فجر لاتعطينه وجه..تراه ما ينعطا وجه واسأليني انا...
فجر: لا حرام عليك..صوصو بعد قلبي..
ام فيصل: صوصو؟؟؟ وش هذي صوصو؟؟
فجر تقلب وجهها 180 درجه حيويه من الحيا: صوصو..يعني فيصل تصغير يا خالتي..
ام فيصل: يا حليلكم يا هالبنات..احنا اول من اول يوم زواجنا وانا انادي زوجي ابو فيصل..
شجون: ياالله تحبون المشاوير..
ام فيصل: لا هذا من باب الاحترام الحين...
شجون: الحمد لله اني من خدمات الجيل الثالث على قولة العنود.
فيصل: والعنود لا حقتنا هنا..
شجون: ليش وش فيها بنت عم بنات خالتي..
فيصل: كل هالمشاوير عشان الملقوفه عنيد..
شجون ماتت ضحك: هههههه يا حبي لها بس اكيد متليقفه عليك..
فيصل: انا ما اقول الا الله يصبرها على نفسها...
فجر: صوصو ترى ما ارضى عليها بنت خالي..
فيصل: لك الحشيمه يا قلبي..واسفين..وسحبت الكلمه..ويا كلمه ردي مكانك قبل لا تزعل فجر..ويا قلبي ادري اني........
فجر استحت: خلاص طيب خلاص...
فيصل: عشان ما تزعلين يا قلبي..
فجر: ماني زعلانه بس اسكت لا تفشلني قدام اهلك..
فيصل: من عيوني يا عيوني...
فجر: وبعدين..
فيصل: خلاص خلاص..اجل يمه وين ابوي؟؟
ام فيصل: اكيد بالشغل...
فيصل: على بالي اخذ اجازه لانه مسكين امس هلك من الوقفه والسلام..
ام فيصل: أي والهذ امس يون من رجوله بعد قليبي..
شجون: يمه عندي بعض الملاحظات اول شي وش معنى"يون" ثاني شي وش عندك تتغزلين في ابوي ولا غرتي من فيصل...
ام فيصل: اول شي يون معنها يتالم وثاني شي لا يكون عندك مانع اذا تغزلت في زوجي..
شجون: لا عندي دواس هههههههه..
فيصل: ياربيه يا ثقل دمك يا شجون..
شجون: وانت تزوجت ولا ما تزوجت ما تتغير..
فيصل: اصلي مع علامة الجوده..
ومر الوقت لحد ما جاء المغرب..وطبعا فيصل ما جلس عندهم طول الوقت لانه راح عند ابوه..
فجر: شجونه خلينا نروح نبدل ملابسنا قبل لايجون الناس...
شجون: اوكيه يله..
وطلعوا غرفة شجون وتعدلوا وتكشخوا..وعالساعه سبعه امتلى البيت بالناس..
ريم رايحه لعند فجر وتسلم عليها: فجووووره يا قلبي والله وحشتيني...
فجر: وانتي كمان...
رغد من ورى ريم: اهلين يا عروسه ..
فجر ابتسمت: اهلين "وراحت وحضنت رغد"
جات العنود وفكتهم:يله عاد بلا مساخه..هلا والله بفجير المراهقه..
فجر تضحك: مقبوله منك..
وسلمت على عبير ومها والهنوف..وجات نوف طايره 120متر/في الثانيه: اهلين يا قلبي وحشتيني"و ضمت اختها لما بغت تطيح"
فجر وهي مخنوقه: حتى انتي وحشتيني..بس بعدي شوي خليني انتفس..
نوف بعدت عنها وصارت تطالع بوجهها: تصدقين امس ما عرفت انام لاني ما مسيت عليك وقعدت ابكي لاني ما صبحت بوجهك..
فجر خنقتها العبره: والها بفقدكم يا نوف..اليوم صحيت وما حصلت نفسي في غرفتي تكدر خاطري والله..

وقعدوا يسولفون وويتسهبلون ويضحكون..
العنود: تذكرت.... فجير وين اللي قالت لك ريم...
فجر خافت: هاه...ايه نسيته تصدقين..
ريم تطالعها بنص عين: لا يكون بس تلعبين علي..
فجر ارتبكت: انا ابد سلامتك..قلت لك نسيته..
العنود: اوكيه يعني وين بتروحين منا..
وسمعوا ام ماجد تنادي: عبير....عبير...
عبير: ياربيه وش تبي..
رغد: قومي عيب عليك..
عبير: قمت وامري لله "وراحت لعند امها"...سمي..
ام ماجد: سم الله عدوك..روحي المطبخ وجيبي الحلا..
عبير: يمه الحين مقومتني من مكاني ومشوار من هناك الى هنا عشان حلا..كان قلتي للخدامه...
ام ماجد تهمس لها: استحي عيب عليك ..بعدين وش يقولون عنك الحريم خامله..
عبير بسرعه: لالا مدام المسأله فيها حريم وخطبه..من عيوني يا غلاتي..
ام ماجد: والله هالبنت بتقطع وجهي قدام الناس..
وراحت عبير المطبخ وفتحت الباب بقوه لحد ما صقع الجدار..وبدت في الصراخ على الخدم: انتي وياها وين الحلا اللي كان هنا..
وحده من الخدم: مدام انتي ليش في يصارخ..
عبير: هذي اللي اللحين تبيني افقع وجهها..ترى اذا ما سكتي انتي وخشمك المفعوص لا ازوده على اللي فيه سامعه"ومطيره عيونها فيها"
الا باب المطبخ الخارجي ينفتح ويدخل طلال ومعاه دلال القهوه...
طلال: خير وش هالصراخ<<ما يدري انها عبير..
ولما دخل وشاف اللي تصارخ:عبير!!!!!!
عبير وجهها تلون بألوان خشبيه من الفشيله:طلال....!!
طلال حط الدلال: وش فيك تصارخين..
عبير تدور حجه: تخيل....تخيل....ان الخدم لحد الان ما ضيفوا الحريم..
طلال يهديها:طيب ما عليه بس لا تعصبين وترفعين ضغطك..
عبيرتمثل: مثل ما انت عارف اني حريصه واحب كل شي يكون تمام..
طلال ابتسم لعبير ابتسامه تدوخ: والله انك سنعه وخطيره بعد...
عبير بتدوخ من الابتسامه:ااااااا..الله يسلمك ويخليك...
طلال قرب منها ووده يسولف: المجلس داخل مليان؟؟
عبير توترت من قرب طلال: ايه يعني...مليان شوي...
طلال : وكيفك انتي؟؟
عبير تعدل حجابها من التوتر: الحمد لله تمام..وانت كيفك؟؟
طلال ابتسم: بخير دامك بخير...
عبير تطالع عيونه تتأكد وش يقصد من الاهتمام هذا..وتسأل في نفسها"والعنود وش كانت" لانها طالعت نظرات حب في عيونه..تقراهم وتحس فيهم..عيونه تتكلم بكل اللي في نفسه..
طلال يحس بمشاعر تدخل لقلبه وتهزه..بس هالمشاعر ماهي غريبه عليه ولا جديده..قد حس فيها مع شخص واحد...واحد بس...انتي يا عبير...
عبير ابعدت عيونها عن عيون طلال لانها لو طولت تحس انها راح تحترق..وقطعت الصمت اللي بيذبحها: انا.....انا رايحه تبي شي....
طلال: لا سلامتك...
عبير لفت بتروح بس وقفها..
طلال: عبير..
عبير وقفت شوي بعدين لفت وفوق راسها علامة تعجب:آمر..
طلال: ما يامرعليك ظالم بس حبيت ا قول لك انتهبي لنفسك..زين..
عبير تحس قلبها يرقص من الفرحه وابتسمت: تسلم وانت كمان انتبه لنفسك..اوكيه..بااااي..
طلال: باااي..
لفت عليه نفس الخدامه اللي صرخت عليها عبير: بابا...انت في هب مال هذا بنت...
طلال لف عليها وراحت ابتسامته من وجهه لما شاف وجهها: وانتي وش عليك...
الخدامه تغمز له: انت واهد هيلو وكويس مافي ياخذ وهده مو كويس..وشوف انا مررررررره واجد كويس..
طلال كشر في وجهها: خدامات اخر زمن..تقلعي هناك قبل لا اخليك علبة بيبسي انتي وهالوجه...
وراح لمجلس الرجال...
عبير رجعت للبنات فاتحه فمها من الفهاوه..
العنود: وش كانت امي تبي منك...؟
عبي جلست: تبي قلبي...تبي روحي...تبي عقلي..
العنود: وش فيك محششه..
عبير تضحك: ههههههه تصدقين يا العنود اني اموت ..اموت..اموت فيك يا بعد عمري انتي..وحياتي وكل امالي وروعة سنيني...
العنود رزت كتفها: احم احم..ما يحتاج كل هذا لاني واثقه من نفسي..
ريم: لالا بجد و فيك؟؟
عبير:لا تسأل يا خل عن الحال..لانك لمن سألت تزيد اوجاعي..
ريم: لالا البنت خلاص قولوا عليها السلام...العنود ترى فتحوا عندنا مجمع الامل للطب النفسي ودوها له..
العنود: عندك رقمهم خليني اخذ لها موعد عندهم...
ريم تستهبل: ايوه...سجلي عندك..
عبير: هيه هيه انتي وياها وش تسجل عندها..
ريم: شفتي اصلح ادخل علم نفس..هذا يسمونه العلاج بالروعه..
العنود: يقطع ابو الاسم يا شيخه..بس بصراحه رزتك تنفع دكتوره نفسيه..
ريم: الله يسلمك ويسمنك..
العنود: اكثر من كذا وش اصير...
ريم: تصيرين غساله اتومتيك..
العنود:لا تخلينا نبدا...
ريم:لالا مو قدام الناس..
وكملوا سهرتهم وتعشوا وودعوا فجر لانها بتسافر لندن مدينة الضباب..وكل عائله راحت بيتها...
&&&&&&&&&&&&&&&&&&&&&&&&&&&&&

بيت ابو فواز..
نوف: يالله كرهت بيتنا ماعاد صرت احبه لان فجر مو فيه..هي والله فجر بيتنا ونوره...
طلال رحمها: وانا وين رحت مو اخوك بعد...
نوف وعيونها مليانه دموع: الله يخليك لي...بس انت ولد تروح وتطلع وفجر اختي بعد عمري والله...
طلال: روحي نامي عند وحده من البنات...
نوف: وين اروح...
طلال: روحي لشجون اكيد لحالها وحالتها مثل حالتك..
نوف: شكلي بكره بشيل اغراضي و اروح عندها..
طلا ل: مو تطولين ترى مقوى على غيابك...
نوف: تسلم يا بعد قلبي انت..يله تصبح على خير...
وطلعت نوف غرفتها...وطلال راح لغرفته اللي مازالت تحت عشان الجرح الي في بطنه ما يتحمل ضغط عليه..وزاد عليه بعد الرقص في زواج فجر...
انسدح على سريره قبل لا يبدل ملابسه...
طلال: آآه يا عبير هبلتي فيني...والله اكتشفت اني احبك..بس العنود وش كانت احس اللي معها يمكن اعجاب..اكيد اعجاب لانها الفتت انتباهي والله وقدرتي يا العنود تجريني على وجهي..حبيتك بعدين رميتيني...اخ يا العنود صدمتيني صدمه قويه...ياترى تركتيني عشان عبير صدق ولا هذا عذر لك..طيب عبير تحبني!!! وحتى اذا كنت ما تحبني بأخليها تحبني غصب
ونام هو ما بدل ملابسه...<<نوم العوافي..

&&&&&&&&&&&&&&&&&&&&&&&&&&&&&
فجر تجهز شنطتها وفيصل جالس على السرير يراقبها وهي متوتره منه...
فيصل: فجر..ودك تسكنين في بيت اهلي ولا بيت لحالك...
فجر: مع اهلك احسن...وبعدين حرام امك لحالها..شجون اكيد ربي بيرزقها وتتزوج وتتركها لحالها...
فيصل ابتسم: الله لايحرمني منك...والله كبرتي في عيني...
فجر ابتسمت: اقول متى طيارتنا...
فيصل: بعد ساعتين..ما خلصتي..
فجر: الا خلصت"وسكرت الشنطه" يله هذا انا جاهزه..وش رايك نروح نودع اهلك واهلي وبعدها نروح المطار...
فيصل: شورك وهداية الله..الحمد لله ان ربي معطيني زوجه عقلها يوزن بلد..
فجر: ترى يكبر راسي..
فيصل: يحق لك والله...
فجر: يله مشينا...
فيصل: مشينا...
وراحوا بيت ام فيصل..وصار مناحه..ام فيصل تبكي وشجون تشاهق بكي ومعاهم فجر.. وفيصل يهديهم..وبعد ساعه صياح ونياح طلعوا وراحوا كملوا في بيت ابو فواز ..وصدق صار نياح مو طبيعي نوف ام فواز وفجر ولين وبدور كملتها عليهم..وبعد ما طلعوا من عندهم توجهوا للمطار ومعاهم فواز وطلال..والعيال جاو يودعون فيصل...وبعد الوداع..ركبوا طيارتهم وفجر مازالت تبكي بس بصوت واطي...
فيصل: بس يا فجر تكفين..قطعتي قلبي..
فجر والدموع اربع اربع: اهلي يا فيصل اهلي..
فيصل يبي يطلعها من جوها: وانا وش اصير يا فجر..
فجر تطالعه: انت زوجي وحبيبي وهم اهلي..
فيصل: طيب عشان خاطري وقفي دموع..
فجر تحاول تسكت عشان فيصل: بأحاول..
فيصل: والله يا قلبي دمعتك غاليه عندي..
فجر تحاول تبتسم: الله يخليك لي يا فيصل ولا يحرمني منك..
فيصل: ايه كذا تطلعين احلى...
وكملوا رحلتهم..وتخللها بعض الضحك ولا تخلوا من اللقطات الرومنسيه...
وصلوا واخيرا لندن..واول ما طلعوا من المطار ضربهم الهوا على طول فا كشوا منه...
فيصل عليه جاكيته: برد ولا؟؟
فجر وهي تسكر جاكيتها الفرو الطويل:الا برد..
فيصل فتح شنطته المعلقه على كتفه..وطلع "ايس كاب" واحد عطاه فجر وهو لبس واحد..
فجر طبعا ما عليها عبايه ولبسته وكان ملون كل الالوان: شكلي حلو...؟
فيصل يطالعها وهم يمشون وابهرته..طلعت اصغر ماهي صغيره كأنها طفله خدودها ورديه..وخصل شعرها وجهها ..وشعرها منثور على اكتافها..وطبع بوسه على خدها: تهبلين يا قلبي..
فجر ابتسمت وصارت تطالعه..رجال بكل ما تحمله الكلمه من معنى...بجاكيته الاسود وقميصه الابيض الصوفي..وبنطلونه الاسود وغير الايس كاب اللي محليه اكثر واكثر...
فيصل: شوفي سيارتنا...
كانوا متفقين مع مرشد سياحي...
فجر: يله بسرعه خلنا نروح له والله البرد ذبحني..
فيصل: سعوديين اصليين صح..
فجر تضحك: مالنا غنى عن شمسنا..
وركبوا السياره وراحوا فندقهم ..وحطوا شناطهم وبعدها طلعوا مره ثانيه..تمشوا في كل مكان وتعرفوا على معالم لندن وكانت الاجواء خياليه...انبسطوا وفرحوا والابتسامه ما فارقتهم وهم مع بعض..وقدرت الايام تسعدهم وتجمعهم وتفرحهم <<عساه دووم..
وتعشوا ورجعوا وهم هلكانين وناااااموا على طول..
"بالنسبه لدراسة فجر قررت تاخذ اجازه من المدرسه اسبوعين اللي هي شعر العسل وبعدين ترجع تكمل..ورافضه فكره انها تعيد السنه"
مرت الايام سريعه ما يتخللها الكثير من المواقف لنذكرها..حتى ايام لندن مرت سريعه على العروسين ورجعوا اخيرا لارض الوطن..

&&&&&&&&&&&&&&&&&&&&&&&&&&&&&
بعد اسبوع
في بيت ابو فواز...
كان الكل جالس...ابو فواز وام فواز ونوف وطلال وفواز وبدور وعيالهم..والوقت المغرب...
رن التليفون..
ام فواز وهي تشرب الشاي: نوف قومي ردي عليه...
نوف: ان شالله...الووو..هلا والله...ايوه هذا بيت ابو فواز ايوه...امي ..لحظه شوي...يمه وحده تبيك..
ام فواز: مين...؟
نوف: ما قالت مين...
ام فواز: الووو...
.......: الوووو..انتي ام فواز..؟
ام فواز: ايوه معاك..
........: كيفك وشلونك عساك بخير..
ام فواز: الحمدلله تمام...بس مين معاي..
.........: انا ام نواف...
ام فواز: هلا والله وغلا كيفك وشلونك..
ام نواف: الحمد لله تمام...
ام فواز: والله يا وخيتي تراني ما عرفتك زين..
ام نواف: ادري انك ما تعرفيني...
ام فواز: امري يا ام نواف...
ام نواف: والله يا ام فواز...انا ولدي نواف صديق عيالك..
ام فواز: هلا والله ومسهلا...
ام نواف: الله يحييك ويخليك...والله ان وليدي نواف يمدح فيكم وما يذكركم الا بالخير والزين..
ام فواز: تسلمين والله...
ام نواف: وانا يا ام فواز جايه اطلب القرب منكم والنسب..
ام فواز: والله هذي الساعه المباركه..ولنا الشرف والله..
ام نواف: والله انا مذكوره لي بنتكم نوف وادري انها صغيره على الزواج..
ام فواز: وانتي الصادقه يا ام نواف هي صغيره ..
ام نواف: عشان كذا ودي نتفق إنا وياكم على انها تكون خطبه بس لحد ما يكتب الله..والله اني ما قبلت ازوج ولدي وهو صغير ولا اخطب له..الا لاني خايفه انها تروح منا..
ام فواز: والله ما ادري وش اقول لك يا ام نواف..
ام نواف: انتي شوفي راي ابوها ورايها هي...وردي علي..
ام فواز: الله يكتب اللي فيه الخير لأثنينهم..
ام نواف: بس متى اخذ الرد سواء موافقه ولا لأ راح تبقى المعزه في القلب...
ام فواز: ان شالله خير...والرد عندك بعد اسبوع..
ام نواف: اجل ما اطول عليك...تامريني بشي..
ام فواز: سلامتك..مع السلامه...
كل الانظار كانت على ام فواز..
فواز: يمه مين كنتي تكلمين..
ام فواز ابتسمت: هذي وحده تخطب نوف...
نوف مصدومه: انااااااااااا؟؟؟
ام فواز: ايه انتي يا بعد قلبي اكيد يا عمري عجبتيهم..
طلال: طيب يمه نعرفهم.
ام فواز: والله هي تقول ان ولدها صديقكم..
فواز: ومن هو؟؟
ام فواز: قالت اسمه..نواف...
طلال فرح: نوااااف..فواز تذكرته..
فواز سمع اسمه كشر: وش يبي هذا؟؟
نوف بس سمعت الاسم وقف شعر جسمها وسكتت...
طلال: وش فيك عليه؟؟
فواز: ايوه يمه وش قالوا..؟
ام فواز: تقول بتخليها خطبه عشان نوف ما تروح منهم..
فواز: انا ماني موافق...
ابو فواز وقف: الراي الاول والاخير يرجع لنوف...
فواز: بس يبه....
ابو فواز: انا ابوها ما عندي مانع اذا كان الولد رجال وما ينعاب..وبعد رايي يجي راي نوف وبس..طلال وش رايك بالرجال..
طلال: والله هو رجال والنعم فيه وما ينعاب..
ابو فواز: بنسأل عنه اكثر مع اني شايف الولد بس نتأكد والله يكتب فيه الخير"وقرب من عند بنته وقال بحنيه"..وانتي يا نوف فكري على راحتك وقرري باللي انتي مقتنعه فيه وانا ابوك..
نوف ما بعد استوعبت اللي صار: ان شالله..
ام فواز دمعت عيونها: والله كبرتوا يا بناتي وصرتوا حريم ورحتوا وخليتوني...
نوف راحت لعند امها وضمتها: ما راح اخليك..
ام فواز: هاو يمه..البنت ما لها الا بيت زوجها ..وانتي الحين صرتي حرمه وما يعيبك شي..بعدين تراها خطبه بس...
نوف تطالع امها: وانتي وش رايك..
ام فواز: انا مع اللي تقوله بنتي حبيبتي...
فواز طلع معصب لغرفته ولحقته بدور...
بدور وهي تسكر الباب: وش فيك فواز...
فواز جلس على الكنبه:وشلون الحقير تجرى وخطب اختي...
بدور: ليه شايف عليه يا فواز شي ماهو زين..
فواز حط ايده على راسه: بدور خليني بروحي شوي..
بدور تدري انها ما راح يقول لها شي..:على راحتك..
وطلعت وخلته في حيرته..
فواز في نفسه"الحقير الوسخ..اكيد يبي يقهرني في اختي...بس هالزواج ماراح يتم لو على قص رقبتي..وانا لك يا نواف الوسخ.."

&&&&&&&&&&&&&&&&&&&&&&&&&&&&
طلعت نوف غرفتها وهي تفكر..اول شي هي مو مقتنعه بفكرة الزواج..ثاني شي مصدومه من خطبة نواف لها هي بالذات من كل البنات..ثالث شي واللي ذابح مخها من التفكير فيه..هو فواز ورفضه لنواف..
رمت نفسها على السرير ورمت مع جسدها دمعه نزلت من عيونها...
نوف: وينك يا فجر رحتي وخليتيني..الحين انا محتاجه لك تعالي يا اختي محتاجه لك..
رن موبايلها وطالعت الاسم وحصلته اختها اللي كانت تناديها وتستنجد فيها من شوي وكأنها سمعتها...
نوف حاولت تضبط صوتها: الووو
فجر: هلا والله وسهلا بزينة البنات..
نوف ببرود شوي:هلا فيك..
فجر سكتت ما تعودت اختها كذا...
نوف: الووو فجوره وينك..؟
فجر: الوو معاك يا قلبي...نوف فيك شي..
نوف بكت: فجر انا محتاجه لك..
فجر اخترعت: وش فيك يا نوف ..صاير معاك شي..
نوف: تقدرين تجين عندنا...
فجر: اكيد يا قلبي دقايق وانا عندك..
&&&&&&&&&&&&&&&&&&&&&&&&&&
فجر استأذنت من فيصل وراحت سيده لبيت اهلها عشان اختها ودلوعتها نوف...
دخلت فجر بيت اهلها مستعجله ومتخربطه ومتوتره..
حصلت امها جالسه وراحت لها بسرعه: يمه..
ام فواز لفت: مين فجر....هلا والله وغلا..
فجر سلمت على امها وجلست جنبها: وين نوف؟؟
ام فواز: في غرفتها..؟
فجر: وش فيها نوف؟؟
ام فواز: ما فيها شي...ليش؟؟
فجر: ما ادري متصله علي وتقولي تعالي بسرعه...
ام فواز ابتسمت: يمكن عشانها خايفه من الزواج....
فجر مصدومه: الزواااااااااج؟؟
ام فواز: ايه اليوم خطبوها ناس..
فجر صارت تردد كلام امها: اليوم خطبوها ناس؟؟
ام فواز: ايه..نواف صديق طلال.
فجر: اها..عرفته..وهي وش قالت..مو كأنها صغيره..
ام فواز: الله واكبر عاد تراها اصغر منك بسنه..
فجر: انا اقوى منها..يمه نوف احس انها صغيره وضعيفه وغير كذا حساسه ودلوعه..
ام فواز:بتتغير مع الوقت وبعدين هم قالوا خطبه بس والزواج مؤجل واحتمال كم سنه..
فجر: لهدرجه خايفين تروح منهم..
ام فواز: يحق لهم..نوف زينة البنات..وين راح يلاقون مثلها بعد قلبي والله...
فجر: اوكي يمه بروح اشوف وش عندها..
ام فواز: اقنعيها يمه..
فجر: ما راح اضغط عليها..بس بوضح لها..
وراحت لغرفة نوف ودخلت عندها...نوف شافت اختها وعلى طول راحت لحضنها...
فجر تضحك: طيب بشويش بطيح..
نوف تضربها: لا تروحين وتخليني...
فجر بعدتها وغمزت لها: وهذ وانتي بعد بتروحين.
نوف: امي قالت لك..
فجر: ايه توها قايله لي...
نوف: وش رايك انتي؟؟
فجر: الراي رايك هذا اول شي"وجلست على السرير وجلست معها نوف"..ثاني شي استخيري..ثالث شي تذكري انها خطبه والزواج الله اعلم متى راح يكون..يعني فكري في كل شي.
نوف: بس انا ما افكر بالزواج..
فجر: يعني انا كنت افكر بالزواج...اصلا تزوجت وانا ما بعد استوعبت..
نوف تضحك: صدق انك مخفه...
فجر: عن الطنازه...
نوف: طيب وش اللي خلى نواف يخطبني انا بالذات...
فجر تقرص خدها: اكيد يا قلبي اللي يشوفك بيدوخ عندك..وانتي اكيد دوختيه وهبلتي فيه لدرجه انه خايف انك تطرين منه...
نوف: طيب في شي ثاني...
فجر تكتفت: وش بعد!!
نوف: فواز..يوم عرف بالسالفه وخصوصا لما درى انه نواف اعترض..
فجر عقدت حواجبها: فواز اعترض على نواف ليش؟؟
نوف: وهذا اللي محيرني وانا بصراحه اذا فواز مو موافق انا ماراح اوافق..
فجر: ابوي وش قال..؟
نوف: قال الراي الاول والاخير لي...
فجر: تتوقعين في سبب مقنع يخلي فواز يرفض..
نوف: اتوقع عنده اسبابه...
فجر: بس لازم نعرفها...
نوف: وش رايك نسأله...
فجر: مصدقه يقول لك الا اذا كان شي ما ينسكت عنه..
نوف: اجل وش نسوي...
فجر: خبر اليوم بفلوس بكره بلاش....
نوف برضا: على قولتك....
فجر: احلى يا العروسه..وتصرين مثلي حرمه..
نوف: هههه والله ما تخيل شكلي حامل ولا شايله بزر...
فجر: تصدقين ما تخيلت شكلي حامل...
نوف: اقول وش تتوقعين ردة فعل البنات...
فجر: عبير بتنجلط...العنود في العنايه المركزه..ريم في الانعاش..طبعا كل هذا عشانهم ما عرفوا السالفه من قبل مثل يوم زواجي...
نوف: والله انهم نذلات..يوم اخطبك فيصل عارفين ولا قالوا شي...
فجر: ولا ويضحكون ويتطنزون علي بعد...
&&&&&&&&&&&&&&&&&&&&&&&&&&&

[center]في بيت ابو مشاري
ام مشاري: نوف انخطبت..
ريم واكبر علامة تعجب تأشر فوق راسها: نعم وش قلتي؟؟؟
ام مشاري: نوف انخطبت وامها توها متصله علي تقول لي...
ريم تبي تستوعب:نوف....انخطبت.......كيف؟
ام مشاري: ريم روحي استوعبي هناك الله يعافيك...
ريم وهي تمشي وتحاكي نفسها وصقعت في محمد اخو سليمان كان طالع من دورة المياه"الله يكرمكم"
ريم: نوف تنخطب كيف......آآآآآآآآآآآآآآآآه..وجع وجع كل هذا عمى..
محمد: اخ..يعني ما تشوفين قدامك... ولا تحاكي نفسها المجنونه..
ريم: محمد تراني محترمتك لان شخص عزيز علي تصير انت اخوه...
محمد: يا خال ابوي حك ظهري..وش له المشاوير..قول مها وخلاص...
ريم: مو شرط مها...
محمد: اجل مين امي...
ريم: حضرتك تستخف دمك...
محمد: لا استظرف...ههههههه..
ريم: وخر واللي يعافيك ترى اللي فيني مكفيني..
محمد يبي يعرف وش فيها: ليش وش فيك..
ريم انطلقت عليه: تخيل يا محمد نوف انخطبت وبدون ما ندري ولا نحس ولا من مين من نواف..صديق اخوك..تخيل كل هذا وانا اخر من يعلم...
محمد لما عرف السالفه: صدق بنات عقولهم صغيره..على بالي عندك سالفه....
ريم استوعبت انها تحاكي محمد: الله واكبر عاد يا ابو العقل...
محمد: روحي روحي بس..
ريم وصلت معها من اسلوب محمد: محمد عدل اسلوبك احسن لك..
محمد يبي يرفع ضغطها: انتي بنت ولا شي ثاني..؟
ريم انفجرت: شي ثاني هاه....هين اوريك...
وصارت تلحق محمد...ومحمد ينحاش منها ويهبل ويلعب فيها...لحد ما دخلوا مجلس مشعل..وكان فيه مشعل وفهد..
ريم: تعال هنا عشان اعلمك الادب...
مشعل وقف وراح لعندها ومسكها: خير خير ان شالله تلاحقين العيال...
ريم: خلني اربيه اللي ما يستحي على وجهه..
مشعل: اقول روحي هناك وحطي حرتك في الجدران مو في الولد...
ريم بتهديد: الحين تعبت يا محميدوه بس المره الثانيه اللي بياخذ حقي منك واحد ثاني عشان تعرف ان الله حق<<تقصد سليمان...
محمد يطلع لسانه: اعلى ما في خيلك اركبيه...
ريم صرخت: اوووووووووووه..هين اوريك والله ما اسكت لك وطلعت وهي معصبه ورجلها تخبط في الارض..وقابلت مشاري...
مشاري: ارحمي الارض اللي تمشين عليها..
ريم معصبه وماشيه: ما عليك مني..
مشاري: والله بنات اخر زمن...في زمن محد يحترم احد...
ريم طالعته ومشت وخلته وراحت عند رغد.. وفتحت الباب بقوه وصارت تتكلم بصوت عالي اشبه بالصراخ..رغد نقزت من مكانها من الخرعه..
ريم: شفتي وش صار نوف انخطبت من نواف ووصلت معاي..ويجي هذا البزر محمدوه ويكملها علي ويقول عني مجنونه..وخلصنا من هالاثنين يجي مشاريوه ويكملها بعد..ما ادري وش اوس بعمري اذبح نفسي وارتاح ولا اطب من الشباك وافتك ولا وش اسوي علميني وش اسووي...
رغد انسدحت من الضحك: هههههههههه صادرق محمد يوم قال عنك مجنونه..
ريم: رغد والله مالي خلقك...
رغد تضحك: وش اسوي فيك...الا صدق نوف انخطبت...
ريم مقهوره: ايه...
رغد: متى؟؟
ريم: اليوم..
رغد: طيب ليش منقهره...
ريم: لاني اخر من يعلم...
رغد كاتمه ضحكتها عشان ما تعصب: طيب هذاك عرفتي..
ريم: انا بروح اشوف عنيد احسن لي...
وراحت ريم ومسكت التليفون واتصلت على العنود...
ماجد: الوووو..
ريم وهي مالها خلق: وين العنود...
ماجد مستقصد: وعليكم السلام...الحمد له بخير وانتي؟؟
ريم: ماجد والله مالي خلقك وين العنود...
ماجد: لهدرجه الوضع متأزم عندك...
ريم: اكثر من كذا والله..وين العنود بس...
ماجد رحمها: طيب ثواني وهي عندك...
بعد ثواني...
وليد: الووو.
ريم: مين ماجد ولا وليد....
وليد: انتي مين؟؟
ريم: اكيد وجه النحس وليد وش تبي متليقف...
وليد: كنت احسبك القمر وطلعلي الشمس...
ريم: وليد ترى محد فاضي لك...
وليد: اصلا انا اللي ما ابيك...
جات العنود وخذت السماعه: الووو
ريم: هلا والله العنود..
العنود: وش عندك...يقول ماجد موصله معاك..
ريم: ما دريتي عن اخر خبر..
العنود: لا والله ما سمعت شي جديد...
ريم: نوف خطبها نواف...
العنود ما استوعبت: وش قلتي؟؟؟
ريم: نوف خطبها نواااااااااف..
العنود: لالا تمزحين...
ريم: والله من شوي متصله عمتي على امي تقول لها...
العنود انقهرت: واحنا اخر من يعلم...
ريم: شفتي عاد...
العنود: هذا شي ما ينسكت عنه...<<ما ادري وش بتسوي
ريم: وانتي الصادقه...
العنود: بس وش نسوي...
ريم: في ايش...
العهنود: في خطبة نوف...
ريم: ناكل شوية هوا ونسكت...
العنود: قهر والله قهر ما انبسطنا مثل خطبة فجير المراهقه...
ريم: حتى ما حسينا ان نواف يحب نوف ولا أي شي من هذا القبيل..
العنود: صادقه وبعدين نواف وصديقه ما جلسوا معنا كثير عشان يمديه يتعلق فيها...
ريم: وهذا اللي محيرني...بس سمعت شي...
العنود: وشو؟؟
ريم: ان فواز مو راضي عليه...
العنود: ليش؟؟
ريم: ما ادري حتى امه ما تعرف...
العنود وترفع وحاجبها: عاد مافي شي يخفا علينا...
ريم: ولا يهمك عارفينه عارفينه وقبل الكل طبعا...
العنود: وش رايك ما دامنا ما انبسطنا يوم انخطبت خلينا نروح نطفر عيشتها ونفلها...
ريم: يله معاك...
العنود: اوكيه الوعد هناك..باي....
&&&&&&&&&&&&&&&&&&&&&
محمد: والله اختك منتهيه...
مشعل: من زمان وهي منتهيه بس ما لقينا لها قطع غيار هههههه
فهد: هههههه والله لو تدري عنك فجرت فيك...
محمد: ما عليك منها...اقول مشعل من زمان عن لين...
مشعل : اسكت لا تجي الحين..تراها كذا تحس من الله...
والا فعلا بدخلة لين..
لين: هاااااااي...اشتقت لي شعول..
مشعل حط ايده على راسه: قايل لك قايل لك...
فهد: لو انك جايب طاري المليون احسن من هالطاري...
جات لين وجلست جنب مشعل: ما قلت لي اشتقت لي...
مشعل وهو يبعد عنها شوي: الا اشتقت لك..
لين تقرب جنبه: وش بعد...
محمد جاء وخرها وجلس بينهم: وبعد انك توخرين عن الولد شوي...
لين عصبت: وش عليك مني...
محمد بصوت عالي: ما عندنا بنات يرفعون اصواتهم على الرجاجيل..صدق بنات ما تستحي...
لين: مشعل شوفه...
مشعل سكت وحاط ايده على خده ..لان المشاكل اللي بينهم لا نهاية لها...
فهد: لين...خلاص اجلسي معانا وانتي ساكته ومؤدبه...
لين: شكل محد يفهمني الا انت..
فهد خاف تلزق فيه: ايه ايه بس من بعيد لبعيد...
لين خنقتها العبره: حتى انت...
مشعل: واللي يرحم والديك لا تبكين..
لين: انت ما تحبني..واااااااااااااااااع..
العيال حطوا ايديهم على اذانيهم من صراخها لانها مستحيل توقف لو يمر يوم كامل وهي تبكي عادي...
مشعل يصارخ عشان تسمعه: لين اسمعيني...اسكتي شوي..
لين: واااااااااع..
محمد حط ايده على فمها: اسكتي فقعتي اذني..وجع كأنها جرس انذار..
فهد: حلوه منك..
مشعل: اسمعيني شوي يا قلبي يا حبيبتي...
لين هدت شوي بس ما زالت تتعبر..
مشعل: انتي كبيره مو؟؟
لين هزت راسها بالايجاب..
مشعل: حلوو...الكبيره ما تبكي صح...عشان كذا اجلسي هناك وتفرجي علينا وشجعيني عشان افوز لعيونك انتي بس...
لين: اوكيه..
وراحت وجلست بالمكان اللي اشر عليه مشعل...
محمد: شااااااااطره البزر...
مشعل نغز محمد: تكفى اسكت عنها...
محمد: خلني اهبل فيها شوي...
فهد: فكنا واللي يرحم والديك...
&&&&&&&&&&&&&&&&&&&&&&&&&&&&&
عبير: نوف بتتزوج قبلي..
العنود: الشكوى لله عاد..
عبير: وهذا وانا اتميلح عند الحريم ما انخطبت..وهالدلوعه انخطبت..
العنود: عاد قولي ما شالله لا تصكينها بعين...
عبير: امزح امزح اصلا عادي تتزوج قبلي بس شلون ما سمعنا بالخبر او حسينا بشي...
العنود: وهذا اللي فاقع مرارتي..عشان كذا بروح افقع مرارة نويف...
عبير: اجل اليوم بنضحك عليها ضحك..
العنود: اجل يله...
عبير: يله..
واجتمعوا في بيت عمتهم ام فواز...وفي غرفة نوف بالضبط..
ريم: مبروك يا الشينه...
نوف: الله يبارك فيك يا الزينه...
رغد: مبروك يا قلبي...
نوف استوعبت: بس انا ما وفقت..
عبير: ولو مقدما...
العنود: نوف اجل بتتزوجين حركاااات هاه...
نوف استحت: قلت لكم ما بعد صار شي...
ريم: بتصرين مثل فجر هاه وحركات نص كم مثل اختك..
العنود: وحموله وحاله وعزايم وزواج ومسؤليه...
نوف خافت شوي: قلت لكم ما بعد قررت...
عبير: الله يعينك يا نويف تجهيز وحوسه...
رغد: حرام عليكم عقدتوها..
نوف: اصلا ما اسمع لكم وما تأثرون فيني...
العنود: تخيلي رجال غريب ما تعرفينه يجي يشوفك ويتملك عليك..
نوف خافت جد: لالا خلاص ماني موافقه..
دخلت فجر: وش تسون بأختي..
رغد: الحقي على اختك تعقدت من الزواج وطاحت في كبد امك..
فجر: عنيد رويم اعقلوا عنها مسكينه اصلا هي خلقه ما ودها توافق.
ريم: ليش؟؟؟
فجر: عشان فواز...
العنود: وليش فواز مو موافق..
فجر: علمي علمك..
&&&&&&&&&&&&&&&&&&&&&&&&&&&&&&&&&
فواز مسك موبايله ودق الرقم...
فواز: الووووو
.......: نعم..
فواز: انت نواف...
نواف: ايوه معاك نواف.....مين معاي

[/center]

الجزء التاسع والثلاثون
""الفصل الثاني""
فواز مسك موبايله ودق الر قم...
فواز: الووو
.....: نعم..
فواز: انت نواف..
نواف: ايوه معاك نواف....مين معاي..
فواز يتطنز: معاك فواز اخو خطيبتك...
نواف ارتبك: فواز هلا والله وغلا..
فواز: الله لا يهلي فيك يا اللي ما تسحتي على وجهك وتخطب بنات الناس...
نواف: فواز اسمعني بالاول...
فواز: اسمع لواحد حقير ونذل يخطب اختي عشان يقهرني بس..
نواف: فواز انت فاهم الموضوع غلط..
فواز: يله صححي لي اشوف....
نواف: ادري اني غلطان لما كنا بالشاليه وانا اسف وحقك علي..وهذا انا جاي اصلح غلطتي واخطب اختك..ومو بس عشانك عصبت علي او عشاني خايف منك لا..لاني بجد ابي القرب منكم وانا رجال شاريكم..
فواز وده يقتنع:مو علي هالحركات...
نواف: فواز لايعمي عيونك الغضب...وانا مافي نيتي أي شي عليكم ولو كنت العب صدقني ما كنت خطبت اختك او اهتميت بالموضوع من اساسه..
فواز: الخلاصه..
نواف: انا ابي لما اجي اخطب اختك تكون راضي علي ولا في قلبك أي شي علي...
فواز: طيب واذا اكتشفت انك تلعب بذيلك...
نواف: سو اللي تبي فيني حلال عليك...فواز صدقني انا ابي بس القرب وما ابي أي شي ثاني وهذا النسب يشرفني وارفع به راسي...
فواز: الايام تثبت ان شالله...
نواف: اكيد راح تثبت لك الايام عكس اللي في بالك...هاه صافي يا لبن..
فواز عشان خاطر اخته..ولمس الصدق في كلامه: قشطه يا عسل..
نوف: اخبارك يا لنسيب..
فواز: ترى ما بعد ردينا عليكم..
نواف: بنشب لكم لما توافقون..
فوازضحك وفي باله الحق الكذاب الي باب الدار:ههههههههههه

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
من بكره في مدرسة العيال...
نواف جاي للعيال: هلا بالشباب..
الكل: هلا فيك..
نواف: ابشركم خطبت...
تركي: بجد ومن هي اللي داعيه عليها امها هذي..
نواف: تركي احترم زوجتي ما ارضى عليها...
سليمان: نوافوه من هي..؟
نواف: اخت طلال وفواز...
تركي: تقصد نوف...
نواف: ايه..وبعدين عيب تجيب طاري حرمتي قدامي...
سليمان: لا يا الواثق اللي بتوافق عليك...وبعدين شلون تفكر تتزوج وانت ما اشتغلت...
نواف: انا بس بأخطب واول ما تخرج من الثانويه بأتوظف وظيفه مضمونه...
سعود: نواف مخطط على كل شي وجاهز..
تركي: وانت يا القوطي داري بالموضوع..
سعود: ايوه داري....
سليمان: هههه معترف انه قوطي..
تركي: خيركم من عرف قدر نفسه..
سليمان: وقدر نفسك قوطي بيبسي ههههههه حلوه..
سعود: تنطنزوا علي يا الشيون..
سليمان: احلى يا العريس...
تركي: مع اني متاكد اذا نوف بتشوف وجهك بتهج مع الباب...
سليمان: هذا اذا ما طبت من فوق الجدار من الخرعه...
نواف: انا بروح واترك لكم المكان..
تركي: هههههههه آآآه يا بطني واالله بطني...
سعود: خذني معك...
سليمان: وين بتروحون ههههه..
نواف: مكان ما اشوفكم فيه..
تركي: روح يا الدرج مع قوطي البيبسي اللي معاك ههههه.
سليمان: هههههههه خلاص تروك والله بطني...
تركي ياخذ نفس: آآآآآه يا قلبي والله تعبت وانا اضحك..
سليمان: يا حليله خطب واحنا ما حركنا ساكن..
تركي: انت اصبر شوي لما تهدى الاوضاع بعدين نخطب انا وياك في ليله وحده...
سليمان: شكل هالليله ليلة نحس...
تركي: ليش؟؟
سليمان: لانك معي هههههه.
تركي: يعني مسوي قلبت علي لا افرشك فيذا..
سليمان: لا خلاص باسكت...
تركي: ما بقى الا الاولاد يتمسخرون علي...
سليمان: ولد في عينك...
تركي: امش امش ترى علينا ريضيات وكبدي لايعه منه ومن ريحته...
سليمان: ليش وش ريحته..
تركي: يا اخي ريحة شرّابه الله يقرفه..(والشرّاب هو الجورب)
سليمان: هههههه الله يلوع كبدك يا شيخ..
تركي: والله ما عاد اشوف معادلات اشوف شرابات...
سليمان: ههههه امش خلنا نهبل فيه..
تركي: والله لفشله قدام الطلاب...
سليمان: يله عليك به...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
نوف كل يوم تستخير وتدعي ربها انه يقرب لها اللي فيه الخير ويبعد عنها اللي فيه شر واذى عنها..لحد ما قررت واخيرا في ذاتها بس باقي تبلغ الكل عن القرار اللي اتخذته...اول شي راحت لعند فواز...
وضربت باب غرفته..
فواز: مين؟؟
نوف من ورى الباب: فواز ممكن شوي..
فواز: اوكيه لحظه...
وراح فتح الباب وطلع لها: هلا فيه شي..
نوف: اممم ودي اتكلم معاك في موضوع...
فواز: اوكيه"وسكر الباب وراح معاها لغرفتها" قولي يا بعد قلبي وش عندك...
نوف: آآ...كنت ابي رايك في موضوع خطبتي لنواف..
فواز: نوف انا ما راح اخبي عليك..في البدايه كنت رافض لاني كنت اظن نواف راعي حركات اوكي...بس اكتشفت بعدين انه رجال والنعم فيه..وصدقيني ما راح تلاقين احسن منه..
نوف ابتسمت ورتاحت ان قرارها بيمشي: اوكي ومشكور وما تقصر..
فواز: من عيوني الثنتين كم عندي لانا من نوافه..وحده بس اطالع الله ثم اطالعها..
نوف: تسلم والله..
وطلع فواز وهي نزلت تبلغ امها بالقرار اللي قررته...
نوف جلست جنب امها: يمه..
ام فواز: سمي...
نوف: يمه انا قررت بخصوص نواف..
ام فواز: وش قرارك يا قلبي..
نوف: يمه انا موافقه وترى بس خطبه على الاقل سنه كامله...
ام فواز: الله يبشرك بالخير يا بنيتي ويفرحني فيك واخوانك واشوف عيالكم قولي امين...
نوف: امين...
ام فواز: الله يرضى عليك يا بنيتي والله اني مرتاحه لهم وقلبي مطمن من ناحيتهم..
نوف: يمه ترى اهم شي عندي رضاك...
ام فواز: انا راضيه باللي ترضينه يا قلبي....
نوف ابتسمت: الله يخليك لنا يمه ولا يحرمنا من حنانك وعطفك...
ام فواز: ولا يحرمني منكم...

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
رغد: عرفتي يا ريم ليش كان فواز رافض....
ريم ببرود: ايوه...
رغد: من قال لك..
ريم :مصادري الخاصه..
رغد: لالا بجد ريم وش عرفك...
ريم متردده: سليمان قالي...
رغد طيرت عيونها: سليمان؟؟؟؟؟؟
ريم خافت: يعني هو ما قالي قالي ارسل لي مسج...
رغد: وانتي تراسلينه...
ريم: ليه بايعه نفسي..بس ارسلت له عشان اعرف السالفه..
رغد: وش طلع..؟
ريم: لان قد صار لنواف موقف مع فواز بالمره يفشل ونواف طاح وجهه وفواز بغى يذبحه بس سكت له...عشان كذا نواف ما طول بدبي ورجع للرياض بسبة فواز ..عرفتي الحين...
رغد: اهاااا..طيب قلتي للعنود..
ريم: تدري قبلك..
رغد: وليش ما قلتي لي اول..
ريم: انا اول شي اقول للي يتماشون مع فطرتي وانتي غير فطرتي شوي عرفتي..
رغد: اوريك يا النذله..
ريم: سوي الللي تبين ما خفت منك..
رغد: هالبنت بتذبحني كل الناس عقلت الا هي تنهبل زياده..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
يوم الخطبه...
نوف كانت نفسيتها دمار شامل..طول الوقت ترتجف وحرارتها مرتفعه وجهها اصفر..ولا داومت .وغير الالام البطن اللي تحس فيها وطبعا هذا بفضل العنود اللي الليله اللي قبلها مسويه لها لليلة رعب بس تخوف فيها..
دخلت عليها ام فواز وشافتها منسدحه ومتغطيه بالبطانيه..راحت وفتحت البطانيه واخترعت من شكلها...
ام فواز: يمه نوف وش فيك...
نوف تتكلم وشفايفها ترتجف: يمه..خااااااايفه..
ام فواز ابتسمت تبي تهديها: يمه نوف شي طبيعي الخوف بس الشي اذا زاد عن حده انقلب ضده...هاه يمه وانتي وحده كبيره وفاهمه وماله ادعي كل هالخوف..ولا تنسين تراها بس خطبه يعني مو شي...
نوف راحت لحضن امها يهديها ويطمنها: يمه انا ما اقدر ابعد عنك..
ام فواز تمسح على راس نوف: حتى انا يا ماما..بس هذا نصيبك..واذا مو الحين بيجيك يوم وتروحين بيت زوجك يعني فيك فيك..وشوفي ما شالله فجر اختك وزوجها فيصل بسم الله عليهم كنهم طيور الكناري..وعسى زوجك مثله واحسن بعد..
نوف ارتاحت نسبيا ورجع لون وجهها ووردت خدودها: الله يديمك فوق راسي يا اغلى مافي الكون...
ام فواز ابتسمت من بين دموعها: الله يوفقكم كلكم..
&&&&&&&&&&&&&&&&&&&&&
جاء العصر واجتمعوا البنات عندها..رغد اختارت لنوف لبس..شجون قررت تحط لها الميك اب..وفجر تشجعها وترفع معنوياتها بالكلام...والثلاثي طايحين ضحك..
لبست نوف تنوره ميدي(نص الساق) سوداء حرير وفيها شريطه ستان من عند الخصر..وبلوزه بيضا كيوت..وحطت الميك اب ناعم مررره..وسوت لها تسريحه مررره نعومه تناسب نعومة شعرها نعومتها هي ..واخيرا لبست سندل اسود مره انيق...
العنود تصفر: الولد راح ملح...
ريم: شكله بيخليي الزواج بكره...
نوف تلف على نفسها: وش رايكم..
فجر: اكيد بيفتح فمه..
ريم: ليه بعض الناس فتحوا فمهم<<تقصد فيصل..
فجر: فديته صوصو..يوم شافني خق علي..
شجون: احم احم تراني هنا وابعلم اخوي عليك..
فجر: عليمه..حبيبي صوصو ما يزعل علي...
رغد: اقول اقري على نفسك ترى في ناس مشفح..
عبير: شكلك تقصدين نفسك صح...
العنود: اكيد تقصد نفسها ولا شافت نجوم العصر...
ريم: انا اللي اعرفه نجوم الظهر..
العنود: يا بنت الحلال كلها واحد...وبعدين نتاسب الحين احنا العصر..
عبير: عاد العنود وتحريف الامثال شي...

&&&&&&&&&&&&&&&&&&&&&&

دخلت ام فواز: هاه يمه خلصتي..
نوف وقفت وبدت نبضات قلبها تزيد: ايوه خلصت..وش رايك..
ام فواز ابتسمت: قمر يا قلبي قمر..يله انزلي عند الحريم..
نوف: مين جاي من اهله..
ام فواز: امه واخته الكبيره وخالته..
نوف: يله ..وانا وراك..
البنات يحمسونهها: وحده وحده وحده..نوف احلى وحده...
نوف ابتسمت لهم ونزلت ورى امها...دخلت عندهم وهي تحس ان الارض مو ثابته ما درت ان رجليها هي اللي مو ثابته...
ام نواف واخته ندى وخالته كلهم افتحوا افاميهم...
ام نواف تبلع ريقها: بسم الله عليك الرحمن الرحيم...تعالي يمه جنبي...
نوف راحت وجلست جنب امه...
ام نواف: والله بياخذ ولدي قمر..
خالته: ايوه بسم الله عليها قمر...
اخته تناظرها من فوق لتحت وباحتقار وما تكلمت..
نوف ابلعت ريقها: تسلمين خالتي...
وقعدت عندهم حوالي عشر دقايق بعدين استاذنت وطعت لعند البنات...
فجر: بشري..
نوف حاطه ايدها عبى قلبها: اووووه..يمه بغى يغمى علي...
رغد: وش صار..
نوف ابتسمت: فاتكم قعدت امه وخالته يمدحون فيني ساعه ويسمون علي طول الوقت..
ريم: والله ما ينلامون..
العنود: بس عاد لا يكبر راسك..تراك عاديه..
نوف: موتي حره بس..
عبير: واخته وش قالت...؟
نوف عقدت حواجبها: شكلي ما عجبت اخته طول الوقت تطالعني باحتقار وكأني عبده عندها...اصلا شكلها مغروره..
فجر: ما عليك منها اكيد غايره منك...
رغد: لا تهمك..تلاقينها قرويه شينه وعلى قولتهم سحيله ام الخلاقين...
الكل قعد يضحك..
العنود: تبين فزعه...ترانا حاضرين...
نوف: لاوالله تسلمون ما علي منها..بنات تتوقعون نواف بيقول ابي اشوفها....
فجر: اكيد يتزوج وحده بس لمحها..
&&&&&&&&&&&&&&&&&&&&&&&&&
مجلس الرجال..

طلال: ما تبي تشوف البنت؟
نواف مستحي: والله ودي اذا ما كان في مانع..
طلال: لافيه دواس ههه..
نواف: ههه لله يرجك يا لنسيب..
طلال: لا تصير واثق يمكن انا ما اوافق..
نواف: ليش خاطبك انت ولا اختك..
طلال: لا انا واختي شراكه هههه..
ابو فواز: بدال ما تقعد تضحك لي يا طلال روح قول لاختك ان الرجال يبي يشوفها..
طلال تفشل: ابشر يبه...زين كذا أكلنا تهزيئه من تحت راسك..
نواف: وانا قايل لك خفف دمك واقعد اضحك..
طلال: ترا اهون وما اخليك تاخذ اختي..
نواف: اقول روح قبل لا تجيك تهزيئه من الوالد<<الاخ مستعجل
طلال: وانت صادق...
&&&&&&&&&&&&&&&&&&&&&&&&&&&&&&
العنود: تكفون ابي اشوفها ام خشه مايله<<تقصد اخت نواف..
ريم: وش دراك ان فمها مايل..
العنود: ههههه كذا احس..
نوف: انزلي ومن الباب اللي ورى اطلعي ..وشوفيها من باب المطبخ..
العنود: وانتي صادقه..
ونزلت الدرج ودخلت المطبخ من الباب اللي ورى...وفتحت باب المطبخ الثاني""الداخلي"" اللي يطل على المكان اللي جالسين فيه لحريم...فتحت نصه وقعدت تطل...
دخل طلال من باب المطبخ الخارجي..وشاف وحده ما عليها حجاب..
طلال"من هذي...فجر لالا معقوله فجر سمنت بالسرعه هذي..ولا شكل فيصل يبلع فيها"
طلال: وش تسوين هنا..
العنود من الخرعه سكرت الباب على ايدها: آآآآآآآآآآآآآآآآآآآآآ
وفتحته مره ثانيه وطلعت ايدها وسكرته..ومسكت اصبعها اللي حمر وزرق على طول....
طلال: العنود!!!
العنود رفعت راسها:طلال!!
طلال ما يدري وش يسوي يتركها ويخليها ولا يسلم عليها ولا يقعد يطالعها..
العنود تناظره بشوق ولهفه وتحاول تتحكم في مشاعرها لا تجدد بشوفته..وكانت ضاغطه على اصبعها بقوه لحد ما حست ان الدم وقف وما عاد صار يمشي لاصبعها المورم...
ونزلت عيونها على اصابعها وقعدت تطالعهم عشان ما تطالع طلال...وطبعا متوهقه ما تقدر تطلع لان الحريم فيه ولا يمديها تروح الباب الخارجي طلال وافق عنده واللي موترها زياده انها بدون حجاب..
طلال لاحظ انها تطالع ايدها وقرب لها بالمره..
طلال بهدوء يذوب: يألمك.."ويطالع ايدها"
العنود رفعت عينها في عين طلال"لا ما ابي اتعلق فيك..انا ابي انساك..انساك":..لا .....يعني....
طلا ل مد ايده بيمسكها بس هون: روحي حطي عليها ثلج ولا مويه بارده...
العنود: طيب ان شالله...
طلال: يله روحي الحين...
العنود: اطلع اول..لاحظ اني بدون حجاب..
طلال تفشل ونزل عيونه: اوكي انا طالع""وراح""
العنود تنهدت من قلب: اوووووووووه...
طلال سمعها ولف عليها: لهدرجه ما انتي قاده تتحمليني دقايق...
العنود سكتت ما تدري وش تقول لها انربط لسانها..تقوله انا بدونك لحظه اضيع ..اتوه.. تقوله تراك من لما تركتني وانا ماني بعايشه لاني ميته..لانك هواي اللي اتنفسه..انت الحياة اللي اقدر اعيشها....وانت تركتني بدون حياة ولا امل..وفوق كل هذا جراح..ما ادري الزمن يقدر يداويها ولا بتبقى جراح مفتوحه..
طلال طلع وسكر الباب..وتسكرت الدنيا بوجه العنود كل شي ولا يزعل عليها طلال..معليش يتركون بعض بالطيب بس ما يفهمها غلط....
*****************************
ايه احبك...
من حكى لك انك في حياتي شخص عادي...
لا تصدق يا حياتي من حكى لك اني لو ساعه نسيتك في غيابي لا تصدق يا عذابي..
لو زعلنا من بعضنا وكنت قاسي بعتابي ومن عنادي قلت انك شخص عادي...قول لي كذاب وما تقوى بعادي...
********************************
جلست العنود بكل حيلها على الكرسي اللي قدامها ودمعتها على هدبها...وفجأه انفتح الباب..
طلال مبتسم: الى الحين جالسه.."وكتف ايدينه" وما سويتي اللي قاله لك طلول...
العنود ابتسمت غصب عنها: انقللللللللللللللللللللللللللللع يا تافه..
طلال يضحك: يا حلوك وانتي معصبه..العنود اسمعي نادي نوف..وتراني ادري انك تعزيني وانا بعد اعزك مثل رغد وريم..
العنود فرحت حتى لو ما قال لها اني ما زلت احبك وقال لها اعزك هذي لحالها تكفي: من عيوني...
طلال: تسلم عيونك.."وطلع"
بعد خمس دقايق طلعت العنود على اساس ان طلال امداه راح وجلس عند الرجال...ومرت من ورى الملحق بسرعه وطلع في وجهها طلال..
طلال: بوووووووووه..
العنود اخترعت وبغت تطيح على ورى بس مسك ايدها طلال...
العنود استحت لان اليوم طلال مستقعد لها..
طلال: وشوله هالربشه كلها...
العنود: خفت احد يطلع علي من الرجال...
طلال: وليش انا مو رجال...
العنود تضحك: ليه انت عاد نفسك واحد منهم"وسحبت ايدها منه"
طلال: هين اوريك يا عنيد...بهبل فيك واطلع ريحتك..
العنود: اصلا ريحتي من زمان طالعه...
طلال: ووووع الله يقرفك يا الوسخه..يله بس روحي نادي نوف...
العنود: اوكي..
وراحت لعند البنات..
العنود فتحت الباب بقوه: هااااااااااااي..
ريم: هاي تاخذك بشويش على الباب..
العنود: يله يا نويف رجلك يبيك تحت..
نوف خافت: وش يبي...
العنود: يبي حلاوه..يبي يشوفك يا الحولا..
نوف: بس انا...انا ما ابي...
فجر: على كيفك هو...يله يا قلبي انزلي ترى كلها خمس دقايق وتطلعين...
رغد: يله روحي..
عبير جات من وراها: واااااااااع..
نوف نقزت من مكانها: يمه...
ريم والعنود وريم: ههههههههههههههههههههههه..
نوف: والله سخيفات..
شجون: حرام عليك ترى اللي فيها مكفيها..
عبير: هذا في علم النفس يسمونه تخفيف الترويعه..
رغد: والله من الاسم بس...يله نوافه خلصينا...
العنود: انزلي احسن لك بالطيب لا ارميك عنده بالقوه...
نوف: خلاص بأنزل...
نزلت تحت ومعها فجر...والبنات راحوا نفس الشباك يوم فجر...
دخلت نوف وجنبها طلال وجلسها جنب نواف بس بينهم مسافه وجلس معاهم..
نوف منزله عيونها وشعرها نازل على وجهها..
نواف مطير عيونه"معقوله في بنات بالحلا هذا"<<ما قد شاف خير...
طلال: نوافه ارفعي راسك خلاص وصل الارض..
نوف لفت عليه وعطته نظره تسكته ورفعت راسها شوي..
نواف: احم احم كيفك نوف..
نوف الكلام بصعوبه يطلع: الحمدلله...بخير..
نواف: الحمدلله...طيب انتي بأي سنه...
طلال: يعني تسوي نفسك ما تعرف...
نواف: يا اخي وش عليك مني..بس اسكت انت...
طلال: طيب بسكت..
نوف: انا في......"شافت البنات يأشرون لها من فتحة الشباك وابتسمت لهم"
طلال يطالعها: انهبلتي يا نوف..ولا استخفيتي...
نوف تفشلت ووجها قلب احمر: عن اذنكم...
طلال: الولد ما بعد شافك...
نوف ما ردت عليه وطلعت بسرعه..
نواف: حرام عليك احرجت البنت...
طلال: ما ادري عنها تطالع الشباك وتضحك"وتذكر البنات"...لحظه لحظه..
قام وفتح الشباك شاف العنود وريم حاشرين روسهم في الشباك ولما شافوه ابتسموا..
طلال: وانتوا ما تتوبون..
العنود وريم: لا..
طلال هين اوريكم"ودف روسهم عل ورى لحد ما طاحوا على الارض"...احسن تستاهلون..
وسكر الشباك وهو يضحك على خبالهم..
&&&&&&&&&&&&&&&&&&&&&&&&&&&&
العنود: أي يا ظهري اوريك يا طلالوه النذل..
ريم: حسبي الله عليك من ولد...
عبير: هههههه فديته بس مزحه ثقيل...
رغد فاقعه ضحك هي وشجون عليهم...
رغد: احسن تستاهلون يا الملاقيف..
ريم: اسكتي انتي بس..
ووقفت وظهرها متكسر والعنود معها...ودخلوا لعند نوف..
نوف تضحك: حسبي الهع عليكم تفشلت..كله منكم..
العنود: ليشت تفشلتي...
نوف: كنت اكلم الرجال ويوم شفتكم ابتسمت لكم ونسيته..
عبير: بيقول اذا هذي حركاتها من يوم الخطبه اجل يوم الزواج وش بتسوين..
ريم: الله يستر بس...
نوف: والله كله منكم...
فجر: الا انتي اول مره تشوفينهم..
نوف: والله فرحت لما شفتهم..
ريم: بس اخوك النذل كسرنا..
فجر: تستاهلون هذا عن خطبتي وخطبة نوف...
العنود: تراك ازعجتينا بزواجك..
فجر: قاعده على قلبك..
وكملوا سهرتهم وبعدها رجعوا لبيوتهم..
&&&&&&&&&&&&&&&&&&&&&

مرت الايام سريعه مع الاسابيع..لحد ما صار شهر كامل على اخر احداث مهمه..وماكنا فيه أي شي جديد الا قرب وقت الاختبارات ودخلوهم اجواء ايام المراجعه...باقي على الاختبارات النهائيه والمصيريه اسبوعين بس...
والدنيا حايسه في كل بيت....خلونا نشوفهم..
&&&&&&&&&&&&&&&&&&&&&&
بيت ابو مشاري...
رغد ماسكه كتبها والدفاتر وحوليها والاوراق واسئلة الوزاره للأعوام اللي فاتت منثره حولها..وحالتها النفسيه رايحه فيها..يوم تبكي...يوم تضحك وما تسكت..وطول الوقت تاكل سنكرس والكراتين مصففه وحولها...
دخلت عليها ريم...
ريم: اقول رغد...ما شفتي شريط الدي في دي..ذاك الاكشن الي في النهايه البطل طلقوا عليه بالبازوكا وتفجر وتقطع ..هاه...
رغد تطالعها بنظرات استحقار: والله انك فاضيه وتحسبين الناس فاضيه مثلك..
دخلت ريم وجلست وخذت سنكرس وشافت القراطيس حقته مرميه وحولها: ابسألك سؤال اذا امكن..
رغد بقلة صبر: خير...
ريم: انتي داخله مسابقه بعنوان " اللي ياكل اكثر فرصته في اربح اكبر"
رغد: يا خف دمك يا شيخه.
ريم: تصدقين حسبتها منيره هههههههههه..
رغد عصبت: ريم اطلعي برا ترى محد فاضي لك...
ريم: طيب لا تعصبين..بس وين الشريط..
رغد: وانا ش دراني عنه..
ريم وقفت عند الباب: يا بثرك يا الدافوره..
رغد بتقوم عليها بس ريم لحقت عمرها وطلعت...
رغد وهي تفتح سنكرس جديد: ياربيه واحنا وش دخلنا في كتب ذولي وكم مجلد وكم كتاب في قريح ياخذه<<تذاكر مكتبه...
ريم حصلت الشريط وصلحت لها بوب كورن وقعدت تطالعه في غرفتها..
مشعل يذاكر ومقطع نفسه من المذاكره لان النجاحه مفاجأه له..واكيد شي من اللي يحبه...بس موبايله كل شوي يرن..لين تسأله عن اخباره او يشرح لها او تسولف معاه لان امها مانعتها من انها تزورهم..
مشاري خلص اختباراته قبل الكل..وتفرغ للشركه بس..
&&&&&&&&&&&&&&&&&&&&&&&&
بيت ابو ماجد..
عبير خلصت اختبارات من زمان وقاعده تحرّ العنود...
عبير منسدحه على الكنب وتطالع تلفزيون: عنيد يله قومي ذاكري...
العنود جالسه تلعب جيم بوي: اقول انقلعي ترى محد فاضي لك..
عبير: ترى بعلم امي..
العنود وقفت اللعبه: الحين انتي من مسلطك علي..
عبير: انا اختك الكبيره وادرى بمصلحتك..
العنود: مشكوره ما ابي منك شي..وخليك لاهيه في نفسك...
عبير: هين اوريك....يمه...يمه..
العنود حطت ايدها على فم عبير: اسكتي فضحتينا...
عبير توخر ايدها: ابعدي عني... والله اذا ما ذاكرتي لا اعلم امي عليك..
العنود: اوووف قمت الله ياخذك وافتك منك..
مرت ام ماجد: وراك تدعين يا العجزه...حرام تدعين على اختك..
العنود: اجل الله ياخذني وارتاح..
ام ماجد: هاو..وش فيك يا عنيد...
عبير بلعانه: يمه ما تبي تذاكر..
ام ماجد: روحي ذاكري ولك نجاحه مني تنبسطين عليها..
العنود فرحت: صدق وش هي؟؟
ام ماجد: خليها مفاجأه احسن..
العنود: لا يمه الحين عشان اتحمس للبرمشه اقصد المذاكره..
ام ماجد: ابشتري لك سياره..
العنود: كذااااااااااااااابه..
ام ماجد: اول شي انا ما اكذب وبعدين ترى كلها سياره ام ريموت...
العنود بأستهزاء: سياره ام ريموت هاه..
ام ماجد تنطنز على العنود: عشان تفحطين فيها...
عبير كاتمه ضحكتها...
العنود: والله لا ارسب الحين...
عبير فقع ضحك: هههههههههههههه العنود انجحي عشان نفحط انا وياك..هههههه
العنود: هين اوريك انتي بعد..
ام ماجد: ههههه روحي روحي ذاكري بس..
الا وليد نازل بعد هو خلص اختبارات..
وليد: وش فيكم تضحكون..
عبير: ما دريت امي بتشتري سياره للعنود...
وليد منصدم: سياره..
العنود مكتفه ايدينها وتناظرهم..
عبير: ههههههههههه سياره ام ريموت..
وليد فقع ضحك: ههههههههه والله تصلح لك يا عنيد...
العنود: ضحكت من سرك بلا ان شالله..
وطلعت لغرفتها وقعدت تبرشم...
&&&&&&&&&&&&&&&&&&&&&&&&&&&&&&&&&&&&&
بيت ابو فواز..
نوف تذاكر ساعه وتكلم نواف ثلاث ساعات وعلى هالحال ..
نوف: ايوه وبعدين..
نواف: ما تصدقين قد ايش انحرجت من اخوك فواز والله وجهي ما عاد ينشاف من الفشيله..
نوف:هههههه..
نواف : تضحكين هاه .. أصلا انتي السبب ..
نوف بدلع طبيعي : أناااا...
نواف : والله مادوخني الا انتي ..
نوف استحت : تسلم والله كلك ذوق ..
نواف : شكلك تبيني ارسب ..
نوف : ليش وانا وش دخلني ..
نواف : مشكلتي اني اشتاق لك كل ثانية .. وش اسوي بعمري ..
نوف : عاد اهم شيء النسبة .. اوكي قلبي ..
نواف : اجيب لك ابو النسبة ..
نوف : لا انا ماابي ابوها ابيك انت ..
نواف : الحين انا اذوب ..
نوف : يله نونو الحين ابي اسكر
نواف : اوكي ياقلبي باي ..
نوف : باي ..
دخل طلال عليها ...
طلال : وش تسوي نوافه ..
نوف مسكت الكتاب : اذاكر
طلال يسوي نفسه غبي : كأني سمعتك تضحكين من شوي ..
نوف بربكه واضحه : انا .. متى ؟؟
طلال : يمكن في المطالعة موضوع اللي عنوانه "طرائف احمد "
نوف مااستوعبت وش قال : ايه يمكن ....
طلال : يالنصابه المطالعة تقييم يله اعترفي ..
نوف : طلال ..
طلال: خلاص فهمت اطلع واسكر الباب..
وطلع وقعدت نوف تطالع الكاتب وبالها بعيد عند نواف<<مو وجه عرس..

&&&&&&&&&&&&&&&&&&&&&&
بيت ابو فيصل...
شجون جالسه مع فجر يذاكرون..
فجر: شكلي ببرشم ما فهمت شي..
شجون: لا يمه اخاف انكشف..
فجر: وش اسوي نص الكتاب ما فهمته...
شجون: اسألي صديقاتك..
فجر فجأه أمها بطنها: آآآآآآآآه.
شجون خافت وقامت لها: فجوره وش فيك؟؟
فجر ماسكه بطنها: آآآآآآ ما ادري....ما ادري...آآآآآآ بطني يعورني...
شجون: اوديك الطبيب..
فجر حطت ايدينها على فمها وراحت بسرعه لدورة المياه (الله يكرمكم) وصارت ترجع..
فجر:آآآآآ...يمه وش فيني..."وطلعت لشجون"...
شجون ابتسمت لها: مبروك..حامل..
فجر انصدمت من الفكره: أي حامل واللي يعافيك ما صار لي اربع شهور متزوجه...
شجون: عادي تصير...
فجر: لا تكفين لسه صغيره وما اسعديت نفسيا..
شجون مبسوطه: بس وناسه تكونين ام واصير انا عمه...الله من جد فله..
فجر ابتسمت عجبتها الفكره: تتوقعين وناسه...
شجون: ليه هو ملاهي عشان تقولين وناسه...
فجر: ههههه ما اصلح ام ابد..
شجون: شويه ما تصلحين...
دخل فيصل وسلم على شجون وباس فجر من خدها....
شجون: هيه توني صغيره لا تخربوني...
فيصل: هههه المهم وش اخبار الحلوين...
شجون: عندي لك خب..
ما حست الا بنغزه في جنبها لحد ما بغت تنفقع كليتها....
فجر: الخبر اني ما عرفت اذاكر...
فيصل وهو يطالع شجون تتألم وماسكه جنبها: اهاااا...شجون الحمدلله على السلامه..
شجون وماسكه جنبها: الله يسلمك..
فيصل: وش فيك...
شجون: ما ادري وش جأني فجأه حسيت ان كليتي بتروح في خبر كان"وتطالع فجر"
فجر: ما عليك منها تدلع"وتأشر لها يعني شغلك بعدين"
فيصل: ايوه فجوره وش اللي ما فهمتيه اشرحه لك..
وراحت فجر واخذت كتبها وقعدت جنب فيصل وصار يشرح لها...
شجون تطالعهم: اول مره اشوف زوج يشرح لزوجته...
فيصل: وش عليك ..
فجر حاقده عليها: ما عليك منها الملقوفه..
شجون: خلاص فجوره حصل خير...
فجر رجع لها ألم البطن: آآآآآه..معليش بروح لدورة المياه...
فيصل وهو مستغرب: تفضلي..."راحت فجر"...شجون وش فيها...
شجون ابتسمت بخبث: ما ادري عنها...كل شوي رايحه لدورة المياه..
فيصل ما فهم تلميحاتها: لا يكون جاها السكر...انا قايل لكم لا تاكلون شوكلاته بس ما تسمعون الكلام...
شجون تكلم نفسها: والله لو المح من هنا لبكره ما فهم..
فيصل: قلتي شي...؟
شجون: لا سلامتك..

&&&&&&&&&&&&&&&
بيت ابو تركي..
تركي ماخذ الصاله مكان له..وفارش الاوراق والكتب والدفاتر والاقلام..وكوب الكوفي منكب على الاوراق..ومنسدح على الكنبه بحيث انه راقد على بطنه ورافع رجلينه ويلعب فيهم...
دخلت عليه ام تركي...
ام تركي: تريك وش هالحوسه..وينك قاعد فيه ..في شقة عزابيه...
تركي لف على امه: يمه اذاكر..
ام تركي: واحد يذاكر ويجلس كذا..قم تعدل...
تركي: يمه ما اعرف الا كذا...
ام تركي: الله يهديك بس..انت واختك...
تركي: هنيف وش فيها بعد..
ام تركي: انهبلت وقعدت..
تركي: وش فيها عشان اتشمت عليها..
ام تركي: اختك استح على وجهك...ما ادري وش فيها ما غير تطلع في الملابس وتلبس وتفصخ..ودولابها ما بقى فيه شي ..فاضي..
تركي: هههه بروح اهبل فيها...
ام تركي تناديه: تريك اعقل عنها...
تركي دخل غرفة الهنوف بشويش شاف الهنوف لابسه وكاشخه وتذاكر ومشغله المسجله"اغنية نانسي عجرم ياي سحر عيونه"وترقص وتدور في الغرفه..
تركي: الحمدلله والشكر بس..."ودخل" هنيف وش تسوين...
الهنوف: يااااااي سحر عيونه نظراته اول ما تلاقينا عين بعين..
تركي يكمل معها: ياااااي شو مهضومه كلاماته....انهبلتي انتي ولا استخفيتي وش اللي انتي مسويته بنفسك...
الهنوف: عشان تنفتح نفسي للمذاكره...
تركي: عزيمه مو مذاكره...اقول بلا هبال.وبعدين في احد يذاكر ويغني...
الهنوف: عشان ما امل من البربره الفاضيه...
تركي: اجل قولي على النسبه السلام...
الهنوف: احس ان جاني تبلد ماعاد صرت اهتم..اصلا الله واكبر على الجامعات الحين..ادخل بفلوس وانتهينا...
تركي: ايه هين...ابطلع قبل لا استخف مثلك..
الهنوف: يكون احسن..
تركي دخل عناد:ولا اقول خلني اقعد اضحك عليك واوسع صدري..
الهنوف عصبت: تركي بسرعه برى..
تركي: ولا عليك لبس ما ادري وش يبي..موف.ازرق..واخضر..واصفر..تكفين باقي لون ما لبستيه..
الهنوف وصلت معها: تريك احسن لك اطلع قبل لا افجر فيك...
تركي: والله لو تروحين حفله تنكريه احسن لك..
الهنوف فسخت السندل اللي عليها:والله اذا ما طلعت ولا الكعب على راسك..
تركي: هههههه خلاص بطلع....يا القرويه.."وانحاش"
ولحقه سندل الهنوف بس ماجاه شي..
تركي من بعيد يصارخ: ما اشره عليك يا المجنونه...
الهنوف سكرت الباب...وغيرت اللبس ولبست لبس ثاني وغيرت الكتاب معه...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
في بيت ام سليمان..
مها خلصت اختبارات...سليمان ومحمد كل واحد في مكان يذاكر...
سليمان كل شوي داخل عليه عبدالله اخوه الصغير...يحوس عنده بعدين يطلع..وشوي يدخل مره ثانيه..
سليمان بهدوء: عبود اطلع..
عبدالله: لا ..ابي اقعد هنا..
سليمان من بين اسنانه: روح عند مها تعطيك حلاوه..
عبدالله: لا ابي اقعد عندك...
سليمان: اقول لك روح عند محمد...
عبدالله برضا: طيب...
وراح عند محمد...
محمد: عبيد روح عند سليمان..
عبدالله: ما ابي ما ابي..ابقعد هنا..
محمد: اقول لك روح عند سليمان...
عبدالله: اووووف طيب...
وراح عند سليمان..
سليمان: صبر جميل والهل المستعان..عبيد قلت لك روح عند محمد...
عبدالله خنقتها العبره: ما ابي.
سليمان: وش اللي ماتبي..قوم حبيبي قوم..
عبدالله بيبدى جرس الانذار عنده: ما بي..
سليمان صرخ: عبيد..
عبالله اونطلق عنده جرس الانذار: واااااااااااااااااااااااااااااااااااع
سليمان توهق فيه: خلاص خلاص عبود خلاص..
عبود: واااااااااااع..
دخل محمد: وش مسوي بأخوي اعترف يا اللي ما عندك حنيه<<لا يا الرقيق
سليمان: خذ اخوك وانقلع..
محمد: على كيفك تصيح الولد وتبلشه فيني...
سليمان: محمدوه..خذه وفكني...
محمد بيطلع: تحمل غلطتك...ولو سمحت عشان ما يزعجني خله عندك ..كل شوي جاي عندي ترى محد فاضي لك ولاخوك.."وطلع"
سليمان: والله البزارين طلع لهم لسان...
قام وشال عبدالله وحطه عند مها..
سليمان: خذي اخوك وفكيني من شره...
عبدالله مازال يصيح: واااااااع..
مها: وش سويت بأخوي...
سليمان: خذيه ترى وراي نسبه ومحد فاضي لكم..
مها:تعال يا بعد قلبي والله..
"وراح سليمان لرياضياته كتبه"

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
اليوم الثاني..
ريم العنود من العصر عند فجر وعبير ماجات معاهم نايمه ومالها خلق <<كالعاده..
فجر في المطبخ تصلح لهم قهوه..
شجون تهمس لهم: بنات قربوا...
العنود وريم ما صدقوا على الله: خير وش صاير..
شجون مبسوطه: شكل فجر حامل...
العنود وريم بصوت واحد: حااااااااااااااامل؟؟؟؟
شجون: قصروا اصواتكم وجع...انا قلت شكلها والله اعلم..
ريم والعنود: اهاااا..
دخلت فجر: حيا الله من جانا..
ريم: الله يحيك..."وغمزت للعنود"
العنود: فجر..كأن كرشتك تغيرت...
فجر اخترعت:كرشتي !! لالا عادي..
ريم: الا تصدقين كأنها كابره شوي...
فجر ابتسمت ترقع لهم: لا عادي يمكن سمنه...
العنود: طيب مو كأن وجهك اصفر..
ريم تأيدها: الا وجهك اصفر...
شجون ساكته وحاطه يدها على فمها عشان ما تضحك..
فجر: وش فيكم علي..عادي وجهي ما فيه شي...
العنود: اكيد!!
فجر : ليش احد قايل لكم شي<وتطالع شجون"
ريم: لالا محد قال لنا شي...ليه فيك شي <<قلبت عليها السالفه..
فجر:لا انا مافيني شي...
العنود: اجل خلاص ما فينا شي حنا بعد..
وبالليل انتشر الخبر بأن فجر حامل....
فيصل: فجر قومي نروح المستشفى...
فجر: مافيني شي عشان اروح..
فيصل: طيب نتأكد..
فجر: حسبي الله على بليسكم من بنات...فيصل قلت لك روحه ماني رايحه ارتاح..
فيصل بحنيه: ليش ماودك اصير ابو..
فجر لفت عليه ورق قلبها: الا ودي...بس انا ادري اني ماني حامل..
فيصل: وش دراك..؟
فجر: ما صار لي اربع شهور..وشلون احمل..
فيصل: عادي تصير..
فجر: احد قال لك اني قطوه..
فيصل: فجر يله عاد عشان نفرح..
فجر: وانا مابي...
فيصل قرب منها وحضنها من ورى: واذا قلت لك عشان خاطر صوصو...
فجر بتذوب وهو عارف هالشي: فيصل بليزا حس ماله داعي الروحه...
فيصل: الا لها داعي..يله البسي عبايتك ..اسنتاك تحت....
فجر: اوكي خلاص عشانك والله...
ولبست عبايتها ونزلت ومرت من عند شجون...
فجر: انتي هين بذبحك بس خليني ارجع...
شجون: وانا وش دخلني..بس ابي اصير عمه...
فجر: انعمت عيون ابليس ان شالله..بس خليني ارجع اوريك شغل الله...
فيصل: فجر يله..
فجر: يله...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
رغد: مسكينه والاختبارات..
ريم: لا تخافين عليها ..بسم اله عليها تدبر عمرها..
رغد: بس احس انها لسه صغيره..
ريم: وش عليك انتي هي تبي تصير ام هي قالت لي<<يقطع ابو الصورايخ
رغد: الله يسهل عليها..
ريم: امين..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
العنود: وهي فرحانه وطايره من الفرحه انها حامل<<هنا رشاشات مو صواريخ
عبير: صدق!! الله يتمم فرحتها..
العنود: بس مسكينه بتروح فيها في الاختبارات..
عبير: الله يسهل عليها...
العنود: ايه والله...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
نوف تتصل على فجر بالمستشفى: مبروك مبروك تحملين ولا تعلميني..
فجر تدعي جوات نفسها على ريم والعنود: أي حمل واي خرابيط..
نوف: وتغبين علي بعد...
فجر: هذا انا في المستشفى وما بعد حللت اصلا..
نوف: طيب ريم والعنود متصلين علي يبشروني ..كيف؟؟
فجر: الثنتين هذولي شغلهم عندي..
نوف: اجل بشريني اوكي...
فجر: اوكي...
حللت فجر وقالوا النتايج بعد ساعه...
ام فيصل تكلم فيصل: مبروك يا وليدي جعله الولد الصالح..
فيصل: يمه ما بعد صار شي...
ام فيصل: ان شالله خير...
فيصل: ان شالله..
وسكر من امه...
فيصل: فجر ممكن اسأل سؤال...
فجر: اسأل...
فيصل: ممكن اعرف مين اللي ناشر الخبر...
فجر: من غيرهم ملقف عندنا..رويم وعنيد..الله يوريني فيهم يوم كانهم فضحوني..
فيصل: ما شالله اسرع من العربيه...
فجر: الاخبار كلها عندهم..وهذا قليل الحين مو شي عندهم..
فيصل: اجل وراهم بلاوي...
فجر:فجر: الا البلاوي كلها عندهم...
طلعت نتيجة التحليل....

نهايه البات

يسلمووو

كملي والله حمااااااااااااااااااااااااااااااااااس

أووووف طوووولتي ماكملتي

ع العموووم انا قريتهااا في منتدى ثاني

ممم هـآي الروآيةة صديقـآتي بيحكولي اقريهـآ :)

تسلمـي رغودة ^^..

:لللللل:

» رواية بعنوان (احلى بنوتات ) لنجوم طيور الجنة وراما وسنا وكراميش
» مين احلى يا بنات يلا ادخلو وشوفو من احلى
» احلى صوت و احلى اخلاق واحلى جمال
» رواية كراميشو لاتفوتكم
» رواية عن ديمة بشار ورغد الوزان واهلهم